أقرأ وعطيني رأيك....

مرحبا يا شباب ويا صبايا
أنا اليوم بدي ناقش موضوع من كمان من ظواهر لا تعجبني
وهي تقطيع الشوارع من الأماكن غير المخصصة

يا شباب (طبعاً بقصد فيها بنات ورجال ) أنتو ليش ما بتخافوا ع صحتكن ليش بدكن تقتلو حالكن بإيدكن
مازال الدولة عاملتلنا أمكان مخصصة للمشاة ليش ما نمشي منها ليش لازم نطوط فوق الحواجز وبيكون في جسر ولا بتكون الإشارة خضرا للسيارات بيحلالنا نقطع الشارع
يعني هي حضارة أنو الواحد يقطع والإشارة حمرا للمشاة ولا نحن خالف تعرف

يا شباب مشان سلامتكن ومشان يتعلمو يلي أصغر منكن ويلي أكبر منكن انتبهو ع حالكن
هي روح الله واهبنا ياها وهي كتير غالية علينا مو معقولة تروح بأرخص الأسباب
يعني الواحد عم يقطع من الأماكن المخصصة وما عم يسلم كيف إذا قطعنا بطول وبالعرض وبالمقلوب ونطوطنا من على الحواجز
أنا بعرف أنو في أماكن ما فيها مكان تطع منها بس نحن منعمل يلي علينا ومنطع من الأماكن المخصصة والإشارة حمرا للسيارات وخضرا للمشاة

بتمنى الكل يقرأ الموضوع ويعطيني رأيو وديرو بالكن ع حالكن لأنو مو مستاهلة أنو نموت تحت شي سيارة ونحن في قدامنا كتير لسى بحياتنا بدنا نعلمو

والله يا نينو
انا مرة سمعت انو الواحد ااذا خالف من غير ممر المشاة فيها مخالفة 100 ليرة
بئا انشالله تصير جد
ساعتها الكل بيئطع من الاماكن المخصصة
موضوعك حلووووو ويمكن بعض العالم تستهزء بهالئصة بس مو لازم حدا يستهزء
لانو وئت تفكرو فيها بتحسو انو هالحكي صحيح
ومنتمنى انو الكل يئطع من الاماكن المخصصة
طبعا واولهن انا يعني
بس بعمري ما نطيت من فوء حاجز
هههههههههه

MBL

هوي معك حق نيرمين
احيانا بيكون الواحد مستعجل
بس انا معك بكل كلمة
والله يحمي الكل
مشكووووووووووووورة مواضيعك مميزة

اي والله عنجد مظبوط حكيك 100%100 وهاد يلي لازم يصير

بس كمان الواحد بيكون شارد احيانا

او بيكون عم يطلع ع الرصيف التاني بيدون ما يفكر بصراحة انا هيك

صارت معي كانو السيارات وائفين بس مالي منتبه انو عم امشي

على خط المشاة لحتى اختي قالتلي

وانشالله كلنا بدنا نعمل هيك

ويعطيكي الف الف مليون عافيه

كل موضوضيعك حلوه وفيها توعية

شكرا الك موضوع بمحلوا وخصوصاً انو من قدام المعهد عمنشوف ناس عم تقطع الشارع دون الجس ر شكرا الك

ـــــــــــــــــــــــــــــــــــــــــــــــــــــــــــــــــــــــــــــ
بتمنى الكل يقرؤه عنجد بتمنى الكل يقرؤه

وراكي وراكي
أقرأ وعطيني رأيك.... 791229

ليكي هو من جهة الحق فمعك حق لكن من جهة انو شعبك عربي وسوري فأنا برأيي لا تعبي حالك
ومشكورة

شكرا عالموضوع الحلو ورح نعمل بنصيحتك

زائر

مشكوووووووورة نيرمين
الله يعطيكي العافية كل مواضيعك بتجنن
وكلامك كلو صح أقرأ وعطيني رأيك.... 541551

ــــــــــــــــــــــــــــــــــــــــــــــــــــــ
الكلمة ليست رصاصة لكنها تقتل

أهلا وسهلا ياشباب وإن شاء الله تستفيدو من هالنائح الأخوية وماتقروها ئراية سطحية

وفعلاً جنب المعهد كتير منشوف الشاب عم يطعوا الشوارع من دون ما يطلعوا ع جسر
والله هالشغلة بتجنن

اولا الله يعطيكي العافية عالموضيع يلي بتطرحيها وهاد دليل عذاتك الشخصية
بس مابدي اكذب عليكي هي مشكلة شعب مو واحد ولا تنين
يعني بالنسب لموضوع النظافة وحتى هي الظاهرة حلهن صعب لاتنو الشعب السوري بيهتم بمظهره بس بدون مظهر بلده فبس لو فكرنا انو بلدنا هي نحنا بتنحل!

أنا برأي إذا بلش كل شخص من ذاتو بتنحل
يعني أنا بقطع من المكان المخصص بيئوم بيشوفني فلان من ناس بيتعلم مني وهكذا
أما إذا كل واحد اللهم اسألك نفسي مصيبة
وإذا بدو يقول هي غيري ما عم يقطع سعري بسعرو كمان مصيبة
مشان هيك بلش بحالك وما عليك

مشكوووورة نيرمين الحمدلله انا من الناس يلي بيقطعو من النكان المخصص
بس عنجد انا بشوف هدول يلي بيركدو بنص الوتستراد والجسر بعد خطوطتين بيكون بحسون مجانيين انو ليش الدولة عم تعملك جسور وانفاق

بس متل ما قال احمد شوقي

شعب اذا ضرب الحذاء برأسه صاح الحذاء بأي ذنب أضرب

مشكورة نيرمين
اكيد ما بتقصري عنجد مواضيعك كلها قيمة والها فائدة كبيرة
هلاا بالنسبة لكلامك انا معو 100%واكيد كلو صح

بس في مشكلة بطريقة الاستيعاب عند الناس وصايرين بمجتمع اذا بتحكي هيك ادام شي حدا بحطو للواحد وبيعملو شغلتهم وعملتهم
وهاد قمة التخلف عنا

يعني انا ما عم احسن استوعب انو شو بيخسر هاد يلي بيقطع كيف ما كان
اذا استنا شوي بس لتوقف الاشارة
لا وفي لسا نهفة انو لو وقفت الاشارة
بتلاقي عم ينطوط بين السيارات
لك اااااااااااااااااااااااااخ عنجد زي ما حكا طارق شعب اذا ضرب الحذاء برأسه صاح الحذاء بأي ذنب اضرب

» أقرأ وأخبرني رأيك
» ما رأيك ادخل وشع رأيك
» أقرأ هذه الكلمات التالية وتأملها فربما تكون مفيدةلك في حياتك