عيب... ضحكتو علينا الجيران

سمعت من كام يوم انو وحدة من المدن بالعراق استضافت عرض أزياء !!
ولو ما شفت صور من هاد العرض اكيد ما كنت رح صدق هالحكي.
يعني معقول عرض ازياء بالعراق!!
هالبلد يلي بدو آلة احصاء متفرغة لجرد عدد الضحايا يلي عم يموتوا كل يوم وبدو أساطين محاسبة ليقدّروا حجم الانهيار الاقتصادي بالبلد
وبس سمعت هالخبر تذكرت لبنان..
يعني كمان بلبنان فوق كل هالحروب الاهلية ما تسكرت عندن دور السينما والمسارح ودورعرض الازياء وما نسيوا ال(ويك إيند).
حتى الديون يلي عليّن ما قدرت تطالعن بمظهر يستحق الشفقة...فالحياة دوماً حياة..ولازم تنعاش بالطول وبالعرض والطوارئ بتضل ورا ظهرن حتى ولو كانت حرب ونار.
ويمكن هي ثقافة خاطئة حسب ما بنفكر نحنا السوريين يلي منعمل من ..الحبة قبة.. بس يلي عم يصير عند جيرانّا بخلينا نسأل مين الخطأ نحنا ولا هنّ؟...
نحنا عنا خوف من بكرا وشو بدو يصير بعدين يعني خلينا نسميّا (فوبيا المستقبل)
لهيك بنخبي القرش الابيض لليوم الاسود وانشا الله ما حدا بيشوف هيك يوم ..ومو شاطرين غير بالنّق
يعني رح نقطع ايدنا ونشحد عليّا بعد شوي.
بكلمة وحدة رح لخص هالحالة (إنكماااااااااش).
نحنا عم نعاني من ابشع حالة انكماش بأسواقنا وما دخل الأزمة المالية بهالشي لانو انكماشنا من قبل الازمة والسبب إنو ثقافتنا ما بتسمحلنا نصرف.
(نحن بخلاء أيها السادة..وادعاؤنا للكرم هو نوع من التعويض اليائس)
الخوف حوّل الأغنياء لبخلاء وخصوصاً محدثي النعمة يلي أخدوا الثروة وخبوها وحرموا الدولة منّا وهن كتار بيناتنا
عنجد غريب ..الحرب بلبنان بتخلي المطاعم عطول عامرة بالزباين وعنا المطاعم فاضية الا شوي
الشوارع معباية ببيروت و عنا بدمشق انحلت أزمة المرور
يعني لو شتت عنا بآب بصير ازمة على الكازيات
ولو غرقت سفينة محملة بالبطاطا بالبحر الكاريبي بيرتفع سعر البطاطا عنّا حتى لو كانت هالبطاطا من انتاجنا
يعني قبلوّا مني..بس نحنا عنجد (جبناء وبخلاء) وإذا حدا قلنا هالشي بتكون أمو داعية عليه لان بتصير تشتي الدنيا علي رصاص لان نحنا مو شاطرين الا بالعلقات...
فلا تخبروا حدا وخلوّا بيناتنا .

شكرااااااا

والله ما فهمت شي ؟؟؟؟؟؟؟؟؟؟؟؟؟؟؟؟؟؟؟؟

» غسيل الجيران.......؟
» ]!!فاكهـة نأكلهاا والاسلاآآم حرمهاا علينا !!
» شوفو اسرائيل شلون بتجسس علينا ...