موضوع مالو عنوان انتو حرين بل عنوان

ليوم وانا عم اقرا الردود خطر بالي موضوع
مالي مفكرة فيه من قبل
وهو
الصراحة
أنا قلت بل موضوع لريانا أنو اهلي عودوني عل صراحة
ياترى لاي مدى بتعتقدو أنو الصراحة مهمة ولازم نكون صريحين؟

هلاء أنا بحب الصراحة كتير

وبحب الشخص يلي أدامي يكون صريح معي

ممكن الصراحة أحيانا تاذينا

بس في مصطلح تاني للصراحة وهو الوقاحة

يعني ايمتى بتطلع الصراحة عن حدها وبيصير اسمنها وقاحة؟

وياترى

لما نتعرف على حدا جديد لازم نكون صريحين معو؟

يعني اذا كنت شب وسألتك لبنت بتعرف حدا قبلي ؟ شو ردك؟

واذا كنتي بنت والشب سألك بتعرفي حدا قبلي ؟شو ردك؟

واذا كان الموضوع ارتباط وزواج ؟؟؟؟؟؟؟؟؟؟؟؟؟؟

بتجاوبي أو بتجاوب بصراحة؟

أسئلة كتير حيرتني

واجابات كتير صعبة

بس السؤال أذا ما حكينا الصدق وما كنا صريحين

ياترى بنكون كذبنا

ولا اخترنا أنو ندفن الماضي ونبلش صفحة جديدة

والله احترنا

اذا كنا صريحين ما بنخلص

واذا ما كنا صريحين ما بنخلص

مشان الله الحل شو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الحقوني رح جن

بايييييييييييييييييييييييييييييييييي

وانشا الله الموضوع ما يحيركن متل ما حيرني

بشوفكن بموضوع جديد وغريب

انشا الله ما كون دمي تقيل عليكن

زائر

يمكن لما شفت الموضوع طار عقلي
هاد أحلى موضوع نقاشي بقرا من لما سجلت بالمنتدى لهلاً
بجد كتيييييييييييييييييييييييييير شكــــراً لولو ع هالموضوع يلي كلمة رائع قليلة علي
والموضوع هاد بيحتمل عدة وجهات نظر لهيك بتمنى من باقي الأعضاء التفاعل لنلاقي صوت المنطق وين ح يودينا..

قبل كلشي ما حدا من الأعضاء رح يختلف معنا إنو الصراحة شي كتير أساسي بأيا علاقة
وخصوصي الحب يلي بالنهاية رح يأدي للزواج و مشاركة الحياة بكل ما للكلمة من معنى
حلوها و مرها
الصدق مفتاح الفرج متل ما بيقولو
وحبل الكذب مهما طال فهو قصير وحتى لو كانت الكذبة ما بتضر حدا
اوك أحيانا الكذب (أو عدم قول الحقيقة )يمكن ما يأذي حدا و يجنبنا مشاكل كتيرة
بس هالإحتمال بعرضنا لعذاب الضمير بإنو كذّبنا ع الشخص يلي منحبو وخدعنا
وممكن انحط حالنا بموقف محرج كتير في حال أنكشفت الحقيقة
سواء اليوم أو بكرا او بعد 10 سنين
لهيك ليش لننام بين القبور و نشوف منامات وحشة
البنت يلي بدي أرتبط فيها بدها تتقبلني متل ما أنا
بماضيي كامل حتى لو كنت بعرف بنات سوريا كلهم قبلها و حرامي و سكرجي و قمرجي و خريج حبوس
ما في إنسان ما بيخطاً و يلي بيعتقد غير هيك بيكون غلطان و بيكون عم يكذب ع حالو
أبن ادم خطاء وكل واحد مننا معرض للخطاً
هلئ في حال قلنا الحقيقة للطرف التاني و ما تقبلها بيكون هو حرّ
بس منكون عملنا يلي علينا وما خدعنا

مختصر هالكلام كلو
بالنسبة إلي الصراحة المطلقة هي الحل الأسلم و الأفضل و الأصح
طبعاً بالنهاية رأيي خطاً و يحتمل الصواب و رأيي الأشخاص يلي بيخالفوني بالرأي صواب و يحتمل الخطاً

ما تجني لولو
ههههه ما بدنا ناخدك ع العصفورية ونخسرك
هونيك مافي نت
بعدين شو هي دمي تقيل
تاكدي إنو وجودك هون بالمنتدى عطا طعم و لون ما كان قبل ما تسجلي في
بشكرك كتير ع هالموضوع يلي بيجنننننننن
وأســـــــــف كتير ع الأطالة
تقبلي مروري

قال لا تحتارو
والله احترنا
هههههههههههههههه
يا ستي كلامك حلو ومزبوط
وموضوع كتير حلو للنقاش
طيب انا برايي
والكل بيعرف انو ما عندي شي مخبى
الا اشياء شخصية كتير
وبحب الصراحة كتير لانو مو مستحي من شي
يعني ما بيفرق معي رايي حدا في او بماضيي
ولهيك بقول كل شي
وبعرف انو هادا الصح
بسسس احيانا وكتير بعرف قصص وصارت معي كمان
انو من ورا الحكي بصراحة خربت العلاقة وصار في غيرة وخوف مو طبيعي
بعرف انو الي بيفكر بهالطريقة في شي بمخو
بس شو بعمل اذا البنت الي حبيتا طلعت هيك
يعني مجنونة
هههههههههههههههههه
ستي العمر بدو يمرق ورح نمر بقصص كتير
بسسسسسسسسس برايي
وحتى بعد هالشي
انو بس شوف بنت وحبا لازم احكيلا كل شي
مشان ما يصير شي شغلة بعدين وتقلي ليش ما قلتلي
وكمان اذا صارت زوجة والزوجة تعتبر انو ما منا على حالك وبيتك
لازم تعرف كل شي عنك
وما تخبي شي عليها
وهيك العلاقة اذا ما كانت مجنونة بتكون علاقة حلوة وما بيعكرا شي
مشكورة كتير حلو الموضوع
وتقبلي رايي

لولي الأمورة أكيد كتير مشكورة عالموضوع اللي
أكتر بكتير من انه حلو ومهم
هلئ الصراحة أحلى شي بالدنيا وهي اللي بتكبر مجال التفاهم والاحترام حتى الحب كمان
بس أكيد للصراحة حدود يعني مو لازم لكون صريح اجي واحكي لشي شخص عيوب جواه وهو بيعرفها
وأنا عم قولها مو مشان يصلحها لاء مشان ورجيه ياها من جديد واجرحه
وهي القصة صارت معي ودايقتني كتير
يعني أنا صريحة مشان نفسي ومشان الأشخاص اللي حوليي
ومن دون ما اجرح حدا
بالنسبة للصراحة مع الشريك
ان كان حب أو ارتباط
أكيد لما راح يسألني ماراح اجي وقلو دج
أكيد كنت بحب حدا قبلك
وكذا ومابعرف شو
راح يكون في أسلوب معين
وهذا أكيد بعد ما كون وثقت فيه أو عالأقل عرفت طريقة تفكيره وتفهمه لصراحتي
وطبعاً كان دمك خفيف
مممممم
ولا أحلى
وبقلو لغيوث سلامة عقلك شو يطير
طولو بالكون بصير عنا اتنين عالعصفورية
وسيد نبيلو حلو مايكون عندك شي مخبى
وأنا بحيي شجاعتك
بس مو من مبدأ مابيفرق مع حدا
يعني برأي الاحترام هو الأساس بأي علاقة
تحياتي

زائر

الكل أتفقو أنو الصراحة أهم شي وأنو لازم نحكي كلشي للشريك و
وهاد صح
بس كمان برأيي لكل علاقة خصوصيتها
واحيان في أشياء لازم تتخبى بكون أحسن
طالما مرقت وخلص ماعد ألها وجود بحياتنا
فذكرها بس رح يعكر بدون فائدة
هاد رأيي
تقبلي مروري بعد شكري لألك علموضوع

وسيد نبيلو حلو مايكون عندك شي مخبى
وأنا بحيي شجاعتك
بس مو من مبدأ مابيفرق مع حدا
يعني برأي الاحترام هو الأساس بأي علاقة
مااااااااااااااررررررررررية
انا معك يمكن فهمتيني غلط
اكيد لازم يكون في احترام بكل شي
مو بس بالعلاقة
بس قصدي انو ما بتفرق معي شي
من الي عملتو بالماضي
يعني ما عملتشي وندمت علي
ولازم تعرفو البنت الي بدا تصير زوجتي لكل العمر
ما لازم خبي عنا شي
حتى لو بيادي لفصل العلاقة ما عندي مشكلة
بشكرك انو قريتي ردي
مشكورة لوليتي
موضوع نقاشو ما بيخلص
ههههههههههههه

اي يا ستي ما انت انا اكتر شي بالدنيا بحبو هو الصراحة
ويلي بيعرفوني بقولو عني صريحة زيادة عن اللزوم
بس ما بقدر ما كون هيك لاني تعلمت كون هيك
وعشت حياتي هيك
وبقلك بصراحة خسرت كتيييير اشياء غالية علي بصراحتي الزايدة
بس انا ما لي ندمانة واذا رجعت لورا وقالولي بتتغيري شي
بقلون لا انا هيك يلي عجبو يحكي معي
ويلي ما عجبو لا يحاكيني بصراحة
واكيد اذا حبيت واحد لح قلو عن الماضي كلو بدون كذب
لان اولتا واخرتا لح يبان الكذب
قد ما داريتي وقد ما عملتي
وانا بنصح يلي حولي يكونو صريحين بكل الامور
وما يخبو شي
خاصة بالامور يلي بتتعلق بالزواج لازم الواحد يعرف
عن البنت كل شي
لان لح تصير مرتو ومو طبيعي ضل طول عمرها عم تكذب عليه
واذا ما تفهم خلص بكون هاد كذاب
لانو الكذاب هو يلي ما بحب الصراحة
وانا ما عندي شي مخبا ومستعدة اي واحد بيسالني اي سوال بجاوب بصراحة
وحتى ما بتردد ابد
اسفة اذا طولت عليك
بس حلو هل النقاش ونورتي المنتدى بحضورك يا شمعة

زائر

ممممممممممممممممممممممممم
صح حكيك عبير إنو يلي فات مات
ومافي داعي نفتحو
بس بركي الشخص يلي رح ترتبطي في سألك سؤال مباشر
إنو كان عندك علاقات سابقة بحياتك أو لا؟؟!
وقتها شو رح تعملي
أنتي وقتها امام خيارين يا الكذب يا الصراحة!
وقتها شو بتختاري؟؟؟!!

انا شخصياً مع الحكي يلي قالتو مارية قلباً و قالباً
وكتير عجبتني طريقة طرحها للفكرة بإنو لازم تكون بأسلوب
بعد ما نعرف الشخص يلي بدنا نصارحو شو طبيعة ردة الفعل عندو

هههههههههه وبقلك مارية ما تخافي لسا فيني شوية عقل..بس بوزعو ع بلد

شكرا لألكن كتييييييييييييير
بس حيرتوني بأراكن كلكن كنتو متفقين عل صراحة
طيب شي حلو نحن البنات نكون صريحين
بس ياشباب
اذا البنت كانت صريحة وقالت لشب عندي معارف وليييييييييييييييييييييييييييييييييييي شو بيعمل كل مكالمة بيصير يقول وين انتي ومع مين
واذا قالتلو لبنت بل بيت يا لطيف شو بيرتاح
المشكلة أنو الشب عنا رجل شرقي
وحتى لو درسناه منيح وعرفنا طباعو لازم ما نكون كتير صريحين معو
الرجل الشرقي غير
ونحن اذا عم نحكي عن الصراحة لانو نحن الجيل هون بل منتدا بنامن بل صراحة
وبنأمن بل حرية
وحرية افكارنا ويمكن يلي ساعدني بل نسبة لألي حرية اهلي واعطاءن حريتي بس في خطوط حمرا طبعا
بس لما بنطلع عل مجتمع لفئات عمرية أكبر هون المشكلة
أنا مابدي اتزكر لماضي لانو حلفت ما أكترث فيه بس محمد ماكان يقبل فكرة رفقات شباب
طيب ليش حلال عل شباب وحرام عل بنات
واذا البنت طلعت مشوار مع الشلة يا عيبو بس اذا الشب طلع ياعيني
يا شباب الصراحة حلوة كتير
بس المشكلة أنو المجتمع والاخرين ماعم يقبلها
ولنحكي من الواقع اذا الشب يلي بدو يرتبط بل بنت اذا التلو كنت بحب غيرك ولييييييييييييييييييييييييييييييييييييييي
شو بيعمل

يعني عوجى مافي حل
بس وحياتكن يا شباب
أنا مابتفرق معي واذا يلي بدي ارتبط فيه ما عندو ثقة بحالو مشكلتو مو مشكلتي

سلام
مشان الله الحل
يا شباب

زائر

هههههههههههه
أول شي لولو إسمحيلي عبرلك عن إعجابي الشديد بطريقة طرحك للفكرة و مناقشتك لألها
عوجى لكـــــن
هههههههههههههههههههههههه
الله يسامحك

اوك
أنا معك
رجال هالمجتمع ما بيقبلو يكون عند البنت يلي بدهم يرتبطو فيها أصدقاء شباب بمعنى إنو تطلع و تفوت معهم
وانا واحد من هالشباب بصراحة
و 100% من الشباب سواء كانو شرقيين أو غربيين او من الأسكيمو بأكدلك بيغارو ع الشخص يلي بحبو
وبيتمنو يكون إلهم
انتي مثلاً لولو ما بتتمني يكون الشخص يلي بتحبي إلك و بس
وما يكون إلو لا رفقات شباب و لا بنات
أكييييييييييييد أي
بس متل ما قلتي ليش البنت لما يكون عندها رفقات شباب ياعبيبو و الشب برافو
هون المشكلة وهون التناقض
وهالتمييز مالازم يكون موجود بين الرجل و المرأة
والرجل نفسو لازم يحترم حالو و يحترم الشخص يلي بحبو و يخفف علاقاتو بعد الزواج
وبالنهاية نحنا عايشيين بمجتمع شرقي وإذا كان في ثقة و تفاهم بيناتهم ما بظن يصير مشاكل
هي بالنسبة للصداقات

بالنسبة للموضوع يلي كنا عم تنتاقش في بالأول
الصراحة عند البنت ضرورية
أنا مثلا وقت بدي اخطب حاطط إحتمال 99% البنت يلي بدي أخطبها نكون عرفت حدا قبلي
قلييييييييييييييييييييييييييييل كتير لتلاقي بنت ما حبت شب بمرحلة المراهقة
وصدقوني هاد النوع من البنات بيبين عليهم من تطليعتهم و أسلوب حكيهم
مو عيب البنت تكون حبت لأنو حتى الشباب حبو ومرو بتجارب سابقة
فكركم الشب بيروح بيخطب بنت بيكون مو حابب عشرة قبلها!!!!
بس منوقف عند نقطة وهي طبيعة هالحب كيف كان
وطبيعة التنازلات يلي قدمتها البنت للشخص يلي حبتو
ووقتها الشب بيقرر يا بيستمر بعلاقتو مع الإنسانة يلي حبها يا لا
في حال لا ما كان في نصيب بكل بساطة
أنا ضد إنو نخبي ع الشخص يلي منحبو شي من الماضي ولو إنو خلص ما عاد يرجع
وكــــل هاد اكيد لازم يكون بأسلوب

أســـــــــــــــــــــف مرة تانية ع الإطالة

عادي غيث مافي اطالة
ومشكور بس للتوضيح
ياشباب في خطوط حمرا البنت مالازم تتنازل عنها ابدا
والصراحة ضرورية
وأنا مع الصراحة
بس ليش لما بنحكي للشب الصراحة ماعم يتقبلها
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زائر

ومين قال إنو كل الشباب ما بتتقبلها
انا واحد من الشباب يلي رح أنصدم إذا قالتلي البنت يلي بدي أخطبها ما حبت حدا قبلي
يعني بكون مهيئ حالي نفسياً لهالموضوع

ومو كل الشباب متل بعضها
وانا البنت يلي بدها تشاركني حياتي و ما بتكون صريحة معي بكل جزء من حياتها متل ما أنا رح كون صريح معها
رح تنزل من عيني

غيث انا مع لوليتي
لان مواقف كتير صارت معي من ورا الصراحة
ولحد الان انا صريحة
بس المشكلة يلي بعاني منها
انو الشب ما بيفهم
هو بحبني كون الو وبس
وانا بحب يكون الي وبس
متل ما انا تنازلت هو لازم يتنازل كمان
بس هي ما عنا ياها
انا اشب وانت البنت
قال يعني هو رجال وما بيعيبو شي
بس لهلا انا مع الصراحة قلبا وقالبا

زائر

طيب أوك معك انا ريانا بهالشي
والله محي الثابت ع واقفو
هههههههههههه

بعررررررف إنو مافي شب رح يرضى تكون البنت يلي بتحبو عندها رفقات شباب و تطلع و تفوت معهم
بس بتعرفي شو حل هالمشكلة بالنسبة إلي
بكل بساطة بساويها فيني
متل متلها
انا بخليها تخفف علاقتها مع رفقاتها الشباب و بنفس الوقت بخفف علاقتي مع رفقاتي البنات
وهيك بصير سعري بسعرها

زائر

هلق انا بالنسبة الي بفضل الصراحة كتيييييير
ولو كانت بتجرح بس احسن ما يحس واحد من الطرفين انو الطرف التاني كزب عليه
لانو مجرد ما حس هيك ما عاد يأمنلو مرة تانية
و الصراحة بتصير وقاحة برأيي وقت بتكون عم تجرح انسان
او تنتقدو بطريقة بشكل غير لائق
مشكووووورة

زائر

بدي رد عسؤالك غيث
أزا صار ونسألت أني حبيت قبل أو لا فأكيد رح جاوب بس بأسلوب
يعني
مارح قول أنو قضيت بحب وفشل وبعدني بحبو ومن هلحكي
لأن اصلا بكون راح هاد بالحب بحالو
لأني معك أنو شوي صارت صعبة أنو الشب يصدق اصلا أنو البنت ما مرقت بتجارب حب قبلو
أما بلنسبة للوليتي
الشباب يلي مخهن مفتح كتير قلال من جهة رفقة حبيبتن
يعني أنا برأيي الغيرة هون شوي ما ألها طعمة ومتخلفة
يعني كأن عم يطلب من حبيبتو تلغي ماضيها وكلشي عرفتو قبلو
وهون بتبلش تفكر البنت بعدم الصراحة وبلتهرب من السؤال قدر الأمكان
متلي يعني موضوع مالو عنوان انتو حرين بل عنوان Icon_wink

زائر

شكــــراً كتير عبير ع جوابك
وبرافو عيلكي كلامك كتير عجبني
الصراحة كتير مهمة بس الأهم الأسلوب يلي بدنا نصارح في
نفس الإعتراف يمكن ينقال بطريقة حلوة و ما ينفهم غلط
ويمكن ينقال بطريقة ما حلوة و ينخرب كلشي

أنا ما حبيت أخر فقرة بكلامك يلي بيبرر للبنت إنو تتهرب من قول الحقيقة
ما بدنا نكذب ع بعض
الغالبية العظمة من الشباب بيغارو ع البنت يلي بدها تكون شريكة حياتهم من رفقاتها الشباب
وهاد حقو..وهالغيرة ما بتبرر للبنت بنوب إنو تخبي ع حبيبها أو خطيبها أيا شي
ولازم تكون صريحة معو لأبعد الحدود حتى يثق فيها
متل ما قلت وقت بدي أتجوز إنسانة رح ساويها بحالي
اكيد هي ما رح ترضى يكون عندي رفقات بنات بالشي الزايد عن حدو
وبالتالي أكيد أنا ما رح أرضى يكون عندها رفقات شباب بالشي الزايد عن حدو
وهاد بيختلف من شخص لتاني
بالنسبة إلي الشي الزايد عن حدو إنو يحكو كل يوم شي ساعتين تلاتة و أنو يطلعو ويفوتو سوا لحالهم
وفي كم نقطة تانيات شرحهم بطول شوي

آراء حلوة كتير وعقولة نبيلو اللي بتمنى ماكون دايقتو
ماراح يخلص النقاش
هلئ برأي البنت راح تحكيلو للشب مو كلشي بس المهم بالعلاقة السابقة وهذا بعد ماكون سلمته روحي
وعأساس هو شي مثالي وأوكي حبيبتي هذا شي مضي وراح ومابعرف شو
وبعدين راح يبلش ساعة
هيك كان يقلك
لهون رحتو
لهون اجيتو
وعلى هالحالة
يعني الشب مابيلبقلو الصراحة
لاتزعلو
بس حتى في بنات بزودوها
متل الخيانة بعد الزواج المرأة راح تسامح عالأغلبية
أما الرجال فعالأغلبية
راح يصير انفصال وطلاق
يعني الصراحة مهمة كتير مع الشريك
بس ثمنها غالي ويمكن أغلى من هذا الشريك ذاته
تحياتي

زائر

هههههههههههههههههههه
والله الهيئة ما رح يخلص هالنقاش يا مارية

هههههههههههههههههههههههههههه
قلتيلي الرجال ما بيلبقلهم الصراحة
المشكلة مافيني رد عليكي لانو حكيك صح
بس بالنهاية الخيار الصحيح هو إنو نكون صريحين مع شريكنا حتى لو ماااااااااااااااااااااااا بيلبقلو نكون صريحين معو لأنو عواقب الكذب رح تكون وخيمة في حال أنكشف

وفي كلمة كتير حلوة و قلتيها إنو الصراحة تمنها غالي
وهيك يا جماعة الخير نحنا بين خيارين
يا نقول الصراحة و ندفع تمنها الغالي يلي قالت عنو مارية
يااااااااااا الكذب و يلي تمنو إنعدام الثقة بأحسن الحالات في حال أنكشف
وأنا شخصياً بفضل الخيار الأول

وأنا معك أكيد بالخيار الأول
الصراحة لأنه مافي شي
الانسان بيحصل عليه الا وبيدفع ثمنه
رغم انه بأكثر الأوقات عم يكون الثمن أغلى من الشي اللي عم نحصل عليه
وهيك ممكن تنتهي القصة وانت مرتاح ضميرك رغم انه الشخص التاني ممكن يجرحك
بس أفضل ما تطلع من الموضوع وانت حاسس حالك كذاب
وأنا صارت معي بالحالتين
يعني مرة كذبت على شخص وفقدته
ومرة صدقت مع شخص وماقدرت احصل عليه
بس بالنهاية
أيقنت انه الصراحة أفضل لكون أنا ذاتي مارية مو شخص حورته الدنيا والناس الشاذين

زائر

الله عليكي يا مارية
بالفعل كلام بيتقل بالدهب
خلص من هلئ و رايح ما عد رد ع هالموضوع
رح تكوني أنتي اللسان الناطق بحالي
ههههههههههههههههه
ومنو بصير انا بريح حالي من الكتابة

عنجد أنا بالنسبة لرأيك الأخير ببصملك بالعشرة
لأنو كل كلمة و كل حرف حكيتيهم بينكتبو بأحرف من دهب

غيث بيك بسطتني كتير
لكون لسانك الناطق بس مو لريحك من الكتابة
لأتأبدعلنا بشي تاني
ماتصدق
رأيك بهمنا وبأتحفنا كمان
مشكور عزيزي

زائر

تســــــــــــلميلي يا مارية

وشكــــــــراً كتير ع هالكلام الحلو

شو مشان مستغيبيني ونازلين دبح وشد شعر وضرب كفوف
ههههههههههههههههههههههههههههههههههههه
هلق ردودكون كتير حلوة
والكل بالنهاية اتفق على الصراحة الا عبير
هههههههههههههههههههههههههه
ما بعرف
بس بالمختصر المفيد
كلمة لكل البنات اذا بدك تحبي واحد ما بيفهم ومو متحضر ومثقف وبينرعب اذا كان الك علاقة قبلو
بلالك اياها وخليكي ببيت اهلك معززة مكرمة احسن ما تنجرحي وتنهاني ببيت شخص ما بيستاهلك

وكلمة للشباب اذا ما بدك تهدا عاد وما تضل من بنت لبنت احسنلك ما تفكر تتزوج لانو ما رح يمشي حالك ورح تتعذب كتير
وضميرك يانبك اذا عندك ضمير

وبنهاية هالمسلسل الحلو كتير
شكرا لولو
وانشاء الله تكوني قدرتي تفهمي شي من الي حكو هالاعضاء الحلوين

الحمد الله مشكورين

» مشان موضوع اللغة الاجنبية لطلاب السنة الثانية ومشان موضوع التقديم من 100
» الصدق كفر فاياكم اعتناقه ........شو رايكم انتو
» يلي مالو حظ لا يتعب ولا يشقى..