ما يكتب على السرفيس والتكسي

ما يكتب على السرفيس و التكسي :

لا تشوفني عم اتدرج ... دوبلني واتفرج !!!

ميلي على ميالك ابو عبدو خيالك

عشقت السفر من ظلم البشر

بحبك جكر بالناس

لا تلحقني مخطوبة

لولا المصالح ما حدا صالح

ما طار طير وارتفع إلا كما طار وقع

مكتوب على المرايا مخصص للصبايا

بس للحلوين

لاتسرع يا بابا نحن بانتظارك

دلوعة أبو حبيب

يا رضا الله ورضا الوالدين

يصطفلوا !!

عين الحسود فيها عود

سارحة والرب راعيها

يا ناظر نظرة حسد شكيتك لواحد أحد

انا السوزوكي بغني و اسألوا الكيا عني

ذكرى دمعه على صلعة

مر و عدي و بلا تحدي

الرصاصة التي لفت الكوع

عاشق النبي يصلي عليه

ياجبل مايهزك ريح

يلي يهوانا يصبر على بلوانا

لا تجحش محسوبك أجحش ..

أما الأثار الموجودة جوا :

عنقيد عنب بلاستيك

مسبحة زرئة أو حمرة

قلب بيطفي و بيشعل مكتوب عليه I love you وغالباً بكون مربوط مع الفرام يعني مع كبسة الفرام بيشعل

قطعة فخار (مكسورة) مكتوب عليها الله&محمد

علبة محارم من الصدف أو الخرز الأزرق

فوتيس محطوط عليه جراس صغيرة كل ما يغير برنو

كاسة فاضية مدبئة علقان فيها الشاي بدو أسيد حتى يروح

فردة بوط و لد صغير مشان العين

أما و الشيئ الأكثر أهمية فهو:

كلب صغير كان لونو أبيض هلأ صار يا رمادي يا أسود (من النظافة) بهز راسو بطريئة أستفزازية

والزلمة ما بحب يحس حالو بغربة :

صورتو أدام السيارة بآخر طرز

صورة بنتو الصغيرة

صورة مع الأصدقاء أو العائلة بين الحشيشات و الخضار مكتوب تحتها ذكرى يوم الجمعة على بسيمة أنا و العائلة الكريمة.

و أكرنش نحو المكرو وهو مقوتل****و أقـســم لو قوتلت راح يكرنش
الله يلعن أبو المواصلات

ههههههههههه
يسلم ايديك الموضوع حلووو
وبصراحة أثري

مشكور شريك يا اخي شهيتني طلعة السرفيس

هههههههههههههههه

احلى شي تبع لا تجحش
مشكوووووووور

زائر

ههههههههههههههههههه
حلوين كتير بس يصير عندي سرفيس رح أكتب متلهن

مشكوووور حبي

بس هلا يا حرام كتييييييييييييير حصرون الشرطة
صار ممنوع يحط هيك شغلات
ئل شو مشان المظهر الحضاري
اص الله من زمان لما كانو السوزيكيات
الله يرحم هديك الايام

ههههههههههههههههههههههههههههههههههههههههههههههههه

مشكووووووووووووووووووووووووووووووور

» ما يكتب على السرفيس و التكسي
» قصيدة شوفير السرفيس
» مقال يكتب بماء الذهب