لكل امرئ من اسمه نصيييييييب

للاسم دور أساسي في رسم الشخصيه , فقد درج الناس على اطلاق مقولة "لكل امرئ من اسمه نصيب" في حال أراد توجيه المدح او الذم للشخص على حد سواء .

و يرى البعض ان الاسماء لها تاثير سلبي أو إيجابي على حياة اصحابها مستندين بذلك على رأي بعض الإرشاد النفسي والاجتماعي الذين يرون أن للاسم تأثير على سلوك الشخص .

فيما يرى آخرون أن اسم الشخص لاعلاقة له بمسيرة حياته , وأن هنالك مجموعة من العوامل النفسية والاجتماعية المرتبطة بالبيئة هي التي تؤثر , وكل مايقال حول المقولة السابقة هو مجرد " ترهات "

فهل انت مع او ضد مقولة "لكل امرئ من اسمه نصيب"

لا أنا أكيد مع وبحسها هالمقولة هلأ في حديث يقول خير الأسماء ما حمد وعبد ..
هي شغلة وحتى سمعان بالدين الاسلامي مذكورة هي وهو علم بحالو اسمو علم الحروف يعني لكل حرف من اسمك قوة يتفاعل بالقوة تبع الحرف التاني والتالت والرابع وهيك حتى آخر الاسم ونفس الشي مع اسم الأم وعلى فكرة مو مين ما كان بيقدر يعرف هيك شي ..
مشكور أنوس موضوعك حلو بس بدي شوف رأيك أنت كمان

انا اكيد مع هالمقوله وانا بتفائل باسمي كتير
بس عالم اسمائهم اسمائهم مالها معني شو بيعملوا وكيف بدها تتحقق هالمقولة معهم ؟؟

وأنا مع هالمقولة كمان

وأناأحياناً بس أعرف إسم هالشخص يابرتاحلو يا لا

ما بعرف بس كتير قالولي أنو اسمي بيدل على داخلي وشخصيتي

مشكور أنس شي حلو :merci:

انا معها طبعا
وطبعا ما حدا بيحكي على حالو بس انا بحس كتير اسمي كتير في شي من داخليتي متل مل قال تيماء الاسم احيانا بيدل على داخليه الشخص
وانشا الله كل واحد بيكون فخور باسمو
مشكور نوسي موضوع بيجنن

اهلين بالشباب مروركون بسطني والله
هلأ بالنسبة الي انا مع مقولة لكل امرئ من اسمه نصيب
بس ما بلاقي من العقل متل ما بسمع من بعض الناس حوليي انو بيبني حياتو على اساس انو
معنى اسمو هيك كان او صفات اسمو هيك
هيي الشغلة نسبية طبعا
وانا بظن انو صفات ومعناة اسمي كتيييييييير فيها شغلات مني وصح
مرو تانية مشكورين شباب عالمرور
وياريت نشوف رأي الباقي

انا مع هامقولة بسسسس مو شرط تكون صح على كل الناس ومو شرط
اسم الشخص يخليني ارتاحلو او لا لانو ياحرام في كتير عالم معقدة من اسمائها لانو
الشغلة مو بأيدا وشكرا عالموضوع

انا مع هالمقولة بس مو 100% لانو الواحد بياخد من معنى اسمه بس مو بكون الها اثار على حياته

انا بس بحب ضيف كمان وأكد على حكي حيدر وهاد العلم مأخوذ في بس بندرة لانو السبب
انو الوثائق يلي بتأكد هاد العلم احترقت منها ومنها غرق بنهر دجلة والفرات ولكن يلي وصلنا اليوم من هاد العلم هوي بالتواتر يعني من شخص لشخص تاني هيك لحد ما وصل اليوم وانا حاولت جيب من النت عن هاد الموضوع
بس المختصر منو رح احكي
بتاخد الشهر الهجري واليوم الهجري (الاسماء الهجرية : كل يوم بأسم )يعني بيتاخد كمان اسم الام واسم الاب وبعدين بتصير عمليات حسابية
لحد ما ينتج الاسم يلي لازم يتسما
واكتر الاسماء هي محمد
محمود
حامد
واحمد
وفي اسماء مركبة متل عبد الله وعبد الرزاق وهيك
علم بحد ذاته ولكن العلماء فيه قلال جداً
وهنن بالاخص من علماء الشريعة الاسلامية
وبيتصل هاد العلم بعلم الارقام يلي بمكن العالم من معرفة شو رح بيصير بالشخص مو يعني علم بالغيب ما عاذ الله ولاكن مثلاً انو رح يتوفق بأبناءه رح بيكون شخص تقي رح بيكون كريم ورح .....وهيكالمعلومات يلي حصلت عليها معلومات قديمة جداً بس متل ما ذكر اخونا حيدر خير الاسماء ما حمد وعبد وهاد الشي متل ما ذكرت فوق كيف انو اكتر الاسماء أحمد ومحمد ومحمود وحامد
وكمان عبد الله وعبد الصمد وعبد الرزاق وهاكذا
شكراً
عفواً بس لشغلتين الاولى لاني طولت التانية لانو هكذا هيك بتنكتب مو هاكذا بس عالسرعة هيك صار
شكرا انس عالموضوع

أنا برأي...............
متل ما بتقول فيروز.................
أسامينا شو تعبوا أهليناتلاقوها...........
..................................................
عنينا هنة أسامينا.........................

» لقاء بين (نانسي ) و( امرئ القيس )
» كراك مجرب لتنشيط الWindows 7 اسمه Loader Windows 7