منشان التعليم المفتوح

[size=18][size=12]

مبارح نزل قرار جديد منشان يلي بدو يسجل تعليم مفتوح من الطلاب المتخرجين من المعاهد
وهي النص

إعـــــــلان هــــــام
إلى طلابنا الأعزاء حملة المعاهد المتوسطة المتفقة مع ذات الاختصاص
نبين فيما يلي آلية القبول في نظام التعليم المفتوح لإتمام التحصيل العلمي لحملة المعاهد المتوسطة المتفقة مع ذات الاختصاص :
1-يتقدم الطالب إلى مفاضلة التعليم المفتوح للعام الدراسي 2010/2011 على أساس الشهادة الثانوية العامة 0
2-بعد أن يتم قبوله بنتيجة المفاضلة يتقدم إلى نظام التعليم المفتوح بكشف علامات صادر عن المعهد مع صورة مصدقة عن مصدقة التخرج ليصار إلى إجراء معادلة للمواد وفقاً للأنظمة والقوانين النافذة 0
نائب رئيس الجامعة لشؤون التعليم المفتوح
أ0د فاتنة الشعال

بقى ياشباب لحقوا حالكن وسجلو قبل تاريخ 7\10\2010

بالمناسبة انا جاهز لأي مساعدة لأي طالب بالتعليم المفتوح
انا بالسنة الرابعة من التعليم المفتوح وعندي خبرة بكتيير أمور وجاهز يلي بدو اي استفسار

[/si
بحب نوه انو هي السنة تم افتتاح فرع جديد يلي هو إدارة مشروعات متوسطة و صغيرة
كمان يلي بدو يستفسر عن نوع الشهادة المطلوبة لكل اختصاص (علمي _ادبي_تجاري _صناعي)انا جاهز[/size]

شكرا كتير رمال الصحراء ,

و إذا حدا ناوي يسجل خلص بدلو عليك و إنت بتستلم توجيهو و مساعدتو .

و يمكن أنا بعد فترة استفسر منك على كم شغلة ,

أوووووووووووووه
مشكور شريك
والله هالخبر مابو شي و راكز
بس قالوا إنو هالشهادة غير معترف فيها
بس أنا ماني متأكد
و على كل حال أنا سنة تانية يعني لسه بكير

منور شريك

شهادة المفتوح مو معترف عليها
فكروا بالافتراضي شباب

مشكور شريك على الخبر

مشكووور على جهودك يا غالي
وبالتوفيق لجميع الطلاب

صاير التعليم المفتوح اصعب من قبل بكتير
الله يعين احسن شي

انا سمعت انو شهادة المعهد أحسن بكتير من شهادة التعليم المفتوح
لان معترف عليها اكتر
يالله الله يوفق الجميع و يكتبلون الخير
وين ما كان
مشكور كتير على الخبر

يسلمو ايديك بس بنصح ليلي بدو ينزل يسجل ينزل ع بكير

لانو اليوم كنت هنيك وسجلت بس شو عجئة وليييييييييي طابور بنات وطابور شباب

وشو بدك تطحش لتطحش هههههههههههههه

lol!

مرحبا
شكرا على موضوع
بدي اساك مشان قرار حذف المواد لطلاب المعاهد هل هذا القرار الموجود لسا لانو سالت الهئية بحلب قالو انو هالقرار التغى

أول الشي شكرا للكل
تانيا بدي وضح منشان شهادة التعليم المفتوح
الشهادة معترف فيها داخل سوريا فقط وتوازي شهادة التعليم النظامي وبيحسن اي شخص حامل الشهادة يتقدم للمسابقات وللوظائف هاد الكلام مو من عندي انا اسمعتو اكتر من مرة على لسان وزير التعليم العالي وايضا على لسان رئيسة الجامعة الدكتورة فاتنة الشعال

ثالثا من المواد يلي بتنحذف هنن 8 مواد متوزعين بين سنة 1+2+3 والطالب لما بيدخل عالتعليم المفتوح بيدخل سنة اولى بكمل المواد البقيانة عليه وبعدين بيصير تانية يعي الطالب هو وشطارتو محتمل بفصل واحد يترفع على التانية

ومنشان يلي عم يقول انو شهادة المعهد احست فهو غلطان لأنو بتكغي انو هي شهادة جامعية وكمان بكفي انو بتحسن تعمل ماجستير عليها وكمان دورة محاسب قانوني هاد الشي على شهادة المعهد ما منحسن نساويه وكمان يمكن السنة الجاي رح يصير للأوئل ماجستير مع النظامي وبدون مصاري وكأنن طالب نظامي وصدقوني انو المعلومات يلي مناخدها بالمعهد هي جزء صغييير من عالم المحاسبة

هاد كل شي وانا جاهز لأي استفسار تاني

انا عم فكر جرب هالفرع الجديد

إدارة مشروعات متوسطة و صغيرة

عندك شي معلومات عنو .؟؟

والف شكرا الك حبيبنــــــــــــــــــــــــــا

اي هو هاد الفرع بيعتمد عل النظري اكتر من العملي وهاد الفرع جديد وأخدين الفكرة من دول اوربا وعلى فكرا هاد الفرع عم ياخدو فيه يلي شهادتو ادبي و صناعي كمان لأنو المحاسبة مابيخدو الا علمي و تجاري
انا بنصحك تجربو خاصتة اذا مالك مراق يالمحاسبة وهو فرع جديد يعني بكون انت من اول دفعة بتتخرج منو

عيني انت عيني

الـــــــــــــــــــــف شكر الك خيي

كتر الله خيرك ياغالي

لا ولوووو

شكرا لالك ع طرح الرائع وع مساعدة الجميلة
بدي اسألك.........
انو اذا كانت الشهادة الثانوية تجارية الها ميزات بتعليم المفتوح بيختلف عن العلمي والادبي
وياريت من طلاب السنة التانية او من حضرتك اذا بتعرف
ادبه كان المعدل هي السنة بقسم المحاسبة للمفتوح وللنظامي لحتى يقدر الواحد يكمل بالكلية
ومشكور مرة تانية
ربي يسلمك

معئول لهلاء ما حدا رد عليي
ولا من الطلاب السنة التانية ؟؟؟
ولا حتى من طلاب المتخرجين ؟؟؟؟

بلالو انا الاربعاء نازلة بدي سجل مفتوح

تكرم عيونك رح اسالك

ومنشان المعدل النظامي خليهاااااا لربك اتصور لهلق ماطلعت معدلاتنا!!!

ومو معروف شي لسا

بتشكرك كتير رمال الصحراء

الله يسلم هالديات

الله يعطيك الف عافية

الله يكرمك يا رب
ونشالله بردلك جميلك بأقرب فرصة ممكنة
يا ارقى مديرة بالدنية

اول شي اسف كتير ع الانقطاع عن المنتدى لانو كان عندي بعض الامور والتزامات
تانيا ...لك شو صار معكون وين فاتح الموضوع ما عم بيرد ع حدا مع انو صرت باعت كذا رد و ما حدا رد عليي
بأستثناء مديرتنا الغالية شكرا ع تعليقك بس انا بعتذر ع تكرار لانو لهلاء ما حدا رد عليي
لا من السنة التانية ولا من فاتح الموضوع الاستاذ رمال الصحراء
شكرا لجميع الاعضاء للمرة تانية
ونشالله برجع ع منتدى من جديد
وبمواضيع جديدة
سلام

اهلين بلالو واسفة كتير عالتاخير

منشان الشهادة التجارية الها معدلات لحال للتعليم المفتوح

والعملي لحال والادبي لحال

وعندك يلي اخدو البكالوريا سنة 2010 المعدلات كانت عادية كتير بينما من سنة 2001 ل 2009 كانت المعدلات مرتفعة

ان كانت تجارة او علمي او ادبي

وبالنسبة للمعدل النظامي لهلق ماطلع شي بس السنة الماضية كان اقل معدل للنظامي 78 وفواصل

واذا بتحب اطلع على هالموقع لتشوف التفاصيل

http://syria-news.com/pic/investigations/results2010x.pdf

بتمنى كون فدتك واذا كان بدك غير هيك ياريت تقلي

موفق بلالوو وشد الهمة بالسنة التانية

واسفة مرة تانية عالتاخير

شكرا لالك رمرومة بعرفك انتي ما بتأصري كلك زوء
وبرضو كمان فاتح الموضوع ما بأصر بس الناس الها ظروفها ولازم ماحدا يعتب ع تاني حتى يتأكد
من اغلاطو بس الشي الصح بكون واضح من الاشياء الغلط
شكرا كتير الك للمرة تانية ونشالله بتكون هالسنة سهلة عليي وعلى كل الطلاب
انا كتير مبسوط انو شفتك بخير ونشالله كل الاعضاء يبقو بخير ويبعد الاذى عنا وعنكم

» هام جدا آخر أخبار التعليم المفتوح بجامعة دمشق يمكن في أمل؟؟؟؟؟
» مفاضلة القبول الجامعي في برامج التعليم المفتوح بجامعة دمشق 2012 /2013 بكالوريا
» نزلت نتائج مفاضلة التعليم المفتوح بدمشق