شاب مفلس ..وبنت بتعنس....

زمان لما كنا نسأل الطفل الصغير .. شو حابب تصير ؟
كان يقول (طيار، دكتور، مهندس)، وجمع مصاري كتير

بس لما يكبر ويصطدم بالواقع، يعرف أنه كل اللي تمناه بيلاقيه موجود بس بعيد عنه.

ولما نسأل الشاب بالوقت الحالي ؟
شو طموحك هلئ بعد ما حددتلك اتجاهك الحياة ؟

تلاقيه نفسه يتزوج بنت عادية و في شقة عادية ويشتغل ويكون عائلة صغيرة
ومع هي الأحلام البسيطة بنلاقيها صعبة التحقيق كمان

إذاً ............. المشكلة يا بالشب يا بالبنت يا بالظروف

بالنسبة للشاب أول ما يتخرج بيدور على شغل

ولو لقاه يبقى براتب يا دوب يقدر يتنفس فيه ومع ذلك بيرضى على أمل يتحسن

لحد ما يصطدم بالواقع مرة تانية،

لما بيروح لبنت ويلاقي أهلها طالبين شقة متل شقة اختها

ومكانها قريب من البيت ، و ...و .... وعلى شروط

ومع كل طلب يحمر وجه الشاب وتزداد الحسرة بقلبه

ويقول لسه في أمل .

وأول الشاب ما يبدأ يحكي و يقول:
أنا نفسي اعمللها كل يلي طلبتوه بس ....،

تلاقي أبوها وجه احمر و قال له:
ليش البس .. شروطنا عادية جداً

فالشاب يرد: يعني لو ينفع جيب شقة صغيرة بدل العشر غرف
و نخفف الشروط شوي لحتى تتيسر معنا

وهون نلاقي وجه الأب غرقان بأفكار وعالم تاني ويقول في نفسه :
ليش لعذب بنتي مع هيك شخص بيجيها أحسن

والبنت لما يعجبها الشاب وتلاقي رفض أهلها لأنه مو بالمستوى المطلوب
ولأنه مو من مستوى زوج اختها مشان ما يصير تمييز واحراجات مستقبلا
ولأنه ...ولأنه... وبتتعدد الأسباب .. وبتوقف ما بتعرف حالها شو تعمل

وفي حال ما عجب البنت الشاب المتقدم بتوقف بصف أبوها
وبتتكرر حالات الرفض عشرات المرات يومياً

وبيبقى الشب منتظر فرصة تعطيه شوووووووووووووية مصاري أو بنت تقبل بوضعه
على أمل يتحسن

والبنت بتنتظر فارس الأحلام يلي عم تبنيه بمخيلتها مع أهلها
وبتنتظر ... والعمر ماشي
( على قولة دكتور مرة قال بأثناء المحاضرة بفاصل صغير ،، أذا الفنانة الصبوحة بعمر التسعينات لساتها عم تتزوج مشان هيك ينبسطو البنات لسا معون لعمر التسعين !!!)
وفجأة ،،،

بيجي عمر التلاتينات والأربعينات وكلا الطرفين على حاله ،،

طيب المشكلة وين !!!!!!
..
يعني الشب اذا عم يتخرج بعمر 23 وبدو عسكرية سنة ونص وبعدا بيبدأ شغل براتب بسيط
اذا بيضل عليه عشر سنين يمكن يجمع حق بيت ،وبتتأجل فكرة الزواج إلى أجل غير مسمى

وبتضيع أحلا أيام شبابه بالشغل وجمع الأموال لتحقيق حلم صغير هو من حق كل شاب وهو الزواج
..
والبنت ،، ويلي غالبا أمرها بيد أهلها .. بتحتار بين الشخص يلي عم يبني حاله بس بدو سنين ليجهز
وبين الشاب الغني يلي عم ينتظروه أهلها ليجي ،، وبين تكمل دراستها لأن متل ما بقولو الشهادة سلاح المرأة

يعني الحق على مين
.

يعني فعلا واقع الشباب واقع محزن ،،
حتى بأبسط حقوقهن ،، بدهم سنييين ليحققوه
بعرف انو في أهداف أكبر من هيك وأعظم ،،
بس حبيت ناقش هالهدف الصغير ويلي هو هدف من أهداف كل شخص على وجه الأرض.

بانتظار رأيكن ..

أنا جاهز أعنس

حبيب شكرا على الموضوع العاقر ...

مداخلة صغرة قبل ما أعطي رأيي و نصيحتي .

حكيك مزبوط و ما عليه غبار ، بس بلالك هاد الهدف ! مو وقتو هلأ ...

يعني معقول عم تفكر تتزوج !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

هلأ في مثل بيقول يلي متلنا تعو لعنا
في عائلات كتير بسطة و ما بتطالب الشب بالشي الكتير والبنات بكونو محترمات ومأدبات
بس طبعا يلي بدو يطلع لمستوى أعلى بدو يتحمل الشروط وينفذها
بس بالأخير الدنيا قسمة ونصيب
حلو الموضوع
شكرا

كلام راما كتير حلو و ممكن يكون حل لهيك نوع من الأزمات

و عنجد موضوعك صحيح و واقعي و بينبش بالقلب
أمور لازم تطلع لبرا
هلق بالأول هو الحق عالأهل .......... ليش لأنهون ربوه عالنعيم و جملوا الحياة بوجهه مشان يكبر متفائل
و يكذبوا عليه و من دون ولا حافز ولا أي طريقة للنجاح بيطلبوا منو صير دكتور و صير و صير وصير .......؟.

تاني شي بعتقد إنو الحق كمان عالشب ....@ لأنو مافي شي مستحيل واللي بدو بيجيب و قالوا للمستحيل إنت وين ساكن
قال بعقل اليائس ......... هلق أكيد أنا موضدد الشب إإنو يتزوج بس أنا مقتنع جداَ إنو العمر المناسب للزواج بهيك زمن 30 سنة
بكون أمن وضعوا المعيشي .... وزبط حياتو على طرز مقبول و يمكن ممتاز إذا كان شاطر بأمور الحياة المعقدة

ثالث شي .. الحق على البنت ... @ لأنو ياخانوم لما عم ترفضي فلان و علان كرمال مافي مصاري والحالة معترة
يعني بهالأيام صارت اللي بتتجوز حلم فشلون واحد زنكيل و إبن عيلة و مدري شو ......؟ ....!!!!!!...؟؟؟؟
بقلك البنت ب 18 بتقول بدي زنكيل و متعلم و فهمان .... وبيت و سيارة ...,,.وو...ووو..
و بسن ال20 .... بدي واحد متعلم و يفهمني و بيحبنني و إبن عالم و ناس وبلا السيارة .. بس البيت ضروري
و بسن 25 بدي فهمان و متعلم وو بيت على أدنا وووووووو " بتبلش الشروط بتقل "
و آخر شي بسن ال30 لك بدي بس واحد يكون بني آدم حتى لو إبن حرااااااام " أنا آسف "

بس الوضع سيدي عمر مزري
نعم مزري مزري
لأنو العالم لسه لهلق مو عرفانة وين صار وضع الشب بالعالم العربي

و إنو العوانس بعالمنا العربي صار
كل عشرين بنت في عانس مو شايف معي إنو هالنسبة كبيرة كتير

الله يطعمنا وحدة مسترة و حلوة و فهمانة و بنت عالم و ناس
و أكيد الذرية الصالحة هي نعمة من رب العالمين

وليييييييييييي عليك ياعمر فتحت تمي
الله يسامحك بس والله ياشريك الوضع صعب .... بس بأكدلك إنو مو مستحيل
ولازم تحرم حالك لتوصل لمرادك و إنشاء الله الله ما بيضيع تعب حدن

مشكور صديقي لاتواخذني طولت عليك

تقبل مروري الخجووول

مشكورين عالمرور الحلو