نقاش جاد ... الحب والدبن ...عطينا رايك ؟؟!!!

صح غيث كل كلمة التها صح
بس ياترى
هي البنت او هاد الشب رح يشوفو وجهة نظرن هي صح
بتعرف ليش
لانن ماعندن منطق
المنطق الوحيد يلي سمعتو منهن باسلم
بس ياترى الولاد وعفرض اسلم الاب على اي دين رح يكون؟

قبل ما احكي رأيي
بدي أسأل سؤال في حرية شخصية ولا لأ؟
اذا كان في حرية فالأمور بخير
اما اذا ما في حرية فهي مصيبة
اما رأيي بالموضوع
انو ما لازم نحب من غير دينا
لأنو نهاية هل العلاقة الفشل
هاد الحكي من تجربة شخصية عشتها
مشكور على الموضوع الجريء

هلق الموضوع هام كتير ما ختلفنا و انا بحترم كتييير اراء الشباب اللي علقوا على هالموضوع بس انا رح قلكن كلمتين كل الشغلي شغلة عادات و تقاليد وكلا ما كانت من اصلا يعني التخلف رافقنا من عصر الجاهلية لهالوقت يعني عنا شوية هالتخلف و فرحانين فيه انو بدن يخلصونا ياه و مو عرفانين كيف
لان وقت هالعادات و هالتقاليد و هالتفرقة المذهبية و الطائفية رح تقتل او تحكم على اي حب بين اي شخصين من طائفتين مختلفتين بالفشل و بالموت حتى قبل ما يعترفوا لبعض لان و بلا لف و دوران انا عرفان انو 100% مين من كان شب ولا بنت اول شغلة بيسالوا عنا اذا عجبن شي حدا هاد شو دينو او هي شو دينا فيعني هي شغلي متجذرة فينا و ما حدا يقلي انو لا انا ما بسال هيك و انا ما بفكر هيك كلنا بنعرف انو هاد غلط انو التفرقة بس متل ما قلتلكن شغلي مشت معنا من عصر الجاهلية اي غير ربكن ما بيغيرا او في حل تاني كل الطوائف تعطي للطوائف التانية يعني تسمح بالزواج من الطوائف التانية و هالشي اي لا هلا و لا بعد 100 سني رح يصير ما بدنا نضحك على بعض ما فيك تغير تاريخ و تقاليد ماشيين عليها من مئات السنين فاسمحولي عادات و تقاليد فاشلة جدا و متخلفة و ما حدا يقلي سال حدا اكبر منك او لو انك قرات بالكتب و المراجع و و و .........الخ رح تغير رايك نحنا اول شغلة مانا صغار و انا زلمي بفهم بالمنطق يعني حكيني منطق و كل هالشي اللي عم يصير من تفرقة غلط بغلط بس خلوها على الله هي مشكلة بدها تنازل من كل الطوائف و ايد وحدي ما بتزئف يعني متل سفيني تاركا بهالبحر و مافيها شراع اي غير ربك ما في شي بخليها تمشي فمتل ما قلتلكن خلوها على الله و رمضان كريم

مشكور عالموضوع بس انابرايي الخاص
نحنا كلنا شعب واحد باختلاف الاديان وكلنامنحب بعضنا ومنحكي ومنتعامل مع بعضناومنحب بعضنا بس وقت الزواج بتصير الشي خصوصي بمعنى بيحبو بعضا وبيتزوجو بس بعد الزواج بصيرمشاكل كتير وبيصير كل واحد فين بيحاول يعمل التاني متله وانو هو الاذكى وبتبلش المشاكل لان الحب والمثاليات بتختفي بعد الزواج وبيصفى الواقع والحياة واللي بيجمع الزوجين هو الاطفال بس الولاد متل مين بدن يطلعو وهون بتبلش المشاكل بين الزوجين لانه كل واحد بينن بيحاول يساوي ابنه متله وان افترضنا تفاهمو قبل الزواج على هالامور الاطفال بعدين بيصيروا بحيرة وبيحسو حالن ماعم يعرفو مين يقلدوا وهاد كله على فرض الاهل موافقين اما اذا الاهل لا فاذا ماتفاهموا الزوجين مابيلاقواحداكبير يرجع يجمعن يعني البنت اهله اهم شي عندها لانه كتير بيساعدوها وخصوصي الام اما قصة بحبه ومابحسن اتركه صعبة بس هيك الحياة لازم ندفع تمن لقراراتنا احيانا يعني بالمختصر البنت ماتزوج الامتلها بس اكيد نحنا كلناشعب واحد مابيفرقناشي ابدا
وشكرا

في متل عنا بيئووول يلي بياخد من غير ملتو بيمووت بعلتووو

هيك المتل بيئول وانا بنسبة ئلي ماجربت وان شالله مااجرب

لانو المجتمع يلي عايشين فيه صعب يتئبل هيك شي

غير المشاكل ووجع الراس يلي بدو يجي من الاهل


مشكور كتير موضوع بيستح نقااش

شكراً عالموضوع
أنا ضد الحب من دينين مختلفين لانو نهايته اكيد مو الزواج واذا كانت الزواج ففيه تعب كتيييييييير وتنازلات كتييير يعني كل واحد من الطرفين بدو يتنازل عن كتير شغلات ورح تصير كتير مشاكل عن نظرة المجتمع وعن الأهل وعن الاولاد وأصلاً الاديان ما بتسمح بهاد الشي
أما بالنسبة للحب بين طوائف مختلفة هلء ممكن يصير بس أنا ما بحبذه لانو 90% من الزواجات بتكون فاشلة لعدة اسباب وأهمها العادات والتقاليد يلي ما حدا فينا بيقدر يتخلى عن شي فيها .

هلأ في وحدة من دين ثاني و من جنسية ثانية معجبة فيني ...

طبعا هي ما قالت شي ، بس أنا حاسس .

هلأ أكيد ما رح اتزوجها !!!
شو قولتكم اعمل خبرها إنو بس رفقات لما خلص طنشها ...؟!

والله باابواسامة برايي الخاص طنشها لان الداقة قدتولد حب وانت بتستاهل اروع

وتعجز الكلمات عن الوصف

شكرا أصدقائي ياقوت و نور

جواباتكم كتير حلوة ، و أنا بعرف حالي إنو بستاهل وحدة غيرها و مثل ما قلت من قبل : أنا مو مشان زواج و ارتباط ...
شو مفكرين و الله الماميتو بتروحني ما قلها بدي اتزوج من وحدة مو سورية , (لإني جربت من أول ههههههه)

و كلامك كتير حلو آنسة نور ، و أنا الحمد لله عندي خبرة بهي الأمور ، و بحاول ما اتطرق للأمور الدينية .
بس من ناحية ديني لح ضل محافظ عليه ، و في احتمال أقنعها بالدين الاسلامي ، وخاصة نحنا ببلد عربي و مظاهرو اسلامية . فهدا شي بيساعد .

من جانب آخر : البنات العربيات عنا بشكل عام مو بس سوريا ، كتير شايفين حالهم على شو مابعرف .
حتى إذا شب بدو يسلم عليها أو بدو يحاكيها ، بتطلع عليه بالعالي ، أو بتطنشو ، هي إذا ما سمعتو شي كلمة .!
ولا حتى بتحاول تسمع شو بدو يحكي !!! أنا ما عم قول تصير فلتانة بس ما بعتقد إذا حكت البنت مع الشب باحترام لح يطلع عليهم حكي ...!!!

وفي حكي كتير بتمي بس مالح طالعو هلأ ،
للعلم الحياة عم تتغير و الأفكار عم تتغير ، انتبهوا كتير .
الحكي يلي عم احكيه بيعبر عن 80% من أفكار الشباب المغترب .!!!

وأنا كتير بتمنى إنو نرجع بالزمن للخلف ، لأن الوقت الحاضر عم يضر فينا من الناحية الاجتماعية .

اخي , من وين لوين حتى يسلم عليها ؟؟؟ اختو ولا امو ؟؟؟؟

طبعا اذا بدو شي منها اي مساعدة بيطلب منها باحترام وهي اكيد رح ترد عليه وما رح اتطنشوا

الغريب بالموضوع انو الشباب بيحكو عن شوفة حال البنت وهنن اذا شافوا اختهن عم تحكي مع شب بقيموا القيامة ..

بقى مين بدو تصليح ؟؟ الشباب ولا البنات ؟؟

كلام كتير جميل آنسة نور ...

نوع الشباب يلي عم تحكي عليهم ، يلي بيقيم القيامة على اختو إذا حكت مع حدا هاد بعتبرو الإنسان يلي بشك باختو .!!!
هي إذا مو هو بالأول بيتسلى و بيصير بيضيع وقت مع كزا بنت ... فبيصير بشك باختو و ما بيثق فيها .

أما إذا كان بيعرف اختو على شو مرباية ، و محافظة على حالها و دينها ، فما لح يعصب مثل ما قلتي .

و بعيد كلامي مرة ثانية :
وأنا كتير بتمنى إنو نرجع بالزمن للخلف ، لأن الوقت الحاضر عم يضر فينا من الناحية الاجتماعية . بس للأسف !!

لأني مقهور على الوضع يلي نحنا فيه ...و إن شاء الله يكون مفهوم كلامي .

نعم افهمت ...

/مشكوووور نبيلو عالموضوعالرائع
هلا بالنسبة لموضوع الطوائف حلو كتير انك فتحتو وانا منالناس يلي عانيت من قصة الطوائف وخسرت اخر الشي كمان
بس مارح اقدر جاوبك فيه لانو اذا بدي احكي بدي فش خلقي وانفجر ويمكن حدا يتحسس او ينزعج بس هو بالنهاية موضوع الطائف شغلة بالية ولاتحمل الا معنى واحد وهو الحقد المتخفي او الظاهر وموضوع انو مابنعطي منغير طائفة بيسبب حساسية او هو الوحيد يلي صفيان عم يسبب حساسية بين الطوائف لانو باقي الاختلافات بظن انو اليوم كلها تجاوزناها بشوية تسامح وشوية استيعاب اما هاد الموضوع الوحيد يلي ما عم نقدر نتجاوزو رغم انو هو اكتر شي عم مشاكل وصراعات بين الطوائف وبظن انو لازم يلتقى حل لهل الموضوع لانو بيسبب شرخ ونزاع وصراع بين الطوائف الشي يلي بيأثر على المجتمع
اما بالنسبة للحب والدين بشكل عام اخي نبيل
دائما في شعرة صغيرة بين الصح واخطأ
وهادا الشي بينطبق ع الحب
انا برأي الشخصي الحب مو غلط او حرام بالدين بس بالحب تحديدا هي الشعرة يلي بين الصح والخطأ بالحب تحديدا هي كتير رفيعة ودقيقة وسبب الدقة بالموضوع انو المتحابين يصعبعليهما التفكيربالصح وبالخطأ لما يحمله احب من نسمات رائعة ولحات مليئة باعواطف الشي يلي بخلي الانسان يعطي اجازة لعقلو ويلح رغباتو وعواطفو دون ان يشعر يعني كانو المتحابين عم يركبو بزورق ويجذفو وبالمياه يختلط الصح مع الخطأ قد يكونو قريبين من الخطأ
يعني بالاجمال هو لايخلو من الشوائب الصغيرة قد ماكان الحب بين الحبيبين عفيف وعذري وما الا ذلك
والخأ اجمالا قد لايكون محرمات او حرام قد يكون مجرد تقاليد صارمة و بالئة بحكم انو نحنا عايشين في مجتمع شرقي تحكمه العادات والتقاليد الجيدة والسيئة
العادلة والالمة

وشكرا نبيلو علىهالموضوع الراااااااااااااائع متلك
وربي ديمك بيناتنا

حياتي كلــ نور ــها لله كتب:

اخي , من وين لوين حتى يسلم عليها ؟؟؟ اختو ولا امو ؟؟؟؟

طبعا اذا بدو شي منها اي مساعدة بيطلب منها باحترام وهي اكيد رح ترد عليه وما رح اتطنشوا

الغريب بالموضوع انو الشباب بيحكو عن شوفة حال البنت وهنن اذا شافوا اختهن عم تحكي مع شب بقيموا القيامة ..

بقى مين بدو تصليح ؟؟ الشباب ولا البنات ؟؟

اختي نور حكيتي حكي حلو وسالتيسؤال احلى
انا بنظري لا الشب بدو تغير ولا البنتبدا تغير من ناح قومة القيامة في تقاليد معينة بتحكمنابيجوز خلصوقتا بس هاتقاليد نحطت لتحمي مجتمعنا الشرقيالمحافظ وتحمي بناتنا