باد بوي على كرسي الاعتراف

كيفكم يا احلا شباب
اليوم عندنا مفاجئة كتير حللوة وهي انو جبتلكم شب كتير محبوب واكابر ورائع
وهو من الشباب القدامى في المنتدى ومشرف القسم الترفيهي
واكيد اي شخص بشارك بالمنتدى لح يعرفو ويحبو ويحترمو لانو قادر باخلاقه العالية انو يفرض احترامو علينا كلنا
انا شخصيا حبيتو لعبود من خلال المنتدى وهلق جبت عبود وجبتلو كرسي على كيفو

باد بوي على كرسي الاعتراف Saarinen%20chair

باد بوي على كرسي الاعتراف Saarinen%20chair

وهلق لح نبلش سويا نتعمق بعبود من خلال الاسالة وبتمنى متل ما عودتونا نتفاعل مع بعض
من خلال الاساله لانو مشاركاتكم هي يلي خلت الموضوع يستمر وهي يلي
خلتنا نتعمق مع بعض بالاعضاء الكبار والمحبوبين بالمنتدى

ولح بلش انا كالعادة بالسؤال:

كيفك عبود وشو اخبارك؟؟

السؤال الاول
من خلال تجربتك بالاغتراب والابتعاد عن الوطن كيف بتوصف التجربة يلي عايش فيها؟؟

السؤال التاني
من الواضح وجود علاقة صداقة قوية ومتينه مع غيث شو برايك الاسباب التي كبرت الصداقة والاخوة بيناتكم؟؟

السؤال التالت
شو رأيك بموقع المنتدى وشو درجه الاهمية بالنسبة الك؟؟

السؤال الرابع
شو هي طموحاتك بحياتك واهدافك بالوقت الحالي؟؟

السؤال الخامس
انا بعرف انك بتحب السيارات ههه شو قررت تشتري ولا لسا
وشو نوع السيارة يلي ببالك حاليا؟؟

السؤال السادس
مين اكتر عضو بتحبو بالمنتدى باستثناء غيث؟؟

السؤال السابع
كيف كانت المرحلة الجامعية وهل بتحس انو اختصاص المحاسبة بعد تجربتك العملية اختصاص ناجح؟؟

السؤال الثامن والاخير
بكلمات صغيرة كيف بتشوف شخصيتك؟؟

وبانتظار باقي الاساله ومننتظر من عبود الجواب بكل جراه ومصداقية وشفافية
وشكر لكل الاعضاء يلي عم يتفاعلو معنا في مواضيع كرسي الاعتراف

زائر

ميــــــــــــــــن؟؟ الملـــك عبود ع الكرســــي
باد بوي على كرسي الاعتراف Icon_cheers

مالي مصدق..حدا يقرصني
ههههههههههههههههههههههه
لك ولــــــــــي شو بدي أعمل فيك
ههههههههههههههههههههههههههههههههههههههههههه
أنطرنــــي ..لســــــا لأنتف ريشك بالأسئـلة

عم أمزززززح طبعاً يا أحلى رفيق

حـــابب أتشـــكر الأمير وسام ع إختيار عبود ليكـــون الضيف التالت ع كرسي الإعتراف
لأنـــو شخصية كتيـر مميزة فريدة وعنجد بتستاهل إنـــو نتعمق فيها أكتر
وأنا ما عم احكي هالشي بحكم رفقتي الطويلة معو..بس عم أحكي لأنو طول حياتي ماشفت إنسان بصدقو وأكابريتو

وحابب قول شي وسامو
وهو إنو أنا وعبد قراب من بعض لدرجة إنو الإسئلة يلي طرحتها عليه من شوي
بقدر جاوب على معظمها و متأكد إنو إجابتي رح تكون مشتركة مع عبد
بس معلش ما بدي أخد دوري ودور غيري
هههههههههههههههههههه
باد بوي على كرسي الاعتراف Icon_king

زائر

أســــئلتي رح تــكون مختصرة ودقيقة كتيـــر ع غير العادة
وإنشالله كون خفيف الظل وما تقل عليك بالأسئلة عبود
يلا منبلش

1-هل أنت مستعد تنسى جرحك القديم وتكمل حياتك من جديد..وليش؟؟

2-ع مقياس القــلب الطيب يلي بيوصل لمرحلة الغبن ببعض الأحيان من 1 ل 10..أديش بتعطي حالك؟؟

3-ليـــش عبد اليــوم غير عبد قبل ما يسافر و يغترب؟؟

4-كفـــو بيوم عرسك نسهر أنا وياك سهرة للصبح؟؟
هههههههههههههههههههههههههه

رح أكـــــتفي أســـئلة بالوقت الحــالي
وإنشـــالله إلي عودة عن قريب بعد ما شوف أسئلة باقي أعضاء المنتدى

زائر

تسلم يا احلا وسام
خليتني اعجر عن الكلام
رح جاوب على اسئلتك
لانو هي يلي رح تعبرلك عن امتناني

كيفك عبود وشو اخبارك؟؟
والله ما كنت منيح بس هلا تمام ان شاء الله

السؤال الاول
من خلال تجربتك بالاغتراب والابتعاد عن الوطن كيف
بتوصف التجربة يلي عايش فيها؟؟
الله لا يدوقها لحدا
لو في انا انا لو في ارجع كنت برجع
وعسى ان تكرهوا شيئا وهو خير لكم

السؤال التاني
من الواضح وجود علاقة صداقة قوية ومتينه مع غيث شو
برايك الاسباب التي كبرت الصداقة والاخوة بيناتكم؟؟
في شي اسمو اخلاص في صدق في اخوة
ما في مصلحة ولا كذب ولا كره
ولا تنسى انو نحنا رفقات من لما كنا صغار
وصرنا رفقات لما كنا صغار لهيك منضل رفقات متل الولاد الصغار ما بيزعلو من بعض ابدا
واذا زعلو بعد خمس دقايق بتلاقيهم عم يلعبو مع بعض

السؤال التالت
شو رأيك بموقع المنتدى وشو درجه الاهمية بالنسبة
الك؟؟
المنتدى اروع منتدى شفتو بحياتي
بكلشي فيه الاقسام الترتيب الستايل كلو
الادارة المشرفين الاعضاء شي بيرفع الراس
احلا عالم
بالنسبة الي باخر فترة كان بيتي الاول
لانو صارت حياتي كلها في بالشغل وبالبيت

السؤال الرابع
شو هي طموحاتك بحياتك واهدافك بالوقت الحالي؟؟
طموحي
اكيد ما رح يكون اني اتجوز ههههههه
بدي قوي حالي بدراستي واخد شهادات اكبر
وصير شي مدير اكبر من يلي انا عليه هلا
واشتغل بشركة كبيرة كتير
اهدافي بالوقت الحالي
جيب السيارة المارسيدس يلي حاطط عيني عليها
واقدر اتحمل الشغل يلي علي خصوصا بعد استلام مكان واحد غيري

السؤال الخامس
انا بعرف انك بتحب السيارات ههه شو قررت تشتري
ولا لسا
وشو نوع السيارة
يلي ببالك حاليا؟؟
والله قررت بس لسا مو مبين
يلي ببالي هلا مارسيدس او بي ام دبليو
بس قبل كنت بدي جيب ميتسوبيشي اي اكس

السؤال
السادس
مين اكتر عضو
بتحبو بالمنتدى باستثناء غيث؟؟
والله كلكم ما فيني قول اني بحب واحد اكتر من واحد
واذا قلتلي حدد واحد فانا بقلك بستحي قول اسمو
هههههههههههههه

السؤال السابع
كيف كانت المرحلة الجامعية وهل بتحس انو اختصاص
المحاسبة بعد تجربتك العملية اختصاص ناجح؟؟
والله احلى فترة بحياتي
ومن ناحية المحاسبة انا اخدها بالوراثة لانو عيلتي كلها محاسبين
وانا من لما كنت صغير بطمح لهيدا الشي
وما في احلا من المحاسبة والارقام وعد المصاري
بس والله مسؤولية

السؤال الثامن والاخير
بكلمات صغيرة كيف بتشوف شخصيتك؟؟
بدك تعرف شخصيتي
ما انت ما خليت شي قولو انا طلعت بتعرفني اكتر ما اعرف حالي
بس بحب ضيف
قلبي شرشوح ههههههههه
ولما بحب بحب متل ولد صغير يعني بحب لطول عمري
ولما بكره بكره متل ولد صغير يعني بنسى بعد خمس دقايق

ولي شو غرار انا
جرايد الاجوبة
ههههههههههههههه

يسلمو سيد وسام
والكرسي بيجنن
واحلا محقق بالدنيا

زائر

شو غيث
شو ها الاسئلة قوية والله
الله يعيني
بدك تفضحني انت

1-هل أنت مستعد تنسى جرحك القديم وتكمل
حياتك من جديد..وليش؟؟
والله مستعد بس الشغلة مو بايدي ما عم اقدر
كل ما اجي انسى بيجي شي بيذكرني
ليش
لاني باختصار حبيت من كل قلبي

2-ع مقياس القــلب الطيب يلي بيوصل لمرحلة الغبن ببعض
الأحيان من 1 ل 10..أديش بتعطي حالك؟؟

9.9
هادا هو الجواب الصح بصراحة
مع انو مو حكي انا هادا حكي العالم يلي بيعرفوني

3-ليـــش عبد اليــوم غير عبد قبل ما
يسافر و يغترب؟؟
لانو هي الغربة بتغير العالم
لا تنسى اني غيرت حياتي كلها
انا مرتين تغيرت حياتي
اولا لما حبيت
تانيا لما سافرت

4-كفـــو بيوم عرسك نسهر أنا وياك سهرة للصبح؟؟
شو نسيت الرهان يلي متراهنين عليه
نسيت انو متفقين نروح تفتيلة بالليموزين
هههههههههههه

فضحتني يا غيث
ولا انا يلي فضحت حالي
هههههههههههه
طيب شمستني هيك احسن
مشكور برنس المنتدى

زائر

يا سلام باد بوي قاعد ع الكرسي
اي خليك قاعد ع الكرسي لبين ماخلص اسالتي لاتقوم
هههههههههههههههههههههه

يلا منبلش بسم الله

1_اذا بدك تحب وحدة شو اول شغلة بتطلع عليها جمالا اخلاقة وافعالة ولا حلاوتة؟
2_انت اناني؟
3_بتامن بصداقة البنت مع الشب؟

بس خلصو اسالتي بتمنى كون ما تقالت عليك

-

مرحبا عبد منور الكرسي لح اسئلك كم سؤال

احم احم

1 ليش اخترت هلأسم باد بوي بتحسو بعبر عن شخصيتك مع انو

حاسة بالعكس ؟؟؟

2 ممكن تئول شو سبب الخلاف بينك وبين حبيبتك السابقة يا ترى مشكلة كبيرة
او انو ما عم تتفاهمو ؟؟؟(طبعا اذا مافيها احراج) ^طبعا فيك ما تجاوب^

3وين مسافر وليش؟ شغل ولا دراسة لانو بجوابك السابق فوتتني بالحيط هههههه؟ ؟؟؟

4 شو اكتر شي بتحبو بهالدنيا وشو اكتر شي بتكرهو فيها ؟؟؟

5 مين اكتر 5 اعضاء حابب تتعرف عليهم اكتر واكتر ؟؟؟

6 شو اكتر شي مشتائ الو بالشام بغض النظر عن الاهل لانو اكيد اول شي؟؟؟

7 شو بتنصح يلي بفكر يسافر لانو بصراحة مفكرة سافر بعد رمضان ؟؟؟

يمكن طولت عليك بلأسئلة لاتواخذني
وان شاء الله ما كون زعجت بشي سؤال
وبتمنى تنسى الماضي وتفكر بالمستقبل
وفي حكمة الك خصوصي بتقول :

***ازرع اوجاعك في حقل من الصبر ،واسقها املا،تنبت فرحا***

زائر

لك يا اهلين بميلي والله
شو بسم الله
شو انا خاروف بدك تدبحيني
ههههههههههههههههههه
عم امزح

اكيد بسم الله قبل كلشي

يلا ببلش بالاسئلة الحلوة

1_اذا بدك تحب وحدة شو اول شغلة بتطلع
عليها جمالا اخلاقة وافعالة ولا حلاوتة؟
صراحة مو انا يلي بتطلع قلبي يلي بيطلع
وهو يلي بيحب
بس انا يلي عجبني بالمرة السابقة
اول الشي الجمال
بعدين الاخلاق والدين
بعدين اجو الباقي كلهم

2_انت اناني؟
اناني؟؟؟؟؟
اول مرة حدا بيسالني هادا السؤال
والله بدك تسالي يلي بيعرفوني
بس انا برايي انو يلي بيضحي بمصلحتو مشان مصلحة غيرو ما بيكون اناني صح ولا لا

3_بتامن بصداقة
البنت مع الشب؟
اممممممم
قوي ها السؤال
انا بقول اي
بس ما رح تستمر صداقة
يعني يا اما بتتحول لحب
او بتتحول لاخوة
واكيد في شي اسمو علاقة زمالة

شكرا كتير انسة ميلي
واسئلة قوية وحلوة
وانا عطيت الحواب واكتر يمكن
يسلمو

زائر

لك مين المحققة princes
عم تساني
لك يا اهلا وسهلا
اشرقت الانوار

يلا رح جاوبك تكرم عينك

1 ليش اخترت هلأسم باد بوي بتحسو بعبر عن شخصيتك مع انو
حاسة
بالعكس ؟؟؟
احساسك بمحلو
وهي الكلمة كتير ناس قالولي ياها
ليش مسمي حالك هيك مع انو انت بالعكس
لانو انا بحب ويل سميث وفلم BAD BOYS
بس السبب الرئيسي لاني انا جاية على بالي صير باد بوي
لانو طيبة القلب يلي عندي جابتلي مشاكل
بقا قلت رح جرب صير باد بوي
بس ما قدرت غير حالي
وضليت عبد

2 ممكن تئول شو سبب الخلاف بينك وبين حبيبتك السابقة يا
ترى مشكلة كبيرة
او انو ما عم تتفاهمو ؟؟؟(طبعا اذا مافيها احراج)
^طبعا فيك ما تجاوب^
شو ها السؤال
والله قوي
انا كنت مستغرب انو ليش ما عم تحبني مع اني شعلت اصابيعي ال 10
وكل يلي بيعرفني وبيعرفها بيعرف هادا الشي
بس اكتشفت بالاخير انو هي كانت تحب واحد غيري
والحب بيعمي
مشان هيك الحق مو عليها
الحق على قلبي الشرشوح

3وين مسافر وليش؟ شغل ولا دراسة لانو بجوابك
السابق فوتتني بالحيط هههههه؟ ؟؟؟
انا مسافر الى الامارات ابو ظبي
شغل شغل شغل
بس رح حاول انو يصير شغل ودراسة

4 شو اكتر شي بتحبو بهالدنيا وشو
اكتر شي بتكرهو فيها ؟؟؟
اكتر شي بحبو السيارات هههههه
اكتر شي بكرهو
اممممممممممممممم
صرت اكره حب
بعد ما شفت عذابو

5 مين اكتر 5 اعضاء حابب تتعرف عليهم اكتر
واكتر ؟؟؟
هلا في كتير اعضاء انا بعرفهم
وفي كتير ما بعرفهم
يلي ما بعرفهم وحابب اتعرف عليهم
نبيلو
وسامو
وانتي برنسس اكيد
وريما
وابو اسامة
وBrave knight
وياسمينة الشام
وعبورة
hanna
miley
وتنين سوريا
واسف اذا نسيت حدا
وانا عم احكي عن يلي ما بعرفهم
ما حدا يزعل من يلي بعرفهم

6 شو اكتر شي مشتائ الو بالشام بغض النظر عن الاهل لانو
اكيد اول شي؟؟؟
في كتير شغلات
بس مشتائ للقصور ولشوارعها
وجبل قاسيون
ومشتاق لرفقاتي
والسهرات

7 شو بتنصح يلي بفكر يسافر لانو بصراحة مفكرة سافر
بعد رمضان ؟؟؟
هلا اذا بدك تسافري زيارة والله فكرة حلوة يعني سياحة
بس اذا شغل بدك تفكري 100 مرة قبل
وحسبي كل احتمالاتك قبل
وخصوصا اذا ما كان في الك حدا بالبلد يلي بدك تسافري الها

اسئلة كتير حلوة
وقوية
ههههههههههههههههه

ويسلمو كتير على النصيحة

زائر

واوووووو
باد بوي ع كرسي الاعتراف
يلا استعينا ع الشقى بالله
منبلش فيك
يـــــــارب

1- كيفك اليوم سيد عبد؟
2- لشو مشتاق أكتر شي بالغربة ؟
3- إذا خيروك بين الشام والامارات قبل شهر ونص شو بتحتار ؟
4-مين أكتر حدا مشتاقلو ؟
5- ياترى إذا قدرت تنسى شو بتنسى من حياتك وبتتمنى لو ما كان ؟
6- هل أنت معجب بحدا حاليا ولا رافض الفكرة حاليا ؟
7- بتتصرف بلا وعي أحيانا ؟
8- كنت بدك تقلي شي ع أيام المعهد وبطلت ليش؟
9- البنت يلي حبيتها بتتمنى لو ماعرفت أنو كانت تحب شخص غيرك ؟

يلا حاجتك هلأ واذا خطر ع بالي شي بسألك ياه
ان شاء الله ما كون تقلت العيار

زائر

شو هاد يا ريما
والله شمسة
ههههههههههههههههه

1- كيفك اليوم سيد عبد؟
اليوم ماشي حالي

2- لشو مشتاق
أكتر شي بالغربة ؟
انا جاوبت على هادا السؤال بأسئلة الانسة برنسيس
بس اكتر الشي اكتر الشي
رفقاتي

3- إذا خيروك بين الشام والامارات قبل شهر ونص شو
بتحتار ؟
ملغوم هادا السؤال
هلا انا بختار بالشام
بس الحمد لله اني كنت هون

4-مين أكتر حدا مشتاقلو ؟
والله وبصراحة غيث واهلي
ورفقاتي
وشخص ما فيني قول مين هو بس انتي هادا الجواب يلي بدك ياه مو هيك

5- ياترى إذا قدرت تنسى شو بتنسى
من حياتك وبتتمنى لو ما كان ؟
بنسى اني حبيت بيوم من الايام
بس ما بنسى الشخص

6- هل أنت معجب بحدا حاليا ولا رافض
الفكرة حاليا ؟
اعجاب حب يعني لا
بست النوبة
خلص ما عاد بدي لا حب ولا اتجوز

7- بتتصرف بلا وعي أحيانا ؟
اي لما بيكون قلبي يلي عم يتحكم فيني مو عقلي
ولما بكون معصب كتير

8- كنت بدك تقلي شي ع
أيام المعهد وبطلت ليش؟
ماني متذكر انتي قلتلك هيك شي
بس اكيد بيكون لانو ما بدي دايقك بقصصي البايخة

9- البنت يلي حبيتها بتتمنى لو ماعرفت أنو كانت
تحب شخص غيرك ؟
والله ما بعرف شو الجواب
يعني اذا قلت اي بكون عم كذب واذا قلت لا بكون عم كذب
بس كنظرة عامة للموضوع منيح يلي عرفت
بس ياريت لو كنت عرفان من قبل بزمان

بدي اسئلك انسة ريما
خليتي علي شي ستر مغطى
ههههههههههههههههههههههه

الله يجيرنا ما يخطر شي تاني على بالك

ومنتابع مع الغالي عبود الاستضافة على كرسي الاعتراف
ولانو غالي علينا جبتلو فنجان قهوة حتى يكون مبسوط

جبتلك ياها من تحت ديات ابو عبدو يلي كنت زبون عندنا
ههههههه

باد بوي على كرسي الاعتراف Cup_of_coffee

وواضح انو عبود عم يجاوب بصدق وما عم يتهرب من اي سؤال بالرغم من انو بعض الاسأله حساسة نوعا ما
هالشي يلي بتشكرك عليه باسم الاعضاء

وهلق بكلمات قليلة انت وعم تشرب قهوتك كيف بتشوف الاعضاء يلي مرو على موضوعك لحد هلق
وسام- غيث- مايلي-برنسس- ريما

وكل الشكر لوقتك معنا
وبانتظار باقي الاسأله

يا سلام عبود هون وما حدا بقلي
انشالله كون خفيفة ظل عليك
اولا شو اكتر شي بتكرهو بالبنت يكون ؟
انت بتامن انو بهل الايام في صداقة حقيقة وغير قائمة على المصلحة بعيد عن صداقتك مع غيث لانك بتعرفو من زمان
اما اذا كنت بدك تتعرف على حدا بتامن بهل الشي ؟
هل انت انسان بتقودو عاطفتو ؟
شو الموقف يلي ندمت عليه بحياتك وقلت يا ريت ما عملتو ؟
شو اغلى شي عندك بحياتك ظ
كيف بتوصف حالك بعد الغربة ؟
انشالله ما كون تقلت عليك لاني حاولت كتير

زائر

لك يسلمووووووووووو سيد وسام

والله طيبين ها القهوات

بس يا شريك لعيونك بس عم اشربهم

لاني ما بحب القهوة

بس شريب شاي على كيفك

رأي بالاعضاء يلي مرو على موضوعي

وسام ملك الكرسي واسئلة حلوة

غيث سلال من تحت لتحت هههههههه

مايلي اسئلتها حلوة ومزوءة

برنسس اسئلة قوية وبتعرف شو تسأل

ريما عرفانة الاجوبة بس مشان الشمسة
ههههههههههههههههه

ما حدا يزعل عم امزح انا
نورتو يا احلا عالم

السلام عليكم : حبيت شارك ببعض الأسئلة الغريبة إذا في مجال .
و بتشكر وسام على هيك نوع من المواضيع الحلوة و المحرجة بنفس الوقت !!!

أخ عبد (باد بوي ) بما إني متغرب مثلك ، جاوب لشوف ؟!!

1- ليش سافرت على الإمارات مو على بلد ثاني ؟
2- قديش الراتب يلي عم تاخدو هلق ، وهل بتحس حالك مظلوم مقارنة بوضع البلد ؟
3- إذا صحلك راتب أزيد من راتبك بألف درهم بتغير بالمحاسبة؟
4- إذا صحلك راتب أزيد بألفين من راتبك الحالي بغير المحاسبة ، بتغير ؟
5- مدير إنسان فهمان و يقدرك لما مثل العادة مافي تفاهم و شو تحصيلو العلمي ؟
6- درجة طقطقة الراغي قديش بتعطيها عندك بالشركة 1 إلى 10 ؟
7- بتحب مبدأ المعاملة بالمثل لما لأ و شو مبدأك إذا كان غير ذلك ؟
8- إذا نويت تتزوج بالإمارات ما الراتب الذي تتوقعه يكفيك لحتى تكون أسرة ؟
9- إذا بدك ترجع لسوريا شو ناوي تشتغل بعد ما تدفع بدل الجيش ؟
10- بيوم العطلة تبعك إذا خيرتك بين الروحة على البحر أو على المول شو بتختار؟ وليش ؟
11- مساء إذا حبيت تطلع برا البيت وين بتحب تروح على السينما أو على مقهى بدبي ؟
12- إذا عجبتك بنت و صدفة مو مرتبطة بحدا بتحاول تاخذ رقم تلفونها ؟
13- إذا عجبتك بنت من جنسية أجنبية (شو ما كانت ) و عرضة عليك تصيروا رفقات شو بتقلها ؟ وليش ؟
14- شو المكان يلي حابب تزوروا و لهلق ما بتحسن ؟
15- إذا سألتك شو الفرق بين أبو ظبي و دبي علامة من 1 إلى 10 لكل وحدة ؟
16- إذا صحلك مشوار على الشارقة غير إنك ناوي تقلني شو ناوي تعمل كمان ؟
17- في شخص مزعوج منو كتير إذا بيوم من الأيام اجى لعندك و طلب خدمة أو مساعدة شو بتعمل ؟
18- شو رأيك بالقضية الفلسطينية و غزة بشكل خاص ؟
19- شو رأيك بتعدد الزوجات بشكل عام و إلك بشكل خاص ؟
20- إذا مرضت (لا سمح الله) مين أول إنسان بتطلب يسامحك ؟
21- شو أرقام الأسئلة يلي حسيت حالك خاتلت و لفيت و درت و ما جاوبت عليهم بصراحة و ما بزعل ؟

مع أطيب تمنياتي لك بالتوفيق بالإجابة ,
سامحني إذا تقلت عليك ,
لك حق عدم الإجابة عن الأسئلة لإني ما بجبرك على شي !!!
أبو أسامة,

زائر

لك يا 100 هلا بريما
شو هي الاسئلة الرائعة

تكرم عيونك رح جاوبك
اولا شو اكتر شي بتكرهو بالبنت يكون ؟
النساء مخلوقات رائعة بين الرجال والملائكة
ما فيها شي مو حلو
بس ممكن انو تكون ما حلوة اذا كنت مصبينة وفري كتير زيادة على اللزوم

انت
بتامن انو بهل الايام في صداقة حقيقة وغير قائمة على المصلحة بعيد عن
صداقتك مع غيث لانك بتعرفو من زمان
اما اذا كنت بدك تتعرف على حدا بتامن
بهل الشي ؟
اي بأمن فيه 100 % لاني انا هلا بتجربة صداقة جديدة
وواضح انها حقيقة

هل انت انسان بتقودو عاطفتو ؟
اي كتير
وحتى غيث بيقلي انو الواحد لازم يكون 50 % عقلي و50 % عاطفة
بس انت 99.9% قلب

شو الموقف يلي ندمت عليه
بحياتك وقلت يا ريت ما عملتو ؟
ما بتذكر اني ندمت مرة على شي
بس في موقف احيانا بكون ندمان واحيانا لا
هو لما اعترفت بشغة
بس لهون

شو اغلى شي عندك بحياتك ؟
قلبي
رفقاتي
سيارتي
هههههههههههههههههه

كيف بتوصف
حالك بعد الغربة ؟
عبد اليوم غير عبد مبارح
عرف شو يعني حياة ومسؤولية
يمكن كان بيعرفها من قبل بس هلا عرفها على المزبوط
عرف انو بعد بلدو مافي

مشكورة كتير على الاسئلة يا المحققة ريما
ههههههههههههههه

زائر

هههههههههههههههههههه
ولله أبو اسامة كفا ووفا
ماشاء لله عنو
جاوب لشوف
هههههههههههههههههه

لذلك أنا ما رح تقل عليك
يعني شوية أسئلة خفيفة

بتعتبر حالك مثقف ؟

بتعرف تعبر عن مشاعرك ؟

بتعتبر حالك محبوب ؟

ازا رجعتلك حبيبتك السابقة بتفكر ترجع ؟

ازا تخانقت أنت وغيث مين بيبادر للمصالحة أكتر ؟

انت مع غنية ابو وديع يلي بتقول
ان قالوا قلبي جريح أحسن ما يقولوا جارح ؟

زائر

والله يا ابو سامة مو نسيانك
ولا نسيان عبورة

بس ابو اسامة اسئلتك لدها ساعة للاجابة
وما عم افضى من وقتها
بقا ان شاء الله اليوم بحاول
او بكرا الصبح

صبرو علينا شوي

شو انسة عبورة
عم تاخدي تارك
ههههههههههههههههههههه

امممممم
الله يقويك يا عبووود
شايف الاساله ماشالله كتيره
امممممم
شريك على راحتك ما مستعجلين معنا الوقت يلي بدك ياه يعني مدة مفتوحة
يعني ان بتجاوب كل يوم على 5 أساله ما مشكله
ما بدنا نعمل عليك اي ضغط ونشغلك معنا بهمنا تكون مرتاح

واحلا كاسة شاي اكرك عجم تروق دماتك مع اسأله ابو اسامه وعبير

باد بوي على كرسي الاعتراف F85b963f5b57

احلا عبود
انا بتعرفني مو تقيل دم ولا غليظ
لهيك رح اسالك سؤال واحد بس

انت رضيان عن حياتك الي عايش فيها وانت بتعتبرحالك ناجح وقدي بتعطي نجاحك من عشرة

مشكور وسام على الفكرة الحلوة

مثل ما قال وسام خود راحتك عبود و على أقل من مهلك ...

ما بدي لهيك عن شغلك , طبعا الشغل أهم ...

في معك وقت و النت هون ما فيها مشكلة !!!

تحياتي عبورة بدي محققة مثلك تشتغل معي ,
المحقق كادجت بوي
عفوا أبو اسامة,

ممممممممممممم
لك أهلين بالعبود والله
كيفك أبوشريك ......؟
شو الأخبار ......؟

ما رح طووول عليك هنن كم سؤال ....؟

مين بتفضل الصداقة الحميمة أو الأهل بأي شكل ....؟. و ليش ...؟
إذا عطوك مليون ليرة شو بتساوي أول شي .....؟
مين قدوتك بالحياة .....؟
و إنت بتصلي أو لا " بدون خجل و بصراحة .....؟
أديش بتحس أهلك راضيين عليك ...؟
و قلللي أهم صفة داخلية بدك ياها بالمحبوبة ....؟
و لو قالولك " قدر لك أن تجلس مع الحبيب المصطفى <ص> شو رح يكون موقفك "....؟

و ألف شكر إلك شريك للغالي اللي حطك على هالكرسي

و آسف عالإطالة
بس حبيت شوف و جهة نظك بهالأمور الهامة " بالنسبة إلي "
و أكيد بكلمتين إذا الواحد بدو يوصفك
" إنت رائع "
مشكور حبيب مرة تانية

زائر

اول الشي انا اسف كتير على التاخر
والله كان في عندي مشاكل كتير
وشغل ما عم يخلص
ولهلا ما خلص شي
واليوم ستلمت الشركة من بابها لمحرابها
يعني ما عاد فيني اتنفس
حتى وانا نايم عم شوف الشركة بمنامي
قولو الله يعيني

يا الله يا رب
مع الاخ الكريم السيد الحبيب
السيد ابو اسامة
ومع اسئلتو يلي خلتني غص
مو من صعوبتها او شي بس من كترتها
عم امزح اهلا وسهلا

1- ليش سافرت على الإمارات مو على بلد ثاني ؟
لانو اول الشي فيها خالين وفي اخي
وتاني شي فرصة العمل كانت جاهزة وانا يلي انطلبت عليها
مو انا يلي قدمت عليها
وصاحب الشغل بيعرفو اخي وهو زلمة كتير محترم
بقا شو في شي بيخليني روح على غير بلد
لو كنت انت بغير بلد كنت رحت عليها
باد بوي على كرسي الاعتراف Icon_wink

2- قديش الراتب يلي عم
تاخدو هلق ، وهل بتحس حالك مظلوم مقارنة بوضع البلد ؟
ضروري الفضايح ههههههه
3000 درهم هلا ممكن اعتبر حالي مظلوم
بس متل ما بتعرف انو وضع البلد هلا متدهور الاقتصاد بشكل عام
وعم يقلعو الموظفين
يعني الحمد لله على كل حال

3- إذا صحلك
راتب أزيد من راتبك بألف درهم بتغير بالمحاسبة؟
اني اشتغل غير محاسبة لا مستحيل
خصوصا انو مافي فرق كبير
اصلا المحاسبة ماشية بدمي

4- إذا صحلك راتب أزيد
بألفين من راتبك الحالي بغير المحاسبة ، بتغير ؟
لا ما بغير
وهادا الشي مو يعني انو الناس تاخدها قاعدة
بس انا بحب المحاسبة

5- مدير إنسان فهمان و
يقدرك لما مثل العادة مافي تفاهم و شو تحصيلو العلمي ؟
مديري متل ما قلت زلمة كتير محترم
واكابر ومتفاهم
وبيعرف دائما شو يعمل
وصبور
تحصيلو العلمي جامعي
على الاغلب بالادارة

6- درجة طقطقة
الراغي قديش بتعطيها عندك بالشركة 1 إلى 10 ؟
اي والله
خصوصا انو في تعدد جنسيات
بعطيها 8 من عشرة لانو في كم واحد آدمي متلي يعني ههههههه

7- بتحب مبدأ المعاملة
بالمثل لما لأ و شو مبدأك إذا كان غير ذلك ؟
اكيد وانا معو 100 %
وانا بقول انو الشعار المناسب لكل عمل هو
وكان الله على كل شيئ رقيبا

8- إذا نويت تتزوج
بالإمارات ما الراتب الذي تتوقعه يكفيك لحتى تكون أسرة ؟
والله ما بدي اتزوج ولا بدي بطيخ
بس مشان الراتب بتوقع لازم يكون فوق ال 10000 درهم
مع سكن طبعا

9- إذا بدك
ترجع لسوريا شو ناوي تشتغل بعد ما تدفع بدل الجيش ؟
يا اما بدي افتح محل تعديل سيارات
مو مكانيك يعني لا
تعديل يعني تفخيم فهمتو علي مو هيك
او محل الكمبيوترات يلي كنت عم فكر افتحو قبل ما سافر

10- بيوم العطلة
تبعك إذا خيرتك بين الروحة على البحر أو على المول شو بتختار؟ وليش ؟
اكيد البحر ولا يقارن بغيرو اصلا
لانو اول الشي ما في احلا منو تاني شي ما بحب المولات
والمشي الزايد والوقفة خصوصا اذا كنت مع حدا وخصوصا اذا كان مرأة
يعني بعطيها شو ما بدها كلشي الا اني انزل مع مرأة على مول
هههههههههه

11-
مساء إذا حبيت تطلع برا البيت وين بتحب تروح على السينما أو على مقهى بدبي
؟
لا هي ولا هي
على فكرة لهلا ما رحت على ولا وحدة منهم
وانا بأبو ظبي شو اخدني على دبي والمسا كمان
انا اكتر من مرة بالليل رحت على البحر لانو بيكون بيجنن بالليل الشط

12- إذا عجبتك بنت و صدفة مو مرتبطة بحدا بتحاول تاخذ رقم تلفونها ؟
لا اكيد
اصلا بصراحة اكتر ما عاد عجوبني البنات كلهم
بس الا ما تطلعلها شي وحدة هههههه
بس ما بطلب رقم التلفون
ولا بحكي اصلا لاني ما بعرف احكي
خصوصا اذا كانت حلوة

13-
إذا عجبتك بنت من جنسية أجنبية (شو ما كانت ) و عرضة عليك تصيروا رفقات شو
بتقلها ؟ وليش ؟
لا مو لانو من جنسية تانية
بس لانو شو نصير رفقات يعني هيك من الباب للطاقة
شو عرفها فيني لتجي تاخد تصير رفيقتي
لا تجي تاخد رقم تلفوني كمان
هههه
على فكرة صارت معي بطبيعة شغلي
بس رفضت باسلوب حلو خصوصا انو نحنا كنا بشغل

14- شو المكان يلي حابب تزوروا و لهلق ما بتحسن ؟
امريكا

15-
إذا سألتك شو الفرق بين أبو ظبي و دبي علامة من 1 إلى 10 لكل وحدة ؟
1 ابو ظبي اهدى يعني ما فيها عجقة كتير
2 ابو ظبي ما فيها اجانب متل دبي
3 محافظة على الاقتصاد تبعها من الانهيار
4 اذا مشيت بالشوارع بالسيارة بتعرف حالك وين رايح مو متل دبي هههههه
5 البحر والشاطئ احلا
6 التطور بدبي اسرع
7 شهرة دبي اكتر بفعالياتها
8 برج دبي ما بدنا نحكي شي تاني ولا تنسى الميترو ودبي لاند
9 السيارات الحلوة موجودة ب ال 2 بس انا برايي انو بابو ظبي احلا
10 حاجة بس هدول

16-
إذا صحلك مشوار على الشارقة غير إنك ناوي تقلني شو ناوي تعمل كمان ؟
قبل ما اجي اقتلك بروح على شي مول بجيب سكينة كبيرة
ههههه
بعد ما اقتلك بروح لعند خالي بما انو بالشارقة
وبروح على القصباء لانها بتجنن

17-
في شخص مزعوج منو كتير إذا بيوم من الأيام اجى لعندك و طلب خدمة أو مساعدة
شو بتعمل ؟
اكيد بساعدو مو مشان شي
لانو يلي بيعرف عبد بيعرف انو مين ما دايقو
عبد بينسا
بس عبد ما بينسى يلي ساعدو بيوم من حياتو
لهيك ما رح اتذكر انو هادا الزلمة زعجني بيوم

18- شو رأيك بالقضية الفلسطينية و غزة بشكل خاص ؟
لما بنحكي عن فلسطين او غزة فكاننا عم نحكي عن سوريا
واليوم كنت عم اتخانق مع واحد لانو قال على فلسطين اسرائيل
واخر الشي قنعتو انها فلسطين
طبعا مو عربي

19- شو
رأيك بتعدد الزوجات بشكل عام و إلك بشكل خاص ؟
يلي بيقدر لا يقصر
بس الي انا ما رح اتجوز 1 حتى فكر ب 4
ما بدي وجع الراس كلو من اساسو

20- إذا مرضت (لا سمح
الله) مين أول إنسان بتطلب يسامحك ؟
خطييييييير
والله عم فكر
بس برايي شخص خليتو يفكر فيني اجباري عنو وبس

21- شو أرقام الأسئلة يلي حسيت حالك
خاتلت و لفيت و درت و ما جاوبت عليهم بصراحة و ما بزعل ؟
ما لفيت ودرت
بس وقفت شوي عند السؤال 20
بس جاوبت بصراحة

زائر

مرحبا يا أحلى صديق بالدنيا كلها
كيفــــــك شو أخبارك؟؟؟
ههههههههههههههههههههه
يا عليي عليك
عم تهلك بهالأسئلة مو..بس يلا متل ما بيقول المتل الأسئلة ع قد المحبة
هههههههههههههههههههههههههههههههه
لهيك رح أشلفك بكم سؤال جداد

شو يعني الكلمات التالية بالنسبة لعبد؟؟
الصداقة
الطفولة
القصور
الروس
البيروني
حمدي الروماني
يوسف العظمة
ابن الأثيـــر

شو الهدية يلي رح تجبلي ياها بس ترجع بالسلامة..غير سلامتك ههههههه ؟؟

إذا قالولك خود مليون ليرة و لاتشوف غيث بهاللحظة شو بتقول؟؟؟(جاوب بصراحة وصدق)؟؟
لنشوف بتسترجي تجاوب يصراحة
ههههههههههههههههههههههههه

يلا حاج لهلئ..لأنو شايف إنك عم تركض تركض وماعم تلحق
سلام صديقي

زائر

يا اهلا وسهلا بعبورة

مشكورة كتير على الاسئلة الخفيفة
والحلوة متلك

منبلش

بتعتبر حالك مثقف ؟
الى حد ما اي

بتعرف تعبر عن مشاعرك ؟
لا مو دائما

بتعتبر حالك محبوب ؟
سألي يلي بيحبوني مو انا
بس انا بعتبر حالي اني محبوب من قبل الناس يلي بيعرفو مين انا

ازا رجعتلك حبيبتك السابقة بتفكر ترجع ؟
اكيد اي بس يمكن صار مستحيل

ازا تخانقت أنت وغيث مين بيبادر للمصالحة أكتر ؟
يلي الحق عليه بيبادر بس اول ما بيبادر ما بيلحق بيكون التاني عم يبادر قبلو

انت مع غنية ابو وديع يلي بتقول
ان قالوا قلبي جريح أحسن ما يقولوا جارح
؟
مليون بالمية انا معها
وان شاء الله بعمري ما اجرح حدا

شكرا كتير على الاسئلة
نورتي عبورة

» البرينس على كرسي الاعتراف
» الكابتن على كرسي الاعتراف
» ملاكي على كرسي الاعتراف