مابدنا لاقواعد ولاشي ادخل وتعلم الانكليزية بسرعة هههههه

ازعجونا في اللغه وهي سهله بس المشكله بالاستاذ,فجر ريوسنا بالقواعد والفاعل والمنصوب والناصب والحرامي هههههههه

لهيك ان هون لعلمكم بدون مايوجعكم راسكم يلاا نبدأ:

افرض واحد خبطك ضربةعلى اصبعك شو راح تئول : اي اي اي ,,,,, لاتعمل حالك ذكي وتئول اح ,,لأنو الضربه ئويه لازم اي اي اي ,,,,

i = معناها = انا

بتحب جبنة بوك لاحظ نوع فاخر بوك= book = كتاب

بتحب الكت كات= لاحظ الكت بس نوع بناتي فاخر+ كات= cat = قط >>>

اكيد بتحب شاي= لاحظ شاي = shy = خجوول

<<<<<<

يعني تقدار تقول : i'm shy <<<<<<<<< انا

وانتا وائف عم تتمررى(وائف جنب المراية) وفجأة ,,,, فار مر ,,, تحت رجيلك ماذا يحدث,,,, راح تصيررمشاكل كبيره ,,, ليش هيك ؟
الجواب: فار مر
فار مر ,,,, معناها مزارع ,,,,, ككك; farmer <<<< مزارع

من مايعرف الرئيس الأرهابي ( بوش ) بوش = push = يدفع _يعني = يدفش = وتلاحظوها على الأبواب

يعني بتئدر تئول= ادفع الباب او ادفش الباب = push the door = بوش ذا دور

كلمه تانيه:واحد من بيئلك: كيل تفاح تصير قوي_ كيل برتقال _كيل موز

لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill me او= اقتله = كيل هيم= kill him
كلمه تانيه:

واحد يدق الباب شو راح تئول: اكيد بتئول ( مين) مين مين مين
mean = مين = تعني = معنى = او قصد = كأنك تسئل شو معنى كلامك اوشو قصدك
مثال: تسئل واحد شو قصدك ؟ what do you mean = وات دو يو مين

كلمه تانيه:

وعلى فكره كلمة = com الي بتشفوها ع الرابط =يعني = شركه = وهي اختصار كلمة = company

كف = فيه احد ما جاه كف على وشوو ؟؟ هههههه

كف= معنها = كحه . كف = cough تقدار تقول= i have cough = اي هاف كف = انا عندي كحه او سعال

ماذر كير = مين من النساء مابتعرف ماذر كير = طبعا نوضحها للشباب = هي ماركه تهتم بملابس الأطفال او اسم

محلات تهتم بملابس الأطفال بتشفوها دائما بلأسواق ( دعايه مجانيه ) يلاا بسيتة ,المهم

ماذر كير= عباره عن كلمتين دائما النساء ينطقونها ومابيعرفوا انهم عم يتحدثوا الأنجليزيه بطلاقه , نقسم الكلمتين

ماذر = ام +ماما +امي=يلي بدكن ياه= مثال / هذه امي = this is my mother = ذس از ماي مذر

كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو

انا اهتم = i care = اي كير

باوار هورس = مشروب الطاقه المعروف موجود في السوبرماركت = لوبتلاحظوا عليه رسمة الحصان

هورس = حصان = horse باوار= قوه =power

ركزوا معي في تركيب الجمله = انا عندي حصان = i have horse =

لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره

الرئيس الأمريكي السابق ( بيل كلينتون )

بيل + bill = فاتورة = يعني وانت في المطعم بدك الفاتوره تئول= عطيني الفاتوره = give me the bill = غيف مي ذا بيل
او تئول = بيل بليز = فاتوره لو سمحت = اهم شي تدبرحاالك

بلوتوث = واواواواو
bluetooth = معروفه مابدها اختراع , بس يلي كتيرين مابيعرفوه انه شو معناها ؟
بلوتوث يعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس

هذا الحرف وشلون تنطقونه ( T ) = تي صح = تي ,تي , تي= معنها = شاي = t ea = تي

سيف = سيف معروف بالعراضاات عنابيكوون في نااس حاملة سيف وعم تتقاتل عن مززح هههههههه

سيف= save = يحفظ او يحمي او ينقذ = يعني بتئدر تئول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر

فار = مخلوق ندل يصعب مسكه الى اذا جبت له ئطة لأنو الئطط رجال ومابيخافوا اما نحنا الله يعينا بتوصل معنا انوننئل من الحارة كلها ونتركلوا البيت هههههه

فار= far = معناها = بعيد =بتئدر تئوول = انت بعيد جدا = you are so far = يو ار سو ( فار) = so = تعني جدا ,مثل very
يعني تئدر تئول= you are very far = يو ار فيري فار = على كيفكون

ني = اللحم ني او الدجاج مو مستوي ني
ني= knee = معنها = ركبه

بس حرف الكاف ببداية الكلمه مابيلفظ =k nee = تنلفظ = ني

كان = ( كان) ياما( كان) ابو فتحي فتح الدكان ههههه

كان = CAN = يستطيع او يقدر = انا استطيع = I CAN

ممكن يكون معناها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والئزازه

ههههههههههههههه

بحياتي ما عاد انساهم هلأ ...

بس خليني على الطريقة التقليدية بالإضافة لهي الطريقة لأن بتساعد شوي ...

و شكرا على الكلمات و الشرح !!!

عجبتني :
bluetooth
mother care
power horse

اليوم تعلمت كلمة جديدة كمان : curtain
معناها : ستارة أو جلالة أو غطاء
و تأتي كفعل : يحجب ، يفصل أو يخفي .
تلفظ (كورتن)

هههههههههههه

ربي يسلم اديكي ويجزيكي الخير

انا بحب اتعلم بهالشكل ما بحب الحفظ البصم

عنجد استفدت كتير من هالموضوع

مشكورة مرة تانية

حلوة كتير شهووود ربي يديمك
و الله يسلم هالأنامل
بس شو مشان ما خليتي حدا من شرك
هههههههههههه
ههههههههههههههه

منورة صديقتي

هههههههه
عنجد.شي.ظريف.بهالطريقة.هيا.بنا.نتعلم.الانكليزية.بالمنزل
خلالة.خمسة.سنين

هلا وغلاا

اسعدني توواجدكم

ايكوساان مابعرف شو ئستي صايرة شريرة هاليومين :twisted:

لورد خمس سنين بس ئول عشرة وماعليك ههههههههه

نوررتوو

شكرا

العفوااااا

تعا كل يووم ههههه

طيب.بكرا.فاتحه

لا لورد ايام العطلة منكون عم نفطر فول ههههههه

زائر

هههههههه طريقة حلوة وأحيانا بستعملها

زكي ان زكار زكي ان زكار زكي ان زكار زكي ان زكار
زكي ان زكار زكي ان زكار زكي ان زكار
واحد يقول بالإنجليزي أن المفتاح في السيارة
The key in the car
شو كيف هي
مشكورة

حلووة عجبتني ههههه

يااهلا فيك نوورت

» أمثال بالعربية و ما يقابلها في الانكليزية
» موسوعة اللغة الانكليزية
» الأسرار السبعة للغة الانكليزية