مايك المنتدى

موضوع: مايك المنتدى الأحد مارس 20, 2011 10:26 am

تذكير بمساهمة فاتح الموضوع :

- مايك المنتدى

مايك المنتدى

لكــــــل عضو .. صوت .. لابد أن يـُـــــــــسمع ..

ونحــــن كأخوة .. هنا .. في :+:منتدى معهدنا:+:

من واجبنا .. أن نستمع لبعضنا ..!

+ ومن هذا المنطلـــق +

برزت فكـرة " مايـــك المنتدى "..

لذا .. سيحــق .. في كل يـــــــومين ... لعضو واحـــــد فقط

أن يتملك المايك .. ويفصح من خلاله .. عما يريد قوله ..!

قواعـــــــد المايك ..

1) للعضـــــــو + صاحب المايك + :

لك أن تقول ما يحلو لك .. ( قصة ++ تعرف بذاتك لنا ++ او اي شي يتناسب

وطروحات منتدانا المحترم** ) ..

ولكن الأهم أن تبدي رأيك اولاً في المنتدى

تالياً في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلـــــــهم ..

فشعارنا هنا .. ((مــن قــدك المايك بيدك ))

2) للأعضــــــاء

عـــــدم مقاطعة العضــــــو بالردود " يعني .. ممنوع أي أحــد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط ...كما ذكرت سابقا ....

مـــــــلاحظــــة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا
سنبدأ بالعضو أو المشرف

إستلم مايكـ المنتدى ولا تنسى إختيار العضو الذي سيليك ولكن بعد يومين
وانا بالنسبة ئلي بختاار ابوو اسامة

واذا حدابدو يسالني اناجاهزة ويبسلم المايك لروبي رو

موضوع: رد: مايك المنتدى السبت يونيو 25, 2011 6:59 am

آنسة أمورة الحلوة . شكرا إلك على الكلام المختصر

في أمور لازم تخبرينا عنها كمان بنص الموضوع مذكورة ، إذا بتحبي طبعا ...!

طبعا حلوة صفة الفرح و رسم الابتسامة ، كتير بلاقيها حلوة بالشخص يلي هيك .

عندي كم سؤال إلك :

ما سبب اختيار اسمك ؟
ذكرتي إنك طيوبة و حساسة و غيورة ، تقريبا كل البنات هيك ، مافي شي مميز بتحسي موجود فيكي!
ما نظرتك للزواج قبل انتهاء الدراسة ، للشب و للبنت .
ئلتي إنو صار عندك خبرة من تجربة ممكن تفيدنا بأحد خبراتك ....؟!

بتشكرك كتير و تسلم ايديكي ,

موضوع: رد: مايك المنتدى الأحد يونيو 26, 2011 4:57 am

موضوع: رد: مايك المنتدى الأحد يونيو 26, 2011 6:25 am

هالشي مو صحيح فيكي توضحي لوسمحتي

موضوع: رد: مايك المنتدى الأحد يونيو 26, 2011 6:30 am

حبيبيت امورة انا مابئسد شي لي عسبتي

معنى كلامي انك عنجد انتي غير شكل حبابة وطيوبة

بالاول كنت فكرك مابتحكي تحكي مع حدا او في شوية غرور

بس انتي فعلا بنت كتير حساسة وحبابة

اسفة اذا فهمتي كلامي غلت

موضوع: رد: مايك المنتدى الأحد يونيو 26, 2011 6:34 am

وضحيلي شو الشي اللي بين معك وقت حاكيتيني ممكن
انا اخترت اسمي لاني امورة عنجد هههههه والشام لاني بحب تراب الشام
الشي المميز فيني ماقيي اقوله لانه مميز ومافي قوله ايمتى ماكان في اشياء مامنقوله الا لناس منشوفن ومنعرف عنن كتير وقتها منقول
وبالنسبة للدراسة مهمة كتير بس احيانا وقت بيجي النصيب مابوقفه شي حتى الدراسة فهاد الشي قسمة ونصيب بس الافضل للفتاة تتزوج بعد البكالوريا بس اذا اجا نصيبها مافي شي بيوقفه وللشب لياسس حاله

اما الخبرات فانت ابو الخبرات ابو اسامة ههههههه
على اي حال الخبرات بدن صفحات كتير وما بيتلخصو هون واذا حسنت بنزل مو ضوع كامل بها الشي وشكرا

موضوع: رد: مايك المنتدى الأحد يونيو 26, 2011 6:39 am

بتعرفي امورة سوري انا ئلتلك مابئسد شي

اعتبري كلام ما انحكي لانو مابحب كتير اشرح

موضوع: رد: مايك المنتدى الأحد يونيو 26, 2011 5:47 pm

ملاكي حبيتي انا بجوز احيانا هيك ببين عليي لاني خجولة شوي بس اكيد بحب الكل وعنجد ملاكي انتي كمان رائعة اوك

موضوع: رد: مايك المنتدى الأحد يونيو 26, 2011 7:24 pm

بماااااااا أنو المايك معي
أول شي وقبل كلشي
النقاش بين ملاكي وأمورة انتهى
خلص بتسلمو على بعض وبتبوسو شوارب بعض
ومابدها هالحزازيات
وشكرا

موضوع: رد: مايك المنتدى الأحد يونيو 26, 2011 9:25 pm

السلام عليكم ورحمة الله وبركااااااته
flower

هلئ انا ماراح علق على كلام روبي رو الحلو ة لبعد ماتخلس الاستضافة

بس عندي تعقيب زغير

امورة انا مازعلت منك ابد ماحدا بيزعل من اخنوو

واحلى اموور’.... cheers

ر ح بلش بالسؤالين الملزم نجاوب عليهون حسب مو مذكور بالموضوع

رح احكي عن المنتدى بشكل مختصر
منتدى ظريف بسلي فيو شغلات مفيدة

بالنسبة للأعضاء المحترمين
مابعرفون كلون بس باين عليهون ظراف وحبابين حسب رددون ومواضيعون وحكيون
بس اكتر حدى بعرفو هو غسان أمورة الشام نونا راما
هلئ بلال ايكوسان أبو اسامة و ريما شفتون مرة وحدة وسلمت عليهون وبسسسس

بس اكتر حدى بعرفو هو غسان أمورة الشام راما نونا

غسان صديقي الوحيد هو غالي كتير وعزيز كتير عقلبي

وبعتبرو اخ الي بما اني ماعندي أخوات شباب ساعدني كتير ووقف معي كتير

تاني حدى بعرفو منيح من الاعضاء هي أمور ة الشام ويلي اسما كمان أمورة الحلوة
بحبا كتير
هي صديقتي
مع انو ما عرفتا غير بالفصل التاني من هي السنة بس صرنا أصدقاء وهي مافي منا
وعنجد بحبك يا أمورة
وبتمنا نضل أصدقاء طول العمر

راما بنت حبابة كتير
تعرفت عليها بالسنة التانية
بحسا بنت مسالمة مابتحب المشاكل
قلبا طيب بحسا كمان بتحب المغامرة
وعقلا كبير وبتفكر صح
وحلوة وأمورة
وبتحب اللون الأخضر

نونا مهضووووووومة هالبنت عنجد بتجنن
ظريفة مهضومة قطقوطة
كمان تعرفت عليها بالسنة التانية

المعهد ماشي حالو حلو
قضيت في أيام حلوة
وأيام بتقرف
بس أحلى الايام هي بالسنة التانية
لاني عرفت ناس حلوين وبيجننوا
المهم بلا طول سيرة
مابحب كتير اتذكر ايام المعهد
لان صار بهالمعهد شغلات مو حلوة واثرت فيني

حاجة اليوم منكفي بكرى
تصبحوا على خييييير
بااااااااااااااااااااي

مرحبا
كيفكون اليوم
انا الحمد لله منييييييييييحة
والمايك اليوم معي

الكل بيعرف اسمي ربا
قريبا جدااااااا
رح صير خريجة معهد علوم مالية ومصرفية (محاسبة)
مبسوووووووووووووووووطة كتييييييييييييييييييير
حاسة حالي انجزت
مع انو مو هيك كان طموحي
كان طموحي صير محامية اد الدنيا
او ادب انكليزي
هلئ حاليا عندي كتير مشاريع بدي اعمل كورسات انكليش
وبدي اعمل كورسات كمبيوتر
وحااابة كتير اتعلم التجميل يعني ميك اب وهدول الشغلات
وكمان حابة اشتغل بوظيفة حلوة ومناسبة الي وما فيا تعب كتير هههههههه
وبشرط يكون هالشغل ضمن تخصصي
وكمان حابة كمل بالمفتوح ادارة مشاريع صغيرة ان شاء الله
ممممممم

مابعرف شو بدي احكي
بس خلال تجاربي والظروف السيئة يلي مرقت فيا
تعلمت شغلات كتير فادتني
وبحب أمي كتير امي هي كل حياتي
لانها وقفت معي ونصحتني
وعلمتني كتير شغلات
كل شي يبصير معي بقلا يا
لولاها انا ولا شي

احلى سنين حياتي وقت كنت بالثانوية
كانت ايام بتجنن كانو رفقاتي رووووووووووووووووعة
بحبون كتير ولهلئ بحبون ومنجتمع دائما
كانت ايام حلوووووووووووووووووووة
وبتمنى لو انها ترجع
وللصراحة اكتر
ايام الثانوية احلى من ايام المعهد بمليون الف مررررررة

وكانت انسة الديانة كل حصة تئلع وحدة منا لبرى هههه
من كتر فصولنا الناقصة
بس مع هيك ومع كل فصولنا معها كانت تحبنا تنصحنا وتعطينا هيك محاضرات
وكنا كل خميس ناكل فلافل او شاورما
كانت شلة غير شكل
ااااااااااااااااخ لو ترجع هديك الايام
مارح طول كتير حاجة هيك
يلا باااااااااااااااي

سيد الاستغفار

بتنمنى الكل يحفظوا والكل يرددوا كل يوم

اللهم أنت ربي لا اله الا انت خلقتني وانا عبدك وانا على عهدك ووعدك ما استطعت
اعوذ بك من شر ما صنعت ابوء لك بنعمتك علي
وابوء بذنبي فاغفر لي فإنه لايغفر الذنوب الا انت

ـــــــــــــــــــــــــــــــــــــــــــــــــــــــــــــــــــــــــــــــــــ

أنا خلصت وهلئ تفضلو يلي عندو تعليق او سؤال يتفضل
عم انتظر
والمايك بعدي لزمن ........؟

شوهااد ياروبي ..ماشالله عليكي

عنجد الاستضاافة معك كتير حلوة وخاصة الحكي عن اياام الثانوية ذكرتيني كتيررررررر بحالي هههههههههه

وان شاللله قريبا كتيرر منسمع بخبرررررر تخررجك وبعلامات عالية يارب..بس وئتهاااا في حلوان ايوااا مافي

شي عنا بيضيع وخاصة اذا كان حلوا ههههه

شكرا..شكرا...روبي رو اسمتعنا بالاستضافة معك كتيرر

..يلا شباب ..صبايا ..وينكم بدناا مشاااركةة

بتشكرك كتير يا روبي على كلامك الحلو

و عنجد اللقاء معك جميل ، صوتك على المايك كتير حلو

يا ريت لو بتغنيلنا شي غنية .... صحيح ئلتلك من ئبل وبرجع بئلك ، طريقة الحكي تبعك كتير حلوة و ممتعة .

الله يخليلك رفئاتك و يحفظلك الوالدة و يطول بعمرها .

و بتمنالك النجاح و التوفيق و تصيري مشهورة كمان ،

زائر

شكرا للزميلة العزيزة روبي يلي سلمتني المايك من بعدها

المايك هلأ معي انا

أنا زمن ....؟وهدا اسمي المستعار. و اسمي الحقيقي عبد الرحمن عنبره

للي ما بيعرف اسمي و اخترت اسم زمن ...؟ هيك صدفة ما بعرف كيف اخترتو

بس يعني كانت كل ما تصير سيرة ينط رفيقي ويقول زمن الله يجيرنا .

قام سميت اسم البلوتوث زمن....؟

وضل مرافقني هالاسم طيلة أيام المعهد وصار كل حدا بالمعهد بيعرفني يناديني بهالاسم

لأنو كنت عطول مشغل البلوتوث وطول المحاضرة على تراسل مع الشاطرين متلي ههههههههههههههه

وهلأ الحمد لله اتخرجت وعم اشتغل بشركة ادوية ومواد أولية بقسم المحاسبة

قصة معرفتي بالمنتدى كانت صدفة .واحد من رفقاتي بالمعهد حكالي عنو وقال ا نو

بحطو عليه برنامج الفحص ونتائج المذاكرات والفحوصات بس انا مارديت عليه مباشرة لأنو ما كان عندي نت

وبعد ما اتخرجت سجلت فيه لأنو صار عندي نت هههههههههههههههههههههههه

بهالمنتدى ما بعرف حدا شخصي بس بعرف كم اسم حاكيتون عالشات

وكتير هنن حبابين ورايقين ومهضومين ومحترمين

متل غسان وابراهيم وراما وطارق وربا وأمورة الشام وفي كمان ملاكي

وبالشكل بعرف رجائي لأنو كنت شوفو بالمعهد
وبعرف صخر لأنو كان يدرس معي

والكل هون بتشرف بمعرفتوا

اليوم كان صعب كتير وكان حافل بالنشاطات

الحمدلله خلصت كتير شغل اليوم وكان عنا لعبة طابة فالحمدلله هلأ تعبان كتير

ولازم روح نام

بحب قول للكل حبيتكن من كل قلبي وحابب اجتمع فيكن شخصي بس الظروف ما عم تسمح

ايه زمن ............

وهلأ بقلكن تصبحو على خير

ونحنا منتشرف نقابل جميع الاعضاء

زائر

احللى تحية لأحلى أعضاء بالمنتدى
ان شالله الكل يكون مبسوط وفرحان ومايكون مهموم وزعلان
الحمدلله اليوم كان نهاري كتير حلو ومنيح .لأنو زادولي معاشي بالشغل
كنت كتير مبسوط بس لولا أنو خسر فيدرر اليوم لكان يمكن أحلى نهار بهالفترة

بهالمنتدى كتير عم انبسط معكم وان شالله عطول هيك
وما بحب حدا يزعل مني
واذا لا سمح الله غلطت مع حدا يا ريت يعاتبني براسلة خاصة
وبتمنى للكل الخير والتوفيق

بشكر روبي رو لأنها عطتني الفرصة لأحكي عالمايك
وهلأ خلصت ما عندي شي أحكيه غير انو اتشكر الكل

والمايك رح سلمو للصديق النجم الحزين

هلاااااااااا زمن
حلوة قصتك تبع اسم زمن
حتى أنو بالمعهد في أماكن مكتوب عليها اسمك
وألف مبروووووك أنو زودولك راتبك
cheers

My thankfulness & appreciation

اهلا وسهلا زمن

كتير اسمتعتنا بقصصك الحلوة

واتعرفناا عليك اكترر .....

شكرااا ئلك......ومبروك على على تزويد الراتب ان شالله كل شهر بيرفعو

وعظم الله اجرك بخساارة فيدرر ...تعيش وتاكل غيرها خخخخخخ

ونحنا با انتظارر ..ضيفناا

النجم الحزين

شكرا كتير زمن على كلامك الرائع و الموزون ,

و بتنمالك التوفيق و النجاح ، و إنك تجتمع مع فيدرر ، بركي شي يوم بيعزمك على شي غدا .

و من ناحيتي أنا كتير بحب مواضيعك و مشاركاتك ، ومالي زعلان منك ههههههههه

تحياتي

اول شي بدي اشكر روربي رو لانو حكت عني

شكرا يا احلى ربا بالدنيا

الله يوفقك يارب وانا تشرفت بمعرفتك يا قمر

..................
عزيزي زمن اسمك مجننييييي

وين ما بروح بالمعهد بشوفو
واكتر شي بالقاعة 12

بكون عم قدم فحص

بصفن بالحيط كلو زمن....؟
وكمان تحت الدرج

بس شكرا الك لانو عرفنا شو اصل هل لقب

عن جد ع قولت رفيقك زمن....

والف مبروك زيادة راتبك

زائر

اهلين فيكم كلكم ومشكورين كتير
روبي : الله يبارك فيكي وان شالله منشوفك متوظفة بوظيفة منيحة بأقرب وقت . مشكورة كتير
ملاكي : مشكورة كتير كلك زوق . وشكر الله سعيكم بس أكل غيرها ما حبيتا منك خخخخخخخخخخ
ابو اسامة : كلك زوق . بس هي شغلة اجتمع مع فيدرر ما كنت مفكر فيها وهلأ صرت أتمنى التقي فيه واتغدى معو بس أكيد بدو يقلي تاخد رقم جوالي كمان هههههههههههههههه مشكور كتير .
نونا : الله يبارك فيكي كلك زوق . وهي شغلة الكتابة عالحيط الله يرحم أيامها أيام الولدنة ههههههههههه
بس ما يكون حدا كاتبلي شي كلمة قدام اسمي ههههههههههه
مشكورة كلك زوق

مرحبا ياحلوين

كيفكن وشو اخباركن

انا اسف كتير عالتاخير بس ظروفي ما سمحتلي فوت بنوب

وياريت تعذروني بليز......

اول شي بشكر الامورة ملاكي على هالموضوع الحلو وبحب قلا انو كل مواضيعك حلوين

وتاني شي بتشكر صديقي زمن..

على اعطائي المايك

واتاحة الفرصة الي لاحكي

بدي قول لكل الاعضاء بالنتدى انو انا بحبكن كتير

وربي يحفظكن وينول كل واحد الي ببالوا

ويفوفقكن جميعا

وبحب قول كمان انو انا مقصر كتير بحق المنتدى الي لازم اعطي كتير من وقتي

ولانو انا مسجل من زمان كتير

بس والله مرت عليي ظروف صعبة كتير وما فتت عالنت كلو

وبحب اعتذر كمان من كل عضو ما رديت على مواضيعو رغم اني بتشرف بموضيعكن وكل مواضيعكن حلوين

لاني عنجد بحبكن كلكن

ويا ريت الكل يعذرني

وامانة بعيونكن اذا حدا عندو كلمة بقلبو كلمة شغلة موقف رد ما عجبو او حاسس انو انا دايقتو او قصرت معو

يقول ويحكي وانا والله مابزعل بالعكس

بنبسط كتير واذا موحابب يحكيها هون يبعتا برسالة وانا رح كون مبسوط كتير ورح رد عليه

وبحب قول يا رب ينجح الكل شباب وصبايا

وقولو امين

وعنجد انا اسف عالتاخير بس ظروفي صعبة شوي

ويسلمو ملاكي عالموضوع

وعم بستنا مساهماتكم

وسامحوني عالتاخير والتقصير وربي يحفظكن

» حافظوا على نظافة المنتدى يمنع رمي المخلفات في المنتدى > وأليكم القوانين
» نجم المنتدى
» هل ستترك المنتدى ان حصل هذا؟؟؟؟؟؟؟؟؟؟؟؟