مصطلحات الدكاترة

زائر

سلامات
ملاحظة :لمشرفة قسم الطب والصحة , سامحينا و لا تزعلي منا عالموضوع بس حابين نلطف جو

" هاد المرض ما بيستنى معنا، لازم نعملو عملية فوراً"
بيكون قصده
لازم نلحق نعملك عملية، لأن لو استنينا رح يطيب المريض لحاله وتضيع علينا الفرصة!!
=====================================
لما الدكتور يقول
"انت محتاج تعمل شوية تحاليل"
بيكون قصده
من الآخر أنا ما عرفت شوعندك، بلكي الدب يلي بالمخبر بيعرف وبينورني!!
=====================================
لما الدكتور يقول
" استعمل الدوا هاد وتعا لعندي بعد بكرة "
بيكون قصده
هاد دوا لا بينفع ولا بيضر، تعا بعد يومين لبين ما أكون سألت حدا بيفهم!!
=====================================
لما الدكتور يقول
" شو تاريخك المرضي؟!! "
بيكون قصده
بدي اعرف أسامي الدكاترة اللي كنت تروح لعندهم، مشان أعرف انت دفيع ولا لأ.....!!!!
=====================================
ولما يقول
" بشوفك بعد عشر أيام "
بيكون قصده
مشان تدفع معاينة جديدة، انت ما قريت شو مكتوب عالكرت "المراجعة مجانية خلال أسبوع"!!
=====================================
ولما يقول
" عندي خبر مو كل هالشي كويس، وخبر حلو، عندك مرض خطير بس إذا ما ضيعنا وقت ممكن نلحقو ونعالجه "
بيكون قصده
الخبر الحلو اني أخيراً رح اشتري سيارة مرسيدس والخبر المو كل هالشي انك رح تدفع حقها منك!!
=====================================
ولما يقول
"نحنا رح نتابع تطورات الحاله أسبوع كمان قبل ما نعمل أى اجراء"
بيكون قصده
الصبر..... طيب يمكن البلوة هي تتحول لشغلة نعرف إلها علاج!!

=====================================
لما الدكتور يقول
"اعمل التحاليل في المركز هاد، أنا بثق بالنتائج تبعهم"
بيكون قصده
بيدفعولي عمولة 40% من ثمن التحاليل!!
=====================================
لما الدكتور بيقول:
" أنا رح احولك على أخصائي يشوف حالتك أحسن مني "
بيكون قصده
انت صحتك متل الفل بس الزلمة هاد مزنوق على قرشين وواجب ننفعه!!
=====================================

وانا بقول للدكاترة اشتغلو للمرضى من قلب ورب
وحاجتكن خورفة فيهن حرام عليكن

ههههههههههههههههههه حلوة الملاحظة خلص هالمرة سماح

بالفعل هالأيام هيك الدكاترة صايرين
لكن يا عالم ياناس معاينة بس بس فحص يعني لا صور اشعة ولا شي ماساوى شي غير فحص
بياخد 1500 عنجد حرام والله العظيم حرااااااااام

ثانكس زمن

الله يصلح كل الدكاترة و يصيرو يشتغلو بنور الله

هلأ صحيح الموضوع فكاهي ، بس في هيك نمر بالواقع للأسف ...!

معروفة المشكلة عويصة كمان ، يعني أنا مع الدكاترة من ناحية إنو بأضي نص حياتو دراسة

وبيطلع ايد من ورا و ايد من إدام ...! هي إذا ما كان مديون .

بعتقد مشروع شركات التأمين الإسلامي بيأمن و بيخدم بهي الناحية .

شكرا إلك صديقي زمن ,

الي بيعيش كتير بيشوف كتير

على الله

الله يهدينا وعند رب العالمين ما بيضيع شي

يسلمو زمن والله صح هاد واقع

مع التحية

» مصطلحات زوجية
» مصطلحات شامية
» مصطلحات فكرية.....