كويست نت

موضوع: كويست نت السبت نوفمبر 21, 2009 8:55 pm

يقااااااااااااااااااااااال فهل هذا صحيح ؟؟؟؟؟
هادا المووضوع منقول نقل يعني مو حيدر يلي حاطو او متهم وهية مجرد حكي ولازم نوضح نحنا

المتهمون "شركتنا نظامية تمّ افتتاحها بفندق الشيرتون بحضور وزير الاقتصاد"

كشف مصدر مطلع لسيريانيوز عما اسماه "أضخم عملية احتيال يتعرض لها أشخاص في سورية حيث بلغ عدد الضحايا وفقاً للقائمين بالعملية 22 ألف مواطن من مختلف المدن السورية ومعظمهم من الشرائح المتعلمة أطباء ومهندسين".

وأضاف المصدر" بدأت القصة بشكوى عادية تقدمت بها السيدة(صفاء.ح) إلى مخفر شرطة جرمانا بريف دمشق، تدعي بان شابين يسكنان في ذات الحي الذي تسكنه، عرضوا عليها الانضمام إلى شركة(وست نت) الماليزية، واصفين دخولها إلى الشركة بأنها فرصة العمر التي ستدرُّ عليها أرباحاً طائلة.."

وعن طريقة الانضمام يقول المصدر "أقنعوها بشراء منتج من الشركة بقيمة 30 ألف ليرة سورية، وبعد شهر أعطوها قطعة زجاج قالوا أن الشركة أرسلتها لها، وهي(تشبه صحن السجائر) ستمنحها الطاقة وتمنع عنها الأمراض، ويكفي أن تضعها مكان المرض فتشفى، وستحميها من كافة المخاطر وتنقي الماء أيضا.. "

أما كيف ستجني (صفاء.ح) الأرباح، أوضح المصدر "الطريقة تتلخص في قدرتها إقناع الآخرين بالانضمام إلى شركة، فمقابل كل شخص ينضم إلى الشركة عن طريقها تأخذ ألفين ليره...

وحين شعرت صفاء أنها تعرضت لعملية خداع، أعادت إليهم قطعة الزجاج في محاولة منها للانسحاب واسترجاع الـ30 ألف، لكنهم رفضوا طلبها بحجة تحويل الأموال إلى الشركة بماليزيا وهي موقعه على عقد انضمام إلى الشركة".

وتابع المصدر" حين تمّ استدعاء الشابين أوضحا بان لا علاقة لهم بالأمر وان حالهم يشبه حال(صفاء)، فقد انضموا إلى الشركة عن طريق الشاب (هـ.س) واخبرهم أن أرباحهم ستتضاعف كلّما قاموا بضم شخصين إلى الشركة"

وتابع المصدر" بالبحث عن (هـ.س) تمّ إيجاده في (كافتيريا) مع ستة أشخاص آخرين وهم يحاولون إقناع الزبائن بالانضمام إلى الشركة، ومعهم ساعة عادية، وقلادة من الزجاج مرسوم عليها حرف ع ".

أما عن انضمام (هـ.س) فنقل المصدر "انضم عن طريق الشاب(ح) عراقي الجنسية، وبتوقيفه(ح) دافع عن الشركة واعتبر أن عملها نظامي موضحا بأنه شخصياً حضر حفل افتتاحها بحضور وزير الاقتصاد في فندق الشيرتون بتاريخ 17/7/2008...

وعن أموال المشتركين قال أنها ترسل إلى الشركة بماليزيا، ويتم إرسال عقود الاشتراك بالفاكس والمراسلات تتم عن طريق النت، واصفا الشركة بالعالمية وبان ما تقوم به نظامي وقانوني"

أما عن طريقة انضمامه فأوضح بحسب المصدر المطلع "انضم عن طريق شخص سوري، نافيا أن يكون للشركة مقر، كاشفا عن وجود مستشار قانوني للشركة (محامي) في منطقة الطلياني بدمشق، وأن جميع الاتصالات مع الشركة في ماليزية تتم عن طريق الانترنت".

وحول عدد المنتسبين للشركة أوضح المصدر "تقديراتنا الأولية تشير إلى وجود نحو 22 ألف مشترك".

وتابع "تمّ لغاية الآن توقيف 8 أشخاص معظمهم متعلمين واحدهم حاصل على الماجستير، وسيتم تحويلهم إلى القضاء أصولا" واصفا ما جرى "نصب واحتيال، بيع أوهام فلا يوجد أي سلعة حقيقية، كل شخص يتورط يسعى إلى توريط الآخرين ومن اقرب المقربين إليه كي يسترد شيئا مما دفعه.."

معدل من قبل الاداااااااااااارة من حيث العنوان وما يقاااااااااااااااااااااااااااال
لانو ما بصير نتهم حدا اذا مو متأكدين ..............
وبالرد يلي لح حطو انا بتعرفو كل شي... يتبع بالرد

موضوع: رد: كويست نت السبت نوفمبر 21, 2009 9:03 pm

بس حبيت قول هالشغلة ..
أنو أنا من الناس يلي اندعيت لمقابلة من المقابلات يلي بساووها ..بس الصراحة ما كتير حبيت الفكرة ..
والمبدء ..أنو أنت بتشتري المنتج وبتصير عضو بالشركة ..(على فكرة المنتج حقو ميتين ليرة بتشتري بتلاتين ألف ..)المهم أنت مهمتك أنك تقنع شخصين بشراء أحد منتجاتهن وهالشخصين يقنعو شخصين..وبهالحالة بتربح عشرة آلاف ليرة ..
يعني أنت بحاجة لتقنع 6 أشخاص لحتى تاخد تلت رأسمالك ..وأنت جبت للشركة 180 ألف وبيعطوك عشرة آلاف ..
بس بيعتمدو على مبدء المسقبل أنو أنت التنين بيقنعو تنين وهدول التنين كمان بيقنعو تنين وبصير بتاخد مئات الآلاف بس هاد الشي شبه مستحيل ..لأن عم تحاكي فئات الشباب يلي من الصعب تلاقي حدا بيتخلى عن هالمبلغ بسهولة ..
أنا أكيد ما فتت بالقصة ويلي خلاني أبعد هو وقت رحنا على كافتيريا بأطراف جرمانا ..لقيت حواليي ست طاولات فيهن ناس وعم يقنعونهن بالشغل هون نأزت وتراجعت بس بدي وضح شغلة الشركة بتعطي مصاري وما بتكذب ..بس بشروط صعبة ..

ويا ريت اذا حدا عندو هيك تجربة يحكيلنا ..

موضوع: رد: كويست نت السبت نوفمبر 21, 2009 9:23 pm

بتمنى الكل يقرأ شو رح اكتب
أولا ومع احترامي لكاتب الموضوع ولناقل الموضوع للمنتدى هاد الحكي كلو يلي مكتوب فوق علاك مصدي
أنا واحد من مشتركي الشركة وأسمها كويست نت مو ويست نت الشركة فعلا نظامية 100 % وفعلا وزير الاقتصاد بذاتو افتتح عمل الشركة بسوريا وحتى عندي الفيديو تبع افتتاح الشركة بس أعداء النجاح كتار هي أنا مثلا صرلي بالشركة أكتر من 3 أشهر التزمت بشروط الاشتراك بالشركة وعم اشتغل فيها متل الصلاة علنبي وعم آخد منها راتبي بالدولار الأمريكي مو باليرة السورية حتى وهية فعلا فرصة عمر وأنا بلشت أتغير كتير بفضل هي الشركة وأنا بفتخر أني عضو بهي الشركة
وبتمنى من أي عضو حابب يناقش بالموضوع يبعتلي رسالة خاصة ومستعد التقى في وفهمو شو هية شركتنا وبتمنى من إدارة الموقع أنهى تحذف هاد الموضوع لأنو محطوط بطريقة ما بتليق لا بالشركة ولا بمشتركينها

موضوع: رد: كويست نت السبت نوفمبر 21, 2009 10:46 pm

والحقيقة بالنهاية شو ؟؟؟؟

موضوع: رد: كويست نت السبت نوفمبر 21, 2009 10:47 pm

اهلين ابو حميد ..

هلا انا يمكن نسيان شغلة ان اكتب انو الموضوع منقول من سيريا نيوز والكل بيعرف شو سيريا نيوز ?..وفي شغلة انا ذكرت انو الشركة ما بتكذب وعنجد بتعطي مصاري واكيد يلي بيحب يتعرف على الشركة ممكن يحاكي محمد ويشوف اذا بتعجبو الشغلة ويمكن ينضم انا مو ضد الشركة انا مجرد نقلت خبر وعلقت عليه .. والله يوفقك بشغلك واذا بينحذف الموضوع عادي..واسف شريك اذا دايقك الموضوع

موضوع: رد: كويست نت الأحد نوفمبر 22, 2009 8:27 am

زميل بالجامعة عرض علي
بس أنا ما اخدت الموضوع جد
وطنشت بس هلا لدريت الموضوع نصب واحتيال
بس عنجد مشكور موضوع رائع

زائر

امممممممممممم
بصراحة وضحت الصورة بالنسبة إلي

هي شركة نظامية بس الطريقة يلي عم تتبعها لجمع الأرباح قانونية و بنفس الوقت غير أخلاقية
بصراحة هي بالنهاية تجارة وهاد حق الشركة
ويلي مو قد التجارة لا يفوت فيها

مشكوووووووووووور حيدر

موضوع: رد: كويست نت الأحد نوفمبر 22, 2009 5:37 pm

انا هلئ شفت الموضوع
وانزعجت وئت شفت انو نصب وهالحكي
هلئ هوة حيدر ما حكا شي لانو هوة ما دخلو الموضوع منقول
وبالنسبة لكويست نت ::
انا سامع عنها وعامل مقابلات وعندي رفئة هنن اعضاء فعالين كتير فيها للشركة
انا ما عم دافع عنها بس لازم وضح الصورة منشان ما يصير مشاكل بما انو محمد هو عضو بالشركة
الشركة عندها منتجات وهية شركة عالمية
هلئ الشركة احسن ما تحط مصروف دعاية واعلان بتعرفو هالشي ضروري بأي شركة منشان تنشهر
قررت تعطي مصروف الدعاية والاعلان لعملائها يلي هنن بساوو دعاية
هية انا على هوا ما شفت لا نصب ولا احتيال ولا شي لانو رفئاتي ماشيين فيها
وانا بعرف شي ابلاينين هيك يمكن بسموووون
يعني بما انو الشركة صادقة مع عملائها سواء كانو من سوريا ولا اي دولة يعني ما بتكون شركة نصب واحتيال
انا طولت عليكون لانو ما بصير يا استاذ حيدر ما تئول انو الموضوع منقووووووول عليك وحدة ههههههههههه
بتمنا يا محمد انك ما تدايئ وانت من حئك انك ادافع على الشركة لانك عضو فيها
وانا كمان بما اني عامل مقابلات فيها بنصح انو تشتركو لانو عنجد هية شغلة حلوة وحلم لكل الشباب
انا ما سجلت لانو ما عندي وئت والله بس مع الايام اكيد بدي سجل
اسف عالاطالة
وتحياتي للكل ......................
MAESTROoO

موضوع: رد: كويست نت الأحد نوفمبر 22, 2009 6:41 pm

أنا حضرت اجتماعات بهاي الشركة والفكرة ما عجبتني بس في شغل وفي أرباح وهاد هدف كل يلي بدهون يتاجرو
وأنا شفت القلادة ودفعت مصاري بس استرديتهون فيما بعد عن طريقتي الخاضة بس الإجتماع حلو كان بباب توما

» كويست نت بين الحقيقة و التجربة