تنويه لجميع المشرفين..

زائر

مسا/صبـــاح الورد لجميع المشرفيـــــن

بتمنى من جميع المشرفين الإلتزام بعدم حذف أيّ موضوع "مكرر" في حال كان عليه أكتر من 3 مشاركات من الأعضاء
وكمان بعدم حذف أي موضوع مضى على وجودوا بالمنتدى أكتر من شهر حتى لو أكتشفنا التكرار بعد هالفترة
وبهالحالة منكتفي بقفلو بــــس و منحط رابط الموضوع الأصلي

شـــــــكراً كتير لكل المشرفين
يعطيكم ألف عافية

صحيح انا ما مشرف لكن اكيد كلام غيث صحيح وسليم بشكل كامل
وحذف المواضيع لازم يكون بعد تنبيه العضو برساله خاصة وكتير حبيت منك هالاسلوب يلي عم تعملو معنا
وقت بترسل رساله خاصة انو بدك تحذف الموضوع نتيجه التكرار
وبشكر حرصك على مشاركات الاعضاء
وانا براي من راي غيث انو حتى لو الموضوع مكرر بس عليه مشاركات لازم ينترك
يعني ممكن الاعضاء اول مرة بيقراو الموضوع وغلط برأي انو ينحذف الموضوع ان كان عليه ردود

الله يعطيك العافية غيث
وبشكرك من قلبي على مجهودك الرائع يلي عم تعملو بالمنتدى

وبتمنى اي موضوع بدو ينحذف يتوضح سبب الحذف لصاحب الموضوع
حتى ما يصير المنتدى فوضى مرفوضه نتيجة تصرفات البعض العشوائية ونعمل حساسيات بين الاعضاء

وشكرا غيثو على التنبيه

زائر

قبل ما قول راي

بدي وضح لكل انا شو بعمل
انا من اول ما صرت مشرف ما حذفت اكتر من 10 مواضيع بس وقفت مواضيع كتار
وكل موضوع كنت احذفو كان بعد اعتذار شديد من صاحب الموضوع
وبدي نوه على نقطة
انو اذا كان في رد واحد بالموضوع
وواضح من الرد انو العضو اول مرة بيقرأ الموضوع
فأنا ما بحذف الموضوع بس بوقفو

واذا كل موضوع ما عجبني بدي احذفو فنص الالعاب بدها حذف
وانا بعتقد انو الكل معي بها الحكي
انا عم احكي كمشرف على القسم الترفيهي

وهلا بعتقد انو وضحت وجهة نظري
شكرا سيد غيث على تنبيه المشرفين
وشكرا جزيلا على التنبيه للموضوع
وشكرا كتير على طريقتك بأرسال رسائل للاعضاء

بعتقد اني ولا مرة خالفت هيك قواعد انا صح
تحياتي
BAD BOY

شكرا للأهتمام من الاصدقاءي وشكرا

امممممممممممممممممم
حلو هالكلام كتير
بس انا ما بوافق علي وعلى اعتباري مشرف والكلام بيخصني
رح احكي رايي وبعرف انو انت بتتقبل النقد
لهيك رح احكي
اول شي انت بتعرف انو بس يتسلم العضو الاشراف من مدير او نائب مدير
ما بينبعتلو قائمة بالمهام الي لازم يقوم فيها وباي حالة بيحذف او بيقفل او
بينقل او حتى ينبه
وهادا بيعني انو الطريقة الي بتتبعا انت بانك تبعت رسالة للعضو
مو طريقة محطوطة ضمن قوانينا
انا من حالي اذا شفت موضوع مكرر بقفلو وبرجع بحذفو وبحط رابط
وما ببتعت رسالة انا هيك طريقتي وبحكم انو ما في قانون محدد كل واحد رح يكون الو طريقة

واسمحلي انو مو معقول الكلام الي حكتو انو اذا علي اكتر من 3 مشاركات
مزبوط هيك بيكون بهالحالة ظلم للاعضاء الي رادين
بس كمان انت وقت كنت مشرف لقسم معين ما فيك تترك موضوع مكرر بقسمك

هلق انا برايي ما لازم يكون في تساهل من اي مشرف مع اي عضو او مشرف تاني اذا كان الموضوع مكرر
مشان ما تتكرر القصة بتذكر مرة في عضو عنا وهو رفيقي وهالحكي قبل ما صير مشرف بفترة منيحة
كان ينسخ موضوع لعضو تاني قديم شوي وينزلو بعضويتو ويكررو ونحنا نرد وماشاء الله عنا
وبين على فترة انو ملك المواضيع ههههههههههههههههه وما حدى حاكا شي ابدااا
ولا قلو شي ولا انحذف ولا انقفل
تنويه لجميع المشرفين.. Icon_scratch

غريبة مو بس هادا الي صار
بعدين في من فترة نزل موضوع لعضو فعال او مشرف وكان بالقسم العام
ووقتا كان رادد علي مشرف عام وشي 3 او 4 مشرفين
ولاجيبت انا وقفلتو وبدي احذفو ووقتا صار شي مو حلو والي بيعرف بيعرف
على كل انا مو ذنبي اذا ما حدى من الي مرو انتبه انو مكرر
والموضوع كان بالقسم العام الي هو بطبيعة الحال مسؤلية كل المشرفين
يعني المشرف بياخد اشراف على قسمو وعلى القسم العام
يعني اي مشرف فيو يقفل او يحذف موضوع من هالقسم بس للاسف وقتا ما حدى انتبه او شي تاني
بس انا ما في شوف الغلط واسكت علي
هلق ما بخفيكون انو بمرق مواضيع وما بتحركش فيها او بدور على الرابط مشان ما حدى يتدايق
بس وقتا استفزني انو مارر علي 4 مشرفين لهيك سكرتو وقلت يحذف بس بعدني لليوم ما حذفتو مشان ما نكبر القصة
وبنفس الوقت احترمت الاشخاص الي حكو بالموضوع ونسيت انو الموضوع الي قفلتو انفتح من قبل مشرفين وصار علي ردود ونسيت انو هي تعتبر اهانة ومو شي تاني ابدااا
وطبعاا نسيت الموضع كلياا لانو الاعضاء صحابنا وحبايبنا

ومبارح صارت قصة غريبة انو موضوع انقفل من مشرف عام
وصار في حساسية علي واتفقو انو يشوفو الادارة شو رايها بالموضوع
ووقتا كان الموضوع مقفول
فا بيقوم حدى تاني بيفتح الموضوع وبيخلي عضو يرد علي
بعتقد مو حلوة ابداا هالشغلة
ولازم يكون في احترام متبادل بين جميع الاعضاء
وتنشال المشاكل الشخصية برات المنتدى وصفحاتو
لهيك مع احترامي لموقع الاشراف العام الي هو بيعتبر اشراف على المنتدى ككل اعضاء واشراف
بس مبارح قريت رد للمشرف العام التاني الي هو حبيبنا مهند
ووقتا انا رديت على موضوع مكرر وطلبت من اللمرف المسؤول انو ينحذف لانو ما بقدر احذف لانو مو بقسمي
ووقتا شافو مهند وكتب رد حلو
انو مكرر يحذف حتى لو علي 100 رد
وانا بصراحة عجبني هالرد لانو هو الصح ما في تساهل مع اي عضو او مشرف
وبعتقد حطيت مبارح موضوع اسمو القانون العام للمنتدى وطبعا مو جايبو من عندي من البيت
وفي كلمة الادارة الي على الصفحة الرئيسية والي بتقول في الادارة اي موضوع مكرر يحذف دون قرائته مع ردوده
فا ما بعرف
بتمنى اول شي يصير تنسيق بين المشرفين العامين
وبينون وبين الادارة والقوانين تبع المنتدى
مشان ما يفوت العضو بمتاهة ما الو فيها

وانا من ناحيتي
ومع احترامي لكلامك غيث ولموقعك وانت بتعرف وما بردلك طلب وانو بردلك الخير
بس اي موضوع مكرر رح احذفو وعلى طريقتي نفسها انو اقفل واحذف بعد 24 ساعة
بانتظار اي تعديل من الادارة
والي بعتقد ما رح تعدل بقوانين المنتدى

بعتذر انو طولت بالحكي
بس لازم الكل يعرف شو راينا كمشرفين توجهلنا تنبيه من قبل الاشراف العام
لموضوع حساس كتير بيهم كل المشرفين والاعضاء

وشكراا غيث على القرارات الحلوة الي عم تتخذ
وحرصك الدايم على المنتدى

الف شكر الك غيث على حرصك وتعبك معنا بالمنتدى ومشكور كتير على جهودك والله يعطيك الف عافية
انا رح قول رايي بصراحة وبتمنى انك تحترمو وماتاخد على خاطرك وتعتبرو بسبب مشاكل شخصية
انا رح احكي هالحكي حتى لو اقرب صديق الي حط هالموضوع

برايي لشو كل هالشغلة نحنا كمشرفين لازم نحذف الموضوع المكرر وقبل الحذف لازم نكتب سبب الحذف ونقفلو لمدة 24 ساعة لحتى يشوفو صاحب الموضوع ويعرف سبب الحذف ومالازم العضو او المشرف يلي حط هالموضوع يزعل لانو هاد كان غلطو او سقط سهوا ماكان عرفان

بعدين ياما انحذفلي مواضيع وماحكيت شي لانو الصراحة هاد غلطي انا وانا المسؤولة عنو
يعني يلي بدي اوصلو انو مو حلوة يتعبى المنتدى مواضيع مكررة

وبالاخير لازم الادارة تحط قانون لهالشي مشان ماكل واحد يحط قانون على كيفو وانا مابقصد عليك غيث انا قصدي على كل المشرفين وانا منون لانو مابحقلي حط على كيفي

وانا بايد رايي نبيل بهالشي

شكرا كتير غيث عالتنبيه والله يعطيك العافية ويديمك للمنتدى

تقبل رايي

ايلييييييييييييييييييييييييييه

والله انا كنت عم قول ليش لحتى رد

وخلي الاعضاء يفكرو انو في شي خلاف لا لا سمــح الله

بس هوي اذا ما اختلفنا بعمرنا ماراح نتفق

lol!

هلق صديقي الغالي غيث

في قانون للمنتدى وحبيبنـــا نبيلو رجع ذكرنا فيه بموضوع مبارح

وبالمناسبة احلـــــــــــى تحية لخيي نبيلو عنجد وبكل صراحة فادني الموضوع

يعني بيقول القانون { انو الموضوع المكرر بينحذف }

هلق احيانا اذا بدك تقفل الموضوع وتحذفو بعد 24 ساعة

يمكن المشرف ينسى يحذفو وصايرة معي

وباول مرحلة الي بالمنتدى كانت الادارة تحذفلي مواضيع بدون ماتقفلها والله

بس صرت عم اقفل وانا اختار الوقت الي بحذف فيه

اذا كان فيه الموضوع مو 3 مشاركات يكونو 1000 بدي احذفو مع احترام الك غيث

وهي شغلة انو اذا نزل موضوع مكرريقولو بعض الاعضاء بالاعادة افادة

ماعجبتني والله

الي حابب يستفيد مرتين يرجع يشوف الموضوع

ولو كان الموضوع ماضي ع وجودو سنة واكتشفت انو مكرر

بدي احذفو وع فكرة كنت راح احذف موضوع للمدير العام

عنوانو { عندما يستهبل المبدعون }

بس بالصدفة والله انتبهت انو

الموضوع الي منزلو الشخص التاني

وقتو بيجي بعد وقت موضوع رجائي

القانون انحط وهوي فوق الكل مين ماكان يكون { ادارة مشرف عام مشرف عضو }

رحت قفلتو وحطينا يحذف بعد 24 ساعة

بتفاجأ انوالمشرف صاحب الموضوع المكرر بدل مايحذفو راح فتح القفل

و الاعضاء رادين عليه بالرغم من انو مكرر

:?: :shock: :!:

يعني ماحلوة هالشغلة

في قانون والكل لما سجل بالمنتدى وافق عليه

يعني مافي داعي حدن ينزل قانون جديد

اذا حب ينزل قانون الو لوحد ويمشي عليه هوي حر

مو ينوه للاعضاء انو يمشو عليه

بالنهاية بصفتي عضو قبل ماكون مشرف عام هيدا القانون ماراح التزم فيه

وبضم صوتي لخيي نبيلو وللاخت رورم

ومشــــــــــــــــــكور ع خوفك وحرصــــــــــك ع المنتدى حبيبنــــــــــــــــا غيث

Cool

زائر

أهلا و سهلا بكل يلي مروا ع الموضوع
مشرفين و أعضاء

وأكيد نبيل و رمروم أنتو بتعرفو أديش بتقبل النقد البناء يلي بيهدف لحل المشاكل وتحسين المنتدى
لهيك أنا كتير أمبسطت بمشاركتكم وصدقوني ما أدايقت منها بنوب
بالعكس حلو كتير الإختلاف بوجهات النظر
لأنــــو هالشي بوصلنا للحل الأمثل و الأفضــــل

أنتو عرضتو وجهة نظركم
وأنا بدوري رح أعرض وجهة نظري يلي سبق وعرضتها ع الإدارة وما أعترضت عليها إطلاقاً
يعـــني بظن إنو الموضوع المفروض يكون منهي بالنسبة لكل المشرفين
بس مع هالشي لا مانع إنو أعرض وجهة نظري

أنا بالنسبة لطريقة الحذف ما حكيت بنوب
كل مشرف هو حر بالطريقة يلي بيحذف فيها..سواء عن طريق رسالة شحصية أو عن طريق تنبيه ضمن الموضوع نفسو
ع الأقــــل حالياً
...........
بس أنا حكيت بالنسبة للمواضيع المكررة يلي عليها ردود سابقة للأعضاء
أنا عندي إشراف بأكتر من منتدى غير هالمنتدى
وبعرف تماما شو العرف السائد عند المشرفين بالنسبة لهالأمور
بكل المنتديات المشهورة الموضوع يلي عليه ردود للأعضاء لا يحذف
أحيانا يقفل وأحيانا منخفي
بس بما إنو ميزة الخفي مو موجودة بهالمنتدى لهيك رح نضطر نقفل بـــس
لهيك أنا بعرف تماماً عن شو كنت عم أحكي ومالي غريب عن هالأمور
وبعدين شو ذنبو العضو يلي رد ع الموضوع وهو ما بيعرف إنو مكرر!!
بأيا حق منحذفلو ردو بالوقت يلي فينا نقفل الموضوع!؟؟
ممكن تقلولي لشو عنا أدة بلوحة الإشراف أسمها قفل مدام مالها شغل ومو ضرري نستخدمها!!!!!

نبيل بالنسبة للمشكلة يلي حكيت عنها من شوي ويلي أعتبرتها إهانة
تأكد أنو هالحكي مو مزبوط
بس كل المشرفين بيقدرو يردو ع المواضع المقفولة
لهيك شي طبيعي تلاقي رد لمشرف ضمن قسمو حتى لو كان الموضوع مقفول

والقصة الغريبة يلي حكيت عنها تبع مبارح
تأكد أنو مالها أساس من الصحة
بس إذا كان الموضوع بالقسم العام..أيا مشرف بيقدر يرد عليه
وعنجد ما بعرف ليش عم تفتح هالقصص بالوقت يلي موضوعنا واضح ومبين عن شو عم نحكي
لهيك بتمنى نبعد عن هالموضوع ونركز بموضعنا الأساسي

هي أنا طرحت وجهة نظري و الإدارة ما عندها أيا إعتراض عليها
وياريت كل المشرفين يلتزمو فيها لمصلحة المنتدى وتطورو
والقصص تبع كل مشرف بيشتغل ع كيفو لازم نخلص منها
لأنـــو لازم يكون في نظام شامل يوحد مجهود المشرفين كلهم
نشتغل كلنا إيد وحدة
لانــــو بالنهاية كلنا فريق واحد

زائر

أهليـــــن مهند
نـــــورت الموضوع

رح أختصر كلامي قد ما بقدر
بالنسبة للقوانين فهي خلقت لتلبي حاجة ومصلحة الأعضاء و المنتدى
والقوانين يلي بتضر الأعضاء وبتضر مصالحهم بتتعدل
بالنهاية القانون مالو جامد أبداً..بالعكس مرن وقابل للتغير و التطويع وقت بتقتضي الحاجة ووقت بتقتضي المصلحة العامة

بالنسبة لأتهامك بأنو الموضوع يلي حضرتك قفلتو وحذفتو مع إنو طلبت منك تنطر رأيي الإدارة وحضرتك تجاهلت هالشي
فبعتذر منك لأنو هاد أتهم باطل مهند
لأنـــــــو الوضوع أبداً ما أنفتح ..وأنا أحترمت صلاحياتك بالوقت يلي أنت نفسك ما أحترمت صلاحياتي
وياريت تجبلي الدليل ع الكلام يلي عم تحكي قبل ما تحكي
وأنا شفت الرد يلي حكيت عنو ع الموضوع يلي حضرتك قفلتو
وكان من مشرفة و بالقسم العام
يعني أنت بتعرف مزبوط إنو القسم العام أيا مشرف بيقدر يرد ع حيالله موضوع مقفول
وأنا عنجد مستغرب كتيـــــر
أنو نحنا عم نحكي بموضوع واضح و صريح..ليش لنفتح مواضيع تانية مالها علاقة بهالقصة
شو بـــــــــس بدنا نحكي!!!!

بالنهاية القانون يطبق على الجميع
ويمكن تعديلو بما يتلائم مع مقتضيات الحاجة
والإدارة ماعندها أيا إعتراض ع هالشي
لهيك بتمنى من جميع المشرفين الإلتزام بهالشي
ويعطيكم ألف عافية

هلق شباب انا عندي مداخلة صغيرة ومتل ما انا شايف انو الاراء عم تنطرح
وانو في معارضين للفكرة وفي مؤيدين الها
وانا عندي اقراح بدي اقدمو
اول شي انو بكل منتديات العالم العربي المشاركات كل ما زادت كل ما ارتفع مستوى المنتدى وكل المنتديات
بتحاول تزيد مشاركاتها ما تنقصها
بقا ليش نحن حتى نحذف؟؟
تاني شي اكيد المواضيع المكررة لح تعكس ناحية سلبية بالمنتدى وكلنا بدنا نتفاداها وهالشي معكم حق فيه

تالت شي ويلي هو اقتراح للكل انو يصير عندنا متل باقي المنتديات منتدى اسمو المواضيع المكررة بينحط باي قسم
مو مشكله وهيك منحافظ اول شي على زيادة نسبة المشاركات وتاني شي منمنع وجود مواضيع مكررة بالمنتديات الموجوده عندنا

وبتمنى تنال الفكرة نصيبها من التاييد لانو انا شايفها حل مناسب لكل الاطراف
وفيه مصلحة للمنتدى بشكل عام

وبشكر جهوود الجميع وبتمنى ما يكون في زعل وكل هدفنا هو تطوير المنتدى

انا قصدي ياغيث الغالي

انو انت فتحت الموضوع المكرر ورديت عليه بدل ماتحذفو

والمنتدى بيرفض بقانونو الحالي المواضيع المكررة

بقا اذا صار القانون مرن او تغير منمشي عليه

بس حاليا بشوف انو نمشي ع القانون حتى يتغير

واكيد بعـــرف انو الموضوع موجود بالقسم العام

بس لما انقفل الموضوع ورديت عليه بدل ماتحذفو

والله ماكنت بعرف انو عامل قانون جديد وانو الادارة وافقت عليه

المهم انت اقترحت شي وفي معارضين وراح يجو اعضاء يايدو ويعارضو بكرة

يعني لو الادارة موافقة ع هيك قانون هيي بتنزلو بيجي منها اقوى

بس تعدل الادارة بالقانون منطبقو هيدا اخر كلام عندي

اما بالنسبة لخيي وسام

ياغالي كل المنتديات بترفض المواضيع المكررة

ومنتدانا واحد منها

اذا بدنا نزيد المشاركات بالردرود مو نقعد نكرر المواضع

وانا بحترم رايك خيي وسامو

وشكرا الك والله

بالنهــــاية ماراح قول تنويه لكل المشرفين

راح قول انا بقترح و برايي نعمل قسم للمواضيع المكررة وهيدا الحل الانسب برايي

هيدا اقتراح مو تنويه ياغاليين

يعني بالنسبة لقانون انو حذف الموضوع المكرر هوة قاون بيمشي عالكل سواء كان مدير ولا مشرف عام ولا مشرف عادي ولا عضو
بالنسبة للمواضيع المكررة يعني اي مشرف بيحذف اي موضوع مكرر
بس انو ينئفل الموضوع ويتبين برد من المشرف المسؤول انو ليش بدو ينحذف سواء كان مكرر او .........الخ الخ الخ
هلئ بالنسبة لاخي غيث انا بظن مهند اشتغل شغلو
وبظن اي مشرف كمش انو في موضوع مكرر كان حذفو مو بس مهند
بس بتمنى انو حكي ما يبين انو في انحياز انا عم احكي واقع منتدى
وبالنسبة لهلموضوع انشالله منفتح قسم اسمو المواضيع المكررة اقتراح حلو
ومنصير مننئل المواضيع المكررة علييييي بس بتنحذف كمان بعد ما تنئفل بس عن طريئ هادا القسم
مع احترامي للجميع .......................
بس المنتدى من زمان ماشي على هالسياسة وانا اول واحد حذفت موضوع مكرر وكان في علييي شي 10 ردود
ماحدا زعل لانو هادا حئ وما حدا بيزعل من الحئ
بتمنى ما حدا يزعل مني على حكييي واي اعتراض على حكيي يكتبو هون برد مشان تكون مناقشتنا ادام الكل
مع تحياتي

زائر

ولـــو أنو ما أقتنعت بالفكـــرة أبداً بس اوك
يلي بدها يا الإدارة بصير
ولو كان في شوية تناقض بس مو مشــكلة

ع العموم أنا شو بدي غير مصلحة المنتدى وإنو نرقى فيــــه كلنا مع بعض وإيد وحدة
القوانين يلي بتحطها الإدارة هي يلي بتمشي
ومـــتل ما قلت هالقوانين ممكن تتغير..لأنو القانون مو جامد ومرن بس الظاهر هالشي بدو وقــت

هـــلئ كلنا منمشـــي ع الطريـقة القديمة بالحذف مع إني ما بفضلها
ومع هالشي أنا كمان رح أمشي عليها..لأنو مافي حدا فوق القانون
بشــــــــكر كل المشرفين مرة تانية
يعطيكم ألف عافية
تنويه لجميع المشرفين.. Icon_king

ع راســـــــــــــــــــــي احلـــــــــى ادارة

يعنـــــــــــي تصرف منطقي من الادارة

اكيد الادارة ماراح تخالف او تناقض قوانين هيي حطتهـــــــــا

وراح ينفتح قسم جــــــــديد

________________________________________________________________

{

بالنهــــاية ماراح قول تنويه لكل المشرفين

راح قول انا بقترح و برايي نعمل قسم للمواضيع المكررة وهيدا الحل الانسب برايي

هيدا اقتراح مو تنويه ياغاليين

}
_________________________________________________________________

مبروك القســـــــــــــم الجديد وبشكر الادارة انها اخدت برايي

يعني ياحبايبي المشرفين متل مالاحظتو وشفتو بعينكون

الموضوع الي بتشوفوه مكرر احذفوه وانتو قد هالمسؤولية وفيكون الخير

واكيد متل ماقلت انو القانون فوق الكل

Cool

ياويلي حاسس راح تبلشو تدورو ع مواضيعي نبيلو ورمروم وباد بوي والله بتمونو

مارســـــــــــــــو حقوقكون خدو راحتكو

مافي احلى من القانون

Cool

والف مبروك القسم الجديد النا كلنا

ملاحظـــــــــــــــــــة :

كــــــــــــــــــان في ردود لاكتر من 4 اعضاء بهيدا الموضوع

ويــــــــــــــــــــــــــن اختفـــــــــــــــــو

مين عطـــــــــــــا الحق لنفســـــــــــــــو يحذفــــــــــــــون

بدي ارفع ليـــش انحذفــــــــــو الردود

يــــــــــــــا {{ ** المدير العام ** و العقـــــscorpionـــــرب و MAESTROoO

االاعضــــــــــــاء الي انحذفت ردودهون

NaBeELoOo ريــــمــــا BAD BOY

» تنويه هام ................
» تنويه هام نرجو أبداء الرأي
» مسابقة لجميع المحاضرات