رأيك بالشخص التاني

تذكير بمساهمة فاتح الموضوع :

يا شباب بدنا نلعب لعبة
هي أنو كل واحد بيقول رأيه بشخص تاني من المنتدى
لو كان ما بيعرفه بشكل شخصي يعني عن طريق كتاباته
إن شاء الله تعجبكن بس ما بدها زعل وبدنا نقول رأينا بصراحة

تسمحولي بس احكي ورد على نبيلو
نبيلو انسان طيب كمان
ولولا هيك ما كان شاف الناس متلو
صادق مع يلي حوليه
انسان محترم
وعنجد بتمنالو الخير من كل قلبي

وليييييييي ريما شو بدي قوول ..؟؟؟؟!!!

رقيقة .. صادقة .. شفافة ... طيوبة ... حنونة
و مثقفة لأبعد حد ... و من دون زعل هي من الأعضاء " الصبايا "
هي الأكتر نضجاً و وعياً و ثقافة
و بحس من ردودها إنو بتحكي عن حالها بطريقة عفوية و حللوة كتير

ما بعرف شو بقوول بس عنجد أنا بلقبها بقلب المنتدى النابض
ريما

تحياتي للرقيقة الإدارية الأمورة
ريما

الكابتن برهوم
واثق من حالو......... شجاع.........ما بخاف من قول كلمة الحق

حباب وظريف وخفيف الدم

مواضيعه دائما حلوة ومفيدة

راما
فتاة كتييير حبابة وطيوبة
ومتفائلة
وبتحب الناس
ورقيقة وردودها ولا احلا
ومثقفة
وكل شي حللو فيها
تحياتي الك ام الرور

عاشقة النجوم
اطيب قلب وارق احساس واعذب كلام
ما بتلاقو منا تنتين
نيال الي بيكون صديقها لانها وفية بكل معنى الكلمة
مهضومة وطيوبة عفوية

مهذب وشفاف نبيلو

وسيم شخص محترم
وصادق مع غيرو والناس بيحكي بعفوية
ما بيتكلف بالحكي
بقول كل شي بقلبو
بحب من قلبو بجد
وبيحترم كل الناس وشو ما كانو
وما بحب يدايق حدا ولو بكلمة

اييييييه
ريما وما ادراك ما ريما
بنت كتييير حبابة ورقيقة
طيوبة كتييير
وعندها قلب ابيض وما بتحب تزعل حدا
وغيووورة شوي
وكلامها بيجنن و احساسها روعة
كل الصفات يلي فيها بتاخد العقل

شو مشان ما لقيتو غير الملكة و البرينسيسة عاشقة تحطوها
طيب مشي

فتاة رقيقة جداً .... مفعمة بالحياة ... طيوبة ... مهذبة لأبعد الحدود ....
تكتب الردود من قلبها الصافي و المليئ بالحب و الخير للجميع
أحياناً تحب نشر العضو على الغسيل .. متل ماصار مع محسوبكون
و بعتقد إنو ناجحة بالحياة
لأنو اللي وراه هيك كتابات و آراء و أفكار عميقة ما بعتقد يكون فاشل
تحياتي للمضوية دائماً شاشة المنتدى

" عاشقة النجوم "

ليس كل ما يلمع ذهباً ........
و ليس كل من غنى طرباً .......
و إنت إم كلثوم منتدانا .... و الذهب بيضلو ذهب

مشكورة عالجهود ست عاشقة

شخص مابعرف عنه شي بحسه شايف حاله وبيدايق مني بس باين انسان محترم

سندريلا الحب
اممممم

بعرف عنها بعض الشغلات
طبعا من خلال مشاركاتها بالمنتدى مو اكتر

فتاة جريئة لابعد الحدود
وصريحة
في نظري طبعا

متفائلة

قلبها طيب بعتقد

متأملة بمستقبل يكون كللو امل بالنسبة الها

بعتقد اياما بتندم على شغلات بتساويها
بتقول يا ريتني ما ساوييت هيك

بعتقد هي بحاجة لمين يراعاها ويحبها من كل قلبو
وما يخدعها

هي شغلات لمستها من خلال مشاركاتها
لا اعرف ان كانت صحيحة اصلا
بس حابة اعرف كلامي صح فيها ولا لاء

والله في شوية صح بس بصراحة اكتر في شي موصح وهو اني بخجل من المواجهة احيانا بندم ماندمت بحياتي غير مرة بس ومجروحة اكيد بس ماحداخدعني الاشخص واحد وبظروفه بس ترك كتير تركت وانتركت وهي بصراحة بس عم دور يعني في ناس بتحبني بس مو مواصفاتن كلها عاجبتني يعني بتمنى حب شخص لاقي في اهم الشغلات اللي بتوافق فيها معه ومشكلتي اني بعرف الشخص الكذاب بس احيانا بحاول طنش بس لهلا مالقيت الشخص اللي بحلم فيه وانشا الله بلاقي يارب قلبي طيب كتير وحنونة وغيورة بحب الاخلاص بس مابحب اعطيه بسرعة

اليوم حابب احكي عن مهند الغالي :

مهند شب دمعة ورايق وحباب ومخلص لرفقاتوا

من وقت ماشفتو لمهند بالمعهد عرفتوا من كنزتوا يلي

كان لابسها وقت الصور وبحب ئلو اننا اشتقنالوا كتير

سيد بليدينغ:
شب كتييييييييييييييييييير محترم
وحباب ومابزعل حدا
بيعمل حالو شرير بس هو عكس هيك تماما
بحب البسط ونيال رفقاتو عليه

بدي احكي عن successfull girl :

بنوتة كتير حبابة و مهضومة
مؤدبة و حكياتها حلوين ، حتى تعليقها على المواضيع راقي جدا.
مسايرة للجميع ، نيال رفقاتها عليها .
بالإضافة إنها شاطرة و بتحضر كل الماضرات ...!

ابو اسامة ليس لدي الكلام ليوصف هل الانسان
انسان قمة بالزوق والاكابرية
كتير حباب وواقعي
و مخو بيوزن بلد
يعني شخصية حلوة كتير وعقل كبير
و بيحب بالغيب وما بدري حدا
بحسو غامض شوي

مابعرف شوبدي قول بس ريمة بظن انسانة حساسة وحنونة ذكية وبتعرف صالحها اوقات بحسها سعيدة واوقات بحسها تحاول تظهر السعادة وبقلبها حزن حلوة وبتمناها دائما منورة المنتدى

اي شو هاد يا سندريلا كانك بتعرفيني مزبوط
الاشخاص القريبة علي ما بتقدر تعرف هل النقطة اني بظهر السعادة بوقت بكون حزينة كتير

نيال رفقاتك عليكي عنجدش
وانا لاحظت انك حنونة وحساسة كتير
ومجروحة كتير كمان
وانسانة بتحاول تصل للحب يلي يملالها حياتها
الله يوفقك يا رب

RIMA

قبل كل شي بتشكرك من كل قلبي على الكلام الحلو ...

في نقطة بس بدي أعرف شلون كشتيها (بحب بالغيب و ما بدري حدا )
كأنك بتعرفيني و بتعرفي القصص تبعاتي ! على كل حال أنا هي طريقتي بالحياة و بظن مافي حاجة غيرها ، لأن بلاقيها المناسبة لجميع الأطراف ...
لكن من ناحية الغموض ، ما زبطة معك ...!!!!!

منرجع لريما :
الحكي الحلو أكيد بيطلع من إنسان حلو .
شخصية قوية بعقل و تفكير ، ملتزمة و خلوقة .
بحسها جدية بالحياة .
بتحب من قلبها ، طبعا نقطة ضعف !
على الأغلب بيتوتية ، ما بتحب الفوتات و الطلعات ...!
مديرة و بيطلعلها ... مثل كل المدراء ما بتفهم عليهم شو بدهم هههههههههههههه

تقبلي تعليقي

زائر

عبد الرحمن

شخص محترم لابعد الحدود
وهو بالواقع شخص خجول /بحب الضحك والمزح كتير/وبحب رفقاتو
مواضيعوا المهضومة بتعطي جو وحركة حلوة بالمنتدى
صاحب الاجوبة والردود المختصرة بس دائماً بمحلها
مهذب وخلوق واكابر وطموح بحب دراستو
عنجد هو شخص وصديق رائع بكل معنى الكلمة
بتمنالو انو الحياة تمشي متل ما بدو
وانو يحقق كل شي بيطمح لألو

أنا مابعرف حدا بس بحب أتعرف على أبو أسامة

واضح أنو شخص محترم ولطيف ولبف

وأهم شي زكي

أنا مابعرف حدا بس بحب أتعرف على أبو أسامة

واضح أنو شخص محترم ولطيف ولبف

وأهم شي زكي

بدي احكي شوي عن بيشو ...

و أنا كمان ما بعرفها !! بس باين عليها ظريفة و أكابرية .

بتحب المزح ، لكن على الأغلب جدية بتعاملها .

ما بتحب نفوت بنقاشات طويلة ، خير الكلام ما قل و دل .

خبرتها قليلة بالحياة بس زكية و مثقفة ،

و أنا حابب اتعرف عليكي ، و نصير أصدقاء . لح ارسلك رسالة خاصة !!!
وبدي اتشكرك على كلامك المعسول إلي ...

انا كمان جديدة مابعرف حدا صدفت ابو اسامة وابو الوليد برسلن تحية وبقلون عراسي شباب جهودكن فيا البركة بسلم عالكل لالولا lol!

لاالولاا**
بنت كتير مهضومة وزكية وباينتها أخت رجال
وعضوة كتير نشيطة واالأهم أنها بتحب عمر دياب

بس السؤال أي إختصاص بالمعهد عنا

» ما رأيك ادخل وشع رأيك
» إن كيدهن لعظيم (الجزء التاني)
» ما رأيك؟!...