ليكن صفاء قلوبنا

زائر

قل لمن يحمل هماً ان الهم لا يدوم

فكما تفنى السعادة هكذا تفنى الهموم

للحظة يتخيل لمن يرانا أننا نعشق الألم ونتلذذ به
نراه يطغى على حياتنا .. وربما نسمح له بذلك أحيانا
ولكن ذلك مردّه إلى واقعنافما نراه حولنا يجبرنا على الصمت
والألم أكبر مما نتصور يوما أن يكون
حين نرى الحال من حولنا
كل يعيش لذاته .. لاه بدنياه عن آخرته
حين يصبح الصديق عدوا .. والحبيب خائنا ... والابن عاقا
حين نرى السواد يلفح من حولنا
قلوب تحمل بداخلها حقدا وكراهية تعجز الجبال عن حملها
فكيف بنا نحن البشر .. حين نرى ذلك وأكثر

نجدنا نبحث عن ذرة من السعادة
عن روح نقية لم يعبث بها الزمن
تحمل نورا يضيء ما حولها
نتشبث بها بكل ما أوتينا من قوة
كعملة نادرة نخشى ضياعها

لا اعرف أيهما يطغى على الآخر !!
فسواد القلب وصفاء الروح تضاد عجيب
لا يجتمع في نفس واحدة
وإنما علينا تغيير أحدهما لنستطيع جمعهما
أجل .. نتمنى أن يطغى الجانب الجيد على السيئ
فمن منا لا يريد ذلك !!

بأيدينا نستطيع ذلك حين نغير من أنفسنا
أن نؤمن بجمال مالدينا .. ونترك أثرا فيمن حولنا ..

فالتغيير ينبع من داخلنا .. نمتلك القدرة بارادتنا
حين نستسلم يكون الفشل حليفنا
فهل نرضى بذلك !!

فلنرسم لحياتنا جمال صنعناه بمحبتنا
أجل ليس الجمال دائما فغالبا ما تنتابنا لحظات من الالم والحزن
ولكن .. حين نواجه المنا نراه صغيرا مقارنة بسواه

فالحياة تستمر وفيها من المواقف والأحداث
ما تتشكل به شخصياتنا
فليكن صفاء قلوبنا وأرواحنا هو ما يغلّفنا
قلباً وقالباً .

بس والله مو دائما بيقدر الواحد يكون هيك
الدنيا بدها شوي خبسنة
ع فكرة خلي شوي موضيع لبعدين

حلو كتير الكلام
وحلو التفاؤول دوما
كلمات معبرة ومعاني رائعه

يسلمو ايديك مروى
ابداع وتالق

مشكورة يا اميرة

زائر

ايه بلكي ما فتحت لشي يومين منشان ما تنسوني
هلأ انا بالغربة عم اتسلى بس ارجع عالبلد بلتهي بشغلي
منشان هيك عم سليكم
ههههههههه
يلا لكن بكرة بكفي
أو بالليل بس تكونو نمتو

زائر

ولكن ذلك مردّه إلى واقعنافما نراه حولنا يجبرنا على الصمت
والألم أكبر مما نتصور يوما أن يكون
حين نرى الحال من حولنا
كل يعيش لذاته .. لاه بدنياه عن آخرته

موضوع رائع و كلمات أروع
شكـــــــــــــــرا كتير يا أميرة الزوء

وبالنسبة لعدد المواضيع فما تسألي
لأنو والله مواضيعك مميزة وحلوة كتير
و كتير عم أمبسطت بقرايتها
بإنتظار جديدك يا مبدعة

وع فكرة
ماحبيتها هي أنا هلئ مغتربة و بس أرجع بلتهي بشغلي!!!

إنشالله بتضلي معنا بمنتدانا أطول فترة ممكنة
وما بدي أسمع هالحكي مرة تانية منك لو سمحتي

زائر

اوكي بس لان شغلي ما فيو حك رأس
بس بوعدك اني رح ضل معكم ان شاء الله

زائر

الله يعطيكي العافية
ويوفقك يارب
وإنشالله بتكمشي التراب بيقلب بين إيديكي دهب
وصدقيني وجودك معنا رح يكون مكسب كبير لكل الأعضاء
وإنشالله بتبقي معنا أطول فترة ممكنة

هي أنا أكبر مثال..بفترة من الفترات شغل ودراسة مع بعض و ما قطعت رفقاتي بالمنتدى

تقبلي مروري يا أميرة
Prince Of Silent..غيــث

زائر

اهلا وسهلا فيك يا غيث
وانت كمان ان شاء الله ربي بيوفقك
وانا كتير رح كون مبسوطة معكم
وبوعدك حتى لو كنت عم اشتغل رح ضل عم شارك بالمنتدى بإذن الله
وشوف المواضيع يلي ان شاء الله رح تعجبك وتعجب الأعضاء كلهم

اقتباس :: نجدنا نبحث عن ذرة من السعادة
عن
روح نقية لم يعبث بها الزمن
تحمل نورا يضيء ما حولها
نتشبث
بها بكل ما أوتينا من قوة
كعملة نادرة نخشى ضياعها

اقتباس :: لا اعرف أيهما يطغى على الآخر !!
فسواد
القلب وصفاء الروح تضاد عجيب
لا يجتمع في نفس واحدة
وإنما
علينا تغيير أحدهما لنستطيع جمعهما
أجل .. نتمنى أن يطغى الجانب
الجيد على السيئ
فمن منا لا يريد ذلك !!

والله صح تضاد عجيب بين سواد القلب وصفاء الروح فعلا محتاجين وقفة مع النفس

يسلموووو ايديكي ياقلبي على مواضيعك المميزة دايما موفقة يارب احلى مروى

مشكورة كلام جميل

و الراقي أكنر من الكلام هو صاحبة الموضوع

منورة

والله لازم نكون هيك
الحياة فانية ومافي شي بدوم
فليش ما نعيش السعادة ونسامح ويكون قلبنا طيب
ونتعامل مع العالم بطيبة حتى لو ما لقينا منهن نفس المعاملة
المهم نبدا من انفسنا
مشكورة كتير موضوع غاية بالروعة

» ليكن الصفاء قلوبنا
» ليكن قلبك مفعما بالحنان