حوار بين الأبضايات والبنات الصغار يلي هون معانا

لذلك نقلت هذه الفكرة وهذا الحوار [ الساخن ]

وهو عبارة عن حوار ساخن مثير بين فريقين

فريق الشباب
فريق الصبايا

وضعتها من باب المداعبة وتخفيف حدة التوتر بين الفريقين.

هناك أمور يكرهها الرجل في المرأه أو لا يستطيع فهمها

(( و ))

هناك أمور تكرهها المرأة في الرجل أو لا تستطيع فهمها

وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.

[ بداية الحوار ]

سيقوم فريق الشبـاااب بطرح تساؤل عن أمر معين لا يعجبه في البنــاات

وسيقوم فريق البنااات بالرد وتبرير الموقف

او في ما بينهما..

وبعد إعطاء الإجابات والمبررات الكافية يصبح فريق الصبايا في وضع الهجوم

ويطرح سؤال على فريق الشباب.....وهكذا يستمر الحوار

[ملاحظة]

يحق للجميع المشاركه وابداء الرأي ولاكن بعيدا عن التجريح

ومابدنا استهزاء الله يخليكم ممكن يكون في شويه استهزاء بس بطريقه حلوة ههه مشان ما نزعل الصبايا الحلوين

وأرجوا أن نكون مع الحق دائماً بعيداً عن الإنتماء و التحيز

(( صافرة البداية ))
ليش في صبايا ايسين حالون بالخيط ؟؟؟؟

ههههههههههه

لان نحنا بيلبقلنا نقيس حالنا بالخيط

حوار بين الأبضايات والبنات الصغار يلي هون معانا 732357

اي شو هااد عبوووود فكرة حلووووة كتير والله وعم يطلع معك

شكرا كتير

رح ارجع اطرح السؤال لانو كنت عم امزح معك

ليش في صبابا ايسين حالون بالخيط ؟؟؟

لأنون درويش ليش في صبايا فايتين بالحيط؟؟؟؟؟؟

لانو كل نهارون عم يطلعو بالمراية لهيك ما رح يشوفو الحيط
lol!

ليش في صبايا بيعملو حالون كتييير مهضومين مع انو ما بيلبقلون حوار بين الأبضايات والبنات الصغار يلي هون معانا 732357

ههههههههههههههههههههه

هلق هي الشغلة مو بس مربوطة بالصبايا إي في شباب يا زلمة متل ال........ عالقلب
و بالنسبة لصبايا أنا برأأي إذا في صبايا هيك فبتكون تربيتهون فيها خلل معين
أو هنن بيعرفوا هالشي بس يعني من باب الترفيه و التسلاية

................!!!!!!!!!!!!

" حسب معرفتي طبعاً "

و هاد سؤال لكل صبية بتعرف إيمة حالها .....؟
نحن كشعب شرقي المفروض صوت البنت بالضحك يكون خفيف ليش " أغلبكون " و خاصة عنا بالمعهد
لما بيضحك بيوصل صوتو لعنا عالبيت بجرمانا
.......؟

مشكور عبودة عالموضوع الراقي
و كتيييير مهضوم و الله يخليلنا إياك ياااااارب

انا رح جاوبك
لأن في بنات كتير بكون جو المعهد و الاختلاط جديد عليهن
لذلك بحاولو يضحكو بطريقة كتير ملفتة للنظر
وانا برأيي هاد بيدل على شخصية غير متزنة و كبت بجانب من حياتن

و سؤالي للشباب هو انو ليش في شباب كتير وقت بدن يوجهو انتقاد لبنت
بيوجهو بطريقة كتير مسيئة بحق البنت بغض النظر اذا انتقادو بمحلو او لأ ؟؟؟؟

مممم بالعكس تماما
لما بننتقد بنت بننتقدها بهدوء ورواق مشان ما تزعل لأنوا دموعها تقيلة علينا
بدك تشوفي كيف الشباب بيتقدوا بعضهن لتعرفي أديش أنتوا مدللين بالنقد
في متل بقول بعتقد روسي عندما يخطأ الرجل يقولون ما أحمقه وعندما تخطأ أمرإة يقولون ما أحمق النساء
شو رأيكن بهالكلام سؤالي لما بتغلطي ليش ما بتقولي أسفة ببساطة

هاد الشي بيرجع حسب البنت وأنا ما عندي مشكلة ابدا أنو اعتذر
ليش الشب إذا كان حلو شوي بفكر حالو أحسن من الباقي وبيتصرف بفوقية؟

لأنوا كل البنات بيطلعو فيه وصارت معي
مرة كنا 3 شباب ماشيين بالمعهد رفيقي شاف بنت سلم عليها و أجا رفيقي التاني كان حلو شوي سلمت عليه وضلت صافنة بجمالوا و ما انتبهتلي و لا حتى شافتني بس لمشينا صار يجاكرنا و قلنا بالتم المليان
شفتووووووووووا حوار بين الأبضايات والبنات الصغار يلي هون معانا 637375

حوار بين الأبضايات والبنات الصغار يلي هون معانا 637375

ليش بنات المعهد كسلانين و ما بيدرسوا إلا قبل الفحص بيوم و بيعتمدوا على الشباب

لا بهي ما حزرت
انا وقت كنت سنة اولى كنت ادرس بس السنة التانية
صح ما كنت زيادة ادرس بس رفقاتي الشباب كانو يعتمدو عليي
يعني كانو مصلحجيين اجل اجل
بس ما بعرف اذا في بنات بالعكس

ليش في شباب مصلحجيين وما بيحاكو البنات الا لمصلحة ااااااااه ؟؟؟؟

آآآآآآآآآآآآآآآآآآآآه من المصلحة
و الله يا خانوم أغلب علاقات هالدنيا عم تحكمها المصلحة بالدرجة الأولى

و شو بدو يحكي الواح تحكي الواح

ليش الصبايا " بشكل عام " أشطر من الشباب " دراسياً ..........؟

لانو لبنت بتعد بالبيت اكتر من الشب
ونشاطها الاجتماعيا محصور
مومتل الشب مافي شي بيوقف بوشو
طبعا هي من وجهة نظري

ليش شبابنا بيقيسو حالهن بعدد المعجبين فيهن من البنات
ولو كان شكلهن بيهوي؟؟؟؟؟؟؟؟؟؟؟؟؟

هاد الشي معناه إنو الشب على كم بنت حسن يتضحك 100 أو 200 أو أكثر من ذلك

ليش البنات بيفرط حبون دغري

ههههههههه
ههههههههههههه

لا بالعكس من وجهة نظري إنو البنت أوفى من الشب من ناحية الحب

ليش الصبايا عنا ....... " حلوين " ....؟
طبعاً مو كلهون

ديفيكلت كوستشن ....؟

هلئ ليش الصبايا حلوين اي الحمد لله " قولوا ماشـــــــــالله " شو بدكون احسن من هيك Wink

متل مو في شباب حلوين في صبايا حلوين
Rolling Eyes

ليش بوقتنا الشباب بتطلع عالجمال الخارجي وبهمها أكتر من اي شي تاني ....؟؟؟

لأنو يا حلوة الشي اللي برا هو مراية للي جوا
يعني مستحيل تكون الوحدة بشعة و تكون من جوا حلوة " والعكس صحيح "

و خلينا نقول إنو اللي برا العنوان
فبيكووووووووون
المكتوب مبين من " عنوانو "

" ليش يا حلوات <الصبايا بس > .أغلبكون بكون حللللو كتير قبل الحب و بعد الحب بيصير ناااار حمرا ....؟

يرجى توافر عنصر الجمال في اللتي تريد الرد ....؟

خهههههههههههه
ههههههههههههههههه

والله الحلو بضل حلو إن كان قبل أو بعد الحب وحتى إن تغير الشكل الخارجي بس المضمون الداخلي ما بيتغير

ليش أغلب الشباب وقت بدهون يرتبطو ما بيسألو أنو البنت شو دارسة أو شو عندها شهادات وبيفضلو البنت الجاهلة؟

هههههههههههههههه
هههههههههههههههههه

أحلى حلوة والله
مشكورة عالرد الحلو
بس مشان سؤالك ما بعتقد إنو موضوع الدراسة ما بيهم أو بالأحرى
للأغلب لأنو بالنهاية هي اللي رح تكون مسؤولة بشكل كبيير عن تربية الأطفال في المستقبل دراسيا

هاد رأيي المتواضع

" ليش أغلب الصبايا بيلجئوا للكذب على الحبيب بغرض التهرب ....؟

والله موكلن يعني براي الصدق مفتاح كل علاقة ناجحة بس احيانا بتخاف البنت تخسر اللي بتحبه ولهاد السبب بتكذب واحيانا لانها بكل شي كذابة بس الصدق انجى دائما بعدين الشباب بكذبو اكتر بيقولو انهن قاعدين لوحدن ومشتاقين وبكونو بصراحة قاعدين مع وحدة تانية والاغلب هيك بس في قليل قليل صادق وهم كنز مفقود وان شفناه فامنا رضيانة علينا

ليش ان الشب تركته حبيبته يومين بدور على غيرها

ليش البنات مابيفكروا بنص الحكي يلي بيحكوه طبعا غالبا بيكونوا من بنات معهدنا

ههههههههههههههههههه
هههههههههههههههههههههه
والله معك حق يا شريك
ما بعرف بس يمكن هاد الشي اللي بيميزهون

ليش البنات " أغلبهون " بيحبوا يطلعوا حلوين ................؟

على فكرة ما في بنت مابتحب تطلع حلوة مشان هيك مو أغلبهن كلهون وهي فطرة إنسانية ماألها سبب وجيه

ليش كل الشباب عندون اعتقاد سخيف أنو البنت ممكن تتعلق بكلمة ؟

من وجهة نظري مو كل الشباب عندون هيك اعتقاد
لأن مجتمعنا هلق غير مجتمع زمان
يعني هلق البنت صارت مثقفة و واعية و مستحيل تتعلق بكلمة وحدة خبط لزق
إلا إذا كان في كم حالة غير طبيعية
متل ما في كمان شباب متل ما قلتي

الشباب عندون اعتقاد سخيف أنو البنت ممكن تتعلق بكلمة
في كتير شباب غير تفكير

السؤال : شو صاير لبنات هالأيام بيستغربو إذا شافو شب شوي جدي بتصرفاتو بقولو شايف حالو
أما إذا شافو شب متل الكركوز بقولو عنو مهضوم مع أنو بكون سئيل ليشبع
؟؟؟؟؟؟؟؟؟؟

هههههههههههههههههههههههههههههههههههه
عجبني السؤال
كمان هي بترجع لطبيعة البنت بس بشكل عام الجدية الزايدة بتخلي البنت تبعد عن الشب
والمزح الزاد بخلي البنت تستسخف الشب

ليش الشب وقت بدو يرتبط ما بيختار وحدة من البنات يلي كان يحكي معون؟

» سؤال خاص للشباب والبنات تحدوانفسكم وجاوبوا بكل صدق
» لعبة x و o بين الشباب والبنات
» شو بيصير إذا كان الشباب والبنات بنفس الصف