نقاش للشباب والصبايا

مسا الخير
متل ما بتعرفو كل مدة بحب حط موضوع للنقاش بيناتنا
هلئ كلنا عنا اهل والله يخلينا ياهون ويديمون
بس الحكي انو بتحب\ي انو الاهل يدخلو بكل شي واديش مقدار التدخل تبعهون وبتحب هالشي
يعني خلينا نكون صريحين .........
مع حبي للكل المايسترووو

انا مابحب اهلي يتدخلو بأي شي بحياتي
بسمع النصيحة بس موشرط طبقها الا اذا اقتنعت فيها
مشكورر ياحبيب موضوع حلو للنقاش
والحمد لله ع سلامتك

MBL

انا ما بحب حدا يتدخل بحياتي
اكيد الاهل كتر بينصحو ولادون بس اكيد كل واحد بيعمل اللي بيراسو
Cool

مشكوووووووووووووور عامرعالموضوع والله خرجنقاش
بالنسبة الي لازم يتدخلو بس ما يقربو عالخصوصية تبعي
لاني ما بحب حدا يقرب عخصوصياتي ابدا وابدا وابدا

أنا بحب يدخلو أهلي فيي شوي يعني مو بكل شي علقليلة حتى حس باهتمامهن فيي :*/:

احلى مايسترو والله
هلا بالنسبة الي مابحب انو اهلي يتدخلو بحياتي

بس اجمالا كتير احيانا بحس اني بحاجتون

لانو اكيد يمكن هنن الوحيدين المستعدين يقدمولك بدون مقابل

بس احيانا في اهالي بتفرض عولادها شي فرض
هلئ يعني الااغلبية ما بحبز اهلون يدخلو بخصوصياتون
بس في شباب ما بتئدر او صبايا يعني
شو رأيكون ؟

هلأ انا اهلي ما كتير بيدخلوفيي و طبعا نصايح الأهل دايما فوء راسنا و انا بسمعلن بس انا اغلب الاحيان بعمل يلي براسي اكيد الشي
الصح ويكون لمصلحتي
الموضوع كتير حلو :شكرا :

هلا هي بترجع لتربية الاهل لولادن
انا براي الاهل يلي بيفرضو شي عولادن
مو واثقين من ولادن ومن خيارن
وبالتالي يعني مو واثقين من تربايتن لولادن
ومو وثقين من حالن

وفي اهل بيفرضو اشياء عوادن من باب الحرص علين بحسب راين
لانهم اصحاب الخبرة كمان بحسب راين
لانو شباب كل زمن هنن بس اصحاب الخبرة بزمنن
مع حترام الكبار

عمي طارق حكيك صحيح
بس ما بظن احيانا تكون قلة ثقة
بتكون انو الاهل بفكرو انو ولادن لسا ما كبرو وما بيعرفو يتصرفو
حتى لو كانت الثقة موجودة يعني
بئا شو رأيكون .................

طبعا ما بحب حدا يدخل فيي لاأهلي ولا اي حدا
بس يمكن لزوجي عندو بعض الصلاحية بس كل شي ضمن الحدود
طبعا ونحنا البنات الشاطر يلي بدو يدخل فينا من الاب للاخ للعم للخال و..............
بس انا بعجبكم راسي يابس وما برد ع حدا وبيعمل يلي براسي :شيطان: وبس

انا برأيي الاهل عندون خبرة واكيد اكتر منا متل ما بيقول المثل اعرف منك بيوم اعرف منك بسنة فكيف اذا كانوا الاهل يلي أكيد مهما كان في خلافات واختلاف بوجهات النظر بس أكيد هنن بدون مصلحتنا بالمرتبة الاولى
وانا برأيي الاهل رأيون مهم بشي وشي مثلاً الاهل ما فيهون يتدخلوا بالاكل يلي باكلوا بس بينصحونا بأكلي معينة
مثلاً الاهل مافيهن يرافقون بطلعاتنا وبمشاويرنا بس بيقلوننا انو لاتطلولوا يعني مثلاً
انا عند برجع للبيت شي الساعة 3 لل3.30 باللليل بيقلولي اهلي بكير بقا انا بقلون والله تعبان ولا لغير هيك بروح بكفي السهرة
ههههههههههههههه
هلق طبعاً البنات بيختلفوا عن الشباب وخصوصاً انو مجتمعنا شرقي محافظ
بس رأي النهائي انو الاهل رأييون ضروري من وقت لآخر بس انو الرأي لازم ما ينفرض فرض بل لازم انو يكون كنصيحة

كنت قصدي قول اكبر منك بيوم اعرف منك بسنة بس خربطنا ومنكون السماح

والله يا أبو عمير موضوع حلو ...هلا بالعكس أنا بحب أهلي يسألوني عن وضعي عن مشاكلي. شو بدي بس بحدود ..
وعلى الأغلب أنا يلي بحكي لأهلي عن وضعي بالمعهد عن رفقاتي يلي برافقهن ..ما بعرف بس بحس أنو هيك بطمن الأهل عني أحسن ما يراقبوني من تحت لتحت لأن مو صعبة عن أم تعرف شو عم يساوي ابنها أو مع مين عم يحكي أو أو أو ..

وانا رأيي متل صخر والعقرب اكبر منك بيوم اعرف منك بسنة

بس كمان اذا كبر ابنك خاويه

يعني اهلي طبعا لازم يعرفو وين بروح وين بجي

لكن شو اسمنا عيلة وحدة اذا كل واحد بيعمل يلي بباله

وما بيسأل على حدا وكأنو عايش لحالو

ما بعرف هاد رأيي ............
شكرا عامر موضوع حلووو

بحب ضيف شغلي كمان اذا كبر ابوك خاويه لهيك معك حق

زائر

شكراً كتير عمور
موضوع كتير حلو للنقاش
بصراحة أنا ما حدا بيدخل فيني مو لأني ما بحب بس لانو هيك معود اهلي من انا و صغير
بس مو غلط إذا الاهل أدخلو بأبنهم او بنتهم لأنو اكيد رح يدخلو لمصلحتهم
بس لازم يكون هالتدخل ضمن حدود

يسلمووووووو كتير يا احلى مايسترو
موضووووووع بيجنننن

عنجد انت حطيت أيدك على جرح وسؤالك كتيررر حلو و بمكانو

مثلاً أنا بزعل أو بضايق أذا أهلي ما سئلو عني ولما بيسئلو عني بصير أضايق

أكترررر لأنو بيزودوها شوي

وبدك الصراحة لازم لواحد ما يخبي على أهلو شي ولازم أذا سئلو بيجاوب بمنتهى الصراحة

عنجد شكراً على هل موضوع الحلو

..........................................

*تقبل مروري أنا الفتى الغامض*

انا رايي من راي ميرنا مشان ما عيد الحكي نفسو
مشكور عموري عالموضوع تسلملي ايديك على هالنقاشات

» الفقر (نقاش للشبياب والصبايا)
» (نقاش)..كيف تتصرف بالمكرو باص..
» كن صديقي (نقاش)