الاستقرار العاطفي

كل رجل وكل امرأة يبحثان عن الاستقرار العاطفي........أشعر أنا الزواج هو الطريقة للاستقرار عاطفيا؟ لكن ماذا سيكون شعورنا بعد الاستقرار ؟........هل سنعيش هذه النعمة ونقدرها أم لا ؟
من الممكن جدا أن نشعر بشعور الخوف من المجهول بعد الاستقرار........ربما نعم ......وربما لا........الأمر يعود إلى نفسية كل شخص وطبيعته.......وطريقة تفكيره بالحياة.........هذا رأي..........
ما رأي كل شخص قرأ موضوعي وهل لفت انتباهه شيء معين.........
بانتظار ردودكون

أكيد غرام الزواج هو بيت الحب الأبدي للناس المقتنعين
و صدقيني إذا مافي قناعة بكل شي مو بس بالحب
الروتين رح يقتل الحب و يدمروا و يحول الماضي الرائع لرماد
و نار بين الطرفين و بالنهاية بنتمنى لكل تنين بدون يتزوجوا
يلاقوا حل لهلمشكلة لأنو عنجد المجهول بعد الإستقرار بخوف كتير
هلق الإستقرار بحد ذاتو بيعني تجاوز المشكلة و بعدين
المشاكل بتتراكم و بين الولاد و المشاكل العائلية و صعوبة الموقف بالنسبة للطرفين
بيأدي لأنو الحب يموت بطريقة أو بأخرى و بالنهاية مافي ولا علاقة كاملة مكملة

مشكورة غرام
و صحي ما خبرتينا شو صار معك إنتي و خطيبك
إتجوزتوا ولا لسه .؟؟

تحياتي

اكيد الزواج هو بداية لمرحلة الاستقرار ونهاية لمرحلة الحرية..(برايي الخاص)

وكمان مسؤلية بحد ذااتها .. والانسان يلي بشووف حالو مو كفو هي المسؤلية او مو مستعد ئلها وخاضها

رااح يوجه مشااكل كتير.. اكتر من المشاكل يلي يمكن تواجه اي شخصين مرتبطين وعندهم حس المسؤلية

بس كمان ما لازم نخااف من المجهول يلي بعد الاستقرار..لانو بنهاية كلو ترتيب من الله.. لهيك

مفرض يكون الحس بالمسؤلية.. وتوكل على الله والقناعة اهم شي في الزواج

شكررا.. اناا بحبب شاارك بكل مواضيعيك

شكرا لاستفسارك آنسة غرام ,

الاستقرار بحيات الإنسان مطلب أساسي .
و الاستقرار العاطفي أحد هذه المتطلبات ، لكن معرفة المستقبل المجهول ما حدا بيحسن يعرفها أبدا .

أهم شي نحاول نفهم الآخرين ، لأن العلاقة بين أي شخصين مثل لعبة شد الحبل :
وئت حدا بيشد أكثر لازم الطرف الثاني يكون واعي و يرخي شوي و إلا بتعرفي شو بيصير ....!

شكرا لآركون الحلوة....................
بالنسبة إلي أنا وخطيبي.......منحب بعض كتير وعن قريب رح نتجوز.........بس بصراحة خايفة يا ايكوسان .......عن جد خايفة من المجهول ومابعرف ليش.........انت شو رأيك بكلماتي؟ليش هيك عم يصير معي......وشو رأي شهد وأبو أسامة.؟.......بدي حدا يريحني........

صديقتي غرام :

الحمد الله إنت مخطوبة و الله يفرحنا فيكي عن ئريب .

الخوف من المجهول مثل ما ئلت موجود عند الكل ، بس عليكي تاخدي بالأسباب و تعملي استعدادك
و تصلي ركعتين استخارة و تتوكلي على رب العالمين .

بعدين شو مفكرة خطيبك مو خايف !!! بيكون ميت رعبة هههههههههه

يالله بالتسير إن شاء الله , و لا تنسي تخبيلي قطعة من الكاتو أو الكاساتا , !

اهلين بالعروسة الحلووة

حبيتي غررومة طبيعي انك تخاافي من المجهول لانك راح تنتقلي للحيااة تانية مابتعررفي بضبط كيف هي..

بس اتو كلي على الله ..وان شاالله ياارب تتحقق كل امانيكي

اي ولاتنسي تعزيمناا ...انا كتيرر بحب الفرح والحفلات

التوكل على الله.......

اي مبروك ياعروس الخطبة هي مرحلة الاختبار والانسجام فاذا انتو انسجمتو وتفقتو خلص هو صح في امور مابتبن الابعد الزواج بس بكون هيك نصيبك على اي حال توكلي على الله وانسي كلام الشيطان لانه مابحب عمار الاسر والله يوفقك وتذكري وقت بتكوني مع الله منيحة الله مابيضيعك وعقبالنا ههههه

أهلين غرامو والله

ليكي غرام شوفي بما إنو إنتي و خطيبك بتحبوا بعض
و كل بيناتكون تمام ما تخافي من ولا شي توكلي على رب العالمين
و إتجوزي و إن شاء الله ما بتكوني غير مبسوطة
هلق كلماتك مافيها شي غير إنو واضح فيها لبكة
هو الزواج بحد ذاتو بيخوف أكيد لأنو مرحلة جديدة من الحياة
و كل شي بحياة العذوبية بدك تنسيه حكينا كتير عن هالموضوع
أكيد مافي شي غرامو ما تخافي ولا عبالك و إن شاء الله بنفرح فيكي عن قريب

سلامات و ألف مبروك سلف
و يا ريت تسلميلي ع خطيبك

مرحبا غرام

موضوع كتير حلو للنقاش

رح أعطيكي رأيي وشو بحس

هلئ كتير بنات بعرفون بعد ما تجوزوا

حكولي أني ما استعجل وما اتسرع ولاحقة عالعذاب والهم

انا بستغرب كتير من حكيون مع انون اول فترة بكونوا كتير مبسوطين

يعني بصيروا بملو أو بتصير الامور عندون عادي

بس انا بخالفون بهالرأي

لان بالنهاية الزواج هو سنة الحياة

وحلو الواحد يكون اسرة حلوة ومتفاهمة

والزواج مسؤولية كبيرة

لازم نكون اد هالمسؤولية ونعرف نختار الشخص المناسب

وأكيد بالبداية رح نخاف بس بعدين بروح هالخوف ومننتقل لحياة جديدة

ونحنا بأيدنا فينا نخليا إما حياة حلوة مبنية عالتفاهم والاحترام

أو بأيدنا فينا نقلبا لجحيم

والله يقدم يلي في النصيب هيك أمي بتقول

بانتظار نقاشات جديدة وحلوة

هلأ الزواج هوي بداية النهاية لحياة العزوبية والمراهقة والانتقال لحياة منظمة الها هدف سامي
هالاستقرار العاطفي بدأ من مرحلة الحب والتفاهم والثقة المتبادلة
بتمنالك التوفيق والسعادة
اما بالنسبة الي بشوف انو الزواج قفص واسر للحرية والله يبعدنا
هههههههههه لاتقولي في تناقض هيدا رأيي الشخصي
اما الحكي الأول لشجعك ها

يا سيدي أنا بهني كل مين بحب او مخطوب ( الحمدلله أنا مافي حدا رضيان فيني ) بس لازم الشي و البنت يفكروا قبل مايحبوا لوين بدو يصلوا لازم يعملوا حساب أنو عل الأقل لازم ينخطبوا ولو حتى بين الأهل ويحطوا محسابس ولو كان بسعر رمزي مشان حكي العالم و يختبرو حالون فترة حتى حدا يكون نفسوا بعدين يحتفلوا بخطوبتون أو يتزوجوا بس المهم أنو يرتبطو ببعض بناطق معين بحيث أنو ماحدا يحكي عليهون

» الذكاء العاطفي: بين النظرية والتطبيق