رقصة ولكن..

قصة جميلة أثرت في نفسي أحببت أن أنقلها إليكم ......


**********
تلاشى كل ما هو حسي وملموس من حولها ، رقصت معه بسحر ، ارتفعت بخيالها إلى السماء ، راقصته على الغيوم عندما رآها ترقص على المسرح رقصة ( الفالس ) ، أحس بطاقة كبيرة تكتنز هذه الراقصة فقد أبرزت بحركات جسدها جمالية روحها ، عبرت بالرقص عن حنانها ، وشغفها ، وجنونها ، مما جعل المتفرجين يتفاعلون معها ، لقد روت بجسدها قصة حب رائعة ، استشعرها من أحس بها ، وهو قد لمس هذا الإحساس .

وبسرعة وبدون حسابات أولية ، قرر أن يقابلها بعد انتهاء الحفل، ليقول لها بمنتهى البساطة والسذاجة : أحبك المهم كان بالنسبة له أن يعبر عن ما أحسه تجاهها بصدق وعفوية ، وبالفعل وبعد انتهاء الحفل توجه إلى كواليس المسرح واقترب منها وقال : - مرحبا أجابته بابتسامة مجاملة : أهلا وسهلاً قال بود: لقد استمتعت كثيرا بهذا التعبير الصارخ الذي أوحى به جسدك أثناء الرقص. أجابته ممتنة : شكراً قال: كنت أود أن أبوح لك ....وقبل أن يتمم الجملة وعن ما سيبوحه لها ، قاطع حديثه فجأة شاب وسيم يحمل بيده وردة حمراء قدمها للراقصة وقال لها :مرحبا ريما. ابتسمت ريما بشغف وقالت ، أهلا نزار أتمنى أن تكون قد استمتعت بعرض الرقص في هذه الليلة. قال لها :كعادتك يا عزيزتي جميلة في طبيعتك و جميلة في رقصك.

ودونما اهتمام منها لمعرفة ما كان سيقوله محدثها ، استأذنت منه وغادرت وهي تضحك مع حبيبها نزار. كان موقفاً صعبا بالنسبة له ، تخبط جسده، وعسر لسانه عن الكلام والتعبير، فغادر المكان نادبا حظه العاثر، ومؤنبا نفسه على سوء تقديره للأمور ، كان ينتظر على ما يبدو أن تشتعل شرارة إعجاب منها تجاهه لتوقد الحب في قلبه ، ولكنه أطفأ أملاً كان يبحث عنه وخاب رجاءه .

*****************

إهداء إلى الجميلة جارتي !!!

[quote="NaBeELoOo"][center][b][color=green]هلق موقف كتير حلو ومؤثر
وانا مكانو ما بعملا ابداا
لانو الرفض انكسار للنفس والذات وعذاب كبير
لهيك بعتقد لازم كان يحسبها صح اكتر من هيك

بس بهني على شجاعتو انو ما كتم الشي الي حاسس في وراح يعبر عن مشاعرو
ويريح قلبو فعلا بهني


شكرا نبيلو على تعليقك
لكن الإنسان لازم يتوقع الرفض بكل الأحوال , و إلا مثل ما قلت بيصير عندو إنكسار و عذاب !

بعدين من ناحية ثانية معروف أن الرجل ضعيف أمام المرأة ! و الشخص إذا لاحظت بالقصة قرر بسرعة
لكن الأفضل إنو كان يستنى و يحسبها و ما يستعجل باتخاذ القرار .

بالنسبة للتهنئة تبعك إلو ... أنا ضد هاد الشي !!! و هاد مو اسمو شجاعة ، اسمو تسرّع ...

nona كتب:

وليييييييييييييييي

الله لا يحطنا بهيك موقف

يمكن بنتحر انا

***********

عزيزتي nona شكرا لمرورك .

ليش وليييييي
ولشو الإنتحار !!!
هيك موقف بيصير مع الناس كلها ، لازم نتقبلو و نكون قد النتائج !!!

captain كتب:

شي حلو كتير


و برأي موضوع جميل جداً
و فيه عبرة إنو الإنسان البسيط ما إلو عيشة بين ولااد الحررا.............؟
مشكور صديقي

شكرا كابتن ،
عجبني العبرة يلي استخلصتها ، ما كانت خاطرة على بالي ...!

♫ RIMA ♫ كتب:

عنجد موقف لا يحسد عليه
بس بتعرف هل الدنيا قسمة ونصب
واكيد هل البنت ما كانت من نصيبو

بس شو مشان بطلة القصة اسمها ريما
والله ما بعرفو انا لنزار ولا بعمري شفتو
هههههههههه

شكرا الك ابو اسامة كتيييييير حلوة القصة بجد
ولو انو ازعلت شوي على حظو

اي شو طالع بالإيد ، كتير في ناس بتعجب بناس بس في عندهم محبوبين ! و بتصير معي كتير .
مشان بطلة القصة يمكن تكوني إنت لإني ما بعرفك !!! و لا تتهربي اعترفي مين نزار ، لما خلص قطعتيلو كرت !
هههههههههههههههه

روبي رو كتب:

وأكيد أي شب رح ترقص أدامو بنت بإحساس حلو ورومانسية
رح يعجب فيها يعني إعجاب مو اكتر

شكرا روبي على مرورك ,

أكتر شي عجبتني فكرتك و صراحتك !!!
بس إن شاء الله يصبر الشب عند الإعجاب و بس ...