حب الفتاة....

موضوع: حب الفتاة.... الأحد نوفمبر 09, 2008 5:49 pm

لماذا يحب شاب بنت معينة ويصارح الاهل بالحب ..
لا احد ممكن يعيبه أو يقول له شيء ..!!

لكن عندما الفتاة تحب رجل معين ..
..تصبح في مكان خاينه الاهل ..

هل الحب الشريف في مجتمعنا عيب كبير ؟؟!!

وهل من حق الشاب أن يحب وعلى الفتاة ان لاتحب ولاتفصح عن حبها ..؟؟

هل عاداتنا تسمح للرجل أن يحب
و لا تسمح للمرأة أن تحب ؟؟!!

في انتظار آراءكم .. لعلنا نناقش هذا الموضوع الذي تعاني منه غالبيه العلاقات العاطفيه ...

زائر

اه اه اه من الأهل هم سبب كتير كبير من فشل العلاقات العاطفية في مجتماعنا
وأنا أول الأشخاص يلي صار معي هيك
كمان المشكلة مو أنوا البنت تخاف من أهلها أنوا عم تعمل شي غلط الخوف من رفض الشخص يلي بتحبوا ...

بصراحه .. مابتزعلو مني ..
انت بعدكن عم تحكو وكأنو مافينكن تعملو شي او تغيرو شي بالمجتمع وهاد سبب فشلنا كشعب عربي اولا وكشعب شرقي تانيا
نحنا اللي منعمل المجتمع ومنغير الشي اللي بدنا ياه
بس تعودنا انو مانعمل شي من الخوف
شبكن ...!@!!!
فكرو شوي
بإمكان الشب أو البنت يحب ويصارح اللي بدو ياه بحبو ...
ومو إذا كانت بنت حبت شب وراحت قالتلو إنتقاس من شخصيتها أو عيب أو ممكن الشب يطلع عليها نظرة تانيه أو شي
بالعمشفر انا اول حب لإلي والللي كتير تعلقت فيه كانت المبادره وكلشي من البنت مو مني
والكل عرفو بحبنا وماحدى إلو علاقه معي أو معها بما انو كان حب صادق وصريح
وخصيصاًَ انتو هلأ بالجامعه ... شيلو تفكير تبع الثانوي والإعدادي
وبعتذر إذا طولت عليكن او حكيت شي بدايق

وشكراً نيرمين على الموضوع الحلو تبعك
cheers

أول شي حبيباتي السبب مو أهلانا .... و تاني شي أستاذ رجائي مو نحنا ما منحسن نغير شي الا أذا نحنا تغيرنا .....
و فاقد الشئ لا يعطيه المشكلة هية الدين .....
مو الدين بحد ذاتو لأ ..... المشكلة بالظبط ... هي الفهم الخاطئ للدين ... و بما أنو هلق منفه الدين خطأ ... اي ما في أمل ...... و ما لح تظبط .. طالما أنو هالجحشنة يللي ثابتة براس الكبار والصغار ...... و عفوا من كلمة جحشنة بس طلعت عفوية ....
ما لح تظبط و الله ... و عتحدي و رهن وهي مليون بالدء اذا ظبط من هون لشي ..... 100 - 150 سنة تعو خدو مليون ليرة .....

بس هاد ما بيعني انو ما نضل عم نحاول أنو نظبطها ..... ما حدا يفهمني غلط ... لازم نحاول و نضل نحاول .... وبس نيأس ونوقف ..... لح نرجع ألف سنة لورا ... ومنرجع نحاول و نحاول ..... و منوقف .... وعلى هالحالة ..... والعالم ماشي ... ونحنا ... واقفين
لك يا ريت و اقفين نحنا عم نرجع .... وبسرعة
يا حرام

يا شباب بدكن اطولوا بالكن علينا شوي
نحن ما لازم نتخلى عن أصلاً ونقول أنو مشكلتة الشعب العربي أو الشرقي
لازم نعرف أنو نحن مو عيشن لحالنا بالدنيا
أنا مع أنو الحب مو عيب ولا حرام وأنو لازم كل حب طاهر يتكلل بالزواج والحياة السعيدة
بس الأمور ما بتنحل بهيالبساطة يلي عم يحكي عنها الشباب
في عادات وتقاليد
في أصول تربينا عليها
نحن ما لنا أجانب لنتجرد من كل هي الأشياء
يعني شو تانية لح نتخلى عن أصلنا
مشكلتنا ما مناخد من الغرب إلا التحرر بهي الشغلات
يعني مثلاً نتحرر بأشياء مفيدة أكتر أو بتفيد يلي حولنا
صعب

آسفة إذا دايقت حدا بكلامي
بس لازم نعرف أنو عيشين بين مجتمع وعالم وناس مو بغابة

شوفو هلئ الاهل هيدي الطريئة يلي تربو عليا
يعني العريس ما كان يشوف خطيبتو ابدا بس ليوم العرس
طبعا زمان اول لازم يتحول
وطبعا الحب كمان اتحول
بس انا مع نيرمين انو ما لازم ننكر لاصلنا
الله يفرج

يا عيني عليكي يا عيني ...... يعني انتي ما فهمتي من حكيي غير أنو حابب أنو ننكر أصلنا ....
شوفو يا شباب أنا بالمختصر المفيد .... ومن شان تصل الفكرة ... بوضوح .... و (((( نحنا لازم ... نغير كل شي غلط )))
سواء تربينا عليه .. ولا .... أكل الدهر عليه وشرب ... نحنا لازم نغير لاشي الغلط ..... تراثنا أنا أكتر و احد بهالبلد بحب التراث يللي فيها والعادات الحلوة يللي فيها لأني عايشتها ..... بكل المحافظات شخصيا .....
بس انا عم أحكي على العادات السئة ....

و صلت

أن شاء الله ....
؟؟؟؟؟؟؟

مازانوف

موضوع: رد: حب الفتاة.... الأحد نوفمبر 23, 2008 3:41 pm

لازم ما ننسي انو عايشين بمجتمع شرقي محافظ يعتبر الحب من المحرمات و خاصة على البنات
و أهم شي العادات و التقاليد و فما نحط الحق على الأهل
الأهل جزء من هالمجتمع الكبير و اذا عملوا شي مخالف للاعراف و التقاليد المجتمع بيرفضون
و انا متأكد انو بالمستقبل رح نرجع نربي اولادنا متل ما ربونا أهالينا هاي عاداتنا و تقاليدنا و لازم نتكيف معها
و شكرا على الموضوع

موضوع: رد: حب الفتاة.... الأحد نوفمبر 23, 2008 3:58 pm

انا برأي المجتمع بيطور ... وبعدين مو إذا كل مابدنا نعمل شغله بدنا نطلع على نظرة المجتمع لإلنا
هيك مابيطور ولا بيزبط شي
لأنو المجتمع بتكون من عدة بيئات
وكل بيئه إلها نظرتها الخاصه
يعني مارح نستفيد شي بالأخير

بما انو نحنا عم نعمل شي ومتأكدين انو هاد الشي مو غلط ... بما بهمنا إذا طلعو فينا الناس نظره منيحه او لأ
نحنا اللي عم نعملو مو غلط إذا هنن اللي غلط اللي عم يطلعو فينا هيك
وممكن مايكونو هنن غلط ولا نحنا
بس كل واحد إلو وجهة نظرو بالحياة وماحدى بيجبر التاني على وجهة نظرو
لأنو نحنا وهنن جزء من المجتمع بقى لازم كل واحد يكون اد حالو ومايتأثر بالباقي

موضوع: رد: حب الفتاة.... الأحد نوفمبر 23, 2008 7:31 pm

طبعاً أنا مع الشباب بأنو هي عادات قديمة وأنو لازم نحن نصير شوي راقين بتفكرينا
بس لازم نعرف أنو يلي ما لو قديم مالو جديد ويلي مالو كبير ما لو تدبير
بس ح أسأل سؤال صغير للشباب وخصيصاً لرجائي ومازن

يا ترى إذا سمعت أنو أختك واقعة بهيك موقف وأنت ما بتعرف للشب إذا ابن عالم وناس أو عم يضحك ع أختك ولا بحبها عنجد

يا ترى بتترك أختك ضل تحكي مع الشب لحتى تتكشف بنفسها إذا كان هالشب منيح أو لا
بعد ما يكون يلي ضرب هرب
يعني وقتها أقل الخسارة الممكن ويلي بالنسبة أكبرها هو قلبها يلي انكسر

المهم حابة أعرف شو رأيكم
وطبعاً من دون مثاليات
أنا لح صدق أي جواب بتكتبوه بس بينك وبين حالك أنت جواب شو ممكن تعمل

بتمنى الصراحة مع حالكم فقط

» صووت الفتاة
» اشياء يجب ان لا تعرفها الفتاة عنك..?
» اسباب انحراف الفتاة