أبو الوليد على كرسي الاعتراف

تذكير بمساهمة فاتح الموضوع :

مرحبا شباب وصبايا
اليوم الكم عندي مفاجأه حلوة الا وهي انو لح نستضيف ابو الوليد عنا
احم احم
santa

طبعا غسان بتوقع الكل بيعرفو وهو من الاعضاء يلي استطاعو خلال فترة قصيرة انو يعملو شغل كتير حلو بالمنتدى
وكلنا بيعرف انو قسم المحاسبة ازدهر وعرف النور بس صار مشرف عليه
Basketball

واليوم جبنا ابو الوليد نحتفظ فيه لبعض الايام نتعرف عليه اكتر من خلال مشاركاتكم واسالتكم
ومتل ما لاحظت باستضافة الكابتن في عنا اعضاء خسارة كبيرة انو ما درسو صحافة
santa

طبعا بوجه شكر لكل الاعضاء يلي تعاونو معنا بالاستضافة السابقة لانو هالشي هو الاساس بنجاح مواضيع كرسي الاعتراف
ومتفائل خير انو باستضافة ابو الوليد لح نشوف مشاركه كبيرة من كل الاعضاء

وهلق بلا طول سيرة
جبنا هالكرسي تفصيل لاحلا ابو الوليد
وطبعا لا تنسا تحاسبنا بحقو
santa

أبو الوليد على كرسي الاعتراف - صفحة 2 1193maas1

ولاني بعرف غسان بحب المته
جبنالو كاسة متة حتى يجاوب على الاسالة وهو مركز
واما عن كاسة المتة فهي ضيافة من عندي بس حق الكرسي بدك تدفعو ما في مجال

أبو الوليد على كرسي الاعتراف - صفحة 2 Download.php?imgf=emargy12739546501

أبو الوليد على كرسي الاعتراف - صفحة 2 Download.php?imgf=emargy12739546501

ويلاااااااا شباب بدنا همتكم
لا تقصرو باخوكم ابو الوليد
يعني بدنا نشر غسيل
study

أوك حبيبي غسان
أول شي أنا إنتبهت إنك عم تجاوب بشكل عام
و ما عم تحدد بشكل محدداً

و هلق جايبلك كوشة جديدة من الأسئلة وهي الفئة التانية
وفي بس فئة أخيرة للمرة الجاي

1 . إنت شخص فضولي كتير
يا ترى هي الميزة بتعتبرها سلبية شي
و إذا إي ... قلي موقف واحد صار معك " مو حلو " من الفضول اللي عندك

2. بدي تحكليلي عن وضع التعليم
بشكل عام مرحلة مرحلة
" بجملة وحدة " أو أكتر إذا بدك "
و إنت راضي شي عن وضع معهدنا

3. هاد السؤال قديم
بس لازم تجاوب بوضوح لأنو خطير
شو بتتوقع لازمو منتدانا ليصير أحلى و أمتع و أكتر شعبية

4. وين أهمية الوقت بحياتك
يعني وين بتحطو من لائحة الأمور المهمة برأيك

5 . شو متوقع تكون القنبلة اللي رح فجرها " عن قريب "

و أكيد في مرة أخيرة للأسئلة
و بتمنى تحكي بشكل خاص و واضح
و بلا تهرب من ولا سؤال
تحياتي إلا شريك

1 . إنت شخص فضولي كتير
يا ترى هي الميزة بتعتبرها سلبية شي
و إذا إي ... قلي موقف واحد صار معك " مو حلو " من الفضول اللي عندك

ما تعريف الفضولية : هي حب الإنسان لمعرفة كل ما يدور حوله والغوص في بحار الآخرين والتغلغل بخصوصياتهم
والفضول هو الدافع وراء أهم الإكتشافات والإختراعات
أي لولا الفضول لما تكمنا من نيل العلوم والتكنولوجيا
الإنسان مهما كان هو كائن فضولي لكن الفضولية لها عدة أنواع
الفضولية الإجابية :حب معرفة الإنسان ما يدور من حوله من أخبار ومشاكل تخصه وحده أو أشخاص مقربين جدا
الفضولية السلبية: حب معرفة مشاكل الآخرين والدخول وحشر الأنف في مشاكلهم الخاصة والتغلغل في أعماق غيره من الناس
الفضولية المدمرة: حب التعرف على أسرار فاضحة و خطيرة تتعلق بأناس عاديين أو أعتباريين أو حتى بمؤسسات أو شركات أو حتى دول
الفضولية المثمرة : هي الإقبال على الإكتشاف والإستمرار بالبحث بالعلوم والتكنولوجيا والتوصل لنتائج مثمرة
ونظريات وأبحاث مهمة وبنائة

أن من النوع الفضولي الإجابي وإذا الشخص ما بيعنيلي كتير ما بسألو أبدا عن مشاكلو أو مشاريعو
وبحس وبحاول كون فضولي مثمر وياريت أقدر كون هيك

2. بدي تحكليلي عن وضع التعليم
بشكل عام مرحلة مرحلة
" بجملة وحدة " أو أكتر إذا بدك "
و إنت راضي شي عن وضع معهدنا
إن التعليم في بلدنا الحبيب سوريا مر في عصر النهضة التربوية وذلك في عدة نواحي منها
المرحلة ما قبل الجامعية :
1. التعليم إلزامي ومجاني للمرحلة الأساسية الصف التاسع
2. إزالة مادة التدريب العسكري في المرحلة الإعدادية والثانوية
3. عدة قرارات تصب في مصلحة الطالب كمنع الضرب ضمن المدارس
4. الدراسة في المرحلة الثانوية شبه مجانية
5. تطوير مناهج التعليم في أغلب المراحل مما يساعد على تطوير عقول الأجيال و متابعة التطورات العلمية العالمية
6. تعتبر سوريا من الدول التي نسبة الأمية فيها قليلة جدا حيث تقدر تلك النسبة بأقل من 0.5% من عدد السكان
7. التركيز على اللفات الأجنبية التي هي عصب المجتمع في وقتنا الحالي
8. تطوير مهارات الكوادر التدريسية والتربوية
9. ..............................................
أما السلبيات فهي موجودة طبعا لكنها نسبيا قليلة لا داعي لذكرها
لأنها تافهة وملقات على بعض ضعاف النفوس من الأساتذة والطلاب

المرحلة الجامعية :
1. الجامعات السورية جامعات عالمية من ناحية جودة التعليم والشهادات المعطاه
2. إن جامعة دمشق لوحدها أستقبلت هذا العام أكثر من 70 ألف طالب من عام موازي ومفتوح
وتضم الجامعة على أكثر من 180 ألف طالب كمجمل
3. وشعبنا كلو بدو طب وهندسة خخخخخخ
واحد جايب 150 علمي مثلا
شو بدك عمو الطالب بدي طب بشري وبالشام
خخخخخخخخخخخخخ
يعني تخيلو معي هيك مثلا يصير الطب 150
ولي منصير كلنا دكاترا خخخخخخخخخخخخخخخ
من هيك أنا بأيد المفاضلة العامة
لأنو واسطة الطالب علامتو وبس
وما بدي أحكي أكتر من هيك
4. الجامعات عنا ما عم تستوعب هالعدد الهائل من الطلاب
لأن بلدنا والحمد لله العلم فيها عم يتطور
بسنة 1980 كان عدد طلاب الجامعات السورية 40 ألف طالب
أما بسنة 2008 وصل العدد لل مليون طالب
فا تخيلو قديش التعليم تطور وإزدهر بفترة قصيرة نسبيا
لعدد الطلاب
5. المعهد عنا ممتاز بس متل ما قلت بالأول
معهدنا بيسع بمعدل 1000 طالب ككل
أما العدد الفعلي الموجود تقريبا 5600 طالب
أكيد هاد بأثر عنوعية التعليم بس الدولة مشكورة
أنو مأمنة التعليم لكتير طلاب والتعليم شبه مجاني
وكتير أجر رمزي
ولازم الطالب يتعب على حالو شوي أكتر
وأنا بتمنى يراعو وضع الطلاب وينزلو كتب ونوط لكل المواد
مشان يكون ألنا مرجع
أكتر شي مدايقني بالمعهد هو قلة النظافة يعني العدد الطلابي كبير
ومافي غير مستخدمين للمبنى ككل
يعني شو بيفلاق معهد الحاسوب عنا
يكمن طلابو غير ما

3. هاد السؤال قديم
بس لازم تجاوب بوضوح لأنو خطير
شو بتتوقع لازمو منتدانا ليصير أحلى و أمتع و أكتر شعبية
لازمو تعاون أكبر وتركيز عالأقسام العلمية وخاصة قسم المعهد
لأنو لازم يصير المنتدى مرجع كل طالب
بالمعهد

4. وين أهمية الوقت بحياتك
يعني وين بتحطو من لائحة الأمور المهمة برأيك
الوقت كالسيف أن لم تقطعه قطعك
الوقت يمكن بالسنة هي ألو أثر كتير علي
وحاسس أنو غدرني الوقت بكم قضية
من هيك بقول لاتستهين بالوقت أبدا
يمكن مرة بالعمرة تدور عالدقيقة ما تلاقيها
وخاصة إذا كنت محاسب
الوقت مهم كتير ألك
خخخخخخخخخخخخخخخ
وهلق عم حاول ظبت وقتي ونظم جدول أعمالي
وأستغل الوقت متل الأجانب
خخخخخخخخخخخخخخخخخخخ
الوقت الركن الأساسي للنجاح

5 . شو متوقع تكون القنبلة اللي رح فجرها " عن قريب "
مابعرف خليها سر بيناتنا خخخخخخخخخخخخخخخخخخخخخخخخخ
مع أنو ما كتير فهمت عليك بس أوك
سر خطير مارح قولو

طيب حابة اسالك بحسك من الناس يلي من السهل استفزازون

وهل انت صبور ولاي درجة ممكن يوصل صبرك؟

وعلى فكرة انا فهمت شو قاصد وسيم من سؤالو الوحيد
انو هو اعجب بطريقة ردك على الاسئلة وحب يعرف اذا حدا مساعدك
وبقلك انا طريقة اجوبتك رائعة وبتنم عن وجود ثقافة كبيرة

طيب حابة اسالك بحسك من الناس يلي من السهل استفزازون

وهل انت صبور ولاي درجة ممكن يوصل صبرك؟
أي أنا إنسان عصبي بطبعي بس قلبي طيب
بس مو غشيم ههههههههههههههههه
هلق من زمان كانت كتير تحصل معي هيك قصص
بس التجربة خلتني عد للعشرة قبل ما أستفز
وخاصة إذا كانت المشكلة عابرة
يعني بطنش أغلب الأحيان
بس أنا بتدايق من الناس يلي بكونو غالين عقلبي
لما يغلطو معي وكون مو عامل معهون شي
بس مو لدرجة كبير عم حاول أضبط نفسي
وطبق مثل << القافلة تسير ...............................>>
حذف للرقابة هههههههههههههههههه
حاشا القراء طبعا
يعني طنش تعش

هلق أنا عم حاول كون صبور
لأن الصبر مفتاح الفرج
بس أكيد مو متل صبر أيوب ههههههههههههه
نسبة الصبر عندي حاليا 40%
وعم حاول زيد النسبة لل70%

وعلى فكرة انا فهمت شو قاصد وسيم من سؤالو الوحيد
انو هو اعجب بطريقة ردك على الاسئلة وحب يعرف اذا حدا مساعدك.............

هلق ما خلاف أنا بحب الفلسفة والحكي بالفصحة
وبحب وثق كلامي بشواهد إن وجدت
يمكن تستغربو شوي كلامي وتقولو هاد مو معقول كاتبو من عندو
بس بحب قول شغلة للكل
هذا كله من فضل ربي
والقراءة هي مفتاح الحل والحكي بحكمة

وبقلك انا طريقة اجوبتك رائعة وبتنم عن وجود ثقافة كبيرة
تسلمي كلك ذوق
هاد من فضل ربي
صحيح أسئلتك كانت شخصية زيادة بس ما بعرف أنا هيك طريقة مناقشتي
للأمور والأشياء
وأنا بحب أحكي بشل عام بس أكيد بوجة نظر خاصة
مشكورة نورتي الموضوع

شكرا الك على اجوبتك الصريحة والحلوة
وانشالله ما كون ازعجتك باسئلتي
لاني كتارتة غلبة مو بايدي

مشورة ست ريما
نورتي الموضوع
وأي سؤال أنا جاهز تكرم عينك

شكرا لريما على توصيل المعلومة للاخ ابو الوليد وطبعا مو من طبعي استفز حدا

واذا انت حسيت اني استفزيتك فأنا اسف سيد ابو الوليد

شكرا الك مرة تانية على ذوقك بالرد

ابو الوليد بدي اسألك عن الشي يلي مو عاملو بحياتك وبتحب كتير انك تعملوا ولو انو ضحي عن اشياء تانية كرمالوو ؟؟
سؤال سئيل مو هيك غسانو هههههههههه

بدي اساله هو بحس بغيره وبحب سندريلا كصديقة

乂BLEEDING乂 وسيم الحبيب
يمكن كانت كلمتك تقيله شوي وخاصة بآخر الرد <<لاتنسى أنت على كرسي الاعتراف>>
يعني هي يلي ضايقتني شوي

وحبيب أنا ناطر أسئلتك العلمية والتطبيقية والشريرة نيهاهاهاهاهاهاهاهاهاهاه
حبيب قلبي وسيم

Brave Heart
ابو الوليد بدي اسألك عن الشي يلي مو عاملو بحياتك وبتحب كتير انك تعملوا ولو انو ضحي عن اشياء تانية كرمالوو ؟؟
الحمد لله أنا قنوع بيلي كاتبو رب العالمين
وأكيد مهما قام الإنسان بأعمال ومشاريع بيضل عندو أمل وطموح للقيام بمزيد من الأعمال
والله يا حبيب الشي يلي لهلق ما قمت فيه هو رسالة الدكتورا بعلم الإقتصاد
يلي كتير بحب أني قدمها وأصبح عالم إقتصادي مبدع
بس أكيد إذا الدافع والطموح موجود لا يصعب شيء على الإنسان
التضحية شيء كبير يقوم به أي إنسان
كتضحية الأب لتقديم كل الدعم لأبنائه ورسم مستقبلهم
وتضحية الإنسان بكثير من متع الحياة لنيل مطالبه وخاصة طلاب الدراسات العليا
جعلنا الله من صفوفهم
ونهاية القول : ( وقل ربي زدني علما )
من طلب العلا سهر الليالي

سؤال سئيل مو هيك غسانو هههههههههه
لا حبيبي سؤال كتير جميل متلك يا صديقي
الحبيب بلال
ويارب نصير أنا وياك سوا ونحقق أحلامنا
ويمكن يستغرب القراء هاد الحلم أو العمل وبقول خخخ
كلام وبس
يمكن يكون الواقع أصعب من قدرات الإنسان
لكن العزيمة والإصرار يقاوم أكبر وأصعب المحن التي تواجه الإنسان

سندريلا الحب
بدي اساله هو بحس بغيره وبحب سندريلا كصديقة
الإنسان الذي لايشعر بغيره هو عبارة عن جماد أي لا وجود لروح الإنسانية في نفسه
وأي شخص مهما بلغ من قسوة قلب لا بد أن يشعر بغيره في يوم من الأيام
وأنا ما لازم قول عن حالي أني أنسان طيب القلب وحباب
هيك كل يلي بيعرفوني بقولولي ويمكن أنتي منهون
وأنا يمكن أكتر شخص مساير للجميع
يعني دبلوماسي لكن بحدود معينة
وما بحب أي شخص ينزعج مني مها بلغ قدر الزعل
وخاصة إذا كان الشخص غالي و صديق أو رفيق
أو حتى شخص عادي لا أعرفه جيدا
وهذا السؤال الذي طرح علي من أنسانة غالية علي
وهي من وجهة نظري حساسة جدا ورقيقة
وغيورة قليلا
وأنا أحب تلك الصفات بالمرأة
لكن عند حدود معينة تميل إلى الطبيعية

<< كصديقة >>

الحب نعمة من الله سبحانه تعالى لكن هذا الموضوع من الصعب الحديث عنه وخاصة في منتدى تعليمي
وذلك لمراعاة مشاعر القارئ
والمعذرة لا أستطيع الرد على هكذا كلام لأنني
آخاف من التفسير الخاطئ من قبل أي قارئ
وكذلك لأنه موضوع شخصي بحت لا يمكن قول كل شيء صراحة وعلنا
وبظن الجواب عندك
والصداقة أحيانا ينتج عنها حب عظيم يكلل بالنجاح
أو العكس الصحيح
وبقلك أنتي صديقة غالية علي كتير
وأنا كتير معجب بطريقة تفكيرك بس أنتي مزودتيها شوي
والله يعلم حقيقة كل إنسان

إهداء للأمورة الدلوعة الأميرة ساندريلا :

مين بدو متة يلا شباب هي كاسة :
وسام سخنلنا البريق خخخخخخخخخخخ
أبو الوليد على كرسي الاعتراف - صفحة 2 Download.php?imgf=emargy12739546501

واثق بحاله الغالي ومشكور عالرد يعني كان قاسي شوي بس بجوز معك حق وفهمت عليك

أديش جمعت بالبكالوريا بصدق ها وبدي العلامة بدون ديانة

شو كنت بتحب تدخل فرع دراسي غير معهدنا

ملاحظة : عجبتني كاسة المتة كتير حلوة ولذيذة

البكالوريا 168 علمي نظام قديم أي بدون لغة فرنسية والتربية الدينية
كنت قد درست لمدة عام في المعهد الفندقي بطرطوس قسم الإستقبال
لكني أنتقلت إلى المعهد التقاني للمحاسبة والتمويل ذلك لظروف خاصة
لا داعي لذكرها
كان حلمي بدراسة الإقتصاد أو فرع الكيمياء
وأرجو من الله أن يؤازرني لتحقيق حلمي
بشهادة الدوكتورا في علم الإقتصاد

نور الموضوع ست روبي

يلا هلق سمعت
أنك رح ضيفيني قهوة

المتة زادت تألق ورونق لما شافتها عيون أنسانة متل روبي زعيمة القهوة

حلو كتير إن شاء الله بيتحقق حلمك وبتصير دكتور اقتصاد أد الدنيا
مجموعك قريب كتير على مجموعي

ولعيونك أحلى فنجان قهوة لصديقي العزيز غسان الاثنين
عم استناك جنب المكتبة

أكيد مشان الموضوع هداك
تكرم عينك
أنا جاهز

ويلاااااااا شباب بدنا همتكم
لا تقصرو باخوكم ابو الوليد
يعني بدنا نشر غسيل

ما شاء الله عليك يا ابو الوليد
استضافة رائعة بجد
واجوبة مثالية
يعطيك الف عافية على تعبك معنا
ان اي عضو عندو اي شي قبل ما ننهي الاستضافة
لسا ابو الوليد عنا
وان ما في
فيعطيكم الف عافية يا احلا اعضاء
وقريبا لح ننتقل للعضو التالي
ان شاء الله

تحياتي للجميع
ابو السوم

كيف الوضع شبيبة
شوووووووو غسانو ملو الأعضاء منك هاه

هههههههههههه
ههههههههههههههه

مشكور حب بشرفي إنك روووعة
بس لسه مصر على إنك بتجامل كتير و فوق العادة كمان
و كمان حكيك كلو بشكل عام و مافي شي خاص و كللللو مبهم
و ضيعتنا يا رجل

و لأي إستفسار من أبو الوليد
من الآن إلى الأربع و عشرين ساعة قادمة
و سيتم قفل الموضوع

مع تحياتي أنا الكابتن برهوووم

اقتباس :: كيف الوضع شبيبة
شوووووووو غسانو ملو الأعضاء منك هاه

هههههههههههه
ههههههههههههههه

مشكور حب بشرفي إنك روووعة
بس لسه مصر على إنك بتجامل كتير و فوق العادة كمان
و كمان حكيك كلو بشكل عام و مافي شي خاص و كللللو مبهم
و ضيعتنا يا رجل

شو هالكلام سيد إبراهيم ما حلو أبدا منك خاصة أنت حبيب
على كل شكرا كتير على لطفك وذوقك
وآسف لأني ماني مبوجق وبضرب حكي طالع نازل متل ما بدك
أنا هيك طريقة أجوبتي
وإذا ما عجبك شي رد على أسئلتك رد سألو لشوف وين النقص بالإجابة
وتانيا ما حلوة الواحد يحكي كلام بزعل أي شخص حتى لو كان الكلام صح بس معلش
الكلام صفة المتكلم وأنا بوزن كلامي كتير قبل الجواب

وبظن هي حرية خاصة فيني و مالك حق أبدا بتقيم أجوبتي لأسئلة الأعضاء الكرام
إلا يلي بتخص أسئلتك
وشكرا ........ سيد كابتن على كل الأحوال

سيد وسام أنت ملك الذوق والأخلاق
أنا بشكرك من كل قلبي على الإستضافة الرائعة وعكاسة المتة
وحبيب قلبي برهوم المشرف يلي ما بيعجبو العجب
تحياتي للحبيب وسام
وللأخ النمرود برهوم

مشكور إستاذ غسان عالإدب الراقي و الكلام اللي بيرفع الراس

و هلق حبايبي متل ما شفتو
أبو الوليد و شفافيتو المتناهية بالرد على الأسئلة
بنتمنى الإستضافة ما تكون تقيلة عليه

و رح ننتقل سوا للعضو القادم بقوة مع الملك اللورد وسام

مشكورين عالإصغاء
تحياتي أنا الكابتن برهوووم

يقفل الموضوع

» ملاكي على كرسي الاعتراف
» البرينس على كرسي الاعتراف
» الكابتن على كرسي الاعتراف