هل يحق للأب التفتيش والبحث في جوالك

ماذا سيكون رد فعلك لو رأيت أو رأيتي أبوك يفتش في جوالك

أرجو الرد بصراحة

هلأ أنا الصراحة جايب موبايل يا دوب أنا فهمان عليه مشان هيك أبي ما بيعرف فيه ..
بس إذا لقيتو عم يفتش بالموبايل أكيد ما لح أزعل لان حقوا يشوف ابنو وشلون بفكر وشو الصور مثلا يلي بحطها عندو ...
متل ما أنا أكيد لح ساوي مع ابني مستقبلا ولح جبلو موبايل افهم عليه مشان ما يصير فيني متل أبي ....

أنا بفرح لأن أبي أكيد رح يفرح لأني مو حاطط شي غلط بموبايلي
وتاني شي خاصة لأن أبي رح يكون مهتم شو عم يصير معي اكيد رح انبسط
و ما رح خاف لأني واثق من كل شي حاطو بموبايلي

أبي مابيعملها
اصلا مادخلو شو في بموبايلي

ولو حاول يفتحو موبايلي القبل هاد اللي معي كان معقد مارح يفهمو

وحتى هاد مابلسمو

الموبايل عنا شي خاص ومن خصوصية الشخص

ولو شفتو ماسكو بقلو خير في شي بموبايلي بقدر ساعدك وارجيك ياه

انا بابا بيكتفي بالسؤال اذا بدو يعرف شي والا هو ما دخلو واصلا متل ما قال الموبايل شي خاص حتى الاب ما دخلو في

انا ماعندي مشكلة بس أبي مابيعملها

وبعدين مافي شي خبيه عنه يلي بده يفتش يفتش

هلق هل شي عادي عندي بس بحب انو يكون عندي شي خصوصي لالي متل الرسائل

أنا ولله هل شغلة بكرهها يعني يلي بيلعبلي بأغراضي بلا إذني حتى ولو كان أبي بنزعج منو كتير
أما بالنسبة للموبايل يعني هاد شي خاص ما حدا دخلو في أبدا لأني طبعا مالي صغير
أما بالنسبة ولولد عمرو 13 أو 14 سنة يعني لازم الأب يفتش بموبايلو

انا ابي ديمقراطي كتير وانا ويا متل رفئا وبحياتو ما طلب مني هيك شي
او انا شفتو عم يعمل هيك شي

اي يفتش ما بلاقي شي اصلا

هو بحق للأب أنو يطمن على أبنو بس مو يفتش كل ساعة
بحيث يشعر الأبن انو محاصر ومخنوء
كمان على شو بدو يفتش أصلا
بعدين الأب إذا بيعرف ابنو منيح لحيثق فيه وباهالحالة لازم الأبن مايخيب ظن أبوه

انا ابي مابيفتش بموبايلي ابدا ولا بفكر اصلا
انا مابحب حدا يدخل بخصوصياتي واذا مافيه شي
بس بيضل لكل شخص
مساحه من الحريه الشخصيه وماني متخيله انو يفتش بموبايلي
اذا صار هلشي بتركلو الموبايل ومعد احملو ابدا
مو مشان شي بس لعبر انو انتهك حريتي الشخصيه مو اكتر

هلأ أنا وصلت لقناعة ...أنو ما حدا من أعضاء المنتدى أبو بيفتش بموبايلو ....
شعب كشاش ....هههههههههههههههه

والله أنا مالي علاقة بأهلي لاني ساكن ببيت خالتي وما بروح عبيت أهلي غير بالصدف
بس لاتخافو الحجة قايمة بالواجب وهالكتني بس الموبايل ما بتدقق عليه كتير بس اللابتوب إيه
وأكتر شي وقت كون عالنت بتلزق بجنبي شي ساعتين تلاتة
هلئ هالشي سببو الخوف بس الخوف الزايد مو حلو وإنو أهلك يخنقوق شي مو حلو أبدا
بس شو بدنا نعمل إلنا الله

هلأ أنا بصراحة ما بحب أبدا حدا يفتش بخصوصياتي وأنا أبي من النوع يللي مالو كتير بالموبايلات هو مجرد بس إنو يتصل ويستقبل حتى نحنا يللي منشفلوا الرسائل صحيح إذا فتش ما رح يلاقي شي بس ما بحب يدخل ويشك فيني وأنا أصلا إذا حدا بعتلي رسالة أو عملي رنة بقلهم عليها يعني مالهم بحاجة ليشوفوا

أنا بالنسبة لي عادي بس لا بابا ولا ماما بيدخلوا فيني

والله انا بحياتي ما حدا قرب على موبايلي لأنو خاص فيي
وعلى كل حال مو غلط اذا فتش بدون ما نحس
وبعدين حطولو باسوورد ويفتش ساعتها اد ما بدو

حلو الموضوع
أكيد أبي الو الحئ يفتش موبايلي بس و لا مرة عملها
مخلي هالمهمة لماما الله يخليلي ياها
بتفتشه لانو بتخاف علي
بس عادي انو الاهل يفتشو موبايل ابنهم و احيانا ضروري
انا ما عندي شي خبيه لهيك ما بكل هم هالتفتيش

انا والله من جهتي ابي ما بيفتش بموبايلي بس مرات امي وانا براي لازم الأب يفتش بموبابلات ولاده مو غلط

[b]بتعرفو يا شباب اجاباتكن كتير صريحة

انا برأيي كلمة تفتيش كلمة بشعة بس لو صار وحصلت
لازم تكون ردة فعلكن باردة والا حتثيرو الشكوك فيكن
ولاحظو لما الواحد يجي تلفون ويحكي بعيد
او مسج يقراها بسرعة ويمحيها
او دائما ماسك الموبايل ومابيخلي حدا يلمسو يبقى دخل دائرة الشك

الافضل انتو تحاولو بطريقة لطيفة وبشي حجة تتركو الموبايل بايد
ماما او بابا حت يثقو فيكن اكتر او بالاحرى يرتاحو

لانو الدنيي بتخوف
وولادنا بينخاف عليهن

تحية للجميع

بس سؤال الك سويتي بس جاوبيني عليه بصاحه انت عندك ولاد وبسن مراهقه متل ما فهمت والله يخليلك يا هون بس يا ترى انت او والدو بتفتشو بجوال اولادكن...اسف اذا سؤالي في تدخل بس عم افترض انو اولادك ما لح يشوفو ردك

اي عزيزي انا بنتي عمرا 12 لسى بس بصراحة انا ما بحب التفتيش
يعني بشوف غراضها قدامي وما بفتح وبفتش

بس بدك الحق اتعرضت لموقفين قلت لو اني فتشت كنت اتداركتهم قبل

يعين برايي ان الولد هو يلي بيخلي اهلو يا يفتشو او يثقو

بس بشكل عام التفتيش البسيط كل فترات بيكون افضل بكل الاحوال
بس منغير ما ينتبه الولد
تمام يا معلم ؟؟؟

» شوف شخصيتك عن طريق رقم جوالك
» مسحت كل خصوصياتك قبل ما تبيع جوالك
» طريقه لشحن جوالك لو مافي شاحن ...‎