وفاة مايكل جاكسون

لوس انجليس (رويترز) - بعد يوم واحد من وفاة مايكل جاكسون المفاجئة تتحول الانظار الى معرفة اسباب وفاة "ملك البوب" قبل اسابيع قليلة من سلسلة من حفلات العودة التي طال انتظارها.

وقد توفي يوم الخميس مايكل جاكسون الطفل النجم الذي تحول الى ملك البوب ولكن عبقريته الموسيقية شابها نمط حياة غريب وفضائح جنسية.

وقد اعلن فريد كورال من مكتب الطب الشرعي في لوس انجليس وفاة جاكسون (50 عاما) في الساعة 21.26 بتوقيت جرينتش يوم الخميس بعد ان وصل الى مستشفى في لوس انجليس في حالة توقف كامل للقلب. وقال ان سبب الوفاة غير معروف وسيجرى تشريح الجثة على الارجح يوم الجمعة.

وحذرت السلطات من ان عملية تحديد اسباب الوفاة قد تستغرق اسابيع والتي من المقرر ان تنتظر عودة اختبارات السموم. وستحدد هذه الاختبارات عما اذا كان جاكسون قد تناول اي مخدرات او كحوليات او ادوية.

وحتى وقت مبكر يوم الجمعة لم تتوفر معلومات كافية حول الملابسات التي اكتنفت وفاته ولكنه لدى وصوله الى مركز يو سي ال ايه الطبي كان فاقدا للوعي وغير قادر على التنفس ولم يتسن للاطباء اسعافه.

وفي وقت متأخر يوم الخميس نقل الجثمان بطائرة هليكوبتر من المستشفى الى مكتب الطب الشرعي.

وقال برايان اوكسمان المتحدث باسم عائلة جاكسون لشبكة سي ان ان الاخبارية يوم الخميس ان الاسرة كانت تخشى من وفاة جاكسون وحاولت رعايته لاشهر دون جدوى.

وقال جيرمين شقيق جاكسون للصحفيين ان شقيقه اصيب بوعكة صحية في المنزل وحاول طبيبه الخاص اسعافه دون جدوى. وقال ان مسعفين نقلوه الى المستشفى حيث حاول الاطباء اسعافه لاكثر من ساعة قبل اعلان وفاته.

وترك ملك البوب صاحب اعمال "المغامرة" و"بيلي جين" جبلا من الديون وسلسلة من الحفلات كان من المقرر ان يقوم بها في يوليو تموز في لندن. وكان يأمل الكثيرون ان تجمع هذه الحفلات الملايين وتنهي مشكلاته المالية.

ونعت حشود الجماهير التي قلدت حركات جاكسون الراقصة المبتكرة في كل انحاء العالم وفاة النجم الكبير.

ويعتقد ان اعمال جاكسون حققت مبيعات طوال حياته بلغت حوالي 750 مليون دولار امريكي وبحصوله على جائزة جرامي 13 مرة واعماله الموسيقية المصورة العابرة للحدود جعلته احد اكثر الفنانين امتاعا ونجاحا على مر العصور.

عاش جاكسون حياة منعزلة بعد تبرئته في عام 2005 من اتهامات التحرش الجنسي بالاطفال وهي المرة الثانية التي يواجه فيها مزاعم غير مؤكدة بالتحرش الجنسي باطفال صغار.

وقالت نجمة البوب مادونا "لا يمكنني التوقف عن البكاء لهذا الخبر الحزين ... لقد كنت معجبة دائما بمايكل جاكسون.

اي الله لا يردو
:لا تعليق:

مشكوووووووووووووووور
أسامة
قصة حلوة ومثيرة كتير

الله يرحمو
مشكووووووووور ابو السوم
وبدي اعزي المدير رجائي البقية بحياتك مااااااااان

انا ما بحبو لهادا ليش ملك البوب ما بعرف

الله يرحمو شوهاد
شو شهيد بفلسطين هو
شو أدملك حتى عم تترحم عليه
يا أخي بدون مبالغة لا يستحق إضاعة الوقت بقرأت حتى نبأ موته

أي سيدي مات ملك البوب بكرا بيطلع أمير البوب ..
بس الشكر على الخبر

زائر

منيح يلي الله اخدوا وريحنا منو
والله لا يردو و ان شاء الله بيموتو كل امثالو

أول شي شكرا ياني على الموضوع
بس انا متفاجأ كتيييييييير من ردود الأعضاء الغريبه ..
انو عم تحكو على شخص مابتعرفوه
اول شي مايكل جاكسون هو حاله لا تكرر وعنجد شي بزعل انو توفى بس شي وصار
تاني شي عم بتقولو الله لا يردو وبالناقص منو وهالحكي
انتو بتعرفو مين مايكل
هو أكتر مغني غنى للعالم التالت والإضتهاد اللي هو فيه من دول العالم الكبيره وهو اكتر مغني وقف مع العالم تالت بأغانيه
هو اكتر انسان عندو اغاني عن مشاكل عالميه وحروب ومشاكل اجتماعيه وأصلا نص اغانيه هيك مو متل الباقي اغاني كلها
عن حب سخيف وبشكل سطحي وعن اكل هوى .. مايكل اغانيه ماكانت تجاريه رغم تحقيق أكبر ارباح بالعالم
كانت اغاني اجتماعيه
ولك هو بأحد اغانيه طلع منظر انو الفلسطيني تارك الباروده على جنب ولافف ابنو وبنفس غنيه ارجى انو اميركي معو بارودتو ودبابتو
طبعا هو حط مناظر عن كل اماكن بالعالم مو بس هون
الغنيه اسمها Heal the world
بتشوفو هاد مقطع بعد 2.30 من الغنيه
اللي بحب يتأكد
وكمان هو بأحد حفلاتو حط وراه شاشه كبيره وحط اعلام الدول العالم التالت كلها وهي عم تقلب ورا بعضها وعم بغني لإلهم ومن بيناتهم شفت أعلام عربيه
في حدا عملها شي ..!!
الحفله هي
HIStory World Tour live in Copenhagen , Denmark 1997
وبعدين هو اكتر شخص بحب الأولاد من بين كل مغنين
بس مشكله نحنا كمجتمع شرقي مامنسمع غير إشاعات

رح امشي معكن
رح تحكو على لونو اول شي وكيف غيرو
مايكل وهو شب انصاب بمرض اسمو بهاق وهاد المرض بصيب كل مليون شخص شخص واحد
وهو بيسحب لون الجلد من الجسم
وكونو اسود ببين عليه دغري وصار جسمو فيها بقع بيضا اكتر من بيض لأنو مافي لون صفى بجسمو
ام ساوى عمليات وصار يخفي البقع بالمكياج ... ولما انتشر بهاق بكل جسمو وراح كل لونو ساوى عمليات ليسحب باقي لون وخلص يصير بلا لون
او قريب للأبيض طبعا هو لونو ابيض من البيض لأنو مابقى لون بجسمو
وهو متل كل ممثلين ساوى عمليات تجميل لأنو انتزع شكلو .. السود بكون بالعاده انفهم كبير بقى مازبط مع شكلو الأبيض الجديد وزبط انفو بس برأي مازبط ونزعو بزياده بعد كذا عمليه
وأي واحد لونو أسود من بيناتكن وبصير معو هاد المرض اكيد رح يخجل يمشي وجسمو لونين ورح يعمل عملية ليخبي هاد الشي او يزبطو وهاد شي مو عيب ولا حرام
وبعدين لو عمل عمليه لأنو يغير لونو .. طيب احكو معي بشكل علمي
لما بتسحب اللون من الجسم اي جسم بعد فتره رح يرد يرجع اللون الأصلي لأنو الجسم بضل بإستمرار بيفرز لونك الطبيعي لكل الجسم
بس هو مارجع للونو الطبيعي .. بتعرفو ليش بسبب مرض لأنو البهاق اللي سحب لونو مو هو .. هو عمل عمليات لسحب باقي البقع من جسمو
وبعدين كانو ولادو طلعو سود مو بيض .. بس بسبب المرض تبعو راح كلشي مورثات للون عندو وطلعو ولادو بيض أبيض طبيعي مو متل لونو أبيض من البيض بسبب عدم تواجد اي لون بجسمو
وبعدين ماتشمتو بمرض واحد .. لأنو مافي دين سماوي عالكرة الأرضيه بيسمح انو تشمتو بمرض شخص .. فهمكن كفايه
رح تحكو بعدين على انو كان يتحرش جنسيا بالأولاد
طيب انا معكن .. بس هو معروف اديش كان بحب الأولاد وبيعمل اغاني لإلهم
ولما انت بتعيش بدوله رأسماليه متل اميركا وبتكون هالقد مشهور ومعك مصاري .. اكيد رح يحاولو يستفيدو منك ويطلعولك شي قصه لياخدو منك مصاري
وقضية تحرشو بولد هي من قضايا تجاريه ..
وبعدين بين بالحقيقه وتبرأ بالمحكمه وطلع برائه وانو كلو هاد شي مو مزبوط
انا ماعم دافع عنو بس بهمني تعرفو تفاصيل
سمعت عنو انا كمان كتير إشاعات
منها قبرو اللي على القمر وهي القصص ..
شي بضحك عنجد
هو من المغننين اللي كتير بيتبرعو لجمعيات خيريه وخصيصا للأطفال
رغم انو عندو ازمه ماليه كبيره ..ومن زمان انباعت املاكو بالمزاد نتيجة الأزمه ماليه تبعو ورد عن جديد صاير معو ازمه ماليه بس بضل بتبرع لجمعيات
وهو بايع نص املاكو حاليا بسبب أزمتو
بس هو بصراحه مبذر كتير بيشتري كتير تحف وشغلات غاليه
نحنا مامنسمع غير الأخبار الرخصيه والإشاعات
ولك اي واحد مشهور قد نص شهرتو رح تطلع عليه اشاعات اكتر منو
وهي ضريبة الشهره
وبعدين هو ملك البوب او هيك تلقب لأنو عمل شي بنمط البوب ماحدى عملو ولا حدى بيقدر يعمل متلو
متل ماكان من قبل إلفيس برسلي شغله كبيره بالبوب اجا مايكل وعمل شي خاص فيه
( صحي للمعلومات انو بنت إلفيس برسلي إليزبت بتكون مرت مايكل جاكسون )
بعدين اللي عم يحكي شو قدملكن ..
هو ماقدملي شي شخصي بس قدم شي للعالم وقدم بالأخص للعالم التالت اغاني ماحدى اقدمها قبل او بعد
وبعدين بأي دين بالعالم مابصير تشمت بموت شخص ...
ومشان مقابلات .. مره مايكل طلع وحكى انو مابقى بدو يعمل مقابلات ابدا لأنو حتى مقابلات صارت تتزبط على كيفهن
يعني يقطشو ويلزقو على كيفهن وهيك بتغير كل معنى الجمله
مثال فقط
إذا قلنا ما بحب الإضطهاد للعالم العربي
إذا حذفنا ما ... بتصير بحب الإضطهاد للعالم العربي
هي مثال للتوضيح بس ..
وهيك صار بكذا مقابله معو .. وانا شفت التنتين قبل وبعد
بس مو هي الجمله طبعا غير جمل بس انا قلتلها على سبيل المثال
وبعدين انا مابثق بولا مقابله او ريبزتاج بيطلع على التلفزيون وبصير فيو ومضه بيضا او انتقال الكامير
وبس تشوفو هيك تأكدو انو بهي المقابله أو برنامج صار تقطيش لشي معين
وإذا بدكن تثقو ببرنامج لازم يكون متل برامج اللي بتعملها جزيره وثائقيه او الباقي من دون انتقال كاميرا وقت بكون ساكت وبدون ومضه بيضا
وحتى لو شفتو هيك شي عالجزيره مثلا تأكدو انو في تقطيش
وأكبر مثال على هاد الشي وقت بصير عنا بالتلفزيون السوري مقابله مع الناس بالطريق
إذا ماكانو محفظينهم شو يقولو للناس( وهي صايره مع شخص بعرفو ).. بكونو عم يحذفو اللي بدهن ياه ويتركو اللي بدهن
وبعدين انا شو بدي بشكلو إذا زابط ولا لأ .. انا بهمني إذا هو منيح أو لأ
وإذا سيئ تجاهنا كعرب او لأ
انا بسمعو وبعرفو من لما كنت صغير وهو على زمن ابي وابوكن يعني مو من هلأ
وبظن اللي قبل بيعرفو اكتر مين مايكل جاكسون
إذا ماكانو بيسمعو إشاعات
انا ماعم دافع عنو .. بس انا بكره لما واحد بينحكى عنو بطريقه غلط وهو منيح او مابتعرفوه وعم تحكو عنو شي
مين ماكان يكون .. عربي ولا أوربي ولا افريقي ولا من اي دوله او قاره
بس انا بحب يكون عنا وعي وثقافه كامله عن الشي اللي عم نحكي عنو شو ماكان
وانا لما ما بكون عندي معلومات كافيه عن شي اللي عم ينحكى عنو بسكت وبشكر صاحب موضوع على موضوعو
( نحنا كشعب شرقي دائما منحب الحكي على العالم شو ماعملت شي منيح او عاطل واهم شي عنا ماينحكى علينا هاد هم شعب شرقي فوق اي شي
مشان هيك مامنصير طول مو تفكيرنا محصور بهيك اشياء )

وأكيد بالنهايه كل واحد عندو رأيو بشخص بس بتمنى قبل مانحكي على العالم وعلى حالنا بين بعض بس نعرف عن مين عم نحكي
مثلا إذا بدي احكي عن ( مايسترو ) عامر
لازم اعرف مين عامر وشو عامل بحياتو قبل ماصدق اشاعات عنو وقبل ماأحكي عنو
طبعا عم امزح شريك ( مايسترو ) انا مابحكي عن حدى وخصوصي عنك
مع كل احترامي لجميع الأعضاء ..
وحبي لحالة لا تكرر مايكل جاسكون...

وطبعا انا عم أحكي كشخص عادي أو كعضو عادي مو كصاحب موقع
وياريت ماينفهم حكي غلط

مظبوط مظبوط مظبوط انا مع المدير العام وحكيو كلوا صح معئول نشمت بواحد ميت
بعدين نحنا شو بيعرفنا شو ظروفوا للزلمة مو اي واحد بيجي بيحكي كلمة دغري منصدقه
والاشاعات ما في اكتر منن
بعدين هو لو مالوا عامل كل هالشي المنيح انو مع الاطفال وهيك متل ما ذكر المدير
ما كان اسلم لانو مايكل جاكسون مأسلم
وعنجد نحنا بهاد مجتمعنا الشرقي بس بيهمنا نحكي عل العالم بدون ما نعرف شو الصح
شكككككككككرا شككككككككككككرا شككككككككرا شككككككككرا شككككككككككككككككككرا كتيررررررررررررر كتيررررررررررررررررررر كتيررررررررررررررر اسامة عنجد الله يعطيك العافيه وتسلم ايدك
:merci: :merci: :merci: :merci: :merci: :merci: :merci: :merci: :merci:

اول شي شكرا لصاحب الموضوع على طرحه
صراحة انا هاد الشخص ما بحبه شخصيا بس بحب فنه والشي يلي بيقدمه وانا متل غيري اسمعت كتير شغلات شلبية عليه وهاد الشي طبعا ولد عندي كره لشخصه بس بعد ما قرأت حكي المدير اتغيرت شوي قناعاتي لأنو توضحت شغلات كتيرة وانا متأكد انو هاد الشي صار عند الاعضاء لذلك يا شباب انك تسمع عن شخص شي ما بيعطيك الحق انك تحكي عنو ولو انو حكيك عنو لا بيقدم ولا بأخر
على كل حال راح لربو وهنيك حسابو وما علينا غير نقول الله يرحمنا ويعينا
والعمر الكن
لورد

اي معكن حق والله يرحمو

» مايكل جاكسون
» هذه اغنية شهيرة لجورج مايكل :
» مايكل برادلي يكافئ والده المدرب ويقود المنتخب الأمريكي للتعادل مع سلوفينيا