استفتاء هام جدااااااااااااااااااااااااا

الحما والحماية بيصيروا اب وام ولا لأ؟ استفتاء هام جدااااااااااااااااااااااااا Affraid

انا لح جاوب اول حدا
انا برأي لا وهاد شبه مستحيل وانتو شو؟؟؟؟؟؟؟؟؟؟؟؟؟؟ظ

زائر

هههههههههههههههه
اوك أول شي أهلا و سهلا فيكي يا زمرد البحر بيناتنا
وأسمك المستعار كتير حلو و بيعكس شخصيتك الحلوة
ونور المنتدى بوجودك و وواضح إنو رح تكوني عضو فاعل بمواضيعك يلي رح تقدميلنا ياها و أفكارك الحلوة
برحب فيكي وأنا باكدلك ما رح تلاقي صعوبة بالإندماج مع عيلة هالمنتدى يلي بيجننننن
لانو كل الاعضاء هون حبابين و مميزين

منرجع للموضوع الأساسي زمرد
إنو الحما و الحماية ممكن يصيرو متل الأهل أو لا؟؟؟!
أي ليش لأ
مو شبه مستحيل
ونسبتو منيحة كتير
هو الموضوع بالنهاية بيرجع لطبيعة الحما و الحماية نفسهم
إذا هنن من الأصل حبابيين و لطيفين بظن ما لح نلاقي صعوبة بالتعامل معهم
وأنا شخصياً بس أتجوز بدي عامل حماتي متل ما بعامل ماما
وبدي عامل حمايي متل ما بعامل بابا
وبتصور هنن نفس الشي لأنو أنا رح كون مسؤول عن بنتهم و بالتالي لازم يعتبروني متل بنتهم يلي من لحمهم و دمهم

بالنسبة للبنات و خوفهم من الحمايات
والله خوفهم مبرر بصراحة .. لأنو الأم بتحب أبنها يضل إلها و ما بتحب حدا يسرقو منها حتى لو كانت مرتو
بس أخر شي بدها ترضى بالامر الواقع ورح تتقبلو
يعني هي سنة الحياة اخر شي لانو ما رح يضل الواحد بحضن أمو طول العمر
أنا شخصياً أمي كتير حبابة و متفهمة و عصيرة و بظن إنو رح تعامل نسوان ولادها إن كان انا أو أخي متل بناتها
وخصوصي إنو ما عندي أخوات بنات

أســـــــــــــــــــف كتير ع الإطالة
شكــــــــــراً كتير ع الموضوع النقاشي الرائع
وأهلا و سهلا فيكي
تقبلي مروري

أول شي أهلا وسهلا فيكي زمردة معنا بالمنتدى ..

شو غيث البنت سألت سؤال 4 كلمات ما شاء الله ..هههههه ( عم أمزح هه)

أي زمردة هلأ أنا برأي أنو ممكن يكونو أب وأم بس نسبتم كتير قليلة يعني أنا حسب ما بشوف أغلب المشاكل يلي بتصير دغري كلو بصف باتجاه طرفو ابنو او بنتو وكل هالحكي بينتسا وبيين ساعتها الحموات والكناين ..

مشكورة عالموضوع

طبعا كتييييييييير ممكن هنن اخدين سمعة سيئة بس محتمل اكيد وبالنهاية الشغلة بترجع للكناين والأصهرة
هاد رأيي وبالنسبة الي كنايني واصهرتي متل ولادي استفتاء هام جدااااااااااااااااااااااااا Icon_lol

اهلا وسهلا فيكي زمرد البحر

انا برايي انو ممكن كتير الحماية تساوي كنتها متل بنتها
طبعا اذا كانت الحماية واعيه وفهمانة
واكيد كمان مو كل اصابعنا متل بعضون
والدنيه بخير استفتاء هام جدااااااااااااااااااااااااا Icon_wink

تقبلي مروري
استفتاء هام جدااااااااااااااااااااااااا Icon_flower

زائر

مشكورة زمرد و اهلا و سهلا فيكي
انا بالنسبة الي بشوف كمان انو هي النسبة قليلة
بس بنفس الوقت بشوف انو نحنا اللي منقللها و نحنا اللي منكترها
يعني مو معقول بس يقول الواحد لحماتو او عمو كلمة حلوة يردولو ياها بكلمة مو منيحة
و نفس الشي البنت
مشكور عل طرح الرائع

اي ليش لا
مو غلط
بالعكس شغلة حلوة اذا صارو متل الاب والام
والالالالالالالالا
لحقي على مشاكل بينون
وهاد الشي بيخربط الزواج
وكتير حالات طلاق صايرة من ورا هالموضوع انو الكنة مو متفقة مع الحماية
مشكورة

زائر

القصة شبه مستحبلة بس ممكنة يعني الكنة والحماية لازم يكونو كتييييير حبابين والزوج برأيي ألو دور كبير
بس عجبني رايي أمونة لكن رح أحجز لباتي عندك
أحلى حماية ولله
مشكورة زمرد البحر الموضوع والأسم عجبوني استفتاء هام جدااااااااااااااااااااااااا Icon_wink

هلا انا برايي لازم يكون من العلية
واكبر مثال عنا بالعيلة
اصهرتي ما بنادو لماما غير امي
وبحبو كتيييير
وحتى اخواتي كمان هيك بعاملو امهات ازواجن
بقى وين الغلط

زائر

ههههههههههههه
ييييييييييي يا ريانا شايفك فتحتي موضوع تاني
زواج الأقارب موضوع تاني بحد ذاتو
بس إذا بدي أختصر كلامي بجملة وحدة
انا شخصياً مو مع هالنوع من الزواج إلا للضرورات القسوى في حال كان في حب بين الطرفين

شكــــــراً كتير زمرد مرة تانية ع الموضوع النقاشي الجميل

شو بيعرفني

شكرا زمردة عالفكرة الملطوشة استفتاء هام جدااااااااااااااااااااااااا Icon_wink

و انتي بتعرفي رأي بس رح عيدو منشان الشعب الكريم هون
هالشغلة نسبية و بتتوقف ع مدى التفهم و تقبل الآخر بهالعلاقة
بكتير احيان بيكون في غيرة عند أحد الطرفين
اما بتكون الكنة بتغار من الحماية لانو الزوج بيحبها و بيدللها اكتر
او الحماية بتغار من الكنة لانو بتعتقد انها اخدت ابنها منها
العقل الكبير و التفهم ممكن يخلو الحماية تكون بمثابة الام
ميرسي مرة تانية

هههههههههههههههههه
والله يا زمرد لا الحما ولا الحماية بياخدوا مكان الأب و الأم
كيف لكن ممكن أتقبل حدا يكون محل أبي و بالعكس
ولا أمي ما بتخيل ممكن أتصور حدا مكانها

مهما كانوا مناح و ظراف أنا برأيي ما بياخدوا محل حدا
مشكورة زمرد و ممكن نعرف شو إسمك الحقيقي
منورة و ربي يديمك

انا بشكر كل مروا وكل يلي عطوا رأين وعنجد انا كتير حبيتكون
انا ما بنكر انو الموضوع ملطوش بس مو غلط اني اطرحوه وتناقش فيه كمان نحنا والشباب الطيبة استفتاء هام جدااااااااااااااااااااااااا Icon_cheers

بس انا مصرة انو ما حدا بياخد مكان حدا استفتاء هام جدااااااااااااااااااااااااا Icon_jokercolor

وانا بوعدكن انو نزل اسئلة احلى استفتاء هام جدااااااااااااااااااااااااا Icon_cat

حلو السؤال
أو اللي مسميتي استفتاء
هلئ ماحدا بياخد مكان أبي أو امي شي صحيح
بس القصة ومافيها اني فتت وعشت جوات عيلة وبدي احترمها وقدرها
هيك تربياتي وأخلاقي بقولولي
وحتى غصب عني
يعني بتصير حماتي اللي هي ام زوجي بمقام امي أكيد مو مطرحها
بحترمها وبقدرها وبقدملها كل ماعندي لاققدر اسعدها لأنه من راحتها وسعادتها بتكون سعادتي مع ابنها
وأكيد عمي حماي نفس الشي
أصلاً لو لاهون هنن الاتنين
ماحصلي الشرف والتقيت فيه لحبيبي
اللي هو ابنون قبل ما تربطني فيه أي علاقة

الله ياماريا كلامك كتير حلو وانا معها بهالشي
مشكورين

معك حق بس انا مو قصدي انو ما احترمهن لا
بالعكس مادام انا محترمة فاكيد لح عاملهن باحترام
بس كمان مو مع اني نادي لحماتي ماما او حتى عاملها متل ماما
وبالنهاية المحترم يفرض احتراموا عالكل استفتاء هام جدااااااااااااااااااااااااا Icon_arrow

الجواب الأول:
الحما و الحماية بيصير أب و أم ما فيها شي ، إذا كان عمرهم بيسمحلهم و جابو ولد أو بنت ....

الجواب الثاني :
أنا بوافق فكرة الاحترام و بس ، وما بدها مياعة و ماما و بابا !!!!
كل شي لحال.

اكيد الجواب لا مهما كانت المشكلة

» استفتاء هام جدااااااااااااااااااااااا_الجزء الثالث
» استفتاء هام جدااااااااااااااااااااااااا _الجزء الثاني
» تريكة يلي إبراموفيتش في ختام استفتاء الفيفا لأبرز الغائبين عن المونديال