للشاميين القح فقط ..........

اذا ما كنت شامي ( قح ) لا تحاول تقرأ لأنه مارح تغضدر تفهم شي

أول ما جهجه الضو، اجا يوسف ليشطف البيت، منشان البق، سكّر باب صئاء، شلح الشحاطة منشان ما يجقجق، و جرجر الكراسي و شئفة الزريعة،

تكتك شلون بدو يشطف، بحبش شوي، دندل الزنبيل و شقل المي من الجب، سخنا عالنار لبقبقت و بربقت، و كتا بالحوش الجواني بالطاسة لانو ما عندن قسطل و صهريج و خرطوم،

و دعك الارض منيح من الزفر لانو دبقة، فك الكمر ليترحرح و شلح الشلحة، منشان ما تتشحور، و شلفا وراه، و فشّخ فوق المي، و دقّر شوي، و بعدين نط بجعزة، تفشكل بكومة دف،

و انطبش جواتا، طبشة آتولية، و انجرحت ايدو واوا حشّك ولبك، و بعق و جعّر آخ يا يامو، يا يابي، اجت امه وبإيدا الطواية و الشمشاية و قالتلو يي يي، ليش عبتحركش و تنكّش ، متل البوبو،

كنت امسوك الدربزون، شو معمصة عيونك و مفشفش، قعود عالبرطوشة، و تلقح عالزيق، و حاج تطرطق و تفرتّك، دحتّه دحة، و جابتلو شقفة شرطوطة و ربطتلو ياها، بعد ما خسلتا بالمي، و طرطشت تنورتا، و قالتلو قوم تغندر

geek

هههههههههههههههههههههههههههههههههههههههههههههه
لك شو هاد يازلمة من زمان ما سمعت هيك مصطلحات بس في كلمتين ما عرفت معناهون الطواية والشمشاية
شكرا الك عبد الرحمن

رغم أني شامية قح للوريد
في كم كلمة ما فهمتون
يا زلمة يمكن هالكلمات من عصر ستي وستك شو ذكرك فيون هلأ؟؟؟

ستي كتبتلي الموضوع ههههههه عم امزح بس في كم كلمة خليتها اترجملي ياهون

اهلين سكسسفول غيرل انا بحب اسمك

ههههههههههههههههههههههه

شو هاد انشالله بيكون بعدين مشي الحال طلعت نضيفة وسئى الزريعة

ههههههههههههه

تسلم ايدك عبد الرحمن

تسلملي هال الضحكة

عجبني كتير الموضوع .. يسلم ايديك عبد الرحمن
وانا رح نزللكن موضوع مصطلحات شامية
انشالله تعجبكن cheers

الله حيو الهدوء تبعك

ههههههههههههه
اي شو هاد ياعبد
على فكرة في بعض المصطلحات تيتة بتحكيون
ههههههههههه
لكن ستك كاتبتلك الموضوع
هههههههههههههه

مشكور عبد
flower

عنجد هية ترجمتلي شوي منون بدي أضمها للمنتدى

على فكرة عنجد اذا ما كنت شامي في كتير مصطلحات ما لح تعرفا
والك عندي عزيمة على قاقونة ولح حطلك ياها بطاجونة
و منستقبلك على القاطع و منجبلك ستي لحتى تاخد معها وتجيب
شلوني معك لا تقلي

شكرا الك عبد على الموضوع

تكرمي ريمة واهلا فيكي ولو

والله انا شامية بس في كلمات بدها قاموس
يا زلمة من وين بجيبو المصطلحات تبعن
مشكوور عبد

الموضوع مضحك كثيرا ونرجوامواضيع مضحكة ايضا :o Wink

:lol:

أهم شي تعليق ليلى الغد