ما رأيكم بتعدد العلاقات ؟؟

مرحبا شباب ...صبايا

في هالموضوع يلي خطر ببالي اني اكتبو بحاجة للمناقشة

علما انني استلهمت هذا الموضوع من احد الاصدقاء بعد ان ساويت حالي فهمان وقعدت انصحوا

المهم يااخوان

كتير كتير من الشباب منلاقيهن للاسف بيحكو مع شي عشرطعشر بنت وكل وحدة بيحكوا معها

بيئلوها نفس الحكي بحبك وبموت فيكي وبعشقك وبدي اتجوزك وبدي اخطفك اذا ماوافقوا اهلك

على الزواج ومابقدر عيش من غيرك وبنتحر اذا بتركك ..........الخ

يعني خلينا نسأل حالنا سؤال فني يعني شوبدك بالاخير من هالكمية يلي عم تحاكيها

شوهدفك بشو بتحس وقت بكون عندك كمية كبيرة من العشيقات ولوين بدك توصل

طبعا هالكلام مو بس للشباب كمان للبنات

لأنو كمان البنات بهالايام مو ئليلين حربة كمان بيحكوا مع 100 شب وبغازلوهم كلهن وبيتفاخروا بين بعضهن انو عرفوا يطبقوا الشب الفلاني وانها قدرت تضحك على الشب الفلاني

كمان نفس السؤال الفني بدي اسألوا للبنات يعني وبعدين لوين بدكن تصلوا

وشو هو شعوركم وقت بكون في عندكن معجبين كثر

طبعا اخواني واخواتي هاد الكلام مابينطبق عالكل لأنو اذا خليت خربت

ولكن اتكلم عن الغالبية العظمة
وبدي شوف نصائحكم لهذه الفئة اذا سمحتوا

الله يا شريك لحتى ينشفى غليلون لأنو القصة إنتقام يا لحتى تخلص اللعبة لأنو القصة هيك

lol!

زائر

أنا مع تعدد العلاقات اذا كانت فاشلة بس اذا كنت عايش علاقة سعيدة مستحيل غير

أنا ضد تعدد العلاقات إذا كانت العلاقة ناجحة بعدين شو صفي للشريك الحياة إذا كل وحدة بدا تسلم قلبها للشباب مارح يصفى عندها قلب طبعاً نفس الشي بينطبق عالشباب وبالأخير هذا رأيي الشخصي ومع إحترامي للكل ........

انا ضد تعدد العلاقات ويلي بيعمل هيك مابيكون ملائي الحب الحقيقي اللي بخليه يتخلى عن الكل الا عن محبوبتو او حبيبا

علاقة حب وحدة بظن كافية طوال العمر لانو يمكن اذا كانت ناجحة بدها ضل مأثرة فيك
بس اذا خلصت ممكن تيجي وحدة وتنسيك التانية او العكس بالنسبة للبنات انو يجي شب ينسيها الحبيب الاول
بس مافي مشكلة اذا كان الواحد عدد الااصدقااااء
طبعا بدو يكون الثقة موجودة بين الحبيبن
والا انا بنظري ما بتكون علاقة ناجحة .........
مشكووور ابو الغيث بالفعل نقاش حلو

شوف غريب انكن شباب ما تعرف هالحقيقه شب تاكد انه لو قرر يوم من الايام يرتبط بي بنت ما راح يكون عنده علاقات تانيه لانه بيكون لقه طلبوه ولاغلب ما يتزوج اي بنت من البنات يلي بيحكي معن
تعدد هالعلاقات هدا هو فراغ موجود عند شب او البنت وبدو يملي مو اكتر
والبنت دائما بتكون تعدد العلاقات هو عباره عن انتقام من قصه مرت فيها و بعدين بتصير تسلاي تباهي مع انه هي نفسه ما تكون راضيه عن يلي بتعمله و حتى شب بيضلوا مشوش

بنهايه هدا شي هو مؤقت واذا زاد عن حده بصير نقص بشخصيه مو عارفه يثبته غير بطريقه هي

:merci:
سؤالك حلو

بصراحة أنا ضد تعدد العلاقات يعني أنا ما بعرف غير 3 أو 4 بنات بالمعهد كلو وأصدقاء لا حب ولا غير هيك بس بحس
أنو ما بيصير أحكي مع غيرهن من شان ما يزعلو

انا كمان ضد تعدد العلاقات وبرأي علاقة واحدة صادقة احسن من مية علاقة بلا طعمة

تقبلو مروري

طيب ليش نسبة تعدد الغلاقات عند البنات اكتر من الشباب بشكل ملحوظ

بالنسبة لموضوع تعدد العلاقات بشكل عام .. فأنا بفسرو بإنو هو مرض نفسي عند الشباب و الصبايا يلي بعيشو بأكتر من علاقة
ممكن يكونو عم يحاولوا يعوضو نقص موجود بشخصيتون ، يمكن مروا بتجربة فاشلة و حابين ينتئمو ... و الأسباب كتيرة اذا بدنا نفصلها و مارح نخلص منها ..

أما بالنسبة لإستفسارك ، عن السبب يلي ورا انو نسبة تعدد العلاقات عند الصبايا أكتر من الشباب ..
يمكن لأنو الصبايا هني يلي بياكلوها من الشباب ( متل ما بنقول بالعامية ) ، و يمكن متل ما سبق و حكيت انو مرض نفسي و محاولة أو أخرى لإثبات الذات
بالنهاية lover نحنا ما فينا نحدد بالضبط النسبة بهالموضوع عند مين أعلى لأنو بكل بساطة نحنا ما عملنا إحصائية بهالموضوع ، يمكن تكون انت حكمت بهالشي من خلال الناس يلي مرؤو معك بحياتك ..

النقاش يلي فتحتو مهم و بيستحق انو نوقف عندو .

:merci: لإلك

القضية مو سهلة هي موضوع نفسي يعني الشب ما بيلاقي راحته مع الصبية هي بيطر يروح عند غيرها ونفس شي عند الصبايا
أما تقلي أنو عم يحكي مع عشر سوا يعني هو معقد عم يشبع شي جواته بس أكيد غلط وما فيك تنصح هيك شب إلا تقله الكلمة المشهورة بيهون عليك بأختك او ببنتك طبعاً هو شو ح يقلك ايه إذا أدامي متلي وبدياها ليش لأ
بس نصيحة لا تصدق لأنو ما يشوف أخته مع واحد تاني لطربق الدنيا ع راسه وراسها

مشكور

بدي اتشكركون كتير على ردودكن وبالأخص جلنار
طيب لسا في استفسار ليش داخل الجامعة تعدد العلاقات مسموح وبراتها ممنوع
يعني انا على سبيل المثال اذا شفت حبيبتي
عم تحكي مع رفيقي ما بنزعج بس اذا بتحكي مع رفبقي من برات الجامعة
ممكن ايم الدنية وأخبطها على راسون
انو شوالسبب بعني العالم ضمن الجامعة غير العام يلي براتها
ملاحظة هامة:انا ذكرت حالي على سبيل المثال مو اكتر
تحياتي للكل

القصة مو قصة مسموح و ممنوع .. الجامعة هيك جوها .. يعني من الطبيعي انو البنت أو الشب جوات الجامعة يحكو مع أكتر من شب أو أكتر من صبية هاد بحكم الجو و طبيعة الجامعة ، و الأغلب بفسرو هالشي على إنو صداقة و أنا عن نفسي ما بشوفو غلط .. أما برات الجامعة أو المعهد .. لما بتشوف البنت أو الشب عم يواعدو أكتر من شخص ، ولما بتلاقي مكان الموعد و طريقة الأعدة غريبة شوي أو فيها نوع من الخصوصية ، هون الواحد بفكر بشي غير الصداقة و بصير يدور على احتمالات و غيرو و غيراتو ..
بالإضافة إنو في كتير من الأحيان الشخص بينحط بمواقف بالجامعة بيطر انو يتقبلها ، مثلاً انو الصبية واقفة مع رفقاتها بيجي واحد من رفقات حبيبها بيعرفا بسلم و بيعد معهن و لا كأنو في شي ، أو العكس ، بكونو شلة شباب مع بعض بتجي وحدة مع رفقاتها بتسلم على رفيقها و بعدين بتلاقي الشلتين آعدين مع بعض مع العلم انو ممكن يكون من الشلتين شب أو صبية مو عاجبون الوضع مثلاً أو مو حابين هيك خلطة ..بس بالنهاية هني انحطو بموقف خارج عن ارادتهن
أما برات الجامعة ، لما بتلاحظ انو المواعيد عم تتكرر و اللقاءات عم تختلف بين أكتر من شخص فهاد بكون بإرادة الشب أو الصبية ،
وقتها فيك تعاتب حبيبتك اذا شفتها بهيك موقف و تسألها عن السبب يلي خلاها تقبل بهيك أعدة .. طبعاً أنا ما بقصد حبيبتك انت
lover
بس عم احكي بشكل عام و من دون تخصيص
..

بعتذر اذا طولت بالكتابة ..

كفيتي ووفيتي جلنار شكرا لردك الوافي

هلأ مو بالضرورة الشب مثلا إذا كان عنده علالاقة مع بنت انو تكون هي العلاقة علاقة حب مثلا .. بجوز تكون علاقة صداقة
وعنده رفيقات كثير
ونفس الشي البنت
وفي ناس كثير بتخلط بين علاقة الصداقة وعلاقة الحب
أي واحد من بيناتنا ان كان شب او بنت إذا شاف شب وبنت ماشيين بالطريق سوا ... بفكرن بحبوا بعض فورا .... وأبدا ما بيجي بباله انو ممكن يكونوا Just Friends أو Close Friends
يعني هون كمان عنا بالمجتمع مشكلة بطريقة التفكير شوي
هيك انا بعتقد وشكرا
وتعدد وشكرا للكل مابعرف شو رايكم بالكلام يللي ألته ؟
:78:

Keep Rihana Ur Music
& Don't Stop THe Music

مشكورة جلنار على هل رد الحلو لو انو شكري متأخر شوي بس كتر انشغالات
طيب اديش ممكن تكون الفترة يلي بيمر فيها الشب او الصبية
بهل حالة (تعدد العلاقات) وشو سب استمرارها لفترة اطول من المعقول
وشكرا كتير على ارائكم ومشاركاتكم

صحيح لازم أنفرق بين الصداقة والحب

برأيي انو هالفترة ما رح تطول اكترمن فترةتواجدنا بالمعهد او الجامعةبعد

لانو ها بتكون فزلكة طبعا هاد في حال وجود شخص بحياتك
اما اذا كنت ما طرقت هالباب لسا فما في مشكلة من تعدد عالعلاقات بس شي بالمعقول
مو شي بطعمة وشي بلا طعمة

» لماذا يتباهى الشباب بتعدد و كثرة علاقاتهم مع الفتيات ؟
» فن صناعة العلاقات المميزة
» ما رأيكم هل نستطيع