مايك المنتدى

موضوع: مايك المنتدى الأحد مارس 20, 2011 10:26 am

- مايك المنتدى

مايك المنتدى

لكــــــل عضو .. صوت .. لابد أن يـُـــــــــسمع ..

ونحــــن كأخوة .. هنا .. في :+:منتدى معهدنا:+:

من واجبنا .. أن نستمع لبعضنا ..!

+ ومن هذا المنطلـــق +

برزت فكـرة " مايـــك المنتدى "..

لذا .. سيحــق .. في كل يـــــــومين ... لعضو واحـــــد فقط

أن يتملك المايك .. ويفصح من خلاله .. عما يريد قوله ..!

قواعـــــــد المايك ..

1) للعضـــــــو + صاحب المايك + :

لك أن تقول ما يحلو لك .. ( قصة ++ تعرف بذاتك لنا ++ او اي شي يتناسب

وطروحات منتدانا المحترم** ) ..

ولكن الأهم أن تبدي رأيك اولاً في المنتدى

تالياً في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلـــــــهم ..

فشعارنا هنا .. ((مــن قــدك المايك بيدك ))

2) للأعضــــــاء

عـــــدم مقاطعة العضــــــو بالردود " يعني .. ممنوع أي أحــد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

وذلك لإعطاء حرية أكبر .. للعضو .. في قول مايريد وبدون بلبلة .. أو " دوشه " ..

لأنه مدة استلامه للمايك يومين فقط ...كما ذكرت سابقا ....

مـــــــلاحظــــة:

على العضو بعد إن ينتهي من المايك أن يسلمه لعضو آخر

وإن يرسل رسالة خاصه له ليبلغه بذلك .. وهكذا
سنبدأ بالعضو أو المشرف

إستلم مايكـ المنتدى ولا تنسى إختيار العضو الذي سيليك ولكن بعد يومين
وانا بالنسبة ئلي بختاار ابوو اسامة

موضوع: رد: مايك المنتدى الأحد مارس 20, 2011 1:01 pm

وليييي على بعضي ...

شو هالوقعة هي ! أنا معي المكرفون (المايك) !!!

غلطي يا ملاكي و عطيتيني المايك ، أنا ناقصني مشاكل !

خليني ساكت أحسنلي و أحسنلكم ، بعرف في ناس عم تحكي من ورايي !

على كل حال ، ما لح احكي كل الحكي ، أصلا ما بيخلص بيومين !!! ههههههههههههه

بس الشغلة سهلة و بسيطة باينتها ، إذا قصة في عندي قصص ماشي حالها ، ومن ناحية التعريف بحالي .
مممممممممم هي بدها دراسة مع إنو في بعض الأعضاء شافوني و تعرفو علييي و أنا حبيتهم كلهم .

اي مين قدي المايك بيدي ....

ألو ... ألو .... ألووووووووووووووو

سمعانيني ، واحد واحد واحد
اتنين اتنين اتنين

يالله اليوم اشتغلت الإذاعة بكرة منبلش بش ... هههههههههههه

والله يا ملاكي عليكي مواضيع ، ما بعرف شو بدي قول عنها ، بس ملعوبين .

بسم الله الرحمن الرحيم

نبدأ بثنا اليوم بالنشيد العربي السوري : حماة الديار عليكم سلام .. أبت أن تذل النفوس الكرام ...(كملو لحالكم)

بعدها نقف دقيقة صمت على أرواح شهدائنا الأبرار ....

شكرا ، تفضلو .

السلام عليكم عزيزاتي أعزائي الأعضاء ,

معكم محدثكم أبو أسامة (26 عاما) من مكتبه في الإمارات الشارقة المنطقة الحرة للمطار في الصحراء الرملية داخل هنكار مغلق دون نوافذ يجلس و برفقته زميليه الباكستانيين الناطقين باللغة ( الأوردو ) الغير مفهومة .
الغرفة مكيفة دائما على درجة حرارة 24 مئوية .
أحدثكم الآن و أنا أشرب فنجان القهوة التركية مع قطعة بتيفور .

إليكم : قصة دخولي على المنتدى كانت بالصدفة البحتة ، عن طريق أحد زملائي الذي كان يحمل مادتين و لم يتخرج بعد .

فأصبح يدخل على هذا المنتدى من أجل أن يعرف أوقات الإمتحانات و يطلع على أخبار المعهد .
وأنا أيضا صرت أدخل و أقرأ المواضيع و أرى التعليقات و أعمل بحث ، حتى أحببت المنتدى و أحببت الأعضاء المتواجدين فيه .
على الرغم من عدم معرفتي بأي شخص إلا أني شعرت بسعادة بالتعرف على الأعضاء و مشاركتهم المواضيع.
و على وجود أناس أتراسل معهم من بلدي الحبيب سوريا ، وأنا بعيد عنها ، و خاصة أن المعهد التجاري هو معهدي بالسابق و أنا خريج منه .

إذا أردت أن أعد أسماء الأعضاء الدين أعرفهم و الذين تعرفت عليهم أعتقد أني سأحتاج إلى مايقارب 10 صفحات ، طبعا مادحا صفاتهم الحسنة و كلامهم و معاملتهم الرئعة .

طبعا بفضل إهتمام الإدراة (أستاذ رجائي و مساعديه ) أصبحت مشرفا على القسم الثقافي
وأنا جدا سعيد بالتعامل معهم و مساعدتهم في تطوير المنتدى .

ملاحظاتي :
بالنسبة للأعضاء الذين يقومون بانزال المواضيع الرجاء متابعة مواضيعه و الرد على الأعضاء و خاصة إذا كان هنالك نقاش حول مسألة ما .

محاولة الأعضاء التخفيف أو التقليل من الرسوم و الأصوات و مقاطع الفيديو التي تأخذ مساحة ووقت في تحميل الصفحة مما يصعب الأمر على الذين سرعات الإنترنت عندهم منخفضة .

مثل ما قلت في البداية ، أن المنتدى ليس فقط ترفيهي ، فالأعضاء يحاولون قدر الإمكان مساعدة زملائهم الذين يبحثون عن معلومة أو استفسار قدر الإمكان .

بالإضافة لمتابعة المذاكرات و الإمتحانات التي تفيد أكبر عدد من الزوار و الأعضاء .

ولكم جزيل الشكر إذا اتبعتم هذه النصائح .

أخيرا :

أرجو من الأعضاء و الإدارة إذا كان هنالك مشاحنات بين بعضهم أن يعفو و يصفحو عن بعض .
نحن هنا لمساعدة بعضنا البعض .
و أعرف و حدثت معي : أن الكتابة لا تعبر تماما عما داخل الإنسان ، و لربما تفهم خطأ دون قصد .
فإذا وجدت كلمة أو عبارة لم تجدها مناسبة من قبل أحد الأعضاء أعطه نصيحة و افهم منه ما يريد شرحه ،
قبل أن تتخذ أي اجراء ضده .

إذا كان هناك أحد الأعضاء مزعوج مني أو من أحد تعبيراتي أن يرسل لي رسالة و أنا جاهز وسوف أعتذر في حالة كنت مخطئ.!!!

و أحب أن أشكر كل من التقى بي ، و كل من يراسلني ، و كل المحبين .
و أتمنى للجميع التوفيق و النجاح بعون الله .

مع كل المحبة و الشكر
أخوكم أبو أسامة ,

عـــــدم مقاطعة العضــــــو بالردود " يعني .. ممنوع أي أحــد يرد ..
على الموضوع .. قبل مايقول

العضو اللي معه المايك .. (( انتهيت ))

ومن بعدة الكل يقول رايه

و حسب قواعد الأنسة ملاكي بالموضوع :
أقول ( إنتهيت ) و إن شاء الله ما كون نقصت شي

و يلي عندو رأي ، يعطينا رأيو مشان نتشاور مع بعض .

و أسلم المايك للزميلة SUCCESSFUL GIRL >

درر.درر
هيييييييييييييييييييييييييييييييييييييييي

شوو هااد ياابو اسامة

اذااعة اف ام موهيك ههههه

بتشررفناا بمعررفتك ..............

وعنجد كاان كتير حلو افتتااح المووضو ع فيك

ماشاالله عليك مو منئس شي

واكيد الحكي مابينتهي بيوومين

بس مابيمنع انو يااخدنا ابو اساامة معو ع جووو هههه

امممممم ماعندي اي تعليق على كلامك االا انوو كلام موزون ومتئن متل صااحبووا

وتحيااتي ئلك وبتشكرررك كتيرررررررر ع المشااركة المهدوومة والممتعة

ودمت ذخرا لهذاا المنتدى

حلو كتير أبو أسامة
يعني لما قلت عنك دبلوماشي ما كنت غلطان
كلام راقي من شخص مو غريب الرقي عنو بنوب
و بعتقد جمع بين المزح و الجد بطريقة حلوة و مو بعيدة عنو
بهنيك أبو أسامة طريقتك زكيه كتير لتوصل فكرة حلوة للبعض
من اللي ببالك و ببالي !!!؟؟؟ و بالنهاية تشرفنا بمعرفتك حب و إنت
من الأعضاء الرائعين عنجد و الله يديمك شريك لأنو إنت مو بس الملح تنبع
المنتدى لا إنت الزيت و الأكلة و الملح و البصل كمان
هههههههههههههههههههههههههههههههههههه
حبيبي أبو أسامة الورد إنبسطنا كتير بكتابتك
و توقعنا هالشفافية الراقية منك
مشكور عكل حرف قلتو
لأنو إنت واحد من خمس أعضاء بس صادقين بالمنتدى
مع إحترامي للباقي بس أبو أسامة واضح جدا

منور يا غالي و بإنتظار المزيد
كان معك الكابتن برهوووم
و اللي عن قريب رح يغير إسمو
مشكور مرة تانية

مشكور كتير بس ليش ماقلت وفندت رايك بكل عضو ليش قلت بشكل عام بس حلو عنجد وانابحب اعرف كل شي عن الاعضاء لانهم صارو الاصدقاء اللي كل يوم بقرا تعليقاتهم ومواضيعهم فكرة كتير حلوة مشكورةملاكي عالموضوع
الامورة الحلوة

بتشكرك لورد على اعجابك بكلامي ...

عزيزتي ملاكي ، كتير امبستت لإنك حبيتي الإذاعة تبعي و شكرا على كلامك الحلو و الله يخليكي للمنتدى .

كابتن : حلوة الدبلوماشية ! مو هيك .. و أنا كلامي عبارة عن اقتراح للتطوير يلي بيحب يسمع أهلا و سهلا
وملعوبة منك الملح و الزيت و البصل ، بس كمان مو طيبة الأكلة بدون رشة فلفل ! ههههههههههه
Wink

الأمورة ياقوت : و إنت صديقتنا بالمنتدى و أنا بحب اطلع على تعليقاتك مثل كل الأعضاء بس شرحت شو كانت غايتي من الإذاعة .
Cool

مرحباااااااااااا
بما أنو صار دوري لأحكي بحب بلش بأنو أشكر صاحبة الموضوع ملاكي
وبدي أشكر أبو أسامة أنو عطاني الفرصة مشان يكون المايك معي
وبحب قلو أنو كنت رائع بالمايك ورح حاول كون بنفس المستوى

السلام عليكم
أنا successful girl بعرف أنو الأسم شوي سئيل بالكتابة حتى أنا بخربط فيه أحيانا
بس معناه كتير حلو وبفضل تكون صفة النجاح موجودة دائما بشخصيني.
المهم أنا طالبة محاسبة سنة تانية بأحلى معهد أكيد مو بالشكل بس أكيد بالعالم يلي فيه.
بعرف نسبة كبيرة من أعضاء المنتدى بالمعهد
وبصراحة وبدون أي مجاملة أحلى عالم
كتير مؤدبين وحبابين ومسليين والحمد الله ماصار معي أي احتكاك أو مشاحنة مع أي عضو
بوجه تحية كبيييييييييرة للكل وبقلون دمتم ذخرا لهذا المنتدى

موضوع: رد: مايك المنتدى الخميس مارس 24, 2011 3:53 pm

بما أنو بقى شهرين تقريبا وبيخلص المعهد حاسة بأشياء كتير
1. شعور فرح أنو وأخيرا رح أخلص دراسة لأنو عنجد تعبت
2. شعور تفاؤل بالمستقبل أنو رح اشتغل وصير مسؤولة عن مصروفي وحياتي
3.شعور حزن كبير لأنو رح اترك المعهد يلي عشت فيه أحلى سنتين بحياتي
وتعرفت على رفقات مالي مستعدة أتخلى عنون أو حتى أبعد عنن ليوم واحد

بس بالنهاية هيك الحياة و لازم دائما نتطلع لقدام ونحاول جهدنا
وأهم الشي وقت نتذكر الماضي ما نقول ياريت ساويت هيك أو ماساويت هيك

do your best and never give up
life what you make it so let's make it right

موضوع: رد: مايك المنتدى الخميس مارس 24, 2011 3:55 pm

بالنسبة ألي هاد كلشي وبتمنى ماكون طولت بالحكي

حابة يكون بلالbrave heart هو ضيف المايك التاني

شكرا كتييييييييييييييييير
سلااااااااااااااااااااااااااام
peace

موضوع: رد: مايك المنتدى الجمعة مارس 25, 2011 7:08 pm

بتشكرك انسة راما على ثقتك فيي واختياري لكون من بعدك

احم احم

والله ما بعرف شو بدي احكي رح بلش ...... انو اتشكر الانسة ملاكي على الموضوع المسلي

اولا : ببدأ بقصتين كتير حلوين
1_ العدل الالهي

جاءت امراه الى داوود عليه السلام

قالت: يا نبي الله ....ا ربك...!!! ظالم أم عادل ???ـ

فقال داود: ويحك يا امرأة هو العدل الذي لا يجور،

ثم قال لها ما قصتك

قالت: أنا أرملة عندي ثلاث بنات أقوم عليهن من غزل يدي

فلما كان أمس شدّدت غزلي في خرقة حمراء

و أردت أن أذهب إلى السوق لأبيعه و أبلّغ به أطفالي

فإذا أنا بطائر قد انقض عليّ و أخذ الخرقة و الغزل و ذهب،

و بقيت حزينة لاأملك شيئاً أبلّغ به أطفالي.

فبينما المرأة مع داود عليه السلام في الكلام

إذا بالباب يطرق على داود فأذن له بالدخول

وإذا بعشرة من التجار كل واحد بيده : مائة دينار

فقالوا يا نبي الله أعطها لمستحقها.

فقال لهم داود عليه السلام: ما كان سبب حملكم هذا المال

قالوا يا نبي الله كنا في مركب فهاجت علينا الريح و أشرفنا

على الغرق فإذا بطائر قد ألقى علينا خرقة حمراء و فيها

غزل فسدّدنا به عيب المركب فهانت علينا الريح و انسد

العيب و نذرنا لله أن يتصدّق كل واحد منا بمائة دينار

و هذا المال بين يديك فتصدق به على من أردت،

فالتفت داود- عليه السلام- إلى المرأة و قال لها:ـ
رب يتجر لكِ في البر والبحر و تجعلينه ظالمًا،

و أعطاها الألف دينار و قال: أنفقيها على أطفالك.

2_ الالام والمعروف:

القصة تبدأ عندما كان هناك صديقان يمشيان في الصحراء ،
خلال الرحلة تجادل الصديقان فضرب أحدهما الآخر على وجهه.
الرجل الذي انضرب على وجهه تألم ولكنه دون أن ينطق بكلمة واحدة كتب على الرمال :
اليوم أعز أصدقائي ضربني على وجهي .
استمر الصديقان في مشيهما إلى أن وجدوا واحة فقرروا أن يستحموا.

الرجل الذي انضرب على وجهه علقت قدمه في الرمال المتحركة و بدأ في الغرق،
ولكن صديقة أمسكه وأنقذه من الغرقوبعد ان نجا الصديق من الموت قام وكتب على قطعة من الصخر :
اليوم أعز أصدقائي أنقذ حياتيالصديق الذي ضرب صديقه وأنقده من الموت سأله :
لماذا في المرة الأولى عندما ضربتك كتبت على الرمال والآن عندما أنقذتك كتبت على الصخرة ؟
فأجاب صديقه :
عندما يؤذينا أحد علينا ان نكتب ما فعله على الرمال حيث رياح التسامح يمكن لها أن تمحيها ،
ولكن عندما يصنع أحد معنا معروفاً فعلينا ان نكتب ما فعل معنا على الصخر حيث لا يوجد أي نوع من الرياح يمكن أن يمحوها ..
تعلموا أن تكتبوا آلامكم على الرمال وأن تنحتوا المعروف على الصخر .

اما بالنسبة لتعرف على ذاتي...........
انا بالنسبة الي مابحب اوصف حالي ان كان بمزايا او سيئات
بس بحب يلي حولي يحزروني من اي غلط بعملوا
اما بالنسبة للشغلات المنيحة اذا وجدها اي حدا فيي ما بحب انو يمدحني عليها
بتقيل كلشي صح سواء كان من شخص عاقل او غير عاقل
بصراحة ... الشخص ما بيحسن يوصف حالو بس اذا بدوا يعرف كيف شخصيتو يسأل يلي حوليه

بالنسبة لطروحات المنتدى..........

انا بحسها بالنسبة الي حلوة ومعبرة ومفيدة بأغلب الاحيان

بالنسبة لاعضاء المنتدى.................

كلهن رائعين
ما بفضل حدا عن تاني بشخصيتو اما بالنسبة لمواضيعو ممكن انو فضل عضو عن اخر....

هاد كلشي كان لليوم

وبحب يكون ابو الوليد هوة ضيف المايك

ارجو انو ما كون طولت عليكون
سلااااااااااااام
بلال

موضوع: رد: مايك المنتدى الجمعة مارس 25, 2011 7:40 pm

أن تبدي رأيك اولاً في المنتدى :
بما أني مشرف أكيد المنتدى بيعنيلي كتير
والمنتدى عم يتطور ويكبر بأعضاء فعالين ومنتجين صحيح قلال بس معبيين المنتدى محبة وإفادة
بس أكيد في سلبيات بالمنتدى لا بد من ذكرها
1. كثير من المواضيع ينهمك صاحبها بكتابتها و صياغتها نلا حظ كثرة مرات القراءة لكن أحيانا دون الرد لو بكلمة شكرا
2. يوجد بعض الأعضاء يتصرفون أحيانا بطريقة غير منطقية إما بطريقة الرد أو بطريقة صياغة الموضوع أعرف أنهم قلة و جل من لا يسهو بس بطلب من الكل قراءة القوانين وطلب المساعدة من المشرفين أو الأعضاء القدامى
3. غياب شبه كامل للمسؤولين عن تلك التصرفات وأحيانا هؤلاء المسئولين يردون على الموضوع وأنا منهم دون القيام بإتخاذ الإجراءات اللازمة
مع كل هذه السلبيات التي لا يخلو منها أي منتدى مها كبر شأنه
أعتبر المنتدى ناجح ومفيد بأعضاء رائعين

موضوع: رد: مايك المنتدى الجمعة مارس 25, 2011 7:53 pm

تالياً في أعضاء المنتدى بذكر إسم الأعضاء الذين تعرفهم ومواصفاتهم
ولك أن تجمعهم كلـــــــهم ..
الأعضاء : كابتن برهوم : حبيب القلب أحلى صديق
بريف هيرت بلال الملك : عنجد أنت أخ عزيز وغالي وأنا كتير معجب بشخصيتك وطيبة قلبك
سيكسيفول غيرل : أول عضو بتعرف عليه وهي أخت وصديقة غالية وأنا كتير معجب بشخصيتها
روبي رو : أغلى صديقة عندي وبعتبرها أختي لأن ما عندي أخوات بنات
الزهرة الخجولة : بنت رائعة وصديقة وأخت عزيزة وبحب طريقة تفكيرها
الأمورة ياقوت : بنت قلبها طيب وعصبية كتير وكتير بتزودها بس حبابة
عاشقة النجوم : شفتها مرة مع الزهرة وهي بنت طموحة وبقلها الله يوفقك ويصير يلي ببالك
أبو أسامة : حبيب القلب صحيح تعرفنا عليك بمرقة طريق بس كتير تشرفت بمعرفتك وبقلك الله يوفقك ويجمعك بأم أسامة ونصير نزور بعض زيارات عائلية
مهند : أبن ضيعتي بقلو الله يسرلك الجيش وأنت شب رائع ومميز
نبييلووو: جار الرضى نحنا جيران والجار قبل الدار وأنت شب مسؤول وتفكيرك حكيم
وفي كتار بعرفهون بس هالأشخاص يلي خطرو عبالي

موضوع: رد: مايك المنتدى الجمعة مارس 25, 2011 7:56 pm

لك أن تقول ما يحلو لك .
معا نحو مستقبل أفضل بقيادة الدكتور بشار حافظ الأسد قائد مسيرة التطوير والتحديث

موضوع: رد: مايك المنتدى الجمعة مارس 25, 2011 8:02 pm

موضوع: رد: مايك المنتدى السبت مارس 26, 2011 9:59 am

خليني اول اتشكرررررر راااما.....

ع تقديم راائع ...

بكل اعجااب وتقديرر بتشكرررك ...

بلال

وما ادراك من بلال ..

هو من احد الاعضااء القدامى ..يلي اول ماسجلت بهاالمنتدى كان من مرحبي فيني

واناا بكنلوو كل الاحتررام وتقديرر

وكتير بتشكررو على تقديموو الكتيرر مميز ويلي انا اسمتعت فيه وبقرائتو

واانا معجبة باسلوبو ا في طرح اي مو ضوع او مشااركة

يعطيك الــــــــــــــــــــــــف عاافية ع المشاااااركة الرائعة.....

ابو الوليد:

اهلا وسهلا فيك..

صحيح انا مو كتيرررر بعررفك

بس ايضاا بيعجبني اسلوبك وزوقك ومباادرتك يمكن ئليلة بس بتترك اثرر كتيرر حلوو

وبتشكررك ع نصاايح والاقتررحاات ...

وان شالله انا وكل الاعضااء نحااول نتخطى كل هي الاشيى ليكوون اسم منتدانا من اسمااء المنتدياات الامعة

وبحييك انتا وكل المشرفين والادرايين يلي عم يبذلوو جهد من اجل المنتدى

راما وبلال وابو الوليد
مايك المنتدى 89782

موضوع: رد: مايك المنتدى السبت مارس 26, 2011 11:30 pm

شكرا ملاكي و المايك معك

موضوع: رد: مايك المنتدى الأحد مارس 27, 2011 5:45 am

بتشكرا

successful gir
&
Brave Heart
&
أبو الوليد

على مداخلاتهم الحلوة و الظريفة و المفيدة ، وكل شخص إلو طريقتو بحمل المايك .

بس الإذاعة بقيادة المهندسة ملاكي ، كتير واضحة و نقية ، بتشكرها كمان .

موضوع: رد: مايك المنتدى الأحد مارس 27, 2011 12:14 pm

حلو كتير
بس وينو بلال على علمي هو الحامل القادم لحمل المايكروفون

مشكورين
بس ياريت يدخل بسرعة المايسترو بلالو

الماايك معي شكررا ابو الوليد على اختياارك ئلي

معكم ملاكي حديثا وسنيوورة شهد قديماا وبالمستقبل ماابعرف شو ممكن يخطرر ببالي اسم هههه

مواليدي(حسب تاريخ تسجيلي بالمنتدى): 21/7/2010

مكان الاقامة :بكل قسم من اقساام معهدنا ئلي فيه مكان((لي الكزب مو كلوو اغلبتوو هههه))

رااح احكيلكم كيف سجلت بهاد المنتدى الحلو...

لمااا تلعت نتاائج البكالورياا((ويارريتها ماتلعت ))
واكلنااا فيه صدمة كبيررة((مصدوومة ))
ئلناا منفوت ومن بحبش((مندور))شو ممكن يتلعلناا رغم اني كتيرررر كتيرررر كنت مكتئبة ع مجمووع درجااتي
بعرف هذا ماصنعته يدي ؟؟؟!!!
المهم حاولوا الاهل والاقاارب والاصدقااء والجيران... انو يعزووني ..
فصاارو يحكولي انو بيتلعلي المعهد المحاسبة والتمويل وانو كتيرر كتيرر جيد ها المعهد حتى رحت وشفتوا وعجبني
بس للاسف الصاعقة كبرى حتى هالمعهد يلي كانوا عم يعزووني فيه ماتلعلي

بس ملاكي مايئست(((بعد بكااء ونواح وندم وحزززن )) اقتنعت انو هاد المكتوب والواحد شوو مابيزرع بيحصد
رضينا بنصيب ورحنا لنسجل بالمعهد ..ولي ياريتني ما رحت وئتهاا ((كلمة ياريت مابتفوتك ع جامعة .. هي حكمتي))
اول مافتنا عليه انا ورفئاتي فكررنا حالنا مخربتين لانوو كان مجررد مدرسة عاادية((مدرستي يلي كنت ادرس فيهاا احلى))
بس ماعليناا ...بعدما سجلت وداومت فيه((بعد اقنااع والحااح من الاهل)) حبيتوو كتير وفعلا المدير والمدرسين والطلاب يلي فيه غير شكل
طيبين وحبابين وبسيتين

وتوتة توتة خلست الحتوتة حلوة ولا مفتوتة ههههههه

اليووم رااح نكتفي بسيرة الذاتية وقصة حيااة ملاكي ...

وغداا نلتقي

ومايطلبه الجمهوورهههههههه

» حافظوا على نظافة المنتدى يمنع رمي المخلفات في المنتدى > وأليكم القوانين
» نجم المنتدى
» تنسيق المنتدى