مين أحسن البنت ولا الشب؟؟

مرحبا يا شباب
أنا هاد موضوعي الأول هون
ان شاء الله يعجبكم
lol
أيهما أسعد الشب ولا البنت برأيكم ؟
هاتوا لنشوف
البنت بتحكي على راحتها بالتليفون وأبوها أو جوزها هو يللي بيدفع الفاتورة بالأخير
البنت مو ملزمة تجهز نفسها مشان العرس او الخطبة ... لأنو في مسكين اسمه أبوها أو جوزها هنن يللي بيدفعوا دم قلبن عالجهاز
ما حدا بيتطلع على بدلة العريس طبعا لأنو حنش قصدي ذكر ... كله بيتطلع على فستان العروس وجسمها
إذا وحدة عملت مخالفة وبكيت شوي للضابط او الشرطي بمرئلى ياها بس لو رجال ... بتكون أمه رضيانة عليه إذا بمرئله ياها بمخالفة أم الـ 5000 ليرة
لو وحدة ما عطت ئرايبها عيدية ما بقولوا عليها بخيلة بس شو بقولوا يا حزركن ؟؟؟
بقولوا جوزها البخيل يللي ما عطاها مصاري مشان تعطي هي عيدية لئرايبها
هلأ هاد المثال بصير معنا كلاياتنا بالجامعات والمعاهد:
لو وحدة تأخرت على المحاضرة الدكتور بفوتها طبعا مشان يزيد من نسبة الجنس اللطيف بالمحاضرة
أما لو شب يا حبيبي الله شو بيعمل في ...
لو اتخانقت البنت مع أبوها ... طبعا مارح يألعها برا البيت وهي بس بتبكي شوي والبابا طبعا بروح بصالحها فورا
أما الشب لازم فورا ياخد مخدة وحرام ويروح فورا ع الدرج او لعند شي حدا من صحابه
أكيد ما عجبن للبنات الموضوع ما ؟
خلونا نشوف
Waiting Ur Answers
:شكرا :

مشكور كتير حلوه ها البديه والله يديمك بس لا تنسى مين بئوم بشغل البيت ومين بربي الأولاد ومين بيطبخ ومين بيتخانئ مع الحمايه هههههه ولله كل واحد ألو دور بهل الحياه وبرجع برحب فيك ونشاله نئدر نفيدك بمواضيعنا وتفيدنا انت بمواضيعك
:47: :47: :47: :47: :47: :47:

زائر

كل احد الو دورد بالحياة والتنين نفس الشي وبدون طرف من الطرفين ما بتكمل الحياة ويسلمو عالموضوع

هلا يدك الصراحة انا ما عجبني لانو انت الشباب بضلو غيرانين من الينات متل ما قال ستار كل واحد الو دروه بالحياة بدي اسالك يعني انت يتتمنى انو تكون بنت يعني

والله يا شريك الرجال عندو تعب والمراه عندا تعب بس الصراحه مع تعب الرجال
وهمومه بعتقد حياتو احلى وكلمه الله يعطيك العافيه من امو او اختو او مرتو
بتنسي كل شي يسلم ايديك عالموضوع تشكر

ههههههه
عنجد هاد الواقع ..
و طبعاً إنتو من جكركون بتدايئو ..
:جكر:

مشكوووووووووووور
بس جد كل مين اله دوره
واهلا وسهلا فيك بيناتنا
مع حبي:ســـــــوان

وانا مع رأي الاغلبية
يعني عبود
الرجل بكمل المرة وبالعكس صحيح
يعني الشب بيتعب والبنت بتتعب

يعطيك العاافية موضوع حلو
بس كمان البنات بيتعبوا مو بس الشباب لاتنسى انو البنت بتحمل وبتولد وبتربي وبتشتغل بالبيت وبرات البيت
وبدير بالها على الأولاد وبتطبخ
والمخالفة ماشرط للبنات او للشباب حسب عئل الشرطي تنح ولا لأ مثلا انا هديك اليوم خالفني الشرطي مشان سبب تافه
ومشان المحاضرات انا كتير مئلعة من المحاضرات مع انو بنت
والشباب بدون البنات مافيهن يعيشو والبنات بدون الشباب مافيهن يعيشوا كمان لأنو بيكملوا بعض

مشكوووووور شريك والله موضوع حلو وما عندي شي ضيفو اكتر من يلي قالو الشباب...

بصراحة موضوع حلو بس يعني انت حكيت عن الجانب السلبي للبنات
ونسيت الجانب الايجابي الهن
يعني نسيت انو لولا البنات انت ماكنت موجود
وحتى انا ماكنت موجود
يعني البنت بتتعب اكثر من الشب
لان في شي شب جرب يحمل اي شي لمدة 9 شهور
والله يمكن بيطق ظهرو
يعني انا بحترم البنات كثير
وكمان بحترم الشباب وبحبهن
لان الشب بيصرف على البنت
والبنت بتدلع الشب وبتشتغل بالبيت
والله يعطيهن العافية هنن الاثنين
ومشكور كثير على هالموضوع الحلو

هههههههههه بعرف وانا هاد رأيي بس انا حبيت هز الورد بشمه
:جكر:
إذا ما حبيتوا ما بنزل مواضيع كمان هه
وأنا مالي غيارن من حدا ولا شي
الله وكيلكن بحب البنات مثل ما بحبوني
:VV:
طولي بالك آنسة تامر لوفر حسيتك رح تاكليني بدون ملح
بعدين تعي لألك شلون اسمك تامر لوفر وحاطو صورة كريستينا أوكليرا؟؟ شلون ظبطت معك آه ؟
شكرا للكل على ردودكم الحلوة

صحيح نسيت اني حطيته بقسم الحوارات الساخنة كان غلط مني سوري

هلأ أول شي يللي حكيتو مو صحيح يعني مالو نقد صحيح مية بالمية لأنو في بنات إذا كان وضع أبوها أو زوجها ما بيسمح ما بتعمل كل هالأشياء يللي فلت عليها يعني ممكن ما يكون معها موبايل وهادا يللي شايفتو عنا بالمعهد وفي بنات بتتخلى عن عرسها وممكن تعمل حفلة كتير ضيقة بس عشان الوضع المادي ومشان المخالفات متل ما قالتwhite rose كل شرطي ومزاجه وبالنسبة للتأخير هداك اليوم تقلعت رفيقتي من محاضرة الاقتصاد لأنو فاتت بعد الأستاذ بدقيقة ومشان الخناق لا والله في شباب مستحيل أبوهم يقلعهم براة البيت وبعدين يعني انتو الشباب إذا صار وتقلعتوا شو رح يصير عليكم بس البنات إذا تقلعوا مشكلة كبيرة أكيد ما رح ترجع سليمة أو حتى يمكن ما ترجع واخر شي لا البنت أحسن من الشب ولا العكس كلو بيتعب البنت رح تحمل وتلد وتربي أولاد وتهتم باليت وهلأ صار لازم تشتغل وكمان الشب نفس الشي فما حدا منهم بيقدر يستغني عن التاني وأسفة إذا كنت طولت بالحكي بس كان لازم

يا جكرك

عم تجاكريني لألي أم الرور ؟
خلص ما عاد جبلك ألبوماتك معناتا

كلكن معكن حق بس هي نوع من الفكاهة
بس غلطت بمكان الموضوع انا سوري كثير منكن

لا تنسى يا حبي انو الجنة تحت اقدام الامهات و البنات لح يصيروا امهات وبعدين انا براي انة المساواة بين الرجل والمرأة حرمت البنات من كتير شغلات حكيت حضرتك عنها
شو يا بنات صح

انا ما جبت سيرة المساواة بين الرجل والمرأة
وبعرف انو المرأة نص المجتمع

Kee[ Rihana Ur Music
& Don't Stop The Music

الموضوع حلو بس تضرب انت وياه

صار يطلع صوتك كمان ولا ؟
يلا انت ان حكيت ولا ما حكيت واحد هههههههههه
:مبسوط:

Keep Rihana Ur Music
& Don't Stop THe Music

ما حدا احسن من حدا
ممكن يكون في شخص سعيد او حزين
مو بنت او شب

» يا ترى الشب عم يطبق البنت ولا البنت عم تطبق الشب
» ذكاء البنت وغباء الشب
» شو بدكن أحسن من هيك؟!!