سؤال للصبايا الحلوين والشباب

شو موقفكون من الحبيب اذا كان كتير بينتقد محبوبتو او حبيبا ويعني الطرف التاني مو كتير عم يدقق على اخطائو ابدا وهو كل يوم بينكش
شي مشان ينتقد تحت حجة انو حابب يغير محبوبتو او حبيبا للاحسن

يسلم ايديكي موضوع حلو هاد الشي الو اكتر من تشعب يمكن يكون الطرف الاول عندو حب تملك وطول الوقت عم ينتقد لانو بدو يعمل حبيبو متل ما هوه بدو ولو مابريح حبيبو ويمكن يكون بدو يغير حبيبو وقصدا عم يعمل هيك لشوي شوي ينزع العلاقه ويكرهه الطرف التاني ويمكن يكون جد عم يحاول ينتقد ليحسن من حبيبو لانو بحبو يكون احسن الناس انا هيك من وجه نظري وشكرا كتير الك رورو

ألف شكر على الموضوع وأنا مع أحمد يعني كل واحد ببين شو نيتو من كل هالانتقادات....

مع التحية

اللي بيكون عم ينتقد سواء كان الحبوب أو المحبوبه بيكون ما بيحب متل ما بيحبه الطرف الأخر أو بيكون عم يتسلى بلمشرمحي يعني
Rolling Eyes

بضيف صوتي لاحمد ستار نازي
كلامك صح لانو

زائر

اذا هيك بيكون بدو يتسلى وهاد بكون خااااااااااااااين ومشكورة عالموضوع

وانا رئيي متل ستار :47:

إشو هالحكي هاد

هلأ أنا مو موافقون بهل أراء

وبالأخر الطرف التاني هوى الوحيد إلي ممكن يجاوب عن هلسؤال

وأنا من جهتي لمى غير بكون عم غير كرمال يحلى ملاكي بعيني أكتر وأكتر

وكل واحد بيحب يكون حبيبو أحسن إنسان بالوجود صح

تقبلو مروري

انا برأي النقد شو ما كان ايجابي لان أكيد الشخص لو ما بيحبني ما بينتقدني وأنا بشوفو دليل صراحة بين الطرفين.

وأنا رأي أنو لما الواحد بينتقد حبيبه مشان يحس منه ويخليه يصير أحسن الناس لأنو لما بيغلط قدام حبيبه فهو ما حدا غريب يعني ما ح اضحك عليه بس لما بيغلط قدام العالم هون المشكلة فالانتقاد بحسن من مستواها وبخليه يصير أحسن الناس

زائر

انا برأيي مستحيل يكون طرف غلطان والطرف التاني بريئ أكيد في خطأ من الطرفين يعني ما لازم نبين انو البنت ملاك والشب عاطل

هلئ الانتقاد اكيد بدل على الصراحه بالعلاقه وحلو الواحد يتقبل الانتقاد مشان يصير احسن
بس ما يزيد الانتقاد كتيررر ليوصل لدرجه ما تنطاق
يعني انا بحب شخص بحاول اد مافيني قدم نصائح اللي هو محتاجا بس بحيث يتقبل مني هلشي مو خليه ينفر ويبتعد عني
بعدين ابو حميد انا ما حددت انو البنات ملائكه والشباب عاطلين
شكرا لردودكون واهتمامكون بالموضوع :47:

إذا كان الحب حقيقي وصادق من الطرفين فكل طرف سيقبل نصيحة الآخر بكل حب ورحابة صدر

طالما عم ينتقد صح و بشغلات جوهرية فهاد الشي صحيح اما اذا عم ينتقد بشغلات فاضية ومو صحيحة فهاد غلط وبسبب مشاكل بين الطرفين وعلى كل حال الموضوع بيرجع اعقلية الشخص المنقود اذا كان بيهتم باراء الحبيب ولا لأ او اذا كان بيقبل انو حدا ينتقدو حتى لو الحبيب
يعني اذا ما كان الحبيب مغرور و متعجرف

هلأ على حسب الإنتقاد ... يعني ممكن يكون شي إيجابي وبدو ياها تكون أفضل
وممكن يكون لمجرد الإنتقاد وهي ممكن بتجي من الملل أو لأنو شاف هالشي على بنت تانيه وبدو يعملو على حبيبتو
هلأ مو بالشرط يطلع شي حلو على حبيبتو ( إذا كان شي خارجي أو داخلي )
يعني كل شخص وإلو صفاتو

ولما هو حب البنت حبها لإلها ... وإلا معناتا اي شب بيحكي مع اي بنت وبدو يعدلها على كيفو وكأنها سياره

الشب لما بيختار بنت وبحبها
بحبها لإلها لذاتها مو بس لجامالها بحبها لإلها وإلا هاد مو اسمو حب ... وبما انو حبها لإلها ليش لحتى ينتقدها وبدو يغير فيها

بس ممكن انو ينتقدها بطريقه غير مباشره للشي الإيجابي وتحسين شي معين
بس مو دائما .. ومو على كلشي ...

هلق رهام الصراحة هي المرة 4 اللي بجاوب فيها عهالموضوع
و كل مرة يا يعطيني لم تحدد حالة الموضوع يا يفصل النت
و اخر مرة كانت من شي ساعتين و انقطعت الكهربا عن البلد كلها
لهيك ما لح جاوب و الله يجيرنا

لما الواحد فينا بينقد حبيبو مو مشان يبين عيوبو أو حتى يفرجيه أنو هو أحسن منو
بلعكس حتى يصير حبيبو أحلى وأحلى و بالنهاية هنن التنين بمثلو شخص واحد وروح وحدة
و أكيد هي الروح فيها عيوب بس نحنا قادرين نخليها احلى روح بس بشوية تغيير

انا رايي ان الواحد لما بينتقد التاني مين ماكان
حتى لو مو حبيبو بيكون خايف عليه وبده مصلحته
بس مو عالطالعة والنازلة
يعني مو على طول
بده يعرف بشو بينتقده

:شكرا : كتير على ردودكم

انا رأيي متل ابو اسامة
درر ابو اسامة درر

» فوائد .......الدراسة مع البنات الحلوين بس........ الحلوين
» تشيز كيك للصبايا بسسس
» سؤال للبنات سؤال خطير للبنات ؟؟؟ لو حبيبك تحول الى صرصور وكان مطلوب منك تبوسيه حتى يرجع لح