ملاكي على كرسي الاعتراف

كيف حالكم يا اسرة منتدانا الغالي
اليوم ذكرتنا المشرفة المتألقة دائما ملاكي
بهاللعبة الصريحة ورح نعمل كذا حلقة لكذا عضو
بس هلق الفرق أنو ملاكي رح تختار ضيف الحلقة التالية
وهلق هي كرسي الإعتراف ستعرناه من وسام ههههههههه
ان شاء الله يعجبك ملاكي

وبتمنى نشوف التفاعل ونتعرف عليها اكتر من خلال استضافتها على الكرسي

1. وهلق انا لح بلش بالسؤال:
2. كيف شايفه هالكرسي يلي جبنالك ياه حلو؟؟
3. كيفك ملاكي وكيف اخبارك انشالله الامور بخير؟؟
4. بدي أسئلك بكل صراحة وبدون احراج ليش كان بدك تلغي الإشراف ؟؟
5. شو رايك بمجال دراستك وهل انت بتحبيه ولا دخلتيه على شان العلامات؟؟
6. شو رايك بمنتدى معهدنا؟
7. مين اكتر عضو بتحبيه في المنتدى؟؟
8. شو رايك بالنت يلي بتشتغل وهل انت مع عمل المراه ؟؟
9. شو هو طموحاتك بحياتك؟؟
10. حبيتي قبل بمرة وشو رايك بالحب؟؟
11. كلمة وصف للأعضاء من وجهة نظرك وبصراحة دون مجاملة طبعا :
روبي رو أمورة الشام سيكسيفول غيرل غرام
ايكوسان ابو اسامة ابو الوليد صخر لورد

وآسف على طول الأسئلة بس هي هي اللعبة هيك هههههههه

بتمنى انو تكون اقامتك على هالكرسي حللوة ومميزة وبانتظار اسأله باقي الاعضاء

وأخيرا منشكر أمير الورد صاحب الفكرة الفريدة من نوعها بس لأسباب معينة خلتو يبعد عن المنتدى بقل وان شاء الله ترجع من أول وجديد وتنور المنتدى يا غالي

وهي فنجان قهوة ضيافة من كابتن هههههههه

ملاكي على كرسي الاعتراف Coffee

وهي أحلى صحن فواكه من أم الوليد ههههههه

ملاكي على كرسي الاعتراف Fruit-platter_400

اي كانت كتير ظريفة اللعبة من أمير الورد .

بس السؤال :
لازم ننتظر لحتى تجاوب بالأول ، لما فينا نسأل بعدين بتجاوب على الكل ؟

1: شو أكتر شي بتكرهيه بحالك .؟
2: شو أكتر شي بتحبيه بحالك .؟
3: شو أكتر شي بتكريه بالبنات .؟ الشباب .؟
4: شو رأيك بالحب الحقيقي .؟ في هيك شي .؟
5: أديش بتعطي حالك برضا الوالدين عليكي من 10 .؟
6 : مين أكتر عضوة قريبة منك من الصبايا .؟ من الشباب .؟
7 : لو قدر لكي تختاري شخصية نسائية مين بتختاري كقدوة إلك و ليش .؟
8 :مين أفكارو قريبة منك أكتر شي هون و بتحسيه متل قلمك قلمو و بيحكي الكلام اللي بقلبك
9 : شايفة حالك ناجحة شي بالحياة .؟ عاطفياً .عائلياً .عملياً ..؟
10 : مين الشخص اللي بيلهمك بتصرفاتك و آرائك.؟ و هل إنت بالنت غير الحقيقة .؟

مرحبا ملاكي
هدول الأسئلة بعرف تقال كتير عليكي بس لازم تجاوبي
و نحن بنعرف أديش بتحكي بطريقة عفوية و حلوة بقا عطينا اللي عندك
و بدي أجوبة بكل صراحة و بتمنى ما تتهربي من ولا سؤال و تجاوبي برياحة
و أي سؤال ما عجبك و ما بدك تردي عليه حطي حدو +!1234567

و بالنهاية بتمنالك قعدة حلوة و ظريفة
و لو إنو بعرف أبو الوليد ما جبلك كاسة كابوتشينو مشان تصحصحي .
ههههههههههههه
هههههههههههههههههههه

سلامات ملاكي
يا ست المنتدى المنورة دائماً

يسعد صباحكم بالاول
تاني شي ابوالوليد ولي ياريتني ماذكررتك هههههههه
المهم شكررا ..ع الورطة

2. كيف شايفه هالكرسي يلي جبنالك ياه حلو؟؟
مو مريح ابد انئرفت رئبتي منو وعلى فكرة مابيخلي يلي ئاعد عليه يحكي بصرااحة هههههههههههه

3. كيفك ملاكي وكيف اخبارك انشالله الامور بخير؟؟
الحمد الله بخير من الله ..انتا كيفك وكيف الاولاد هههههه

4. بدي أسئلك بكل صراحة وبدون احراج ليش كان بدك تلغي الإشراف ؟؟
لسبب بسيط مافيني ساوي شي بالاشراف ههههههه صحيح متل مائلت انو شغلة الاشراف مو شغلة يلي كتير مهمة
بس الئسة كانك حطيتني مو عن طيب خااطر هي بصراحة وبدون زعل

5. شو رايك بمجال دراستك وهل انت بتحبيه ولا دخلتيه على شان العلامات؟؟
مجال دراستي كونو متااح ومطلوب فاشي منيح
ماكنت بحبو بس ..دخلتو علشان علامتي

6. شو رايك بمنتدى معهدنا؟
راح يصير ئلي تقريبا هون سنة بالمنتدى وعم تسئلني شو رايي
بحبو كتي هالمنتدى بعنيلي ..بس من الناحية كامنتدى بدو تطووير اكتر ..رغم اني بقدرر جهودكم المبذولة

7. مين اكتر عضو بتحبيه في المنتدى؟؟
عضو ولا عضوة ههههههههه
والله كتاار بس بالمقدمة غرام

8. شو رايك بالنت يلي بتشتغل وهل انت مع عمل المراه ؟؟
مع هاشي اكيد لانو كون المراة نص المجتمع وئلها كيان واستقلالية لازم يكون ئلها دور كاانسانة ئلها الحق بكسب رزقها
بالاضافة انو المرأة العاملة بتكون واعية لامور الحياة اكتر ومتعلمة
بس مو اي شغل ههههههه شغل يليق فيها كامربية اجيال وام وامرأة بشكل عام

9. شو هو طموحاتك بحياتك؟؟
كتير عندي طمووح...منها انو اخلس دراسة وسافر لاني بحب السفر كتيرر

10. حبيتي قبل بمرة وشو رايك بالحب؟؟
اي بس مافيني اعتبرو حب بمعنى الحب ..حبيت شخص اكبر من بكتير كان الاستاذ بالمدرسة..بس هو ماكان بيعتبرني متل بنتوو
الحب كلمة ئلها معنى كبير..الخلاصة حلو ومر

11. كلمة وصف للأعضاء من وجهة نظرك وبصراحة دون مجاملة طبعا :
روبي رو:بنوتة حبابة ودماتها خفاف
أمورة الشام:اممممم احياانا بحسها كتيرر حبابة واحيانا متمردة مابعرف هيك بحس
سيكسيفول غيرل:لك لقبها وصورتها وتوقيعها واسلوبها كلو بيدل انها عنجد بنت ناجحة معجبة بثقة النفس يلي عندهاا
غرام:بنت جريئة صريحة ئوية ولطيفة كتيررررر..ومحترمة..
ايكوسان:حريف مع شدة ههههه بيحط نقاط ع الحروف بالوئت المناسب
عندوو كتير افكاار كتير بتعجبني انسان صاحب مبدأ...وصريح عند اللزوم
ابو اسامة:اقرب ناس لئلي هون بالمنتدى..غالي كتيرر علي ..شخص حباب وطيوب والاهم انو دبلوماسي
ابو الوليد:طيووب عند اللزوم محترم لاقصى درجة وعبقري كتيرر
صخر:حبااب وطيووب........
لورد:صرريح لدرجة لاتصدق ..مابيلف وبيدور وهاد احلى شي بالشب

وآسف على طول الأسئلة بس هي هي اللعبة هيك هههههههه
ولو عاادي بس تاني مرة لا تعيدها هههههههه

بتمنى انو تكون اقامتك على هالكرسي حللوة ومميزة وبانتظار اسأله باقي الاعضاء
وانا بالانتظارر بس خفو عليي شوي حرام لاتنسو يوم ليك ويوم عليك

ياهلا باستاذ ايكوسان لا مع الكابتشينو غير شكل هههههههه

1: شو أكتر شي بتكرهيه بحالك .؟
طيووبة كتير وعصبية كتيرر

2: شو أكتر شي بتحبيه بحالك .؟
مابحقد ماعندي هاشي ابدا وصريحة

3: شو أكتر شي بتكريه بالبنات .؟ الشباب .؟
بالبنات انو تكون عم تصاحبني بس لمصلحة وانو تحكي عني من وراي
الشباب الكذب ولف والدوران البخل

4: شو رأيك بالحب الحقيقي .؟ في هيك شي .؟
نعمة من الله...اكيد موجود والدليل حنية الام على ابنها

5: أديش بتعطي حالك برضا الوالدين عليكي من 10 .؟
مابعرف لانو ئد مابساوي ماراح ائدر ئدم ولو جزء بسيط من يلي ئدمووه

6 : مين أكتر عضوة قريبة منك من الصبايا .؟ من الشباب .؟
صدااقة شخصية ماحدا ..بس بشكل عام كلهم
من الشباب ابو اسامة
7 : لو قدر لكي تختاري شخصية نسائية مين بتختاري كقدوة إلك و ليش .؟
ماما ..لانو انسانة عظيمة بكل معنى الكلمة ماراح زيد اكترر

8 :مين أفكارو قريبة منك أكتر شي هون و بتحسيه متل قلمك قلمو و بيحكي الكلام اللي بقلبك
غرام ..سكسفول غيرل
9 : شايفة حالك ناجحة شي بالحياة .؟ عاطفياً .عائلياً .عملياً ..؟
عاطيفا: مابعرف هههههههه
عائليا:اي بتكيف مع كل افراد عائلتي بس في شوية تمرد هههههههه
عمليا:مازالت بالبداية

10 : مين الشخص اللي بيلهمك بتصرفاتك و آرائك.؟ و هل إنت بالنت غير الحقيقة .؟
امي طبعاا...لا بالعكس طبق الاصل ههههههههه

اسئلة ..حلوة وخفيفة ..تحياتي

. بدي أسئلك بكل صراحة وبدون احراج ليش كان بدك تلغي الإشراف ؟؟
لسبب بسيط مافيني ساوي شي بالاشراف ههههههه صحيح متل مائلت انو شغلة الاشراف مو شغلة يلي كتير مهمة
بس الئسة كانك حطيتني مو عن طيب خااطر هي بصراحة وبدون زعل

أي لا الإشراف لابسك لبس والكل بيشهد حتى لازم تكوني ادارية
وأنتي ما شاء الله عليكي بتتعلمي كل شي بسرعة

2. كيف شايفه هالكرسي يلي جبنالك ياه حلو؟؟
مو مريح ابد انئرفت رئبتي منو وعلى فكرة مابيخلي يلي ئاعد عليه يحكي بصرااحة هههههههههههه

طيب رح تغيرلك ياه

ومشان الضيافة ولا يهمك أم الوليد رح تقوم بالواجب هههههه
وأيكوسان كمان

انتا كيفك وكيف الاولاد هههههه
هههههههه
خليها لربك أحسن شي
بس الحمد لله على كل شي
أما قصة الولاد ههههههه
هاد لقب
لأن لسا أبو الوليد عزابي وهالدنيا كلها عزااابي خخخخخ

بدي اسئلك سؤال ليش مابتحبي تتعرفي عبنات المنتدى مع انهم بتوقع حبابين

والله يا ملاكي عظمة على عظمة
بجد كلامك نابع من صدق و وجدان صافي كتير
بحب نوعية ردودك كتير ويمكن كانت الإسئلة خفيفة شوي

لأنو بعرف إنو الدور جاي عليي
هههههههههههه
ههههههههههههههههههه
والله يستر منك و من أسئلتك .؟
و أكيد أنت أكتر عضوة عندها أسئلة حساسة و الدليل
هو الجزء الأول من اللعبة

مشكورة شهد
و الله يديمك و يخليلنا ياكي يااااارب

ابو الوليد:شكررا كتير ع الاستضافة الحلووة

وكمان بتشكر ام الوليد يسلم ايديها على صحن الفواكه

&&&&&&&&&&&&&&&&&&&&&&&&&&&&&&&
فارس الحب

ابدا مو صحيح هالكلام انا بحب اتعرف على الكل صبايا المنتدى لانو فعلا كتيرر حبابين

بس مابعرف اذا نفس الشعور عندهم

&&&&&&&&&&&&&&&&&&&&&&&&&&&&&&&&

تسلم ايكوساان .. كلك زوءء

بس بالنسبة للاسئلي فالله يعينك هههههههه

&&&&&&&&&&&&&&&&&&&&&&&&&&&&&&

كلنامنحبك ملاكي كمان ومنحسك حبابة

تم قفل الموضوع

» ايكوسان على كرسي الاعتراف
» عبورة على كرسي الاعتراف
» أبو الوليد على كرسي الاعتراف