معتقدات شامية ..شو فو شو كتار..

اذا انكسرت كاسة يقال: انكسر الشر
* من يأكل من رغيف غيره يخاصمه و يعاديه ( كتير بتكون قاعد مع اسرة شامية على سفرة الاكل
و بتلاقي الام عم تخانق ابنها لانو اكل من خبزة اخوه : ليش قال اذا اكل من خبزة اخوه بيتخانق معو )
* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليشششش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)
* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
* مراششة الميه فراق (ما بصير حدا يرش رفيقو بالمي لان بعدين بيتفرقوا )
* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين
* اذا اجت الكندرة فوق الكندرة يعني رايحين مشوار
* اذا زحف الولد او زقزقت العصافير معناها جاينا ضيوف
*اذا طنت ادنك اليمين حدا عم يحكي عنا بالمنيح و اذا طنت اليسار معناها حدا عم يجيب سيرتنا بالعاطل
* اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا
* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مو منيح
* اذا حكني حاجبي معناها بدنا نستقبل حدا جاي من السفر
* و ما بصير الحمام بالليل
*و ما بينفع كب المي بالبلوعة بالليل من غير التسمية بالله و الاستعاذة أولا (يالطيف مشان ما يأذونا ولا نأذيهن )
*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق )
*وما بيصير نفتح ونسكر المقص كتير كمان بيعمل خناق
*وإذا عمل العصفور تحتو على الأواعي يعني جاييكون رزقة
*و دلق القهوة رزقة
*و شرب المي بعد القهوة قلة زوء
*إذا حكني كفي اليمين معناها بدي أقبض مصاري
*و إذا حكني كفي اليسار معناها بدي أدفع مصاري
*و اذا الولد الصغير كتير ابن الشهور عم يضحك لحالو
بيقولو الملايكة بتكون عم تحاكيه
*و كمان يلي حامل بصبي بتتباشع و ببنت بتحلا
* و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص

* واذا عندك ضيف اتقيل دم وبدك يروح من عندك على السريع شك دبووس او

عدة دبابيس بأيد المقشة او اقرأ سورة الزلزلة

*واذا خايف من عين اتصيبك جيب ورقة واكتب عليها اسم الشخص الي خايف

من عينو وغزها بالدبوس وانت عم تقراء المعوذات وتقول من عين افلان و تنفخ

*والي بعد النجوم بيطلعلو تالولات بايدو

*وبعد ما نخلص صلاة نطوي السجادة مشان الشيطان ما يصلي عليها (معلش خليه يصلي وياخود ثواب

اوف شو هاد بس لا تخاف ما عادت موجوده هالمعتقدات إلا بشكل نادر

هلق بالنهاية هنن معتقدات يعني
من تاليف الناس هيك بظن
يعني مو صحيحين
بس بيضحكوا عنجد
شكرا الك

مشكووووووووووور حيدر

مشكورين على المرور الحلو نورتو

صح معتقدات
بس احيانا بتصدف
وهالشغلات ما اجت من ولا شي
مشكور ع الموضوع

اي شي حلوووووو

زائر

زائر

شو حيدر عم تحكي عل شوام ؟؟؟؟
ماشي يا شريك منتواجه
بس موضوع حلو
و في شغلات كانت تظبط ولو انو شغل جدبة
مشكووووووووور شريك

مشكورين على المرور...
شو ولا محمد أنا شامي أكتر منك ..هههههههههه
بس لا تقول هيك بساوي

مشـــــــــــــــــــــــــــ ـــــــــــــــــــــــــــــــــــــــــكور
موضوع جميل
__________________________________________

جميل ان يكون لك قلب انت صاحبه والاجمل ان يكون لك صاحب انت قلبه

ألف شكر عالمرور الحلو

مشكوووووووووووووووووووور معتقدات شامية ..شو فو شو كتار.. 514402

ههههههههههههههههههههههههههههههه

والله انك رووووووووووووووووووعة يا حيدر

مشكووووووووووووووووووووووووووووووور

إي لأ ,,,,,

مين عم يعطي على الشوام ,,,,

مو مصدق جرّب كلهم صح 100%

شكرا إلك ، في كم شغلة كنت نسيانهم!!

وفي كتيير لسى ما بتعرفهم ، بدك عمر.....

أبو أسامة الشامي \ على سن و رمح ، إيوااااااا

هههههههههههه

يحرق حريشك

يا حيدوووور

موضوع بيجنن

زائر

مشكووووووووووووووووووووور حيدر عالمعلومات الحلوة
صحيح في منهن مارق عليي بس الباقي مو مارقين
تسلم ايدك عالموضوع الروعة

ألف شكر عالمرور الحلو مروركن نورني ..