ميثولوجيا سوريا....حلوة

يا شباب وصبايا جبتلكون موضوع بيصير معنا كل يوم واتعودنا لحنا انو نحكي هيك :

اذا انكسرت كاسة بيقولوا: انكسر الشر
(تقولوا الشر مخلوق من الزجاج)


* اذا مر حدا فوق الطفل ما بقا يطول



* قص الاظافر بالليل مو منيح
(لا تسألو ليش ما بعرف ولا حدا بيعرف بس مو منيح و خلص )


* رش المي فراق


* للي بيفوت على بيت جديد بيفوت معه
عرق اخضر و مقص و مصحف و يدخل بالرجل اليمين
(واللي بيعمل غير هيك يا ويلو )

* اذا اجت الكندرة فوق الكندرة يعني رايحين مشوار
(واذا اجت تحتها يعني راجعين من المشوار ؟؟!!)


* اذا زحف الولد او زقزقت العصافير معناها جاينا ضيوف


*اذا طنت ادنك اليمين حدا عم يحكي عنا بالمنيح
و اذا طنت اليسار معناها حدا عم يجيب سيرتنا بالعاطل
(واذا طنوا مع بعض معناتها طرشت عليك العوض )


* اذا كان في خناقة بيقولوا اقلبوا الصرامي لتحمى الخناقة



* اذا رفت عيني اليمين بيكون جاينا خبر طريف
واذا رفت عيني الشمال بيكون جاينا خبر مو منيح
(اما اذا رفوا سوى فأنت اكيد احول )


* اذا حكني حاجبي معناها بدنا نستقبل حدا جاي من السفر


*إذا حكني كفي اليمين معناها بدي أقبض مصاري
و إذا حكني كفي اليسار معناها بدي أدفع مصاري
(اما اذا حكك شي تاني بقى فأنت اكيد جربان روح تحمم )


* و ما بصير الحمام بالليل
(طبعا شي بديهي لأن اكيد المي بتكون مقطوعة )



*و ما بينفع كب المي بالبلوعة بالليل
من غير التسمية بالله
والاستعاذة أولا
(يالطيف مشان ما يأذونا ولا نأذيهن)
بس عرفتوا مين هدول؟؟؟؟؟؟؟؟؟؟؟؟؟؟........... ولا انا !!!!



*واذا شفت مقص مفتوح لازم فورا تسكرو
( لانو المقص الفاتح تمو بيعمل خناق )


*وإذا عمل العصفور تحتو على الأواعي يعني جاييكون رزقة
(وما لازم تغسل ملابسك شي سنة وانت عم تستنى الرزق)


*و دلق القهوة رزقة كمان .......... جخو


*و شرب المي بعد القهوة قلة زوء
(حتى لو اتشردقت موت ولا تشرب مي )


*و اذا الولد الصغير كتير ابن الشهور عم يضحك لحالو
بيقولو الملايكة بتكون عم تحاكيه يعني يمكن خبرتو شي نكتة



* وإذا الطفل قعد بالصينية وهي عالأرض بيرتعبوا لأنه
هاد الولد رح يضيع
(ويمكن يتشرد هاد اذا ما طلع حرامي كمان )


* و كمان إذا حدا صبلك شاي او قهوة وملى الفنجان كتير
بكون قلبوه مليان منك واذا صبها ناقصة هدا دليل
على انو هالشخص ناقص ......... بقا لاقيلا حل اذا بتلاقيلا


*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة او اقرأ سورة الزلزلة
(بس اكيد في عالم اذا بتقرأ القرأن كله بيضلوا لزقة فلا تحاول)


*واذا خايف من عين اتصيبك جيب ورقة واكتب عليها
اسم الشخص الي خايف من عينو وغزها بالدبوس
وانت عم تقراء المعوذات وتقول من عين افلان و تنفخ...
وفي حل تاني انك تروح تشيل عيونه وبلا وجعة هالراس


*والي بيعدّ النجوم بيطلعلو تالولات بايدو
(بس اذا حسن يعدهم ما بيطلع شي )


*وبعد ما نخلص صلاة نطوي السجادة مشان
الشيطان ما يصلي عليها
(على أساس هو بيصلي يعني!!!)

حلووووووووووووووو واللهههههههه
تقبل مروري احمدتو ........................

ع راسي روند وشكرا لمرورك نورتني والله

يا اخي عادات شو بدك تعمل وذكرتني بأسئلة بيقولوها بغباء شديد متل





متسطح بتختك ونايم ومطفي الضو ومتغطي بالحرام .. بيجي واحد من أهلك بيفتح الباب ويقول : شو نايم ؟؟
لأ !! عم ارقص.. بس الوضع بيوحي إني نايم !!!

.................................................. ........

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة: هه إجيتوا ؟؟؟ لا والله لساتنا عالطريق، في عجئة بشارع بغداد !!!

.................................................. .......

حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى وجهه علائم الإستغراب والدهشة: بدك تحكي بالتلفون؟ لأ شو إحكي !!! بس كنت عم جرب صوت طنة الأرقام !!!

.................................................. .............

حاطت راسك ونازل بهالكتب والدراسة، بيجي أبوك أو أمك...: عم تدرس؟ لا والله ...!! عم غير زيت للسيارة !!!

.................................................. .......

مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب ؟لا والله بالعادة بفكر العب شدة وماروح لعندهم !!!

.................................................. .......

بتطلع بميكرو وبتمد ايدك على جيبك وبتطلع (عشرة على التسعيرة الجديدة) وبتعطيها للي ئدامك، بتقلو بعد اذنك وصلها .. وبكل برودة بيئلك: واحد ؟ لأ 60 واحد ؟ ورجعلي الباقي !!!

.................................................. ...............

أشّر بأصبعته الكريمة لتكسي، وفعلاً وقفلو العينتين، بيسأله: فاضي؟
لأ ... عندي 10 طلبيات، بس وقفت حيونة !!!

.................................................. ...............

بدك تنزل من الميكرو: عاليمين زكاتك.... بتتلقى الرد: نازل ؟؟ لا والله بس عم جرب صوتي !!!

.................................................. ...........

لابس أحلى تياب عندك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك: شو رايحلك شي مشوار !!؟؟
لا والله طالع عالأسطوح صلّح صحن الديجتال




مشكووووووووووووووووووور احمدتووو

هههههههههههههههه
هي أحنا وهي طبيعتنا


مشكور
مشكورمشكور
مشكورمشكورمشكور
مشكورمشكورمشكورمشكور
مشكورمشكورمشكورمشكورمشكور
مشكورمشكورمشكورمشكورمشكورمشكور
مشكورمشكورمشكورمشكورمشكور
مشكورمشكورمشكورمشكور
مشكورمشكورمشكور
مشكورمشكور
مشكور