المسااحة هنا بين أدم وحواء ..شارك معنا

صباح/مسـاء الـجوريـ ..

ليديـز أند جنتلـ مانـز ..

بعيداّ عن الحدهـ بالحـواّر والتعصبـّ والتهجمـ ّ ..
خطرتـ بباّلـي فكرهـّ أتمنـ ّ ّ ـى تحوز على رضاكـم

I love you

بإختصـار ..
نملكـ هنـاّ حـواء & وآدمـ ..
وفي عقولهـم أسئلهـ كثيرهـ تدور بلا إج ـابـه
هنـاّ الحواّر مفتـوح ..

فريقـ حواء يسئلـ وآدمـ وفريقهـ يجيبـ ..
فريقـ آدمـ يسئلـ وحواء وفريقهـاّ تجيبـ ..

سؤالـ واحد ويجبـ أن لا نضعـ التالـي .. إلا حين نشعـر أنَّ السؤالـ أخذ حقهـ بالأجابـه ..
وممكنـ نكتفي بإجابهـ عضو ونرحب بالسؤالـ الثانـي ..

I love you

هل سأجد لأسئلتـي جوابـ ,, والعكسـ كذلكـ ..

البدايـه ..

سؤالـ من حواء ..

1- متـى يشعـر آدمـ ـّ بالضعفـ .. ولماذاّ ..؟

أرجو من الجميع المشااركة

..

شكرا كتير على الموضوع الحواري الساخن ...

من ناحية الإجابة عن سؤالك :

آدم يواجه عدة مواقف يشعر فيها بالضعف ، و سأذكر نقطة واحدة لإتاحة الفرصة لبقية الأعضاء .

عندما يبذل مجهود في عمل معين و ينتظر النجاح ، ولكن يرى عكس ذلك

وأن كل حساباته كانت خاطئة و فشل ، هنا تصيبه حالة من الضعف .

بانتظار باقي أفكار الشباب ,

تشكرات ملاكي عالموضوع الحلو والممتع

بيضعف طبعا امام حواء

لانو حواء بجمالها وسحرها تسحر حتى الهواااااء

ومتى ما كان ادم ضعيف

لازم حواء يكون الها ايد بالموضوع من قريب او من بعيد

فنصيحة خلو حواء على طول رضيانة

لتزداد قوة وسعادة ههههههههههههههه

يسلم اديكي ملاكي

ونترك الشباب يشاركونا

مع التحية

شكرا ..ابو اسامة..

شكرا... النجم الحزين

كنت حابة يكون في اجوبة اكتر ومشاركة اوسع

بس اجاباتكم ابو اسامة والنجم الحزين..حلوة ومنطقية

بانتظااركم فريق ادم لطرح سؤال لفري حوااء

حللللللوة كتير هالفكرة

معليش سؤال واحد و ياريت اللي بدو يجاوب من الصبايا يكون بشكل واضح و مفهوم؟.

شو الحرية برأيك يا حوااء .؟
و ياريت هل إنتي مع مقولة " المساواة مع الرجل " بكل شي .؟

صحيح هو من شطرين بس ما قدرت إفصلون عن بعض

مشكورررررراااااااات سلللف

اهين وسهلين ايكوسان

نحنا مبسوتين بمشاركتك معناا

انا راح جاوب على سؤالك من وجهة نظري وطبعا اذا حدا من صبايا بدها تجاوب ياهلافيها

الحرية برايي انك تحترم افكااري كاانسانة متلي متلك علي من الواجبات والحقوق متل ماعليك انتا

تشاركني بافكاررك وماتحتكررها لنفسك تعطيني مجاال عبرلك عن كلشي بطريئتي وباسلوبي

وايضاا الحرية انك تتركني سااوي يلي انا مقتنعة فيه مويلي بيقنعك فيه تسلطك الرجولي

وبنسبة لسؤال التاني

المساواة مع الرجل

انا مابقتنع بهاد الكلام بنوم ومابعترف فيه

لانو كوني فتاة مسلمة الله عزني وعدل

الحمدالله ديننا دين العدل والمساواة

ومو بحاجة لفكرة المساواة مع الرجل يلي استوردناها من الغرب

ويلي هنن بالاصل ماعندهم شي اسمو مساواة او احترام المرأة وتقديرهاا

اسفة اني تولت عليكم

بس ان شالله كون ئدرت وضحلك ولو شوي يا ايكوسان

وشكررا كتير

يا سلام يا ملاكي و الله مافي منك
تعرفي يمكن إنتي الوحيدة هون اللي فهمان شو يعني حرية
أو يمكن الباقي ما شاف هالموضوع لأنو ماحدا عم بيشارك بشي
هلق مفهومك عجبني كتير و واضح إنك متفهمة كتير للوضع والجوانب كلها

بتمنى تلاقي حدا بيحترم هالشي عندك و يقدروا
لأنو صاير مو زيادة الناس اللي بيفهموا بهالشي
نورتي الموضوع بردك هاد و عنجد بيشرفنا تواجد
هيك عقلية معنا بالمنتدى و بهالنشاط و الحيوية

الله يديمك و يسلمك للمنتدى

أنا مع ملاكي برأيها و الحرية لازم ما تنفصل عن الاحترام
و المساواة لازم تكون بحدود المراعاة بأن للمرأة و الرجل طبيعة مختلفة عن بعض

أنا هلأ سؤالي للشباب:
شو رأيكون يا شباب اذا بنت اجت و قالت أنو هي معجبة فيك
بدي جواب و بدون مجاملة سواء اذا كانت البنت عاجبتك أو لأ

حلو السؤال :

صحيح هو شي غير عادي بمجتمعنا .

بس برأيي في كتير طرء بتحسن توصلو الفكرة بدون ما تجي لعندو ، و أنا هبك بفضل .

و إذا كان ولا بد ، يعني الشب على جدبة شوي ، مافي مانع إنو تكون الطريئة غير مباشرة إنو تخلي حدا يوصلو الحكي .
و هيك بتكون حفظة ماء و جهها .
بعدين على حسب الحالة و الوضع يلي بين بعض ، إذا كان بيحكو مع بعض بالأصل أو لاء . !!!

شــــــــــــــــــــــــــــ ـــــــــــــــــــــــــــكــــــــــــــــــــــ ــــــــــــــــــــــــرا

ايكوساان

غمـــــــــــــــــــ ــــــــــــــــرتـــــــــــــــنــــــــــــ ـــــي بلــــــــــــــــطــــــــ ـــــــــــــفك

ابو اساامة حلو جوابك ومنطقي بس لي بتعتبرو اعترراف البنت لشب شي كبير بالعكس هاشي بيدل انها

بنت حساسة ومشاعرهاا صاادقة ...بس برايي مافي حدا هالاياام بيستحق هالكلمة او هالاعتراف من البنت

هلق حسب ما فهمت إنو وجهة نظرنا بالموضوع مو الحلول تبع الموضوع

بحكيكي عن حالي بتوقع إنو إنصدم و طبعاً هالشي رح يبين عليي
و هاد الإنصدام رح يوجعها و رح تفكر إنو أنا رافض سلف و
طبعاُ هالشي غلط لأنو أنا إنصدم من الطريقة مو منها و أكيد
في أمور لازم بنات هالأيام ياخدوها بعين الإعتبار هيك أحسن

بصراحة هالموضوع شوي مو طبيعي كرمال هيك بتوقع ما يكون الجواب شافي من ولا واحد
إلا اللي مجرب لأنو بطبيعة الحال كل شي مو طبيعي ما بينتظر منو شي حلو أو إيجابي
و أنا مع ملاكي إنو ماحدا بيستاهل هالمجازفة بس ماني معها بموضوع إنو هي حساسة و مدري
شو لأنو بالنهاية البنت يعني أنوثة يعني رقة يعني عذوبة يعني جمال يعني فتااااااااااااة و بعتقد
إنو إذا ساوت هيك شي فكل هدوووول بيروحوا لأنو إذا هو ما فهم من غير طرق معناها ما بدو
أو رافض بقا بلا ماتروح البنت و تعترف و ممكن كمان حل أبو أسامة " إنو تبعت حدا يخبرو " بس
إذا كان الشب " حمار " _آآسف عالكلمة _ هاد شي تاني و هو هبلة و كر و طبل و عقلو خارج التغطية

بتمنى وجهة نظري تصل صح
و هاد كل شي فينا نحكيه بهالموضوع
مشكورة راما موضوع غني كتيير بس خلينا نسمع كمان رأي الشباب الباقيين

حلوو كتير استااذ ايكوسان جوابك جدا صرريح

بس معلي يعني لي اذا البنت اعترفت لشب بتفقد انوثتها وكل الصفات يلي بتتمتع فيها كا بنت

يعني كلمة ^ بحبك^ احتكار لشب بس .بس هو لازم يئولها !!؟؟

تيب لي هو بيحئلو لما بيحس بهاشي لازم يئولو والبنت ممنوع ومو لازم تئولو

مشان الله لي هيك تفكيركم

أنا فهمت عليكي آنسة ملآكي :

بالنسبة لجوابي و جواب ايكوسان ،

كنا عم نحكي عن حالات ثانية و معقدة هيك على حسب ما فهمت منو كمان .
بينما إنت عم تحكي عن الكلمة بحد ذاتها ...!

أما بالنسبة لكلمة الحب مو احتكار للشباب دون البنات ، بالعكس هي الكلمة لكل الناس .

و لاتاخدي كلامنا كاحتكار بلعكس ئوليها للشخص يلي حبيتيه ، بس نصيحة كوني متماسكة و مستعدة لردات الفعل يلي بتختلف من شخص لآخر و على حسب الزمان و المكان .

بالنسبة إلي إذا بنت ئالتلي إنها معجبة فيني و بتحبني ، كتير بحترمها و بحبها منها و بالعكس ما بتصغر بعيني .
يعني فيكي تئولي "أوبن مايند" و صارت معي من قبل بنات أصغر مني وفي أكبر مني .

بس كمان برجع بئلك بتختلف من شب لثاني ، وهي وجهة نظري ، أتمنى أن تتقبليها إنت و كل البنات .

لا ملاكي إنتبهي أنا آخر جملة شو كتبت
" بتمنى وجهة نظري تصل صح "

يا ملاكي أكيد أنا موضدد إنو تعبر عن حبها للشب بس ستميت مليون ألف طريقة
غير إنو تعترف إلو دغري و وجه لوجه منها ممكن تبعت شخص تالت
ممكن بمسج .. ممكن بغمزة ..ممكن بإيحاء صغير .. ممكن بكلام خفيف
ممكن بتلطيشة عن طريق المزح ممكن..؟ممكن..ممكن..ممكن..؟
في كتير طرق بس هاد مو موضوعنا أكيد البنت برأيي الشخصي
هي اللي لازم تتدلع و هي اللي لازم تقبل أو ترفض بهيك مواضيع شعبنا أو ثقافتنا
ما بتسمحلنا إنو البنت هي اللي تعترف و أرجوك بلا هالأفكار الغربية اللي فوتت بنات
و صبايا عصرنا لكتييييير من المشاكل النفسية و البدنية و ما بدي ياكي تفهمي إنو البنت دورها محدود
بالعكس البنت برأيي بهيك شغلة هي كل شي إي كل شي بس الطريقة أو الإسلوب هاد اللي أنا ضددو
لأنو بالنهاية كمان البنت هي كتلة من المشاعر و الأفكار و الأحاسيس و مافينا نتجاهلها أو ما نحطها
بعين الإعتبار و حب البنت أكيد أوفى و أصدق من حب الشب " وهاد أمر مسلم فيه " و بيقلك المتل
" خود اللي بتحبك و لا تاخود اللي بتحبها " هيك قال أهل الأول و أكيد هنن بيعرفوا و مجربين
و كرمال هيك أنا مع إعتراف البنت بحبها أكيد هالشي مو عيب و مو حرام بس إختلافنا نحن
على إسلوب طرح فكرتها و أكيد هاد مو إسلوب سليم و غير صحيح و إذا عندك شي تاني ممكن نحكيه
تفضلي ........

بإنتظار الرد

ابو اسامة

عجبني جوابك بس انتا بتعتبر يلي بيتئبل هالكلمة من البنت بيكون اوبن مايند

يعني شغلة بعقلية الشب اوكي كتيرر منيح

ايكوسان

يعني شو بتفرءانو اذا بعتت شخص تالت او بعتتلو مسج او عن تريئ غمزة .كل هدول شغلات شو بيفرئو انو تئلو انو بتحبو

ولاشغلة متل مائالها ابواسامة ^اوبن مايند^

ايكوسان سدئني انا ماعم اتنبنى افكار غربية بالعكس انا ضدد كل الافكاار الغربية وما بؤمن فيهاا تحت اي شعار تكون

بس..انا انسانة متلي متلك عدني ئلب يحب ويعبر عن كلشي بيحسوو

بس المشكلة اكبر مني ومنك مشكلة مجتمعنا ووهيك العادة

على كلن بتشكككككركن كتيرر شبااب ..انكم جاوبتو وبكل صرراحة

يلاا ناترين اسئلتكم*فريق ادم *

يا حواااااء
شو رأيك بتدخين حضرتك بالمقاهي و الأماكن العامة .؟
هل بتشوفي هالشي طبيعي ولا بيدخل ضمن ما يسمى " بالحرية الشخصية " .؟
و أديش إنتي مع هالفكرة أو ضددها ...؟
و ياريت بس تخبرينا شو رأيك بالشب اللي بيدخن .؟

التدخين انا مابحبو لا للبنات ولا لشباب لانو مضرر لصحة وريحتو مو حلوة

هلئ^ للبنات بشكل خاص ^

بعقتد انو هو من احد الاسباب يلي بتفقد فيها البنت انوثتهاا !!!

يعني خليناا نئول انو فيالشباب بيدخنوا كمظهر من مظااهر الرجولة (يعني غريبة قطعة حشيش صارت أداة

لتثبت رجولة الشب ؟؟معئول انو بعض الشباب هيك بيفكرو )

اي المهم منرجع لتدخين البنات اوكي بدك تدخني بس علشاان شو علشان اتظهرري انوثتك مثلا !!!!!!

ورايي بالشب يلي بيدخن ؟؟؟ انسان مابيقدر يتحكم باعصابو ولا بحالو

ئوام اول مايعصب بتلاقيه مسك هالسيكارة وبلش ينفخ فيها كانوا الحل راح يجي منهاا..

غير طبعا النوع يلي حكيت عنو انو بيدخن بسبب يظهرر رجولتوا ((هااد لااتعليق عليه ؟؟؟؟؟؟؟ لانو الواحد شو بدو يحكي اذا بعض شبابنا هيك بيفكر)

طوولت كتيرر بالاجاابة سووري بس سؤاالك كتيرر مهم مهم ومن احدا المشاكل يلي بيعاني منها المجتمع

بتشكررك ايكوساان على السؤالك ..الهام والحلو

ولا حدا يدايئ من جوابي

طيب حلو كتير جوابك و دليل ع ثقافتك و رقة قلبك

بس وين سؤال الصبايا .؟؟؟؟؟؟؟؟؟

تسلم ايكووسان هااد من زوئك ..

صباايا قمر روبي رو

شاااركونااا المووضوع نحناا با انتظاار اسئلتكم.. لاتتركوني بالساحة حاللي

اوك ليدي منشارك لي لاء

بس شو بدنا نسألو لأدم والله مالي عرفانة

هو في كتير أسئلة بس حاليا مافي شي عم دور براسي غير هالسؤال

ليش الشب بيضحك عالبنت وبقلا اني بحبك وبعدين وقت بتقلو خلينا نخطب بيهرب؟؟؟؟

سؤال قوي جدا ... شكرا روبي

في عدة أجوبة للسؤال حسب الحالة :
1- الشب يمكن يكون عم يتسلى مع البنت ، و بتاكلها البنت الطيوبة يلي ما بتعرف هيك أنواع من الشباب .
2- لربما يكون الشب حبها صحيح ، بس مو خرج يخطبها يعني مو مستعد ، (ليس كل حب ينتهي بزواج) .
3- الهروب دون أي اشعار يفيد البنت مشان تنسى الشب و لا تفكر فيه ، لربما يصارحها بشي فتزعل !!!

هي الأجوبة يلي خطرت على بالي ، منشوف إذا حدا من الشباب عندو جواب ثاني بيدعم جوابي ...!

سلام شبيبة

أول شي لازم تعرفي إنو الولاد أول شي بيهربوا منو هو المسؤولية
و بعتقد هي أكتر شغلة ممكن تهرب " الولد " من الصبية اللي لاحول إلها و لا قوة
برجع بأكد على كلمة ولد و مو شب لأنو لو فيه ذرة من الشبوبية ما بيساوي هيك شي

هلق كمان ما بخفيكي إنو صايرة مصاحبة البنات شي "موضة " عنجد أنا آسف عالتعبير بس
فعلاً في كتير ناس بيمشوا مع صبايا مشان ما يقولوا عنو إنو معقد و ما بعرف شو
و يمكن يصارحلها إنو بيحبها مع إنو بيكون عم بيدور ع طريقة يخلص حالو من هالتهمة
" معقققققد " عنجد هاد تفكير المرضى و اللي ما بيحسوا بالثقة بحالون

ييييييييييييييييييييييييي شو في حكي عن هالموضوع بس بكتفي إنو بقول " هاد مو شب هاد كلب " و معليش
أبن كلب

تحياتي لكل الصبايا و ما تزعلوا لأنكون عنجد أرفع من هيك تافهين و أشباه رجال

كلامكون صح واقتنعت في

بس ابو اسامة حتى لو الشب مالو مستعد لازم من البداية يخبرا بهالشي ويتفاهموا على هالقصة

عالقليلة يخطبوا اذا مو مستعد حاليا بس خطبة

واذا البنت كتير بتحبوا ما بظن رح تطلب كتير منو \اصلن هي رح تعرف وضعوا وقت تتعرف علي واكيد مارح تستنى يجبلا مرسيدس وبيت بالمالكي ههههه

ومتل ما قال ايكوسان هاد ولد مو رجال

بالفعل يا ايكوسان صدقت بهالكلمة( اشباه رجال )

شكرا أبو اسامة

شكرا ايكوسان

عالاجابات

بانتظار الاجابات التانية او السؤال

مشكورة روبي رو على المشااركة هيك ها لاتخليني لوحدي جاوب على اسئلة الشباب

وبتشكر ابو اسامة وايكوسان على اجوبتهم وبتمنى باقي الشباب والصبايا يشاركونا

ونحنا بااانتظاار الاسئلة

ليش البنت بس تدايق من الشب أو من أي حدا بشكل عام

بيصير بيطلع معها كلام شروي غروي !!!!!!!!!!!!!!!

و أحيانا بيكون خارج عن الأدب و أحيانا بيجرح فوق اللزوم . ؟؟؟؟؟؟؟؟؟؟؟

هاتو لنشوف جاوبوني , و شكرا سلفا ...

» شارك معنا وما رح تندم
» الفرق بين ادم وحواء
» شارك ملفاتك مع الهيئة العامة لآذاعة و التلفزيون