سبب خوف الرجال من الزواج ؟؟

اليوم حبيت نتناقش بهذا الموضوع المهم

و اريد اعرف رايكم المهم عندنا

حيث يعيش معظم الرجال في هاجس قد يلازمهم طوال حياتهم، هل أتزوج الآن؟

هل أنا مستعد لتحمل مسؤوليات الزواج؟

هل بإمكاني أن أكون أسرة سعيدة ؟!

بالإضافة إلى تضارب العديد من الآراء والأفكار المستقاة من تجارب الآخرين في أذهانهم التي تجعلهم أما يقدمون على خطوة الزواج، أو يرفضونها إلى الأبد.
إليكم 10 أسباب توصل إليها الخبراء، تدفع الرجال للابتعاد عن الزواج.

1. الشعور بأنه حكم مؤبد بالزواج لمدى الحياة.

2. التخلي عن فكرة أنه جذاب لكل نساء الأرض، وبأنه يستطيع التحدث والخروج مع أي فتاة في أي وقت.

3. الخوف من أن يقابل امرأة أخرى، تجعله يقول: "ماذا لو لم أكن متزوجا!".

4. الطلاق، بعد تكبد كل هذا العناء، قد ينتهي زواجي بالانفصال.

5. أن يصبح مثل والديه. يخاف الرجل أن يشبه أباه، ويبقى السؤال "هل أنا نسخة منه؟".

6. التخلي عن سلطات المرح، والتحكم، والحرية المطلقة، والخضوع لقوانين شركة الزواج المبنية على التفاوض، والنقاش، والاستسلام أحيانا.

7. الانضمام إلى حزب الأزواج المتعاونين، والمتآخين، والتخلي عن عضوية الشاب الأعزب.

8. العيش ضمن روتين الأسرة.

9. الاستسلام لآراء الزوجة وتحمل تعليقات مثل، ما هذا القميص؟ ما أين لك هذا الحذاء؟ من أين اشتريت هذه البدلة؟ أنت بحاجة لإعادة تأهيل على الموضة.

10. العيش في اجواء لا ثاني لها .. والزوجة لها الحق الوحيد بسماع كلامك المعسول

اتمنى انو يعجبكون الموضوع
وشكراااااااااا

موضوع حلــــــــــو كتيـــر ومهــم

هلأ انا برأيي الزواج صح استقرار وحياة تانية تماما

بس بالمقابل في مسؤليات وواجبات اغلبنا بيتهرب منها

لما بيخاف حدن من شي ماراح يعملو لان راح يندم عليه

انا برايي مافي شي اسمــو خوف الرجال من الزواج !!

يعني الرجل يفرح بالزواج بســبب فطرتــو الــي فطرو عليها الله سبحانه وتعالـى

خصوصا الجنسية وبعدين الشب بيتزوج كمان ليكمل نص دينو

وبرايي الزواج هوي استقرار وتكوين اسرة وهيدا شي حلو وابدا مابيخوف

بعدين الشــب هوي الي بيتقدم للزواج بسبب رغبتــو هوي الي بيتحمــل تكاليف الزواج

انا بشوف الي بيكون خايف او بيكره الزواج هيي البنت اذا كانت مجبرة ع الزواج

او اذا كان شب اهلو عم يتحكمو فيه ويختارولو البنت الي بتعجبون

بــــس من ناحية تانية الاوضاع والظروف الاجتماعية بتلعب دور كبير

يعني الشب ممكن يتاخر بالزواج لانو ما امن حالو مثلا

. الخوف من أن يقابل امرأة أخرى، تجعله يقول: "ماذا لو لم أكن متزوجا!".

لو شاف بنت تانية وعجبتو الشرع محللو 4

lol!

بس يعني اذا اخد بنت بيحبها وبتحبو ماراح يقول ياريتني ماتزوجت

انـــا حكيت رايي بالزواج عن الشباب بشكل عام

اما بالنسبة الي شخصيا برفض هيدي الفكرة لان اذا ما اتزوجت الانسانة الي بحبها

لابدي استقرار ولا بدي اتزوج

مشــــــــــــــكورة ع الموضوع الحلـــــــــــــو كتيـــــــــر

بس يعني اذا اخد بنت بيحبها وبتحبو ماراح يقول ياريتني ماتزوجت

انا معك بهالفكرة بعتقد انو شب حتى وقت بشوف بنت احلى من زوجته بس بظل بتذكر انو هي الي قلبو حبها

ميرسي كتير على طرح هالموضوع

برأي الشخصي
الشب بيخاف لأنو ما عندو ثقة بل بنت
ما شا الله حولو من كتر مو شايف ما عاد عندو ثقة بو لا وحدة حتى لو كانت شاعلة أصابيعها العشرة كرمالو
وبرأي كمان
أنو مو بس الشب عم يمر بهي المرحلة
حتى نحن البنات عم نمر فيها
يعني بصراحة
أنا ما عندي ثقة بل شب يلي بدي ارتبط فيه
شو عرفني أنو صادق وأني أول حب بحياتو ,انو ما عم يكذب
لأنو الحمد الله كلمة الحب سهلة عند شباب هل أيام
وبدي أعطي مثال على شباب هل أيام
لك بيكون خاطب وعايش أحلى أيامو وعينو لبرا
ااااي لالالالا
لابدي نام بين القبور ولابدي شوف منامات بشعة
دايمة
وعفكرة الموضوع بيجنن
وبل نهاية كل انسان الو راي بل موضوع
مشان هيك أنا حاليا حابة عيش لحالي وبكون اخدت تجارب تخليني اعرف الانسان المناسب من نظرة عينو
مشكورة عل موضوع

أنا رأيي متل رأي مهند الزواج هو استقرار
وبرأيي رفض الشب لهي الفكرة يعني عم يرفض الاستقرار لأن الواحد وقت بتديق في الدنيا ما بيلاقي غير شريكو يفهمو و يهتم فيه بغض النظر عن اي شي
وكوشة من الميرسيات على هاد الموضوع الحلو
تقبلي مروري

الخوف إحساس طبيعي لدي كل المخلوقات الحية

فهو آمن إذا كان في حدود الطبيعي ، لأنه يمد الإنسان بالحذر من المخاطر

وانا برأيي ان الخوف من الزواج عند المرأة وليس الرجل وللاسباب التالية :

وجود عقد وصراعات نفسية داخلية عند المرأة تتعلق بعلاقتها بأبيها وأمها

2- ضعف الذكاء العاطفي والذكاء الاجتماعي

3- اضطرابات الشخصية المتنوعة أو وجود صفات عديدة من اضطراب الشخصية المحدد أو أكثر من اضطراب ، ومنها :

A-اضطراب الشخصية الهيستريائية

B-اضطراب الشخصية النرجسية

C-اضطراب الشخصية الحدودية

4- الجهل العام بالقضايا الجنسية

5- الخوف والقلق من فقدان العذرية

6- الصدمات الجنسية والتحرش الجنسي ، المثلية الجنسية

وأخيراً .. لابد من الإشارة إلى احتمال وجود أكثر من سبب واحد

في نفس الحالة مما يضيف تعقيدات وجهود إضافية للسير في طريق حلها ومعالجتها ..

ولابد من القول أن علاقة المرأة بالرجل وزواجهما ليست سهلة أبداً ، والخوف من الزواج

بالنسبة للمرأة مشكلة حقيقية تحتاج إلى جهود عديدة وتفهم وصبر وتوفيق من الله..

وهناك الخوف من الزواج عند الرجل أيضاً .. وربما تختلف أسبابه وتفاصيله ..

ولابد من تشجيع الزواج وتخفيف أعبائه ومشكلاته .. ولابد من النظر في الأعماق وتعديل

مايمكن تعديله دائماً مما يضمن مزيداً من الصحة والعافية والسعادة واللقاء مع الآخر بدلاً عن

الإحباط والآلام والمشكلات والخوف والعزله

والله البنت بتخاف من الزواج أكتر من الشب وللاسباب التالية:
البنت رح تصير مقيدة من قبل زوجها يعني واللة بدا تسمع كلمتو وتطيع أواااااااااااااامرو
بدا تكون قد المسؤولية يعني لازم تعرف شو الها وشو عليها
طبعا هون إذا كانو بيحبو بعض ومنسجمين وكلو تمام.....
والمسؤولية الاكبر أنو البنت أو خلوني قول المرا رح تمر بمراحل الحمل مرحلة مرحلة .....وبتحس هالتسع شهور كأنون شي تسع سنين......وبعدين في مرحلة مابعد الولادة لازم تنتبه ع البيبي كتير.....وزوجها من شان مايقلها انشغلتي عني ومو فاضيتلي.....والبيت لازم يكون مرتب ونظيف......والطبخة ع أصولا.....ولازم المدام ترضي بيت الاحمى كمان .....واذا في ولاد كمان لازم تهتم فيون وبدراستون........وأهم شي تحافظ ع رشاقتها ومظهرها......من لبس ومكياج وشعر وبريستيج.....وكمان أناقة زوجها مهمة لازم تغسل وتكوي و.......وياويلااااااااااااااااااااااا إذا بتقصر بتصير من المغضوب عليهن......الله يعين النسوان ............ سبب خوف الرجال من الزواج ؟؟ 687646

طولي بالك آنسة غرام ...

ههههههههههه ما حدا لح يجبرك على الزواج !!!

بعدين لا تخوفيلنا البنات الله يرضى عليكي ، شو مشان هبه حاطة 10 أمور بتخلي الشب خايف ههههههههه
هدول ليش ما أخدتيهم بعين الإعتبار ؟؟؟

اي شو هاد يا بليدنغ : لازم تعملنا تحليل لكل حالة من الحالات يلي قلتها بالإضافة للشرح ... الهيستريائية ، النرجسية،الحدودية
عنجد صرت تخوفني من هي الشغلات ، إن شاء الله ما تكون بتعدي ...!!!!!

شكرا كتير هبه على الموضوع النقاشي .

الموضوع حلو كتير و خرج المناقشة لكن بإستثناء آرائي اللي بآمن فيها بالمرأة
و حريتها و كرامتها و أناقتها
و إنو الزواج هو عالم تاني أكييييييييييييييييييييييد غير تماماً عالم العذوبية

خليني بس علق ولو بجملة على كل بند كتبتيه ست هبة

1. الشعور بأنه حكم مؤبد بالزواج لمدى الحياة.
هاد شعور المريضين نفسياً لأنو أكيد بالزواج مارح تنتهي الحب و قصتو
بس الطرفين و شطارتهون بمعالجة الروووتين
2. التخلي عن فكرة أنه جذاب لكل نساء الأرض،
وبأنه يستطيع التحدث والخروج مع أي فتاة في أي وقت.
لااااااااااااااااا أكيد أنا ضدد لأنو في كتير رجال متزوجين و محبوبين
" مثلاً جورج قرداحي " أكبر مثل
3. الخوف من أن يقابل امرأة أخرى، تجعله يقول: "ماذا لو لم أكن متزوجا!".
هي نقطة مهمة جداً " أكيد على الرجل القناعة بما كتبه القدر و
على المرأة حسن التصرف و الإبتعاد عن اللامبالاة
4. الطلاق، بعد تكبد كل هذا العناء، قد ينتهي زواجي بالانفصال.
هي النقطة برأيي لازم الواحد يعد للـ854536238474959834974523434
قبل ما ياخود هيك قرار لأنو شي بيخرب البيوت
5. أن يصبح مثل والديه. يخاف الرجل أن يشبه أباه، ويبقى السؤال "هل أنا نسخة منه؟".
لااااااااااااااااا هاد الشي بيكون حسب ثقافة الولد بالحياة و طبيعة التجارب اللي مر فيها

6. التخلي عن سلطات المرح، والتحكم، والحرية المطلقة
، والخضوع لقوانين شركة الزواج المبنية على التفاوض، والنقاش، والاستسلام أحيانا.
أكيد الحياة أخد و عطا بعدين بهالإيام بيعمل كل شي براسو
" لا تقنعيني " وتعي شوفي البهادل اللي عم تصير من وراء الحرية و التصرف بالأنا
و مدري عناصر الأنانبية كلللها
7. الانضمام إلى حزب الأزواج المتعاونين، والمتآخين، والتخلي عن عضوية الشاب الأعزب.
في أحلى من الجمعة الحلوة كل خميس و لعبة شدة مع نسوانا
والله شي بيفرفح القلب
8. العيش ضمن روتين الأسرة.
خطيييييييييييييييييييييييييييييييييييييييييييييييرة كتير هالفكرة سبق و حكيت عنها بس
أكيد بمساعدة ناس مختصين لأنو الموضوع مو لعبة
9. الاستسلام لآراء الزوجة وتحمل تعليقات مثل، ما هذا القميص؟ ما أين لك هذا الحذاء؟ من أين اشتريت هذه البدلة؟ أنت بحاجة لإعادة تأهيل على الموضة.
هههههههههههه
هههههههههههههههههههههه
إي من حقها تنقي أحلى لبس لزوجها و الدلال شغال
10. العيش في اجواء لا ثاني لها .. والزوجة لها الحق الوحيد بسماع كلامك المعسول
أكييييييييييييييييييييييييييييييد ما أنا عايش لألها و كرمالها
مو هي حبيبتي و نور عيني وكل شي بملكو

موضوع فللللللللجة
شكراً هبوش بالفعل شي قوي هالموضوع

والله ياكابتن عجبتني آرائك .....وحسستني بالتفاؤل......بس بدي رأيك إذا سمحت.......يعني أتوكل ع الله وحدد يوم العرس أنا وخطيبي ......ولا استنى شوي.....لأنو بصراحة هلكني من النق....... احساسي بيقول أنو خطيبي رجل متفهم لهيك أمور.....بس مابعرف ليش خايفة.......

والله يا غرامو ما بعرف شخصية حبيبك و طبعو
بقا صعب إنصحك وكون بظلمك و ما إنصحك و ما تظبت
يعني الموضوع فايت ببعضو شوي ما رح يمشي الحال هيك
بس إذا متفهم ....... إذا متفهم " ضرورية هالكلمة " متفهم الوضع

صلوا عالنبي و يلا لا تستنوا مشان نفرح و نصفق
سلام غرامو

سبب خوف الرجال من الزواج ؟؟ 571495

» الزواج بلا حب
» شاب مقبل على الزواج
» كيد الرجال