من لا يحب القهوة

إهداء لكل محبين القهوه

سألني صديقي ونحن على شاطئ البحر عند الغروب

لماذا تحب القهوة وألحظك تتذوقها بمتعة تُحسد عليها ؟؟؟

أجبته :ربما لأن في القهوة الكثير من المرأة والحب .

قال : كيف ؟

قلت : تعال نستعرض الأمر وحدة وحدة ...وشفة شفة ...

قال : كلي آذان صاغية ، هات يافيلسوف القهوة

قلت : المرأة كالقهوة والقهوة كالمرأة ... أذواق

بعضنا يحبها حلوة ... وبعضنا يحبها مُرّة
بعضنا يحبها خفيفة ... وبعضنا يحبها ثقيلة
بعضنا يحبها وسط ... وبعضنا يحبها عالريحة
البعض يحبها مغلية ... والبعض يحبها مزبوطة
آخر يحبها رائقة ... وآخر يحبها وعلى وجهها قشوه
واحد يحبها ساخنة ... والثاني يحبها فاترة
الثالث يشربها شفة شفة ... والرابع يشربها شفطاً
الخامس تسمع صوته وهو يشفها ... والسادس يذوقها على الساكت

ضحك وقال : صحيح والله صحيح ... أكمل ... جعلتني أعشق القهوة

قلت : ناس يشربونها بفنجان كبير ... وناس يشربونها بفنجان صغير
ناس يمسكون الفنجان من وسطه ... وناس يمسكونه من أذنه
ناس يشربون الفنجان كاملاً ... وناس لا يشربون إلاّ نصف الفنجان
ناس يشربون القهوة ويكتفون ... وناس يحملونها معهم في الترموس
ناس يشربونها في كل مكان ... وناس لا يشربونها إلاّ في بيوتهم
رجل يحب القهوة إفرنجية ... ورجل يحبها عربية
رجل يحبها نسكافيه ... وآخر يحبها كافي وبس
واحد يحبها مع حب الهيل ... وآخر يحبها كلها حب هيل ... والباقي لا حب ولا هيل

البعض يريدها على الطريقة الفرنسية ،،، آخرون على الطريقة التركية ،،،
الباقي على الطريقة العربية البحتة
الدنيا أمزجة .....
هناك من لا يشرب القهوة إلاّ إذا عرف نوع البن ...
هناك من يشربها كيفما كان البن
هناك من يبحث في البن عن ماركته العالمية ... وهناك من لا يهمه من البن إلاّ نكهته الأصلية
هناك من يشتري البن ليحمصه على يده ... وهناك من يشتريه مطحوناًخالصاً
هناك من يشتري كيس البن مقفلاً ... وهناك من يشتري كيس البنمفتوحاً
وبعد أن يشربوا القهوة ينقسمون إلى قسمين ...
قسم يهوى قراءة الفنجان ليعرف الأسرار ويفك الرموز ،
وقسم يضحك على القارئين...
لأن رواسب القهوة مثل بعض النساء لغز لا سبيل إلى حله أبداً أبداً ،

قاطعني وقال : ولكن هناك نساء يدّعِين معرفتهن بقراءة الفنجان ؟؟

قلت : طبعاً ... لأنه لا يفهم المرأة إلاّ المرأة ...
ولا تنسى ياصديقي أنه وبرغم محبتنا للقهوة
لا بد أن نفهم أن الإفراط في كل شيء ضار !!!! إلاّ في الحب ...
فالإنسان كلما أفرط فيه أحس بجمال الدنيا وروعة العمر وخفايا نفسه...

سألني : وأنت يا عاشق القهوة كيف تحب القهوة ؟

قلت : أحبها مزبوطة لا حلوة كالقطر ولا مُرّة كالحنظل

سألني : مغلية أم عكرة ؟

قلت : مغلية جداً

سألني : رائقة أم على وجهها قشوة ؟

قلت : رائقة جدا

سألني : وإذا جاءتك ً وعلى وجهها قشوة ؟

قلت : انفخ أو أمسح القشوة عنها حتى يعود إليها صفاؤها

سألني : وكيف تشربها شفة شفة أم شفطاً ؟

قلت : الذين يشربون القهوة شفطاً هم الناس العاديين

االذين لا يُحْسِنون الاستمتاع بلذة الأشياء ...

أما الذين يشربونها شفة شفة فهم الفنانون الملهمون المقدرون لعظمة البن

قال : وهل يسمع الناس صوتك وأنت ترشف القهوة ؟

قلت : كانوا يسمعون صوتي عندما كنت صغيراً

... أما الآن ... فلا يسمع حفيف فمي إلاّ فنجاني وحده

قال : وكيف تُمسك بالفنجان ؟

قلت : من وسطه

قال : لماذا لا تمسك به من أذنه ؟

قلت : أبداً ... فالفنجان كالزئبق الذي إذا تركته في راحتك استقر في راحتك ،
أما إذا ضغطت عليه تسلل من بين أصابعك

سألني : وهل تشرب القهوة في كل مكان أم تشربها في بيتك وحده ؟

قلت : قد لا أشربها في بيتي وحده ،ولكنني لا أشربها في كل مكان

قال : أين تشربها إذن ؟

قلت : حيث يكون فنجاني

قال : وكيف تفضل القهوة : عربية أم افرنجية ؟

قلت : أفضلها حيث أحبها ،فالوطن هو الحبيب والحبيب هو الوطن !

سألني : والبن هل تفضل أن تحمصه على يدك أم تشتريه مطحوناً خالصاً ؟

قلت :طبعا أحمصه على يدي حتى تكون القهوه ملكي وحتى إذا احترقت كنت أنا المسؤول الأول والأخير

قال : ولماذا تحترق ! ألا تُحسن التحميص ؟

قلت : مامن محمصاني إلاّ ويخطئ حتى ولو كان أمهر الطهاة

سأل : وهل أنت من هواة قراءة الفنجان ؟

قلت : أنا من هواة الدراسة

قال : وهل تخرجت من المدرسة ؟

قلت : أبداً ،لا زلت تلميذاً مجتهداً في معهد القهوة

لا أُريد أن أنتقل من صف لصف حتى لا أصل إلى التخرج !!!

قال : ها وبعدين ؟؟

قلت : القهوة هي المرأة والمرأة هي الحب والحب هو المرأة

اممممممم
هلأ انا بشكل عام ما بحب القهوة بشربها بالصدفة
الموضع كتيييير حلو
انا لما بشرب القهوة
بحبها تكون وسط
ومغلية
وبحبها رايقة متلك
اشربها شفة شفة منشان ما يحترق لساني
ولا احد يسمع صوتا لي وانا اشرب القهوة
امسك الفنجان من اذنه
اشرب القهوة في كل مكان لا مكان محدد
اشرب البن مطحونا خالصا
نعم انا من هواة قراءة الفنجان
و اعرف انه حرام الله وكله كذب
فقط للتسلية
لم اتخرج بعد من الدراسة

والله ياروبي شهيتيني روح ساوي قهوة هلأ
يلا لح ساوي واعزمك عليه
تسلم ايديك طرح روووووعة
وكتيييير حلو
مشكووووووووورة روبي

يسلموا ايديكي عالقهوة كتير طيبة
ونورتي
وصار ألك عزيمة قهوة مني
لعيونك

لك شو قصة القهوة هالكم يوم

انا بحبها كتيييييير وبشربها وين ماكان المهم اشربها

المراة هي كل شي بالحياة والحياة مابتسوى شي من دونها

Cool

مشكورة روبي رو عالموضوع اللذيييييذ

ورايحة هلأ ساوي قهوة اجا وقتها يلا اتفضلي

اما ان صار دوري لحتى اعطي رأيي
انا بشرب القهوة بالشلمونة يعني بالشفاطة على قول الحوارنة

وانا بحبها وسط ومابتفرق حتى لو كانت مغلية كتير لاني فبل مااشربها بخلي ماما روبي رو تنفخلي عليها لتبرد

وانا مابشربها لا بنفنجان كبير ولا بصغير بحطها بقنينة الحليب تبع البيبي

وانا بحب القهوة النورية تبع البدو واهل النشامة والكرم لاني دائما بعمل حالي ضايع بالصحرا مشان اتسلبط عليهم 3 ايام اكل وشارب ونايم

وانا بمسك القنينة يلي بحط فيها القهوة بايدي وسناني مشان ماتهرب مني لوين بدها تروح خلص علقت والله علقها

وانا مابقدر اقرا الفنجان لان مابخلي فيه شي حتى الطحل باكلو مو حرام كلو دافعين حقو

وليش حتى اتخرج بدي ضل طفل وتلميذ صغير عند القهوة

والله لخلي القهوة تقلي مشان الله حل عني اتركني بحالي

وانا بحب اتمزمز فيها مزمزة للمرأة قصدي للقهوة مشان اشعر بطعمتها الطيبة وريحتها الحلوة

واخيرا وبكلمتين مختصرين ومابدي طول عليكم لك تطلع على قبري القهوة لك تقبرني القهوة لك تؤبشنني القهوة لك تطلع على قبري بكعب عالي تتفركش وتنزل بدالي طبعا هالحكي كلو للقهوة يعني المرأة

اذا هيك رايح اتزوج هلق وفورا وبالمطبخ وحالا ركوة قهوة كاملة واذا ماعجتني بطلقها قصدي بكبها وبتزوج قصدي بعمل عشرة بدالها لا بالقهوة مافي شرع يسمحلنا بأربعة

لا عنجد روبي رو عجبني كتير الموضوع والله العظيم انو روعة كتير ومتلك تماما لانك روعة فعلا واسف عالتعليق البايخ يلي قلتو
وانا بحب القهوة :

حلوة متلك

ظريفة متل شكلك

رايقة متل روحك

وطيبة متل قلبك

الله عليكي يا روبي على هل الموضوع الرائع متلك
يا ستي انا بحب القهوة سادة و مغلية مزبوط
واذا من تحت دياتي يعني ديات رورو شغلة
و بحب اشربها برواق واتمزمز فيها شفة شفة
بحبها متل النار عم تغلي غلي

ايييييييييييييييييييييييييييييييه
مافي اطيب من القهوة يا عمي
على شي فنجان هلا من تحت ديات رورو

مشكورة كتير على الموضوع الرايق تفضلي روبي انتي والبنات
عم استناكون لح اعمل دولة قهوة واستناكون
عنا الهويات شغلة و القعدة كمان يالله

حلوووووووووووووووووو موضوع حلو والقهوة طيبة بس حلوة

بعضنا يحبها حلوة ... وبعضنا يحبها مُرّة
بعضنا يحبها خفيفة ... وبعضنا يحبها ثقيلة
بعضنا يحبها وسط ... وبعضنا يحبها عالريحة
البعض يحبها مغلية ... والبعض يحبها مزبوطة
آخر يحبها رائقة ... وآخر يحبها وعلى وجهها قشوه
واحد يحبها ساخنة ... والثاني يحبها فاترة

عنجد كلام راااااااااااائع متل صاحب الموضوع

affraid

هييييييييييييييك لكن ياروبي رووووو عملتي موضوع عن القهوة والشـــــــاي

بفهم من كلامك انك اعلنتي الحرب ع المتــــــــة

lol!

منشوووووووف ههههههههههههههههههههههههه

مشـــــــــــــــكورة ياعيونـــــــــــي والقهوة طيبة بكل الاوقات وبالاخص الصبح

أهلين بأحلى رمروم
ومتل ماقلتلي المرأة هي كلشي بالحياة
ويسلمو عالقهوة طيبة قهوتك يا ضرسانة هههههههههه
نورتي يا قمر

وأحلى ببرونة قهوة لأسمر
ورح أنفخلك عليها بما أنك رح ضل طفل عند القهوة
نورت أسمر وتعليقك موبايخ بالعكس حلو وبيضحك وبالأخص ركوة القهوة يلي اذا ماعجبتك رح طلقها
نورت أسمر الظريف

هلا بأحلى طلة لأحلى ريما
نورتي يا حلوة
وجايين فورا على فنجان القهوة
اذا من أيديكي أكيد طيب
نورتي يا حلوة

هلا بأحلى مهند
شفت رح ضارب عليك
ياسيدي طيبة القهوة شو بدك بالحكي
شايف رح ضارب عليك
والمتة طيبة لاتزعل
بس خلص رح يصير في تنافس بيني وبينك
نورت يا عيوني

عرض خاص

لكل مين شارك بالموضوع

ألو فنجان قهوة مني

عزيمة

هلا شباب هلا صبايا

يلا بدنا نضارب على شريبة المتة

يا عيني على القهوة عفوا يا عيني على الموضوع
و هلأ حاليا عم اقرأ الموضوع و عم اشرب قهوة ,
بالأصل ما بيزبط النهار بدون قهوة أو نسكافيه أو كافيه .
مشان القهوة بيهمني أعرف من وين المصدر تبع البن و بعدين الماركة و بحب الهيل شوي زيادة !
و ما بسأل على القشطة كتير لأن بدها تروح أولا و أخيرا (بحسها بلاطعمة) و بحبها مغلية تمام ، سكرا خفيف.
مو يعني ما بحب المرأة الحلوة ، لاء أكيد بحب الحلوة ، بس القهوة غير شكل .

ملاحظة : إذا كان في بتيفور أو بسكوت جنب الفنجان الصباحي كتير منيح ، أحيانا بفضل معمول .
هاد الحكي عن قهوة الصبح ....
في عندك قهوة بعد العصر و في المسا و في قهوة الأسطوح و قهوة الزيارات . كل شي و إلو شي .

بالأخير : شو ما ضيفتينا يا روبي خانم تسلم ايدكي و القهوة شلون ما كانت لح تكون طيبة من تحت دياتك .!

و شكرا كتير على الموضوع ,

هلأ انا بيطلعلي فنجان لاني شاركت

بس مشكلتي مو كتير صحبة انا والقهوة

بس يلا اذا منك روبي بينشرب لانو اكيد ماراح يكون طعمتها قهوة حتكون عسل هههههههههه

غلطت بحقك سامحيني اخر مرة سامحيني غلطت بحقك وندمان عالوقت المضى حيرة وعذاب وحرمان ولا لحظة رضا خليكي الله يخليكي عمري الجاية بشوفو فيكي

روبي رو انتي طلعتي احسن مني لانك راح تعطيني ببرونة قهوة بالحليب مابعرف كيف سناني بدهم يطلعو لولا الببرونة

بس اذا مافيها مدايقة هلق هلق بدك تجيبيلي السندويشة يلي وعدتيني فيها من يومين ولا واللله بفشلك نيعك

اخر وحدة مسحوبة انتي بتفشيلي نيعي

هلا أبو أسامة
شلون مارح ضيفك اكيد أنت أول المدعوين
ومعها معمول كمان شو رأيك
نورت أبو أسامة

هلا عمران
نورت
وألك فنجان قهوة بما أنك شاركت لعيونك

لسى متذكر السندويشة أستاذ أسمر
خلص رح جبلك ياها مع الببرونة
ومنيح يلي سحبت كلمتك الاخيرة
هههههههههههههههه
بتعرف بعدين شوبيصير فيك

طبعا انا يلي بعرف ليش بقدر مااسحبها بس شو بدي قول الله يعيني عليكي
بس معلش ضرب الحبيب زبيب

والله انا كثير بحب القهوة ومشكورة روبي على الموضوع الحلو بس بدنا منك هلة شي مك قهوة

أهلين برشلوني
نورت
وألك فنجان قهوة على كيفك

» أنواع القهوة ........
» كل وصفات صنع القهوة ادخل هنا
» تعلم كيف تشرب القهوة