حوار بين خطيـب وخطيبتوو !!

الخطيب = هاي حبيبتي

الخطيبة = هاي .. شو نسيان انو الك خطيبة؟الخطيب = لا والله ... كيف بدي انسى ونحن ألنا 7 سنين مخطوبين؟

الخطيبة = لسّه ماقررت ايمتى بدنا نتجوز ؟الخطيب = لكن ليش اتصلت فيكي ؟ حتى نحدد موعد العرس

الخطيبة = لكن خليها الخميس الجاية كتب الكتاب والعرس بنفس اليوم

الخطيب = لأ .. مامنلحق .. منعمل العرس الخميس ، وانشاء الله بعد

أسبوعين منروح للمحكمة ومنكتب الكتابالخطيبة = أي و بلا .. ليش العجلة؟ منعمل العرس الخميس ومنخلي كتب
الكتاب لبعد مايصير عنا ولد .. منروح منكتب الكتاب ومنسجل الولد بنفس
الوقت مشان مانضل رايحيين جايينالخطيب = والله فكره حلوة ، بس شلون بدنا نجيب الولدالخطيبة = شو بعرفني؟؟ أحسن شي اسأل بابا .....

بس بظن هو بيجي لحاله لأنه ماما بتقلي أنو الولاد رزقة من عند الله

يعني نحن مالنا علاقة بالموضوعالخطيب = اووووووووووووووه .. طمنتيني

بس بخاف الله يرزقنا من واسع بوابه ويبعتلنا شي ستة أو سبعة

الخطيبة = لا لا لا ... أنا رشيقة وبطني ما بيتحمل أكتر من واحد

الخطيب = ليش هو بالبطن؟؟

الخطيبة = أي بالبطن جنب المعدة .. و لازم كل أسبوع روح شوفو
عالكمبيوتر ، بس خايفة يطلع مو حلوالخطيب = مو مشكله اذا مو حلو منفرمت الكمبيوتر

الخطيبة = والله فكره ، لكن أنا ليش قبلت فيك؟ لأنه انت اذكى مني بشوي

الخطيب = لكن .. أنا بعجبك لما بفكر .. ولو إني أحياناً بتعب من التفكير

الخطيبة = وأنا كمان أحياناً بيغمى علي من كتر التفكير

الخطيب = قبل شوي اتصل فيني النجار وسألني عن غرفة النوم

كيف بتحبيها ؟ مزدوجة لشخصين ؟ والا منفصلة بسريرين ؟؟

الخطيبة = لا لا .. منفصلة أحسن لأنه أنا من أول مابنام

أحلامي كلها جمباز وملاكمة وما بدي تجيك ضربة وازعجك وانت نايم

الخطيب = وأنا كمان بشخر كتيير
شو رأيك نعمل الغرفة يللي ورا الباب غرفة نوم وبنام فيها

الخطيبة = أهادا الموضوع كنت بدي أفتحو معك من زمان بس خفت تدايأ

الخطيب = شكرا حبيبتي هلأ عرفت أديش انتي بتحبيني

الخطيبة = حبيبي وما بدنا نتأخر بحفلة العرس ، لازم نرجع بكير لحتى
نظف البيت وجهزلك الأكل

الخطيب = أوكي حبيبيتي

الخطيبة = منروح عالحفلة ومنشوف المعازيم .. وبعدين

انت بياخدوك عالفندق مشان تقضي شهر العسل على راحتك

وانا بياخدوني لبيتنا وبنتظرك بالبيت

وبعد شهر بتجي ان شاء الله وبتلاقي الغدا جاهزالخطيب = والله عندك أفكار عظيمه .. الحمد لله ، الله عطاني خطيبة جمال وذكاء ..!!

الخطيبة = شو هاد غزل؟

الخطيب = العفو .. شو يعني غزل؟

الخطيبة = ما بعرف هيك أمي بتألو لأبي بس يكونوا مع بعضهم منسجمين
يمكن معناتا حل لشي مشكلة

المهم انت اليوم وين رحت؟

الخطيب= رحت ع الملعب .. وحضرت مباراة بين الاتحاد والكرامة

الخطيبة = أكيد اتسليت

الخطيب = لا والله .. طلعت المباراة إعادة من السنة الماضية

الخطيبة = و شلون اتذكرتها

الخطيب = نفس الملابس ، ونفس الحكم لابس اسود ، والطابه نفسها
مدعبلة ولونها ابيضالخطيبة = كان لازم تتأكد قبل ما تفوت الملعب

الخطيب = اي والله .. فاتتني هالشغلة .. لأني اليوم أنا مطفي

الخطيبة = خير .. انشا الله مافي شي؟

الخطيب = لا مافي شي بس الحجي والحجيه صرلن فترة متقاتلينالخطيبة = له له له .. ليش؟

الخطيب = ما بعرف صرلن أسبوعين بغرفتهن وقافلين الباب، ولهلأ
ماطلعوا>>>

الخطيبة = بكونوا نايمين

الخطيب = لا .. بكونوا لسه عم يحلوا المشكلة

الخطيبة = أي مشكلة؟

الخطيب = ما بعرف ..ما فهمت .. من أسبوعين سمعت الحجي عم يقول
للحجيه: أنا خايف موت مشا نهيك بدي اعترفلك بخيانتي الزوجية

أنا كنت عم خونك ، وكنت كل ما خون بحط حبة فاصولية بالمزهرية

جاب المزهرية طلعوا 3 حبات فاصولية

وبعدين الحجيه صارت تبكي وقالت: وانا كمان خنتك ، وكنت كل ما
خونك بحط حبة عدس بالمزهرية، وجابتلو المزهرية وياريتها ما جابتها
وطلعوا حوالي
كمشة إيد

بس قالت مشان الحلال والحرام انها طبخت منن ست مرات شوربة
عدس
برمضان.

وهون عصّب الحجي كتير _ مابعرف ليش _ وصرت اسمع صوت
ضربالخطيبة = ليكون مابحب شوربة العدس؟

الخطيب = يمكن ..بس شو يعني خيانة زوجية؟

الخطيبة = يعني مثلاً الحجيه تقول للحجي انها رايحه لعند الخياطه لتخيط
تنورة وهي كذابة بتروح عالسوق وتشتري جاهز وبتعرف الجاهز أغلى
من التفصيل..!!

الخطيب = ايوا ... مو بكره تعملي معي خيانة زوجية .. صرت بعرفها

أصلاً كل مابدك تروحي عالخياطة بدي روح معك

الخطيبة = أمرك .. وأنا وين مارحت باخدك معي
وما بعمل دأ خيانة ألا وأنت معي ودريان فيها حبيبي

الخطيب = أصيله .. الله يخليلي ياكيي

الخطيبة = أنا رح سكّر التلفون .. بس لا تنسى تخبّر أهلك عن موعد
العرسالخطيب = هلأ رح ضل دق الباب لحتى يفتحولي و راضيهن مع بعض
مشان يحضروا عرسنا ..

الخطيبة = بلا هلأ بكونوا ناموا خليها للصبح

وانت كمان نام بسرعة ولا تفكر بشي

الخطيب = بحاول ... بس مو بإيدي بحب فكّر .

وما زال التفكير مستمـــــــــــراً ...بانتظار استيقاظ الحجي والحجيه

كنتم مع أغبى خطيب وخطيبة على وجه الكرة الأرضية يتبع """""

THE LORD

ههههههههههههههههههههههههههههههههه
عن د كتير حلوة وطويلة ولي

مشكور عمار قصة رائعة
وانشا الله يفيئ الحجي والحجييه

رايح فيئون
هههههههههههههههههه

» حوار الطرشان
» حوار بين شاب وفتاة...
» حوار رائع