مبروك إلنا العقارات سوريا من بين أرقى دول العالم العشرة

دمشق ثامن أغلى مدينة عقارياً متفوقة على نيويورك
بقلم أريبيان بزنس يوم الاثنين, 18 يناير 2010

http://www.syria-today.com/index.php/april-2009/271-business-news/696-damascus-office-space-eighth-most-expensive-in-the-world

احتلت مدينة دمشق المرتبة الثامنة في أسعار العقارات التجارية العالمية بحسب تقرير نيو أوفس سبيس ريبورت الذي يحدّد المدن العشر الأكثر غلاءً في أسعار المحال التجارية والمكاتب، وذكر التقرير أن سعر المتر المربع في دمشق يصل إلى 979 يورو وسطياً، بما يعادل 65 ألف ليرة سورية.

وذكرت مجلة الاقتصادي السورية أن مصادر حكومية سورية تقدر أن الأموال المجمّدة في العقارات تبلغ 600 مليار ليرة، كما يقدّر عدد المساكن الفارغة بـ 513 ألف مسكن، كما أن سورية تشهد حاليا ركودا بالبيع والشراء.

وحسب التقرير فإن هونغ كونغ تحتل المرتبة الأولى بين المدن الأكثر غلاء بأسعار العقارات التجارية بسعر /7431/ يورو للمتر المربع، تليها طوكيو بـ 1649 للمتر المربع تليها لندن بـ 1403 يوروات، وتأتي موسكو بالمرتبة الرابعة ثم مدينة دبي تليها بومباي، وتشغل باريس المرتبة السابعة، ثم دمشق لتحتل المرتبة الثامنة، ثم تأتي سنغافورة بعدها ثم نيويورك في المرتبة العاشرة.

وعلى الصعيد العالمي فإن أغلى خمس عقارات هي : قصر " أبداون كورت " 139 مليون دولار إنكلترا مساحته 58 هكتاراً، منزل "ستروود" 135 مليون دولار – الولايات المتحدة مساحته 95 ألف هكتار، قصر "مايسون دي لاماتيه" 125 مليون دولار – الولايات المتحدة مساحته 80 ألف قدم، قصر "الواجهة المائية" 100 مليون دولار – تركيا مساحته 30 ألف قدم، قصر "توبراك" 92 مليون دولار – إنكلترا بمساحة تبلغ 28 ألف قدم.

وذكرت المجلة أن منطقة المالكي بدمشق تعد من أغلى المناطق العقارية، على مستوى سورية، مشيرة إلى الأبنية المطلّة على حديقة تشرين والتي تسمّى أبنية "البارك" وهي: "دعدع والزعيم"، "السلام"، "النور"، "سمارة"، "الياسمين"، "الأرجوان"، حيث تبلغ مساحة المنزل 300م مربع وسعر المنزل يصل إلى حوالي 5 ملايين دولار، وهناك أيضاً مزارع يعفور التي تضاهي منطقة المالكي بالغلاء، فقد بلغ سعر المزرعة في يعفور مليار ليرة سورية، وفي اللاذقية بلغ سعر الفيلا في مشروع ابن هاني "الديار القطرية" 250 مليون ليرة سورية.

انا فهمت من هالحكي انو الشب يلي بجيب بيت بالشام بيقدر يجيب بيت بأي مدينة بالعالم باستثناء السبعة الي قبل الشام , هاد بيدل على انو الشاب السوري شاب مقدام ومغوار ومكافح وبس يقرر يتزوج رح يكون من انجح الرجال بالعالم طبعن واحد عم يقدر يجيب بيت بثامن اغلى مدينة عقارياً.

هههههههههههههههههههههههههههههههههههههههههه
والله يا عبد لا تستغرب شي
شو مفكر الشام قليلة
هههههههههههههههههههههههههههههه
يعني انا شفت مزرعة بيعفور
وصاحبا طالب حقا مليار ونص ليرة تقريبا
قلتلو شو هالجنان هاد
ما في هيك اسعار بسوريا
قلي والله في وفي مين يشتري كمان
يعني نحنا بجرمانا بين يوم وليلة الشقة الي كانت بمليون صارت بخمسة
وليش وكيف ومشان شو ما حدا بيعرف
والغريب بالموضوع انو حركة البيع والشرا ما شي حالها
يعني في عالم عم تشتري
سيدي الله يوفقون للي بدون يشترو
انا فاقد الامل بهالموضوع
مشكور عبود على تفتيح الجروحات
هههههههههههههههههههههههه

ههههههههههههههههههههههه
مشكور كتير على المعلومة
والله شو اسمو شب يدبر حالو
الحمد الله الله مريحنا من هل الشغلة
بيجي الشب لعنا مأمن حالو وخالص
بس كمان نحنا منحس بالشب انو والله حرام
شو بدو يعمل ليعمل
بيقشى طول عمرو لحتى يدبر شقفة بيت
هههههههههههههههههههههههه
شكر الك

زائر

هههههههههههههههههههههههههه
عجبتني هي مقدام و مكافح و مغوار
والله توصيف رائع

يلاااااااااااااا منشان يعرفو الصبايا أديش منتعزب لنقدر نرتبط فيهم
لا وشو
بيعدو بيتفقسو عليك
ع وين رح تسكني..وكيف ..وشلون وما بعرف شو
وما بقدروا أوضاعنا و الظروف يلي عم نمر فيها
طبعاً أنا ما عم أحكي عن الكل
بس معظم البنات صاير تفكيرهم هيك للأسف
نسيو المتل المصري يلي بيقول
"ضل راجل ولا ضل حيطة"
هههههههههههه

مشكوووووووووووووووووووووور عبد الرحمن
بتمنالك النجاح بكفاحك وإنشالله توصل لهدفك عن قريب

ههههههههههههه
اي منيح معناها يلي ساكن بالشام
كانو ساكن باحسن 10 مدن بالعالم
ههههههه
شو بدنا بالحكي هي شام يا شباب مو حيالله
من اعلى لاعلى انشالله
ههههه
مشكور عبود يعطيك العافية

واااااااااااااااااااااااع
ولك على شو عم تضحكوا
مبروك إلنا العقارات سوريا من بين أرقى دول العالم العشرة Icon_cry

» أرقى مايتعلمه الإنسان
» **** انواع الدموع العشرة ****
» للتصويت لأجمل فنانة بالعالم وهيفا من بين العشرة ..