العقرب على كرسي الاعتراااااااف (الحلقة السادسة)

يعني بعد اذن الشباب عامر ونيرمين
حبيت هالمرة انا اختارحدا
لانو الموضوع شبه انتسا
واخر واحد رد عالموضوع السابق كان حيدر
فلقيتها فرصة لنزلو عالكرسي
وبلشو اسئلة لا ترحمو
زخو زخ بالاسئلة

اي مو تكرم عيونك يا انس والله محضرلو اسالة رح بنفلج فيها
بس شوية وقت لبين ما حضرها
والله يرحمووووووووووووووووووووووووووووو

بما انو اسمك حيدر وهو من اسماء الاسد فليش مسما حالك العقرب عنجد سؤال بيطرح حالو
فالعقرب (مع احترامي الك مشهور عنا بال__________) بس الاسد فهو ملك الغابة

أي لا غش شو هاد سئلوني أول ..
بس انشاء الله جاهز بس برأي نأيتو الشخص الغلط وهلأ بتشوفو بس بمعيتكن شوي شوي لأن الهيئة مو مصلين عالنبي ..
لأن بلشها معنا صخر يلا الله يعينا ..
بس بسيطة يا أنس جاايييك الدووووور

منجي لسؤال صخر ..
لنحكي بصراحة أنا وقت فتت عالمنتدى لقيت اسماء كتالي .
مايسترو ..ساوند لوف..ستار نازي..متيم فرح ..ماجيك سوان ..برينغ مي تو لايف ..
بقا قلت لازم أختار لقب ملفت للنظر بقا اخترت العقرب بالدرجة الأولى لأنو على برجي
وتاني شي جد فيني شي متل العقرب لأني أحيانا وقت الجد بحس حالي مسم وبأذي يلي بضرني حتى لو بهاد الشي أزا لالي بس الحمد الله خلصت من هالعادة وصار عقلنا أوعا شوي
بس بعدين وبعد ما انعرفت بالمنتدى صرت أنا بين اسمي قدام الأعضاء ومن بيت الشعر يلي حاطو بالتوقيع ببين معك وأنا كتير بحب اسمي..

حيدر يا حيدر ليه ما عم ترد يا حيدر
على كل حال بدي أسألك لو ما رديت
من ايمتى بتشوف رياضة و من ايمتى بتشجع البرشا وكنت تشجع حدى أبلها بالنسبة للرياضة
أما السؤال التاني فهل تعرضت لعلاقة عاطفية وشو مصيرها حاليا
واذا ما تعرضت لعلاقة فهل ممكن حيدر يدئ ألبوا لأول مرة عن قريب
اللي بعرفو عنك أنسان واقعي كتير فهل من الممكن انو تتصنع اذا تعرضت لمواقف ما بتحبها
مو بالضرورة التصنع يمكن يكون الكزب
وممكن تكزب على أهلك بخصوص دراستك وبس
بشوفك ببيروت
:عين وحده:

هههههههههههههههههههه
على راسي عمي أسامة على الفوتة الظريفة ..
والله يا عمي أسامة أان بشوف رياضة من وقت ما كان عمري سبع سنين يعني بتذكر حالي وأنا عم تابع مونديال ال 98
والحق كلو بيرجع على ابي لأنو ما شاء الله بتابع رياضة أكتر وكان ياخدني حتى عالملعب على مباريات الوحدة .
بس من أيمتا بشجع البرشا بصراحة يا سيدي من 4 سنين وكنت شجع من قبل مانشستر بس أس الله هديك الأيام ..

هلا اتعرضت لعلاقة عاطفية لا بس يعني مجرد تفقيس شباب وخلصو مشي حالها
وأنو ممكن أتعرض والله ما بعرف بس ليش لا قول انشاء الله ..

وأنو ممكن أتصنع أي أكيد يعني ما في حدا ما بحاول يتصنع حتى لو بحدود بس أنا أي يعني حسب الجو يلي أنا في بحاول أمشي

ومشان الكذب على أهلي أي بكذب كتيييييييير مشان الدراسة يعني ممكن أعد يوم كامل قدام أهلي حامل كتاب بس ما أدرس شي ..
ويلا لعيونك على بيروووت

هااااااااااااات يا سيد حيدر احكيلنا
عن مواصفات حيدورة ههههههههه يعني فتاة الاحلام

والله يا شريك حلو الواحد يعرف حالو ويكون واقعي ...
يعني ما بعد هيك بتخيل فتاة الأحلام ..مشان ما انصدم بالواقع وأنا برأي هيك أحسن ..
بس أكيد بتمناها تكون ظريفة وحبابة وصاحبة دين وهاد بهمني والجمال درجة تانية ...
لكن مؤنث حيدر حيدورة أي عراسي أنوسة ..

يا ريت تحكيلنا عن شخصية حيدر

بصراحة مو عرفانة شو بدي أسئلك
هي سؤال خفيف
شو أكتر أكلة بتحبها؟؟؟؟؟؟؟؟؟؟؟ flower

أول شي سؤال نيرمين ...
والله هلا ما ف شي مميز بشخصيتي يعني بشوف حالي ..
شب بحب رفقاتي يلي معي لدرجة كبييييرة وبحب متابعة الرياضة كتير ما عندي تجارب اجتماعية كتير مشان هيك ممكن ناس ما يلاقوني اجتماعي كتير ..
يعني ما بعرف هاد يلي بشوفو عن حالي بشكل عام

لك ردك عالموضوع لحالو نورني شو ما كان سؤالك يارا.
والله أنا بحب اكتر شي المحاشي والحراق بأصبعو وبطاطا بالصينية ..

بغد غياب مني عمي حيدر برحب فيك بحلقتنا
اهلا وسهلا
واسف عالتأخير بس كان جهازي محروء وما بحب فوت عكافي نت
سؤالي كالتالي :
مين بتلائي بالمنتدى اعضاء شايفة حالها ؟
واعضاء واثقة من نفسها ؟
واعضاء متواضعة ؟
يتبع يا غالي ..........................
مع حبي المايسترووو

مرحبا اول سؤال
بتحس انو لازم تكون انت بغير هالوضع او هالمجال من الدراسة او الحياه العمليه
يتبع حوب

لك يامية أهلا وسهلا عامر بس انشاء الله تكون انحلت مشكلة الكومبيوتر ..
هلأ منجي لسؤالك ..
لنحكي بصراحة هلأ نحن هون كلنا دراسة وحدة ومن طبقة مدية تقريبا وحدة يعني لو كان في حدا معبا ما كان درس معنا ..
يعني ما في مجال لحدا يتكبر علينا ولا حتى حدا يتواضع كلنا نفس الشي..
مظبوط حكيي.
هلأ أنو عضو واثق من حالو والله ياشريك بلاقي هيك وزانو راكز هوو ستار نازي وساوند لوف .

لك يا مية وردة عمي عصام ...
يا سيدي أنت حطيت أيدك على وجعي ..هلأ أكيد أنا بعرف أمكانياتي أو شو عندي وأكيد لو شديت شوي كنت جبت أحسن من هيك لأني كتير أهملت الباكالوريا ..
بس أني زعلان على دراستي أو ندمان ,لا ولله وانا بارادتي فتها يعني كان بصحلي أحسن منها ..بس مو متل يلي كان ببالي قبل الباكالوريا..
بس يلا قدر الله وما شاء فعل.

يسعد مساك وصباحك حيدروف الغالي
يا اخي قعدت مسك على هالكرسي باذن الله
سؤالنا على الشكل التالي حبيبنا :
في شي بنت بالمعهد حطيت عينك عليها وما
صحلك تحاكيا لاي ظرف كان وشو هوه الظرف

لك يا مسا وصباح الورد والفل والياسمين ...على راسي أبو حميد الغالي كلامك الحلو نورني..
منجي للسؤال أنو حطيت عيني على بنت أي أكيد بس كان الهدف أنو أحكي معها ونصير رفقة مو أكتر يعني هاد هو الهدف المبدئي ومالي حاطط شي ببالي أكتر من هيك طول دراستي بالمعهد ..ومشي الحال بس طولت شوي القصة ..

كيفك حبيبي حيدر
يعني بتظن انك رح تعامل ولادك بنفس الطريقة يلي تربيت فيها بالضبط
ولا رح تكون اسلس شوي ولا اكتر تدقيق شوي

هلا أنوس الغالي ..
والله يا شريك الحمد الله الله بعتلي أهل مو مقصرين عليي بشي ..يعني مو كمان أطلب تعطا بحسب المتوفر .
بقا اكيد بتمنا أقدر عامل ولادي متل ما بعاملوني أهلي بشغلات بس كمان في شغلات كتير ما بحبها ما بعرف يمكن وقت صير أب ساويها أنا...

» كرسي الاعتراف مع توم كروز (الحلقة الاولى)
» كلنا متواجدين الحلقة السادسة والأخيرة) من برامج التلفزيون
» من رآى منكم العقرب وهي تلد ؟