PASSWORD ، كلمة السر

السلام عليكم :

أحببت أن أطرح عليكم حالة يعرفها بعضنا و الآخر يمارسها .

حالة نجدها بين المحبين أو الأصدقاء أو حتى الأصحاب و طبعا عند بعض المتزوجين .

الحالة هي تبادل كلمات السر بالنسبة للمواقع أو الايميلات الخاصة ...!

أو لربما طلب طرف من الأطراف لكلمة سر الطرف الثاني ...!

السؤال : 1- ماذا تعبر لك هذه الحالة و ما رأيك بها ؟
2- إذا كنت الطرف السائل ، ما غايتك و لماذا ؟
3- إذا كنت الطرف المسؤول ، ما جوابك و ما هي ردة فعلك ؟
4- بين من تعتقد يجب أن تكون هذه المبادلة ؟
5- هل تعتبر اعطاء كلمة السر الخاصة بك لشخص نوع من أنواع الحب ؟! و لماذا ؟
6- في حال رفض الطرف الثاني اعطائك كلمة سره ، ما رأيك ؟؟

أرجو الرد بكل شفافية و وضوح .
بانتظار تعليقاتكم و مشاركتكم .

و شكرا لكم مقدما ,

1- ماذا تعبر لك هذه الحالة و ما رأيك بها ؟
أنا برأيي غلط و هالشي ما بيصير أد ما كانوا أوفياء لبعض بيضل في خطوط حمر
و أنا ضددو أكيد بس بصراحة ساويتها و عطيت رقمي مرة لرفيق من زمان

2- إذا كنت الطرف السائل ، ما غايتك و لماذا ؟
ولا مرة طلبت من حدا كلمة سر لأنو والله ما بهمني بنوب ولا واحد بهالوقت

3- إذا كنت الطرف المسؤول ، ما جوابك و ما هي ردة فعلك ؟
حسب الشخص بس متل ما قلتلك ما بعطي أبداً بس مرة وحدة بهالعمر و ماعد تتكرر

4- بين من تعتقد يجب أن تكون هذه المبادلة ؟
زوج و زوجته للضرورة و بس
لأنو بيكون أحد الأطراف شاكك بالتاني فالحل إنو تشوف بعينها

5- هل تعتبر اعطاء كلمة السر الخاصة بك لشخص نوع من أنواع الحب ؟! و لماذا ؟
لأ
يا سيدي إذا حبي بدو يكون بهالطريقة أو من هالنوع فبلاه أحسن من وجوده

6- في حال رفض الطرف الثاني اعطائك كلمة سره ، ما رأيك ؟؟
هي حريته الشخصية بس ما سبق و حكيت ماني كتير مع هالشغلة
و أنا الحمد لله ما أخدت ولا طلبت كلمة سر حدا

مشكور إيادو حبيبي و كل عام و إنت بخير

: 1- ماذا تعبر لك هذه الحالة و ما رأيك بها ؟
بصراحة بجوز هي الشغلة اما لتاكيد الثقة او لعدم وجودهااصلا ومابتصير غير بين المحبين وبين الام وولادها
2- إذا كنت الطرف السائل ، ما غايتك و لماذا ؟
بصراحة لسا ماصارت معي بس ان صار بكون لشخص بحبه وبدي اثق فيه اوبدي اتاكد لانه الشباب خوانين شوي بس مابتوقع يعني ساويها لاني بعرف الحب مابيصير بالنت بشو ف الموبايل يعني غير اشياء

3- إذا كنت الطرف المسؤول ، ما جوابك و ما هي ردة فعلك ؟
هههههههه ممممم والله ان بحبه بجد بعطيه بس على ايه حال انالمابحب شخص بصدق بقله كل شي ومابخبي شي حتى وان اكلت خناقة بس بحب ماخبي علي شي وكون صادقة معه واللي حبني بيعرف هالشي فيي وكمان لاني بحب يغار علي اصلا مابتكون ردتي عادية متل مابده

4- بين من تعتقد يجب أن تكون هذه المبادلة ؟
بين الام وولادها والزوج والزوجة ممكن بس يعني مامنيح هالطلب لانه معناه مافيي ثقة

5- هل تعتبر اعطاء كلمة السر الخاصة بك لشخص نوع من أنواع الحب ؟! و لماذا ؟
بجوز مو حب لا هاد معناه تنازل او معناه انا صادقة او معناه انامابخبي عليك بس اللي بده يخون مارح يخون بالنت ههههههه

6- في حال رفض الطرف الثاني اعطائك كلمة سره ، ما رأيك
مممم اذا كنت بحبه بلش بشك شوي انو مخبي عليي بس مو لدرجة اتركه لا بس على اي حال الفتاة بتعرف انو الشب عم يخونها ان كانت بتحبه بصدق ومن قلبها

مرحبا

السؤال : 1- ماذا تعبر لك هذه الحالة و ما رأيك بها ؟

بشكل عام مو حلوة هالشغلة وبتعبر عن عدم الثقة بين الطرفين

2- إذا كنت الطرف السائل ، ما غايتك و لماذا ؟

أكيد رح كون شاكة ومالي واثقة في وحاسة أنو عم يخوني ويحكي مع بنات

3- إذا كنت الطرف المسؤول ، ما جوابك و ما هي ردة فعلك ؟

أكيد بألاول رح اسكت ورح استغرب ورح انصاب بخيبة أمل لان هالشخص التاني رح يكون مالو واثق فيني

4- بين من تعتقد يجب أن تكون هذه المبادلة ؟

هي مافي داعي تكون بين حدى بس يفضل تكون بين المتجوزين اذا كتير بدو يصير مشاكل وشكوك

5- هل تعتبر اعطاء كلمة السر الخاصة بك لشخص نوع من أنواع الحب ؟! و لماذا ؟

لااااااااااا

لان اذا كتير بحبو بعضون لازم يكون في ثقة من البداية

6- في حال رفض الطرف الثاني اعطائك كلمة سره ، ما رأيك ؟؟

في الها معنين

1/ عم يحكي مع بنات وعم يخبص

2/بيجوز بفكر أنو هي أمور شخصية ومابفضل خدى يطلع عليها

حلو هالحوار وواقعي

شكرا أبو أسامة

انا مستغربة لي هالتعئيد

اذا شب بيحب بنت عنجد او بالعكس اذا بنت بتحب شب عنجد مو هههههه

بتعتيه او بيعتيها الباسبورد

بيجوز تلبو او تلبها مو لسبب عدم ثئة لا بيجوز هو او هي بتعرف هالشغلة مهمة بنسبة ئلو او ئلها

وحب الشب او البنت انو يتاكدو انو هيك اشيى ممكن تكون اكتر اهمية منهم.. تيب بركي كان عم يجربني

وبعد ما وافئت بتل وئلي خلس انا بس حبيت شوف شو الجواب

بليز الشباب هيك اشيى مو كتير مهمة ومائلها داعي لنزعل يلي منحبهم عشانها

ولاهي خت احمرر ولاشؤون خاصة وبس

وراح جاوب على الاسئلة لكون اكتر شفافية ووضوح

1- ماذا تعبر لك هذه الحالة و ما رأيك بها ؟
تاكد من شي يلي بيحبني مو متاكد منها بس مو بضرورة عدم ثقة

2- إذا كنت الطرف السائل ، ما غايتك و لماذا ؟
غايتي انو اتاكد من شي هههههه

3- إذا كنت الطرف المسؤول ، ما جوابك و ما هي ردة فعلك ؟
جوابي اكيد اي لانو مافي شي لخبيه وردة فعلي راح تكون على حسب السبب التلب

4- بين من تعتقد يجب أن تكون هذه المبادلة ؟
بين كل اتنين بيحبو بعض

5- هل تعتبر اعطاء كلمة السر الخاصة بك لشخص نوع من أنواع الحب ؟! و لماذا ؟
نوع من انواع الثقة واحب وكلشي حلو ههه

6- في حال رفض الطرف الثاني اعطائك كلمة سره ، ما رأيك ؟؟
حر .بس بيكون اعرفنا منيح شو نحنا بنسبة ئلو

ابو اسامة ان شالله نكون ئدرنا نوصلك الفكرة

وشكرا ع الموضوع الظريف

1- ماذا تعبر لك هذه الحالة و ما رأيك بها ؟

أوكي مافيها شي ، إذا كانو الطرفين متفقين أو مثلا لحالات طارئة .

2- إذا كنت الطرف السائل ، ما غايتك و لماذا ؟

أنا من نوع ما بسأل لأن بعتبر أمر شخصي ، و الحالة يلي بسأل فيها فقط لأم أسامة لإنو هي شريكتي .

3- إذا كنت الطرف المسؤول ، ما جوابك و ما هي ردة فعلك ؟

أول شي لح يكون في صدمة من السؤال و ثاني شي مابحسن لأن في أمور خاصة بشغلي يعني مو لعبة إذا صار في مشكلة بروح كل شي ملفات و شغل ، لكن إذا كان الطرف شاكك بشي أو مشان برء ذمتي مثل ما بيقولو بحسن افتحلو ايميلي و يفتل فيه على كيفو أو كيفها وهيك بيكون ناحو و عم شوف .

4- بين من تعتقد يجب أن تكون هذه المبادلة ؟

بين المرتبطين مع بعض إن كان شراكة أو زمالة أو زواج و طبعا الاستخدام للحالة الضرورية و بعد الرجوع للطرف الثاني.

5- هل تعتبر اعطاء كلمة السر الخاصة بك لشخص نوع من أنواع الحب ؟! و لماذا ؟

فيني اعتبرها بجانب من الجوانب حب ، و مافي داعي لخبي عن شريكتي بالحياة ، ولو ما عطيتها لازم ما تزعل لأن أكيد بيكون لسبب بعيد عن نطاق العائلة ...

6- في حال رفض الطرف الثاني اعطائك كلمة سره ، ما رأيك ؟؟
إذا طلبت وهي شبه مستحيلة إني اطلب هيك طلب . أوكي حرة إذا رفضت وباخد الأمور بروح رياضية ...وبحاول على الأقل تفتح ايميلها قدامي إذا كان عندي شك كبير نفس الفكرة تبعي يعني !!!أما إذا ما عندي شك فيها و بس مشان التسلية هي بترجع لرضى الطرفين و اتفاقهم .

طبعا شكر كتير كبير للمشاركين بالموضوع

ايكوسان ، عاصي ، قمر الشام ، ليدي

أعجتني أفكاركم و وجهات نظركم و هيك فينا نتشارك مع بعض و نشوف ردات الفعل و الأجوبة

أهم شي نتفاهم و نكون على قدر المسؤولية و نعطي الأعذار قبل ما نتهم بحدا .

شكرا لمروركم و إذا حدا بحب يضيف شي أو يشارك بانتظاركم .

» برنامج رائع يستعيد كلمة السر للملفات المضغوطة ببرنامج WinZI
» السر بشهر العسل
» كلمة هي