تنويه هام نرجو أبداء الرأي

الأعضاء المشرفون تحية طيبة وبعد
هذا الموضوع هو عبارة عن وجهة نظر لا أكثر ولا أقل للعضو والمشرف : الكابتن برهوم وأنا الإداري أبو الوليد

1. المنتدى ممل:
بصراحة هاد الشي واقع و ملموس من كل جوانب المنتدى
يعني بإستثناء قسم الألعاب و الترفيه مافي ولا قسم عم بيتم الردود عليه بشكل يومي
طيب ليش نحنا ما بنزل مواضيع بأقسام تانية و هيك بنفعل كل الأقسام مع بعضها

2 . قسم الألعاب صار بيشهي
حلو كتير حبيبي العضو لما ترد على إي لعبة هاد الشي من حقك و ما بنختلف عليه
بس إنو يصير الألعاب تشات كتابي بين شب و صبية أو شب و رفيقو أو بنت و صاحبتها
طيب إذا بدكون تحكوا و تمسحوا جوخ ياريت يتم على تشات المعهد يلي هو بالبداية أول ما تفوت
يمكن يكون الرد على هاد الشكل :
هذا الكلام بالمجمل صحيح بس لازم نعرف أنو في أيام ما منلاقي غير عضوين لهيك بصير هيك أمر
والسبب أحيانا لعبة منافسة وتكسير روس لهيك بيضل المناوشات
أو موضوع مدح أو ذم و هنا لا أحد يستطيع كبح جماح العواطف الجياشة

3 . زيادة عدد الردود
لفت إنتباهي رد أحد الأعضاء بموضوع " تنبه هام للأعضاء و المشرفين " اللي نزلو الأخ وسام
إنو الرد بقسم الألعاب نحن حرين فيه و أد ما بدنا بنرد و لازم ما حدا يوقف بوشه قال يعني " حرية التعبير "
نحن مو ضدد هالشي بس اللي عم بيقول إنو عدد ردودنا صارت مدري أديش يشوف تاريخ التسجيل كل عضو
من القائمة بعدين يقارن و يعمل متوسط حسابي للشي اللي هو عم بيساويه هل كللللللو من قسم الألعاب و الترفيه .......؟ شي أنا ما بقدر علق عليه غير
" ماصرلك بالقصر غير مبارح العصر " ....!!!!!!
وأغلبهم رصيد عضويتهم على مشاركات وردود لا تزيد أي فائدة

4 . غياب الرقابة الإدارية
بشكل عام أنا عم إحكي أكيد ما عم سمع حدا من المشرفين بس في تعفيسات بالردود عم بتصير غير مقبولة
المشرف هو المسؤل الأول عن قسمه إذا كل مشرف دار بالو على قسمو
ببصير الخطأ أقل

5 . عدم إستمرارية العضو \ة
هي شغلة ممكن تصير بأغلب المنتديات بس عنا هالظاهرة مو طبيعية و بتخوف
بتلاقي العضو أول ماينزل ببلش مواضيع و ردود بتقول هاد"رح يفجر المنتدى" و شوي تانية بتلاقي "بف " إختفى
لييييييييييييييييشش ....؟ حدا يفهمني
أنا بشوف إنو السبب هو إنو بينزل موضوع و ماحدا فاضي يرد عليه لأنهون مشغولين "بشات " الألعاب و الترفيه و زيادة عدد ردودهون " هاد من حقكون بس بالشي المنطقي و الواقع و من دون ما تضر بجمالية المنتدى " بقا بشوف حالو لحالو ضمن هالعجئة و من دون حدا قريب منو ولا حتى رد على موضوعو

7 . قلة الأعضاء الفعاليين ..؟
أنا برأيي مو كل مين رد بيكون فعال
لأنو صراحة عم نشوف خرابيش الجاج بالردود و كلام بلا طعمة (حرفيا على لسان الراوي ) هههههه
و بالنهاية موضوع الردود كل واحد بيكتب عن كيف هو عايش و الثقافة و الشخصية الي هو \ي بيمتلكون

هي رسالتي لأعضاء ككل
وشكرا جزيلا لكلامك برهوم لأنو عنجد حكيك كتير فادني بالتعبير عن الواقع
مع كامل الإحترام والتقدير للقارئ أولا
وللأعضاء والمشرفين ثانيا
وخاصة مشرفين قسم الألعاب المحترمين

والله الكلام في وجهة نظر صح كترة الالعاب
بس في شغلة هي الاهم برأي انو مافي اخبار عن المعهد عم تنزل كمان
غير كترة الالعاب والردود الفاضية وانا بوجه الحكي الي اول واحد

أهلا وسهلا فيك حبيب
مشكلة إعلانات المعهد أنو أنا لما كنت طالب بالمعهد كنت صور كل اعلان ونزل عنو خبر
بس حاليا أنا متخرج ومسجل بالجامعة وعندي فحوص ههههههه حتى الشهادة لسا ما نزلت جيبها
لهيك كان بدي نزل موضوع اطلب فيه من اي عضو لساتو مسجل بالمعهد وعم يداوم أنو ينزل أخبار وياريت إذا فيك تساعدني بهالمجال باعتبارك سنة أولى وباينتك عضو نشيط وأكيد كتابة جملة أو خبر عن المعهد سهلة عليك
وأنا لو كنت فاضي لكنت نزلت كتير شغلات بس بدي شي شهر لأفضى هههههه هي اذا فضيت
حبيبنا نحنا بحاجة لمشرفين جدد لقسم المعهد على قدر المسؤلية إذا بتحب خبرني
ناطر ردك ..........
ومشكور عالتفاعل الحلو ....

صديقي انا لح حاول اعطي شي مختصر
الملل عم يجي من التعود والروتين والتكرار والحل عندكن
وتنويه انو هاد الشي بكل المنتديات وبالنت كلو كمان
وبالدنيا كلها بشكل عام
فلا لومة للائم على حدا
وسلااااااااام مدير واحلى زميل عسكور

ابو الوليد انا ان شاء الله بحاول جيب اخبار المعهداول بأول
بس شغلت الاشراف صعبة مبدئيا

هلا حبيب مشكور عالمبادرة الحلوة
ومشان الاشراف ... بس افضى بعلمك عليه شغلتو سهلة

كلام جميل ...

بتشكر كل مين فاعل و عم يفاعل لخدمة الطلاب .

بصرااحة انا معك بكلشي قلتوو يعني مو غلت الواحد يتسلى ويمضي وقت بس نحنا هون كمان لنفيد ونستفاد

انا من جهتي بعترف اني مقصرة بدوري كعضوة مسجلة بالمنتدى ..بس كمان الواحد بيكون عندو شوية ظروف

بتشغلو..

بتشكررك استاذ غساان على نقطة المهمة

وان شالله المنتدى بيرجع متل مااكان واحسن

بالنسبة لموضوع الألعاب مالي شايفة انو تمسيح جوخ وشات وكلام مو منيح وخرابيش الجاج ومن هالقصص

هي بالاخير لعبة وتسلاية ومابتحلى غير لما نشارك ونمزح وننبسط شوي

حتى مافي هالعدد الكتير من الاعضاء لحتى نشارك باللعبة لمرة وحدة
وشي أكيد نشوف مشاركة أعضاء معينين بس عم تتكرر

ومو معقول كمان بهي اللعب البسيطة يلي الواحد عم يفوت ليتسلى وينسى شوي الدراسة والمشاكل تقول ديموقراطية وحرية

تعبير وندخل بالسياسة ههههههه

وبنفس الوقت كلنا مقصرين لان ماعد حدى نزل موضيع مفيدة وماعد في اعضاء كتير

وانا كل فترة بشارك بموضيع قديمة ماحدى مشارك فيا من قسم الصحة لحتى استفاد وفيد غيري بما اني مشرفة القسم

وبالنسبة للرقابة ماعم شوف أنو في كلام مو حلو( تعفيسات بالردود)؟؟؟؟ عم تنكتب

واكيد مارح نحكي بطريقة رسمية ولا نتمادى ونتعدى حدودنا بالحكي خير الامور اوسطها حلو ناخد ونعطي ضمن الحدود

وصراحة انا المنتدى بحبو حتى لو ممل وسخيف لاني تعرفت من خلالو على رفقات كتير حبابين وظراف وتعودت نحكي

وندردش ونشارك سوى كل يوم

هاد رأيي...........

no comment
Sleep

» الادب طريق الى ايقاظ الرأي
» تنويه هام ................
» تنويه لجميع المشرفين..