وقت الجد الرجل الى الوراء

بسم الله الرحمن الرحيم

ظهرت في الآونة الأخيرة ظاهرة عدم قدرة الشباب على تحمل المسئولية بشكل واضح في جميع شئون حياتهم ولا سيما في الزواج والعلاقات العاطفية ،

فنجدهم يرغبون في الحديث مع هذه ومقابلة تلك وحب أخرى ولكن وقت الجد والزواج للخلف در!

لا شك أن الضحية الوحيدة في تلك الحالة هي الفتاة بل وأهلها الذين يمكن أن يكونوا قد استعدوا لزواجها أو خطبتها ، ولكن تأتي الرياح بما لا تشتهي السفن حيث يصطدمون بأن من أحبته ابنتهم ليس سوى شخص غير قادر على تحمل المسئولية وإتمام تلك الخطوة حتى النهاية.
ومع زيادة تلك الفئة من الرجال في مجتمعاتنا العربية كان لابد من التحري ومعرفة

الأسباب الكامنة وراء تلك المشكلة ،
والتي سنستعرضها معكم في الأسطر القادمة.

- فكرة أن يكون هو العائل:-
من المعروف أن ]الرجل [/url]أو الشاب هو عمود أي أسرة وسندها ، فهو من يخرج للعمل من أجل الكسب ويأتي بأثاث المنزل وسلعه المختلفة.
ومع اقتراب الزواج لم يصبح الأمر بالفرصة الجيدة بالنسبة له ، لأنه ذاق شقاء العمل وتحمل المسئولية ولا يريد أن يظل عبداً لها مدى الحياة.
فبالنسبة للرجل يعتبر الزواج تقييداً لحريته وعبئاً عليه لما يشكله من الضغوط الهائلة ، أما المرأة فهي ترغب كثيرا في الزواج وترى أنه أكثر حرية بالنسبة لها وتستطيع تجربة أشياء لم تجربها من قبل كتربية الأطفال مثلا.

***********************

- خوفه من التدني وانحطاط قدره:-
ففي حين أن المرأة تقدر الدراسة والعمل والنجاح كثيرا ، يفضل الرجل الراحة والكسل وعدم الاكتراث بالأشياء حوله.
فالمرأة تستطيع العمل وتربية الأطفال وتحمل مسئولية الأسرة ، وبالتالي يعمل هذا على ترك الرجل بلا دور يشغله في الأسرة ومن ثم تدنيه أو انحطاط قدره.
هنا تقوم الزوجة بكلا الدورين ، سواء مادي (أن تكون هي العائل) ، أو روحي (كونها الأم) تاركة للرجل القليل من المهام والأدوار.
فأين دوره المادي؟ وأين دوره المعنوي؟ فلقد تقلص من كافة مسئولياته وأدواره ، وهذا هو سبب تراجعه عن فكرة الزواج.

***********************

- الرجال يحبون اللعب:
يميل الرجال بطبيعتهم إلى فترات اللعب والمرح ويفكرون بالزواج على أنه ساحة للهرج والمرج ، باختلاف النساء التي تنظر للزواج على أنه علاقة حب وصداقة ومسئولية لاشك.
ومن هنا يبدأ الرجل في التفكير فى تلك المسئولية وتربية الأطفال التي ستعوقه دون تحقيق أولوياته في الحياة ، والنتيجة الطبيعية هي التراجع عن تلك العلاقة الجادة.

******************************

- الخوف من الفشل:-
فالحب أو الزواج يولد القلق والخوف والعديد من المخاطر التي تظهر مع امتداد الحياة ، ونتيجة نشأة الرجل منذ الصغر أن يكون مصوبا هدفه نحو الفوز دائما ، فهو يشعر بالخوف في حالة فشل الزواج أو انتهاؤه ، ليس حزنا على حب سيضيع منه أو أطفال وزوجة ، ولكن على ما قام بشراؤه ودفع فيه من أمواله خلال تلك الفترة!
ونصيحتنا إلى شباب تلك الأيام المتذبذبين تجاه فكرة الزواج ، هي آلا تتردد ولا تخف فالزواج سنة الكون ونصف الدين.
ولتكن آخر كلماتنا إليك نَظرَةٌ فَاِبتِسامَةٌ فَسَلامٌ فَكَلامٌ فَمَوعِدٌ فَلِقاءُ ، فَاِتَّقوا اللَهَ في قُلوبِ العَذارى فَالعَذارى قُلوبُهُنَّ هَواءُ.

لك اي والله يتقو الله

المهم بدي عقب على كلمة رجل بالعنوان

وقت الجد الرجل الى الوراء

ساعتا هادا مو رجال

الرجال يلي عن حق وحقيق ما بيرجع لورى وقت الجد

الحياة بتمشي بالمساعدة والتعاون بين الشب والبنت

الحياة بدها تنازلات ومسايرة

مشكورة عالموضوع ليدي

بس مالقيت حدى من الشباب مشارك

يظهر ما عجبون الموضوع هههههههههههههه

والله الموضوع بده صفنة احيانا الحب قبل الزواج بكون مو صح لان البنت مابتعرف تختار شريك حياتها القادر على الزواج وبالتالي عند اول فرصة جد بيخاف اوبقول وين فتت اما لما بكون مستعد وبقول لاهله انا جاهز اغلب الاحيان بيقول لامه انا جاهز للخطبة ووقتها ممكن يقول لامه دور وممكن هو يدور بس كتير وقتها رح يكون حذر بالاختيار لانه رح تكون زوجة وام ووقت رح يختارها دغري رح يحاكي اهلها ومار حيع دفترة يحبها بدون مايخبر حدا لانه بكون جاهز او جدي وهاد هو الحال بالمجتمع الشرقي عنا هلا انا مابخفي في رجال بكونو جاهزين وبخافو كتير وبيتراجع وبس هدول بكونو قلال هو حلو البنت تتزوج شخص بتحبه بس لازم تختاره بعناية كتير يعين شخص قادر على تحمل الاعباء وهي اعباء الزواج

كلام حلو شكرا على المشااركة
منوورين صبايا

هلق شوفي أنو كل الشباب ملائكة هدا الحكي غلط بس أنو كل الشباب شياطين هون بدي قول الله يسامحك.

ليش الله يسامحك هون حطنا الجمال:

1- من حكيك هاد أنتي بلشتي تظلمي عالم ويلي هنن متل : أخوك ز أبن عمك أبن عمتك أبن خالك.

2- اذا بتعرفي وحدة صار معها هيك قصة مو الضروي أنو الكل عاطل.

هدا طبعا الحكي تبعي كلو علاك وهلق الحكي العلمي :

الحياة صارت صعبة وصار صعب عل الشب يعيل عائلة لحالوا اذا ما كان عندو شغل منيح والشغل المنيح مو بسهولة بيجي وبدو تعب (صح عنا السباب صفيانين مو خرج شغل بس نحنا عما نحكي عن الباب يلي نظلمو بحكيك)وبعدين الشب مالوا شخص خارق صح بيخاف من الفشل بس مو كل الشباب بتخاف من الفشل كا فشل بحد ذاتو في شباب بتخاف أنو فشل يعذب العالم يلي معا.

بالنسبة لشباب يلي بتحكي مع بنات وبضل من بنت لبنت هدول نوعين:

منون عما يتسلا صح (والله يشوف فيهون يوم)

بس في منون بيعاملو كل البنات عل أنو نفس الشي عندو يعني بيحكي مع مين ماكان من دون قيدو وبيقا تعاملوا طبيعي معون لا بغش حدا ولا بيخدع حدا.

كمان أنتي قلتي أنو الشباب بحب التسلية طيب سؤال تسلية بحد معقول حرام صارت وعيب يعني والشب يلي بحب يتسلا خلص صار شب عاطل ومابينفع ليش سؤال البنات مو بتحب تتسلا مو بتحب بترفه عن نفسها منون بشكل كبير ومنون بحد معقول يعني.

وهلق أمر الزواج:

الزواج صفيان عنا متل السلعة يلي بيدفع أكتر هو يلي بيربح هدا شي مو بشكل عام بس موجود بشكل كبير و الزواج بدو مصاريف هي الأوهام تبغ زيتونتين المسا و رغيف الصبح هي كلها أوهام عندك أجار بيت مواصلات كلفة عرس تصليح أكل فواتير وعدي اذا بتعدي يعني أنتي مثلا بتحسني تعيشي مع شب مامعو أنو يعيشك ولا عيشة بسيطة أكيد لأ واذا أنتي بتحسني أهلك مابيرضوى (وهلق الشي المهم) اذا هل الشب كان بحبك عنجد هو مابيرضى أنو يعيشك هيك عيشة بالعكس لازم يعمل جهدوا أو لازم يلاقي حل.

وانا عل صعيدي الشخصي بحب بنت كتيرررررررررر بس بصراحة بتمنى أنو ماتحبني رغم أنو هدا الشي حيكون صعب بس أنا مالي مستعد نطرها معي وعذبها معي مدة لاتقل عن 6 سنيني لبين ماكون حالي وصير أحسن أفتح بيت.

ليكي حكي صعب وملخبط بس هي هية الحياة.

وقبل مانحكي عن حدا لازم نشوف حالنا ونصلح حالنا ولازم نشوف أغلط يلي متلنا ( يعني البنات ) كامن في منهون ملائكة وفي منهون شياطين صح.

وأخيرا بحب قول أنا ماقصدت حدا وهدا حكي بشكل عام.

وأسف اذا أزعجت حدا

شو شايف ماعد حدا حكا

ابو الريف اناا ماعم اشمل.. عم بحكي ع الشبااب يلي هيك بيسااوو وطبعا مو الكل وجوابك عندي فيه عدة نقااط:
اول نقطة برجع باكدلك انا ماعممت عم بحكي عن فئة معينة من الشباب يلي مو شغلتها وعملتها الا انو تتسلى ببنات العالم هاد شي وشي تاني انو المعيشة صعبة هاد شي معروف من زمان بوطننا يعني شي مو جديد علينا ابدا نحنا مامنحمل الشب اكتر من طاقتو بس يا اخي اذا هو موئادر يفتح البيت ويصير مسؤول لايتسلى البنات العالم ولا يحب من اصلو لانو الحب مو بس كلام وراه مسؤولية كبيرة يابيكون ئدهاا اذا كان رجال بكل معنى الكلمة يا من اولها لايعشم بنات الناس حراام لانو هاشي مابيصير (هي بحال اذا شب عنجد عندو ضمير ومافي ئلو نية انو يتسلى )

النقطة التانية انو شو ئسدك انو في منن بيعاملوكل البنات نفس الشي عندو ؟؟؟شو ئسدك يعني انو كاصديقة ولا انو ئسدك انو بيكون صريح معهم بالبداية انو عم يقضي وقت وهنن موافقين ؟؟بس وضحلي شو ئسدك بهاد شي لو سمحت

كمان اي الشب يلي بيتسلى شب عااطل ومو منيح ولو منيح وفي ذرة شرف وبيخااف على عرضو ماكان ئرب على عرض النااس اي عاطل ومو منيح غير الاذيى يلي بيلحئها للبنت اما بخصوص امر الزواج مزبوت معك حئ هاد يلي عم يصير انو اهل عم يعاملو بنتهم كاسلعة بس طبعا مامنشمل بحكينا في اهالي بيساوو هيك من باب انو بدهم بنتهم تعيش مرتاحة وهاد حئهم بس كمان لازم ماننسى وصية الرسول صل الله عليه وسلم ""من ترضون دينه وخلقه فزوجوه"" ياريت لو كل الاهالي هيك بيطبقو وصية رسولنا بس يااخي مو مفروض تكون فكرة الزواج عندكم متل الكابوس لانو هي سنة الحياة والله سبحانه امرنا فيها.. انو لي هيك بتفكرو بالعكس على نية الزواج شووف كيف الله بيسرها لانك عم تطلب الحلال وعم تعف حالك عن الحراام وانت كمان ضربت مثل فيني اي بحسن عيش معو وبئبل عيش وبالعكس بساعدو ئد ماابئدر اصلا بهالوقت لازم الزوجين يتعاونو
وانا اذا اخدتو على هاد الاساس بدي اتحمل اي مو على كيفي
وكتيرر في هيك بناات بتفكر متلي مو بضرورة نكون كلنا هيك متل ما انت حكيت
وانو كمان حكيت انك بتحب بنت تيب انو اذا بتحبك بتساعدك لتصيرو سوا وموبضرورة تستناك 6 سنين بتبدا معك من الصفر كتير ناس هيك بلشت وما حطتت هي الحجج لاتواخذني بعنبرها حجج شغلة انو بدي اسس حالي انو ارتبط ومعك معك بتصير بس خلي الشغلة بالحلال اذا بتحبهاا على اقل اقرا فاتحتها وهي اذا بتحبك راح تساعدك وتوئف بجنبك بس شغلة عم اسس حالي ههههه والله انها ئديمة وبعتبرها حجة مائلها طعمة
والحياة مو هيك الحياة اسهل من هيك بس انتو بتحبو تصعبوها عليكم وعلى غيركم ماابعررف لي؟؟؟
كتيررر بتشكررك انك شااركت انت الشب الوحيد يلي شاارك وحكى بصرااحة وانا بحترم وجهة نظرك ...

نورت....

هلق شو ليكي انا زلمة من الأخر معقد من البنات بقى اي جواب بدو يطلع مني محا يكون مزبوط

وبحب بعتز لما قلت أنو مو معيب الشب يتسلى لأنو كنت مفكر القصد من التسلية هو التلفزيون كمبيوتر ....... الخ الخ ماكنت مفكر متل ما أنت قصدتي

وجواب عل سؤالك يلي ح تسألي دغري : أنا معقد منون لأنو مافي حدا خرجي يمكن أنا أحسن يمكن هنن أحسن م هون النقاش

وجواب عل جوابك مافي أتحمل مسؤولية حدا حاليا

ما بعرف ليش دائماً بمواضيعك بتصوري المرأة كملاك مافيها ولا عيبة

بعتقد كللل المشكلة هي البنت بحد ذاتها ما بدي ناقش الموضوع لأنو معك حق بكل النقاط
بس تعقيبي الصغير
هو إنو وسعي مدار فكرك ع كل صبايا بلدك و جيرانك بتلاحظي إنو الخطاً الأكبر فيكون إنتو

مع إحترامي إلك بس برأي
هي وجهة نظر محدودة كتير و بتشوف من منظار واحد بس

نحنا الشباب فينا بلاوي مافيك تلقها أنو هنن غلطانين أكتر مننا الصح هو أنو الكل بيغلط بس كل مرة بتختلف نسبة هل الخطأ بين البنت والشب

لك ماعد في رجال

اي والله ما عاد في رجال
بس وجهة نظري انو هدا الشي يلي صار من ورا هالمجتمع يلي خلا يصير هيك بشبابنا
ان كانو شباب ولا بنات
لأنو الواحد وقت عم يروح يخطب عم ينطلب منو شي خيالي اذا ضل عم يشتغل مليون سنة
ما رح يقدر يحصل جزء منو
المهر العالي والبيت والسيارة ووووووووووووووو
لك ما يرحموه للشب............!
هدا الشي يلي بمجتمعنا خلا الشباب تصيع وما تفكر بالزواج
(شباب) يعني ذكور واناث
فالشغلة ما صفيت عالرجال هي شغلة مجتمع بأكملو
ويلي بقلي غلط حكيي بدي اشنقوا ههههههههههههه (:

لا سمحلي لو بدك تشنقني كلامك غلط
لأن صايرين أنتو يلي عم تطلبوا
اولا بدكون ياها موظفة
تانيا اول شي عأساس رح تكتبو متقدم مقبوض
بعد شوي بصير غير مقبوض
وعم تقول بدنا سيارة لك انتو جيبو البيت اول
بعدين اغلب الشباب عم يسكنو ببيت اهلون او اجرة
بقى حااااااج تحطو الحق عالبنت

اي بدي اشنقك وفجرك كمان :)
لأنو ما جبت سيرة انو الحق عالبنت لحالها
قلت الحق عالطرفين وعالمجتمع بأكملو

بيت الاجرة أغلب الشباب بتتبع هي الطريقة بس اكيد هدا مو حل
اما شغلة انو اغلب الشباب عم يسكنو مع أهلن
ما بعتقد انو هالحكي صحيح لو كان في هيك ماكنا وصلنا لهالمواصيل
يمكن في متل ما عم تقولي بس نسبة قليلة كتير يعني 10أو 20%
وانا مع المرأة انو تطلب بيت خاص فيها ما بنكر هالشي
وشغلة انو نحنا عم نطلب انو تكون موظفة فهدا الشي حقنا
يعني لو الواحد مقتدر ما كان طلب هيك طلب
وشغلة المهر بترجع بالاتفاق بين الطرفين .
فالله يرضى عليكن لا تقولولي الحق عالرجال بس
الحق عالكلـــــــــــــــــــــــــــــــــــ

شايف شغالة الحرب الباردة هون بين عبودووف و عاصي ... طولو بالكم

بوافقكم ببعض الكلام و و البعض منو تخبيص ...

صحيح إلي فترة مالي سمعان قصص خطيبة و زواج بس في رفقاتي و الحمد الله الأمور على حسب ما عم شوف عم تتحسن و الحمد الله ، بين قوسين طرق الزواج و التخفيف بشكل عام من طلبات و مصاريف و ووجود وعي أهم شي إلى حد ما . أما يلي عم يصير بالبلد فهاد الشي خارج عن السيطرة .

طبعا القناعة و الرضى و التيسير على الخاطبين كتير مهم و شي أساسي ، مثل ما عم نشوف ناس كانت فوق صارت تحت ، كان في بيت صار ببيت احمى أو استأجر أو الله يكون بعونهم سافرو لغير بلدان ...! النقطة بظن واضحة بدون تعمق

بدي اذكر شغلة جانبية طبعا هي صعبة الحدوث بمجتمعنا و لكن بتحل أكثر من نص المعضلات و المشاكل .

ألا و هي يكون الكلام بوقت الخطوبة بين الرجال ..........!

شوهاد عبد بدك تفجرني يا لطيف بس معليش ما بلومك
هي مصطلحات الشعب بالوقت الراهن
وانت حطيت الحق عالبنت اولا
وهاجمتا بشكل فظيع
وخصوصي هي يلي بالأحمر
عكلن الحق عالكل
ومعك حق ابو اسامة
طبعا القناعة و الرضى و التيسير على الخاطبين كتير مهم و شي أساسي ، مثل ما عم نشوف ناس كانت فوق صارت تحت
هالجملة عجبتني
بس برأيي انا اذا بنت وشب بحبو بعض
"حب حقيقي "
بحس انو امورون بتمشي من دون تعقيدات هالمجتمع وهالعادات يلي رح تزول عما قريب

فقط للتوضيح يلي كتبتو بالخط الاحمر بقصد فيه الاهل

ايكوسان اهلين وبحترم رايك
اتذكر الاختلاف بالري لايفسد للود قضية
تحيااتي

....

ابوالريف كلامك صحيح
منوور

مممم كتير انبسطت بهالموضوع جد شكرا الك بلكي ببلشو يتحركوا شوي وحاج عنجد يهربوا وقت اللي لازم يكونوا موجودين وبدي قلون (الرجال موقف) وبسسسس ووقتا ببين الرجال بقا ويننن يورجونا حالون

» كيف يسعد الرجل المرأة &كيف تسعد المرأة الرجل
» الرجل الشرقي
» حنان الرجل