يا عالم.. ياهوو.. لك البنت السورية ليش شايفة حالها.. ليييش و على شو...

يا عالم.. ياهوو.. لك البنت السورية ليش شايفة حالها.. ليييش و على شو...
من فترة وصلنا ايميل ضمن باقة موضة الإيميلات اللي عم تنبعت من فترة تلت سنين, هالإيميل عم يحكي عن مواصفات الشب السوري..
و عن مواصفات البنت السورية هلأ.. سمعوا لقلكن..

أولاً: فيسبوكياً:
1- اذا بعتلها مسج ع الفيس بوك عم بتقلها "مرحبا" بتعتبر حالها جميلة الجميلات, و ما حدا بيتقارن فيها و بتعتبرك انت الإنسان التافه اللي خضعت تحت قدميها, ويلي دايب بجمالها و بس بدك منها تقلك اهلين

2- أما اذا كانت المسج "مرحبا, كيفك" فأكيد ما رح ترد عليك.. لأنك زودتها يعني

3- و إذا كانت المسج طويلة شوي.. بترد عليك بكلمة "ok, fine" طبعا بالانكليزي بتكتبها, و اذا حبت انها تتواضع شوي, بتكتبها عربي حروف انكليزية, و انت طبعا ما بتفهم شي من هالفاين

ثانياً- مسنجرياً:
4- اذا انت بتضيف البنت السورية ع المسنجر, فورا بتقلك... مين معي, و من وين جبت ايميلي, و لو سمحت أنا ايميلي خاص, أنا ما بضيف حدا ما بعرفو ( مع انو ايميلها في أكتر من 400 كونتاكت ما بتعرفهن و كلهن عاملتلهن بلوك ), و أنا ما بحكي مع شباب بالعادة, و مين بعتك لعندي.. و بتعرفو باقي الحكي

5- اذا يوما من الأيام صدفت و بنت سورية ضافتك.. ( مع انو هي اتسجلت المستحيلة الثامنة بالعالم ) كمان فورا بتسألك, مين معي, أنا ايميلك عندي من زمان بس ما بعرف مين انت.. و يا ويلك اذا ما بتجاوبها..

6- طبعا بتكون حاطة صورة الشطرنج تبع المسنجر, أو الوردة.. أو صورة من صور المانغا اليابانية, و انت أكيد لازم تحط صورتك و إلا ما بتحكي معك, ووقت بتسألها عن اسمها بتقلك اللقب تبعها, و بتسألها ع كنيتها بتقلك "لسا بكير" كأنك رايح تخطبها بكرا, و اياك ثم اياك تسألها تحط صورتها.. فورا بتلاقيها طلعت اوفلاين, لأنك صرت من قائمة البلوك تبعها

7- دائما حاطة حالتها "مشغول" على اعتبار انها مشغولة كتير, و بترد عليك جملة بتتكون من تلت كلمات, بعد ما بتكون انت كاتب موضوع تعبير من عشر أسطر, و اذا شي يوم هيي فاضية و عم تحكي معك و انت مشغول مو قدران تحكي كتير, بتقلك "اوكيه شكلك مشغول, ما بدي عطلك" لأنك ما عم ترد عليها كتير.

ثالثا: في الشارع:
8- بتمشي و هيي مثبتة خصرها, و ايدها من عند المرفق ممدودة و حاملة الجزدان تبعها, و كل ما ثبتت خصرها أكتر بتكون أكابر أكتر, و رجليها بيتحركو من تحت الركبة بس,أما فوق الركبة فحركتهن ثابتة, و الأكتاف مشدودين, و الرأس مرفوع عاليا, نظام منضم.

9- اذا كانت ماشية مع رفيقة أو رفيقتين, ومتأكدين انهن مزبطين حالهن ع الآخر, بيمشوا بالشارع مفكرين حالهن عم يعملوا فيديو كليب, بيطلعوا ببعض و بيضحكوا كتير بس يخلصو الضحكة, بيردوا شعرهن لورا مفكرين انو في مروحة عم تهب الريح منها ع شعرهن.. سانسيلك

10- تحذير: اياك ثم اياك انك تخبط فيها بالغلط, بتكون جنيت على نفسك, بتنظر فيك نظرة استحقار من راسك لخلخالك, و بتزدريك لأنك شخص منحط... و طبعا بتكون هيي الغلطانة لأنو بتكون ماشية بتوقف على فجأة قدام محلات الماركات, على أساس انو هيي شرية ماركات و لفتت نظرها قطعة ما بتتفوت

رابعا: في المحلات التجارية:
11- اذا فاتت البنت ع محل تجاري بدها تشتري غرض, بتنكّت صاحب المحل محلو قطعة قطعة, و هيي بتكون حالفة يمين ما يعجبها شي, و بتعرفو الحلفان غالي.. طبعا ما بيعجبها شي لأنها هيي كتير سينييه و بتشتري مكياجها من باريس, و تيابها من ايطاليا, و السانتور من كوالالامبور....

12- اذا لا سمح الله عجبتها شي قطعة, بتبينلك انها مو طايقتها, لأنو هي طريقتها الوحيدة لحتى تراعيها, و بتضل بتفاصلك بتفاصلك لحتى ينشف دمك و دم الحاضرين أجلكن

13- اذا صاحب المحل سمعها شي كلمة حلوة مشان يطرّي الجو, بتطلع فيه و بتعبس و بتفكر انو وقع بغرامها.

أيواااااااااااااااااا هيك عمتحكي عالبنت السورية
الحقيقة كلامك في شي من الصحة وهاد يلي لازم يصير بالنسبة للايميلات والمسنجر
لأنو مو كل العالم بينوثق فيهن
أما الكلام الباقي فما عجبني والقليل يلي بيطبقه
وعلى كل حال شكرااااااااا عالموضوع ومو من قلبي

ليكوا يا بنات مشان نضل رفقة
هاد الموضوع مو رأي الشخصي بالبنات مية بالمية
بس أنا حطيطوا من باب المزح مع العلم أنو 95 بالمية من الحكي صح بس برجع بأول هاد مو رأي الشخصي

ي لأ لأ لأ لأ
كلووووووووووووو مو مظبوط وكلوووووووو خطأ
هلأ معئول بنظرك هيك البنات وشو عم تئول
95 بالمية صح يا نايس مان هاد خطأ وانت الصادق بس
بيطلعوا يادوب 5 بالمية
بعدين مو كل اصابيعك متل بعضون
واذا مرئت عليك شي تجربة فتأكد انو مو الكل هيك
وشو عم تحكي عل البنت السورية اي اصلا مافي
احسن من البنت السورية مو غرور
بس خلينا نكون واقعيين شوي
العالم عم تجي من برا من السعودية ودول الخليج مشان ياخدو
من هون من سوريا لانو الكل بيئول مافي احسن من البنت
السورية بكل شي
انا كتير طولت بالحكي بس عفوا لازم احكي
وبتمنى ترجع تعيد نظرك بها الموضوع
:انا احتج: :انا احتج: :انا احتج:

:معصب: :معصب: :معصب:

:مطرقه: :شيطان: :مطرقه:

:أغلق: :أغلق: :أغلق:

اي وانا كمان رأيئي متل الصبايا مو كل البنات بيتصرفو هيك

وبصراحة ماعجبني هالحكي
وحتى لو هاد مو رأيك :شيطان: :شيطان: :انا احتج:

بس عل كل حال شكراً إلك

شبكون يا صبايا طولو بالكون
الزلمة مو اصد شي
بالفعل مافي متل البنت السورية وخصوصي اذا شاميه
مع احترامي للكل
بئا لاتزعلو ولا على بالكون كلو حبر على ورق
مشكور على الموضوع انا برائي لا عاد تعيدها
هههههههههههههههههههههههههههههههههههههههههههههههههههههههههههههههههههههههههه

انا لح احكي ضميري
كل واحد يرفع ايدو ويشوفها الاصابع متل بعضهاااااااا؟
اذا عرفتو الجواب خبروووووني عليييييييييييييييييييييي

اي واكيد انا مع الصبايا يعني مو كل اصبيعك متل بعضون وبعدين
اذا في هيك يادوب 5 بالمية متل ما قالت ميرنا وبعدين هلأ
مافي بنت بتفاصل انا بقلك يمكن في نسوان اي وكتير
بس هلأ وبنت صبية لا لا لا انت غلطان :انا احتج:

يلي بدو ينزل موضوع عن البنات بدو يلقى ردودهن ههههههههه
لك شو بدك بهالعلقة.لك علاق مع الامن الجنائي ولا تعلق مع بنت..!

يا أخي هذا طبع البنات عامة
أما البانات السوريين فهنن بجننوا
ههههههههه
مشكور

شو استاذ حيدر شو شايفنا
لحتى عم تئووول الأمن الجنائي وما الأمن الجنائي الله يسامحك هي اول الشي
تاني شي يانايس مااان الله يسامحك نحنا هيييك
تالت شي شكرا ياعامر لانو دافعت عنا

ما التلكن انو حقكن عنا ولو
وبعدين يا صديقي التلك انو المقاتلة السورية بنت

» البنت السورية
» لورا أبو أسعد تدخل عالم الإنتاج من بابه الواسع.. (قيود عائلية) يجمع نجوم الدراما السورية
» نكتة ماشي حالها بس ملعوبة